RS ——— —— ————————

me c’estoit raison. Qui plus est, pour monstrer qu'il estoit homme et chevalier pour rencontrer un autre de sa personue,de son humilité, il fit armes en lices closes, et sous pouvoir de juge, et par emprise levée, à l'encontre de messire Claude de Vaudré, seigneur de L’Aigle, un chevalier bourgongnon, son suget, mais homme fort et expérimenté à faire armes à pié et à cheval : et en icelles armes sc gouverna le roy chevaleureusement, el en partit à son honneur. Par ainsi j’ay récité, en brief, les grandes choses que le roy a faictes : dont les unes j’ay veues, et les autres sont venues à ma congnoissance. Ce noble roy, après avoir les guerres dessusdictes achevées, il ne demoura pas 0yseux.

Jl visita son empire, jusques à descendre en ce quartier d’embas, et puis remonter ès hautes Alemaignes : et travailla à pacifier les débats de l’empire : à sçavoir à appaiser toutes questions qui pouvoyent estre de vile à autre, de seigneurs à viles , et de princes à princes : tellement qu’à l’heure que j’escrivy cestes (qui fut le treiziesme jour de juing l’an 1501), l'empire ne fut onques si paisible qu’il estoit à présent, par la diligence et poursuite de cestuy noble roy. Mais il ne suffit point d'avoir monstré les grandes vaillances et courage de luy, et parlerons comment il se gouverua à l’encontre des Suisses, ses ennemis : et fut vray que , l’an 1499, les Suisses et les sugels du roy des Rommains commencèrent à noiser et villener les uns contre les autres; et tellement que chacun , de sa part, rompit les trèves qui esloyent entre le roy des Rommains et lesdicts Suisses : et mesmement lesdicts Suisses outragèrent et agravèrent par effect l’évesque de Cours (pour ce qu'il s’estoit tiré devers le roy des Rommains pour cuider bien faire, et pour appaiser l’outrage qu'ils avoyent fait à un abbé suget de la maison d'Austriche), et continuoyent lesdicts Suisses à faire la guerre au roy, tant en Austriche comme en Ferrate, à fou et à sang. Et quand le roy veit leur obstination , il assembla quinze ou seize mille combatans, et poursuyvit les Suisses (qui estovent retirés en leur pals), et entra par le costé de la comté de Tirolle, où il ya fort païs et grandes montaignes à passer, pour venir au pals desdicts Suisses. Et toutes-

fois entra le roy et son armée , à pié et à cheval, esdicts passages : et si le duc de Milan, nommé Ludovic, eust tenu ce qu'il avoit promis au roy, d'amener des vivres à l'entrée des

passages, pour fournir l’armée pour leur ar-

gent , il est apparent que le roy leur eust fait le plus grand reboulement qu’ils eurent oncques : mais le duc de Milan ne tint point ce qu'il avait promis, et ne trouvèrent les gensd'armes nuls vivres : et furent cinq ou six jours en moult grande disette de pain et de fourrage, de vin , et de tous autres vivres : et si le commun de l’armée eust eu le courage et la sobresse qu’avoit le roy de sa personne, les Suisses estoyent deffaicts en ce quartier; mais par faute de vivres (comme dict est), 1l falut que le roy retirast son armée : et depuis les Suisses assaillirent les gens du roy qui estoyent en Ferrate. Mais Dieu estoit pour les Ferratois , et furent les Suisses déconfils : et eurent grand honneur à celle journée Louys de Vaudré , Rodigues, baslard de Lalain, et ceux de la garde du roy, et autres Wallons qui se trouvérent à celle journée : et depuis fut faict un appointement entre le roy et lesdicts Suisses, et se sont retirés de leur costé.