CONTENANT L'INTENCION DE L'AUCTEUR DU CHEVALLIER SANS REPROCHE
À poble et puissant seigneur, messire Florymont Robertet, chevalier, baron Dalvye, conseiller du roy nostre sire, trésorier de France et secrétaire des finances, Jean Bouchet de Poictiers rend très humble salut.
Le considérer, très mérité chevalier, que le fruiet de lire les histoires (par le tesmoignage de Flavius Albinus) est acquérir une désireuse émulacion d'honneur ctung vouloir de suivir et ressembler en meurs et gestes ceux desquels on oyt bien dire, et que la congnoissance des choses gérées exalte les humains courages à prudence, magnanimité, droicture, modestie et aultres vertus tendans à souveraine félicité et esloigner du contraire, Pour laquelle considéracion les anciens, regardans à l'utilité du commun bien, pour n’estre d’ingratitude repris, mais les bienfaisans rémunérer et donner ocçasion aux vivans de ainsi faire, lenoient en leurs temples et lieux publiques leurs statues, portraicts et ymages richement entaillés et enlevés. Et que nécessaire serait pour la reviviscence de discipline militaire, par nonchalence seray-morte, la florissant gendarmerie de Franse ressembler en vouloir, cueur, hardiesse, diligence et fidélité, feu de bonne mémoire monsour Loys de La Trimoille, chevalier de l'ordre,
conseiller et premier chambellan du roi nostre sire, comte de Guynes et Benon, vicomte de Thouars, prince de Thalemond , admiral de Guyenne et de Bretaigne, et gouverneur de Bourgongne (lequel, pour ses louables faicts, a le tiltre de chevalier sans reproche acquis) faysans craindre les dangereuses et vénéneuses morsures des enyieux et détracteurs (desquels tous escripyans ne furent onc exempls) en ung opusculle succintement recully ce qui est, à mon petit cognoistre, parvenu de ses meurs, faicts et gostes, depuis son enfantine jeunesse jusques à son trépas, tant par sa familière bouche, comme feit Caius Marius le vieil, que pour ma yeue et congnoissance.
Mon extimacion est, mon très honnouré seigneur, ce preux chevalier avair davantles gens droicts tant d'honneur, bienveillance, renom, louange et bon extime pour ses grâces acquis, que nuls (fors les insidiateurs de bonne renommée et ennemis de vertus) vouldront de flaterie et mendacieuse assercion mon pelit euvre calumpnier, comme aucuns ont mon Labirinth de fortune, et Temple de bonne renommée. Combien que si la promptitude des es-
prits en vouloit droictement juger , prendroit labeur à trouver la clère intelligence de mon inlencion, qui a eslé et est à l'exemple de la Pédie de Cyrus, des T'yrocinies de Alexandre le Grant, et du Songé de Scipion, en publiant les vertus de ceulx du passé, inslituer pour curieuses invencions des esprils fatiguës recréatives, ceulx du présent à droictement vivre, et suivir le chevalier sans reproche.
Et combien que la m‘moire de ce chevalier sans reproche,pour ses louables faicts, mérite bien estre présente aux yeulx du roi nostre souverain seigneur, qui est des bien faisans droicturier juge et équitable rémunérateur ; néantmoins, à la raison de ce que la rudité de mon stille trop esloigné d’éloquence de court ne vaull ne mérile estre veu par lui du quel toutes les grâces el vertus (qu’on sauroit en tous les autres princes crestiens désirer) sont accumulées et comprinses, el entre aultres : formosité corporelle, éloquence, faconde, hardiesse, prudence, richesse, noblesse, et droiclure, j’ay, contre le conseil d'aucuns messieurs et amyÿs, recullé lui cn faire présent; mais à vous son très loyal et bien mérité serviteur mc suis adroissé, à ce que, par le moien de vostre tesmoignage et de ceulx qui avec vous verront ce que j'ai escript, jugement véritable soit prononcé des faicts et gestes de ce tant regreté prince et
“chevalier, à vous descouvers pour la familiarité de vos personnes, duquel (comme doit sembler à tous les cler voyans) avez lousjours eslé vray imitatceur en fidélité, peine et labeur au service de trois roys, où avez en vostre eslat, comme lui au sien, acquis tiltre de loyal serviteur sans reproche.
En quelle extime de fidélité, prudence et diligence vous eut le roi Charles VIII, duquel je vous vy principal secrétaire, et vous fut le
* manyment de la pluspart de ses affaires baillé au voiage de la conquesle et recouvrement du royaulme de Cecile et pays de Naples, où vostre diligence, par la conduicte de vostre cler sens, donna très bon commencement 4 vostre immaculé renom, de sorte que fustes lousjours son très bien aimé serviteur, par le commandement duquel, en faveur d’aucunes légières fantasies rithmées que mon ignorante jeunesse peu de temps avant son décès luy présenla, fus à mon importunéc instance et prière
LE PANEGYRIC DE LOYS DE LA TRIMOILIE
à votre service destiné, ce que ne voulut, à mon grant regret et perte de fortune. Le trespas de ce roi ne diminua vostre auctorilé, car le roy Loys XII dernier décédé son successeur ayant, pour longue expérience de vos louables vertus, congnoissance certaine, après le décès de feu monsieur le légat d’Amboise vous donna le manyment et direction d’aucuns affaires, voyre des principaulx de ce royaume, qui furent manyés et conduits en si bon ordre et droicture que ce roy fut appellé « le père du peuple. » Je passeray soubs silence le service que vous ayez faict et faicles au roi qui à présent esl,et à madame la régente sa très heureuse et auguste mère, parce que je l’extime estre tel qu’on à malière se contanter de vous Et quant on considère le grand nombre des fidelles et loyaux serviteurs qu’ils ont eu et ont autour de leurs personnes, de robes courtes et longues, desquels estes ung, et commant tous ensemble les avez fidèlement, prudemment et diligemment servis, on ne sait auquel donner la première louange, mesmement ès grans affaires du royaulme, périls et dangiers où il a eslé par ung an et plus après la prinse du roy, dont, grâces à Dieu, l’infortune a esté en si grant tempérance el doulceur soustenue, et par si grant prudence et diligence conduicte, que le royaulme n'a esté molcsté, invadé ne assailly des privés ne des extranges, ce qu’on conjecturoit advenir comme après la prinse du roÿ Jehan, les calamités du quel temps sont toutes congnoues. Et jà-soit que la gloireendoiveestre seullement à Dieu donnée, et la louange principalle après à madame la régente, mère du roy, la prudence de laquelle y a esté et est autant el mieux congneue que de princesse et dame qui fut onc entre les Hébrieux, Grecs et Latins, el aussi à madame la duchesse sa fille, pour les causes que j’ai ailleurs escriptes et dont la renommée en doit à l’honneur du sexe féminin éternellement durer, néantmoins je ause bien dire que le bon vouloyr des princes deleur sang, la diligence, prudence et conduicte de leurs dicts serviteurs de robe courte et longue avec la fidélité des villes et des subjects y ont grandement aydé ; car vous tous ensemble congnoissans la vertu de l’homme se monstrer ès grans affaires, périls et dangiers, y avez cntièrement emploié et monstré vos esprits,
PAR JEAN BOUCHET
loyaulté, prudence, diligence, modéracion et magnanimilé ; de sorte que, sans perte de terres ne personnes, sans changer les états du royaulme, on a recouvert ce que plus on désiroil, et qui plus estoit et est nécessaire, utile et proffiable pour le royaulme: c’est la personne du du roy, ce qui ne fut onc en si bonne sorte fait, si les histoires sont véritables.
Or donc, jugeant que à toules ces choses faire avez peu congnoistre le loyer des bien mérités, plus asseuré de vostre bénignité, à prince de rhétoricque françoise, que d’aucune faveur, j’ay prins hardiesse vous diriger le brief recueil des faicts et gestes de celuy duquel, quant à fidellement servir la couronne de France, avez eslé imitateur et acquis tiltre de bon servileur sans reproche, à ce qui vous plaise défendre l’escripture de la détraction des envieux el que sousteniez la vérité devant les princes, si l’opuscule mérite estre par eulx veu et regardé, dont je ne suis digne, espérant que s’il est (non en la mienne faveur, mais du chevalier sans reproche) par vous soustenu, passera partout, vous priant très humblement, Ô père d’éloquence, y donner vostre auctorité, faveur et ayde, et pour ce faire, laisser quelque fois le labeur des publiques occupations, lesquelles, comme l’un des geniaulx directeurs des affaires de France, estes ordinairement occupé, et usant de vostre accoustumée bénignité (de laquelle avez tant acquis, que -plaincte de rigueur ne fut onc contre vous faicte, ce qui peut facillement advenir en ceulx de vostre estal), donner pour le repos de vostre esprit, iceluy accommodant aux familières et gracieuses muses, quelque temps à la veue de l’histoire et choses moralles y contenues.
ne |
La généalogie de la riche etillustre maison de La Trimoille.
Après avoir liré de mon désolé cueur innumérables souspirs pour l’infortune advenue en la très noble et illustre maison de La Trimoille à présent florissant en honneur, non seulement pour le décès de monsieur Charles, mais aussi de monsieur Loys son père, qui sont au lict d'honneur, couverts de fidélité, chevaleureusement passés de ceste misérable demeure au
temple de bonne renommée et lieu de immortel los sans reproche , vérité procédant de honneste amour et gratitude dès pieca née de plusieurs bienffaits et grans bénéfices que j'ai de ceste très nobla maison receus, plus remplissans mon honnesle plaisir que particulier proffit, m'ont contraint prandre une des servantes de l'œil du monde et une aultre de la radiante Lucine, pour rediger par escript, non en vers et mectres , mais en prose , les mémorables gestes du loyal père après ceux de l'obéissant fils. Combien que nécessité et aage me vouleussent de la main dextre ouster ma plume et m’empescher de plus escripre tragédies , histoires et choses moralles , où au gré d’aucuns j’ay trop dejours emploiés, plaignans plus que moy l’occupacion de telles euvres qu’ils n’extiment estre tant acceptées des prudens hommes que les négoces familières qui eslièvent par richesses ceulx qui nuyctet jour y vacquent el travaillent, commesi par inopiné conseil vouloient maintenir que richesse mondaine fait souveraine félicité, dont tousles raisonnables hommes congnoissent par vraye expérience le contraire. Or donc, sans avoir regard au parler d’aucuns , à la difficulté de mon entreprise , à la rudesse de mon esprit, ne à la différance et variabilité du vulgaire languaige du temps présent, j'ay quis l’entrée de mon petit labeur par la généalogie de ce preux Loys, nommé par ses glorieux faicts Chevalier sans reproche; la première tige duquel végéla premièrement au fertile et fameux pays de Bourgongne, les vers et florissans rameaulx qui ont produyt tant de nobles fruicts en toutes les parties des Gaules que nous appellons à présent France occidentalle.
Et pour l'entendre, les antiques et modernes historiens portent tesmoignaige que, durant le règne de Louis huyctiesme de ce nom, fils de Phelippes-Auguste dix-septiesme roy de France, florissoyt et avoyt bruyt en Bourgongne ung preux et hardy chevalier nommé messire Yinbault de La Trimoille, qui fut marié avec une des files de l'illustre maison de Castres; duquel mariage vindrent plusieurs enfans masles qui vesquirent avec leur père longuement , en sorte que le père et les enfans estoient, pour leurs nobles armes, crains et redoublés, car ils étoient riches, vaillans, hardis et pru-
dens en guerre. Et fut messire Ymbault au ser- ,
vice dudit roy Loys VIIT à guerroier les Anglois, et après son décès au service du roy sainct Loys, qui commença régner l’an mil deux cens vingt-sept ; et l’an 1247 les princes de France se assemblérent en la ville de Lyon avec le roy sainct Loys, où estoit le pape Innocent quart de ce nom, qui leur récita comment la cité de Jérusalem avoit esté prinse par les infidelles, et les crestiens chassés, et partie d’iceulx occis, ce qui esimeut à pitié le roy, les princes el plusieurs chevaliers de France ; en sorte que pour aller donner secours aux chrestiens , le roy sainct Loys, les arcevesques de Reims et Bourges, l’évesque de Béaurais, les troys frères du roy, le comte de Sainct-Paul ,
LE PANEGYRIC DE JO0YS DE LA TRIMOILLE
ceulx datlée de l'an 1222 l'appelle le fort des forts, chief des chevaliers, ayde et secours du Sainct-Siége apostolique. Ce que je n’escripts sans cause, car monsieur Loys de La Trimoille duquel je veulx parler , est aussi descendu de ces deux maisons de Thouarset de Craon, comme nous verrons Cy-après.
Du fils aisné dudit Ymbault de La Trimoille vint ung aultre de La Trimoille, qui fut père de messire Guy de La Trimoille, lequel messire Guy de La Trimoille espousa dame Marie de Sully, qui avoit esté fiancée avec monsieur
‘ Jehan comte de Monpensier, fils de-Jehan due
Jean comte de Richemont fils du duc Jehan de |
Bretaigne, le comie de la Marche , le comte
Monfort, Archambault seigneur de Bourbon,
Hue de Chastillon, le seigneur de Coucy, messire Ymbault de La Trimoille et troys de ses enfans, l’aisné desquels estoit marié et avoit ung fils, aussi se croisérent plusieurs aultres princes, barons, chevaliers, prélals et aultres gens.
L’an après allèrent tous oultre mer, prindrentla ville de Damyete, environnée du grant fleuve du Nyl, puis allèrent assiéger la ville de Malsoure, où ils eurent grosse perte ; car une partie des chrestiens furent occis, et plusieurs desditz prélats et gros seigneurs de France, et entre aultres Robert , comte d’Artois, frère dudict roy sainct Loys, messire Ymbault de La Trimoille et ses enfans , de l’aisné desquels enfans sont venus d'aulires enfans, desquels est descendu messire Guy de La Trimoille dont nous parlerons par après.
Ung peu d'avant ce, et durant le règne dudict roy Phelippes-Auguste, vivoit messire Aymery, vicomte de Thouars , qui estoit ung grant et redoutable prince en Aquitaine , et aussi monsieur Amory de Craon, chevalier qui fut fort aymé du pape Innocent troysiesme de ce nom, au moyen de ce que, à sa requeste, il estoit allé contre les infidèles en Asie avec Boniface, marquis de Montferrat, Bauldouyn comte de Flandres, Henry comte de Sainct-Paul, Loys duc de Savoye, et aultres princes de France, environ l’an 1200 : dont après ledicl pape Innocent donna quelques priviléges spéciaulx audict seigneur de Craon, et par la bulle d’i-
de Berry, qui estoit fils du roy Jehan et frère du roy Charles V, ay moyen de ce que durant lesdictes fiançailles ledict comte de Monpensier estoit décédé.
Ladicte Marie avoit quarante mille livres de rente et estoit la fille de messire Loys de Sully et d’une dame de la maison de Craon, et ledict messire Loys estoit venu d'’ung duc d'Athènes, à cause de sa mère, qui estoit fille dudict duc et seur de Gaultier, duc d'Athènes, qui espousa dame Jehanne de Mélo, dont vinst dame Jehanne d’Eu, comtesso et duchesse d'Athènes. Laquelle donna en l’an 1388 la seigneurie de Saincte-Herminie en Poictou audit Guy de La Trimoille et dame Marie de Sully sa femme. Ce Gaultier duc d'Athènes, comme récite maistre Jehan Bocace en la fin de son livre des Nobles malheureux, après la mort de son père, qui avoit perdu ladicte duché que £$es prédécesseurs avoyent acquise à la glorieuse conqueste que les Françoys firent contre les infidèles, lorsque Geoffroy de Boulion, Geoffroy de Lusignen dict la Grant Dent et aultres conquirent la terre saincte , se retira à Florence, dont il fut chief et gouverneur, puis s’en vinst en France, dant ses prédécesseurs estoient yssus, et fut receu honnorablement par le roi Jehan, qui le fist son connestable et le maria avec ladicte Jehanne de Mélo, fille de messire Raoul de Mélo, comte d’Eu et de Guynes. Depuis, ledict Gaultier fut occis en la journée devant Poictiers, où le roy Jehan fut prins par les Anglois en 1356.
Messire Guy de La Trémoille estoit ung des beaulx et vaillants chevaliers qu'on eust peu veoyr, et à ceste cause, en l’expédicion que le roy Charles VI fist contre les Anglois et Fl&s mans, le roy fist bailler l’auriflame audict mes-
sire Guy, qui la retourna à son honneur. la victoire par les Francoys obtenue. Certain longtemps après il fut en Hongrie en la compaignée de monsieur Jehan, comte de Nevers, fils de Phelippes, duc de Bourgongne , et aultres princes de France que ledict roy Charles VI envoya contre les infidèles pour secourir Sigismond, roy de Hongrie et Bohème. qui depuis fut empereur, où les Françoys furent deffaicts par la malice des Hongrès, lesquels, envieux des mémorables faicts des Françoys, les faisoyent marcher davant, leur donnant entendre que incontinant après marcheroit leur armée , ce qu’elle ne fist; par le moyen de quoy les ennemys obtindrent victoyre, et fut prins ledict Jehan comte de Nevers avec aultres seigneurs de France, ledict messire Guy de La Trimoille blécé en plusieurs lieux, et son fils aisné aussi, nommé Guy, qui estoit encores fort jeune, occis.
Ledict messire Guy , comme il vouloit retourner en France, mourut des playes qu’il avoit eues , et fut enterré en la ville de Rhodes : 1l laissa ladicte de Sully sa veufve et deux fils, Georges et Jehan , en la garde de leur dicte mère, l’aisné desquels n’avoit encores cinq ans ; el tost après, la dicte dame se maria en secondes nopces avec messire Charles, seigneur d’Allebret, lors connestable de France.
Ainsi appert que lesdicts Jehan et Georges de La Trimoille sont descendus de la maison de Athènes et de Sully d’une part, et de l’autre part de l’ancienne maison de Craon , ung puis-né de laquelle espousa dame Mahault, comtesse de Flandres et de Braban, enterrée au cueur du convent des frères prescheurs de Paris, et ung messire Jehan de Craon qui fut évesque d’Angiers, arcevesque de Reims, patriarche de Constantinople et grand gouverneur du roy Charles V, père dudict Charles VI, lequel messire Jehan de Craon estoit oncle de messire Pierre de Craon, chevalier qui fut tant aymé du roy Charles VI, et monsieur Loys duc d'Orléans son frère, que ledict duc voulloit qu’il fust toujours vestu de ses couleurs. Toutesfois fut esloygné de court pour une parolle qu’il dist à madame Valentine, espouse &dudict duc d'Orléans, parle moyen de messire Olivier de Clisson chevalier, lors connestable de France ; lequel de Clisson le dict de
PAR JEAN BOUCHET
Craon s’efforça occire on la ville de Paris avant que l’an fust passé, dont vindrent de grasses follies, comme il est contenu ès Annalles d’Aquitaine et Croniques de France.
Messire Jeban de La Trimoille, fils puis-né dudict messire Guy, fut comte de Jonvekes et premier chevalier de l’ordre de Jehan de Bourgongne, auparavant comte de Nevers, duquel a eslé parlé au précédent article. Aussi le fut du duc Phelippes son fils ; et espousa la seur de messire Loys d’'Amboyse, vicomte de Thouars et seigneur d’Amboyse, Montrichard et Blere, lesquels décédèrent sans hoirs, pourquoy luy succéda ledict messire Georges de La Trimoille, chevalier, son frère, quels que soient ses enfans.
Le dict messire Georges fut en son vivant ung des plus beaulx hommes que on eust sceu veoyr, et estoit hardy chevallier et droict homme. Il fist de grans services au roy Charles VIT, fils du dict Charles VI, au recouvrement de son royaulme contre les Angloys, et espousa madame Catherine de Lisle , dame de Lisle Bouchart, de Rochefort et de plusieurs aultres terres et seigneuries : duquel mariage descendirent deux enfans, Louys et Georges.
Ledict messire. Loys fut marié avec dame Marguerite d’Amboyse, fille dudict feu messire Louys d'Amboyse, vicomte de Thouars, et seigneur d’'Amboyse , Montrichard et Blere. Et au regard dudicl messire Georges, ce fut ung hardy chevallier qui fist de grans services au roy Louys unziesme , fils dudiet roy Charles VIT, à la conqueste de la duché de Bourgongne, duquel pays fut gouverneur. Il estoit seigneur de Craon, laquelle seigneurie luy estoit venue à cause de ceulx de Craon, dont j’ay parlé cy-dessus. Aussi fut seigneur de Lisle Bouchart et mourut sans hoyr procréés de sa chair.
