CHAPITRE LXXXII
Comment nouvelles vinrent au duc de Bourgogne que les Gantois à grande puissance vinrent motre le siége devant Audenarde.
Les nouvelles vinrent au duc de Bourgogne, qui pour lors étoit en sa ville de Bruxelles, là où les ambassadeurs des Gantois étoient et besognoient pour le bien de la paix , lesquels moult saintement se gouvernoient et conduisoient, et ne sçavoient point la déloyale malice de leurs gens qui là les avoient envoyés et mis en tel danger que s'ils eussent eu affaire à prince furieux, il les eût fait occire et mettre à mort ; maistantôtle fit sçavoir à ceux ambassadeurs, lesquels furent moultémerveillés,et non sans cause; si ne sçurent que dire, fors tant seulement , qu’ils se mettoient du tout en la
bonne grâce du duc de Bourgogne, en disant que c’éloit le plus grand déplaisir qui jamais leur pût avenir, et que mauvaisement ils étoient trahis. Et lors fut le propos bien chaudement et soudainement changé. Mais le duc de Bourgogne sçayoit que les dits ambassadeurs n’étoient en rien consentants ni sçachants la grand’déloyautéd’iceux Gantois; car, comme dessus est touché , il y avoit en la dite ambassade de notables gens de la ville d’Audenarde , lesquels ne purent rentrer dedans pour le siége des dits Gantois, qui, ainsi comme dessus est dit, les avoient assiôgés les cuidants prendre durant le temps qu’ils demandoient la paix. Et pour la vérité dire, il y eut plusieurs des dits ambassadeurs qui point ne reiournèrent en la dite ville de Gand, pour la grand’fausseté et déloyauté qu'ils véoient être és dits Gantois. Alors le duc de Bourgogne, moult fort animé et courroucé sur les dits Gantois, fit son mandement exprès pour secourir sa ville d’Audenarde, et lui-même se partit de la ville de Bruxelles le quinzième jour du mois d’avril après Pâques, l’an mil quatre cent cinquante et un; ot vint au gîte à Notre-Dame de Haulx, el le lendemain à Ath en Hainaut, et là fut jusques au vingt et unième jour du dit mois, en attendant ses gens de guerre ; et d’icelle ville s’en alla à Grandmont, laquelle avoit été prise et mise au sacquemant, pour ce qu’ils avoient fait le serment aux Gantois, et avec ce avoient pris et élu être leur capitaine l’un d'iceux de Gand, etayoient été pris par messire Jean de Croy, grand baïlly de Hainaut et par messire Jacques de Lalain. En cette ville de Grandmont étoient avec le duc de Bourgogne et en sa compagnie, le comte de Charolois son fils, Adolphe fils et frère du duc de Clèves, monseigneur Jean duc de Coïmbre, cousin-germain du roi de Portugal, Cornille bâtard de Bourgogne, le seigneur de Croy, le seigneur de Bocquem, le seigneur de Créquy, le seigneur de Montagu , le seigneur d’Aussy, le seigneur d’Aumont, le seigneur de Humières, et plusieurs autres chevaliers et écuyers ordinairement de la cour du duc de Bourgogne. Et avec eux y étoient le comte de Saint-Pol et deux de ses frères, c’està-sçavoir le seigneur de Fiennes, et Jacques seigneur de Saint-Pol , et messire Jean de
Croy, lesquels avoient charge de gens-d'armes ; et avoient en leur compagnie bien deux mille combattants, sans les gens de la cour du duc de Bourgogne.
