CHAPITRE LXXX VIT

Des grands vantises que firent les Gantois quand ils furent rentrés dedans la ville de Gand, et de la course qui fut faite devant Ouremare, où messire Jacques de Lalain fit moult grands vaillances et belles apertises d'arines.

Or convient parler de la vantise que firent le lendemain les dits Gantois en la ville de Gand, car ils dirent à ceux de la ville qu'ils avoient tué au village de Locre environ de deux à trois cents des gens du duc de Bourgogne, de quoi n’étoit rien ; car la vérité est qu'il n'en mourut, fors ce que dessus est dit. Si ne demeura guères, après celte besogne faite et accomplie, que le duc de Bourgogne tint conseil en sa bonne ville de Tenremonde, où furent à ce jour le comte de Saint-Pol, le seigneur de Croy, le seigneur de Créquy, messire Jean de Croy, le seigneur de Montagu, le seigneur de Lannoy, le seigneur de Humières, le seigneur de Ternant, et le seigneur de Pissy. Et là fut avisé, après plusicurs choses pourparlées et débattues, qu’on iroil assaillir un fort boulevart que les Gantois tenoient, environ le mr-chemin de Tenremonde et de Gand, assez près d’un village nommé Ouremare. Si

CHRONIQUE DE J. DE LALAIN

fut conclu et ordonné que le seigneur de Croy jroit, et auroit la garde de l’étendard du duc de Bourgogne et la charge des gens de sa cour, et feroit l’avant-garde, et messire Jacques de Lalain auroit la charge des coureurs, accompagné de messire Antoine de Vaudré, et de messire Guillaume son frère, du seignour d’Aumont et de messire François l’Aragonnois ; et avoit celui messire Jacques environ vingt-cinq lances et quatre-vingts archers. Un gentilhomme de Bourgogne nommé Antoine de l'Aviron, avoit la charge des avaut-coureurs atout sept ou huit lances. Si étoit celui Antoine de l'Aviron devant messire Jacques de Lalain. Et après messire Jacques alloit messire Daviot de Poix, gouverneur et maître de l'artillerie du duc de Bourgogne, et menoit les manouvyriers et gens de pied, lesquels portoient coignées, serpes, scies et louches, pour couper barrières, remplir fossés et refaire chemins par tout là où il étoit de besoin. Après messire Daviot de Poix, alloient le seigneur de Lannoy et le seigneur de Bausegnies, lesquels menoient el conduisoient environ cent combattants pour soutenir et renforcer le dit messire Jacques, si affaire en avoit. Après le scigneur de Lannoy, alloit le seigneur de Créquy, et avec lui le seigneur de Contay et Morlet de Renty, lesquels conduisoient les archers de la garde du duc; et après le seigneur de Créquy étoit le seigneur de Croy atout l'étendard du duc de Bourgongne, et là étoient accompagnants icelui élendart, Adolphe monseigneur de Clèves, monseigneur le bâtard de Bourgogne, monseigneur de Montagu, le seigneur d’Arcy, le scigneur de Ternant, le seigneur de Bersé, le seigneur de Pernes, Philippe de Bergues et grand nombre d’autres chevaliers et écuyers. Après celui seigneur de Croy venoit le comte de Saint-Pol, le seigneur de Fiennes et Jacques de Saint-Pol, frère du dit comte de Saint-Pol, et autres grands seigncurs en grand nombre de chevaliers et d’écuyers. Et avoit le dit comte la charge de la bataille. Après le comte de Saint-Pol, alloit messire Jean de Croy, qui moult grandement éloit accompagné de chevaliers et écuyers et de gens de trait; ct avoit la charge de l’arrièregarde. Et est vérité que le mercredi qui fut le vingt-quatrième jour de mai, se partirent ds

PAR GEORGES CHASTELAIN

Tenremonde toutes les compagnies ci-dessus nommées pour aller assaillir le boulevard de Ouremare; et mêmement étoit ordonné de retourner du dit lieu de Ouremare par le village de Locre, dont ci-dessus est parlé.

Or advint ainsi, que quand le seigneur de Croy eut passé le pont de la ville de Tenremonde atout environ quatre ou cinq cents archers et six vingts hommes d'armes, le dit pont de Tenremonde rompit. Si ne sembloit pas que i se put refaire en moins de quatre à cinq heures. Pour laquelle cause le duc de Bourgogne dit au seigneur de Croy, que atout ce qu'il avoit de gens passés outre le dit pont, qu’il chevauchât outre , et qu’il allât assaillir le dit fort boulevard. De laquelle chose faire fut content le seigneur de Croy; si se mil à chemin. Mais la grand'diligence que fit le duc lui-même en sa personne, et par la grand'peine que ceux de la ville de Tenremonde y mirent, fut le dit pont de Tenremonde refait en moins d’une heure. Parquoi le comte de Saint-Pol, messire Jean de Croy et tous les autres qui y devoient aller, passèrent outre et furent bien deux mille comballants. Ainsi comme dessus est écrit, s'en allèrent en ordonnance les dits scigneurs ci-dessus nommés; et lant s’exploitèrent les avant-coureurs qu’ils virent el aperçurent les dessus dits Gantois partir de leur fort boulevard, lesquels venoient marchants à pennons déployés, et sembloit qu’ils marchassent pour combattre ; et les nombroilon de huit cents à mille combaltants. Iceux Ganlois venoient marchants tant seulement pour garder un grand fossé , lequel étoit environ un trait d’arc devant le boulevard. Lors, quand messire Jacques de Lalain et les nobles chevaliers et écuyers qui avec lui étoient les perçurent ainsi marcher , ils descendirent à pied et se mirent en très bonne ordonnance ; en après suivoient et venoient les autres avec messire Davyiot de Poix. Alors Toison-d'Or, roi d'armes de la Toison-d'Or, lequel étoit à celte heure devant avec messire Jacques de Lalain, voyant venir les Gantois ainsi marchants en ordonnance , et trompettes sonuants, montrants manière de combattre, vint à ceux qui avoient la conduite de l’ayantgarde, de la bataille et de l’arrière-garde, en disant de tous côtés : « S'il est nul écuyer ou

autre qui veuille être chevalier, je les méncrai bien en belle place, et droit devant les ennemis. » El ce dit-il au seigneur de Croy. De ces nouvelles fut celui seigneur de Croy moult joyeux, et aussi furent toute la plupart des grands seigneurs et nobles hommes qui là éloient, lesquels désiroient moult à être chevaliers. Et dit le seigneur de Croy : « Toisond'Or, allez devant si nous menez en la place que vous dites, là où vous avez vu les Gantois nos ennemis. » Lors tous les seigneurs ayant ouf nouvelles, par Toison-d'Or,de leurs ennemis, de grand'volonté commencèrent à chevaucher , et tout par ordre ; et ainsi que l’ordonnance le portoit, se mirent en loute diligence pour aller courre sus à leurs ennemis.

Mais ils ne pouvoient aller en bataille, pour les rues , qui étoient si très étroites qu’ils ne pouvoient aller que par compagnie. Et lors que le seigneur de Croy fut là venu, plusieurs grands seigneurs vinrent vers lui, lesquels lui demandèrent l’ordre de chevalerie. Et là furent faits chevaliers ceux qui s’ensuivent, tant par la main du seigneur de Croy comme par la main d’Adolphe de Clèves, depuis qu’ii eut reçu l’ordrede chevalerie par la main du vaillant chevalier messire Cornille bâtard de Bourgogne. Et premièrement furent faits chevaliers : messire Adolphe de Clèves, Cornille bâtard de Bourgogne , le comte de Bouquain, messire Philippe de Waurin, seigneur de Saint-Venant; messire Charles de Châlons, messire Philippe de Croy, messire Charles de Ternant, le seigneur de Pernes, messire Philippe de Bergues, le seigneur d’Arsy, messire Micquiel de Changy, messire Frédéric de Mengerut, messire Baudoin d'Ognies, gouverneur de Lille ; messire Claude de Rochebaron, messire Philibert de Jaucourt, messire Chrétien de Digoine, le seigneur de Humbercourt, messire Watier de Renolt, messire Collart Ballet, messire Louis de la Viéville , messire Yvain de Mol , messire Henry de Opem, messire Philippe Hinchart, messire Warnier de Lisunaux , Jean de la Trémouille, seigneur de Dours.

Après les chevaliers dessus nommés ainsi faits, le seigneur de Croy et eux tous descendirent à pied , et marchèrent contre leurs en-

| nemis, lesquels avoient un grand fossé devant