CHAPITRE II
La nativité de messire Loys de La Trimoille; de ses mœurs puérilles, et comment il x fut nourry.
Quelque temps après le mariage de monsieur Louys de La Trimoille et de madame Marguerite d'Amboyse son espouse , elle fut enceinte du premier de ses enfans masles, et lorsque le soleil, qui est le cueur du ciel et l'œil du monde, repousoit en son trosne et siège de Libra, qui fut le vingtiesme jour de
septembre de l’an 1460, ouquel an, toute la monarchie des Gaules -estoit heureuse de paix et habondoit en toutes bonnes fortunes par les dispositions fatalles qui, soubs les bannières du roy Charles septiesme de ce nom, surnommé le Bien-fortuné, avoyent chassé el mis hors de son royaulme de France les anciens ennemys de l’honneur françoys, usurpateurs de leurs seigneuries et envieux de leurs redoutables ceptres et couronnes, celte illustre dame Marguerite d’Amboyse enfanta d’ung beau fils, ce fut nostre chevallier sans reproche, duquel j’entends principalement escripre; et fut nommé Loys sur les fons de baplesme. Son naistre engendra toutes manières de joyes, lycsses et consolations en la maison de monsieur son père et de tout son très noble parentaige, parce que par son excellente beaulté, doulceur et bénignité enfantine, donnoit jà ung espoyr aux cler voyans qu'il seroit chevallier d'excellentes vertus, et que ce scroil la prèécicuse pierre Trimoilloise et Ambasienne, en laquelle reluyroit le cler et immaculé nom de ces deux anciennes maisons.
D'une aultre part, les astronomes expérimentés disoyent que, veu le jour de sa nativité, ilseroit appellé, par la disposition des corps célestes, au service des roys en leurs affaires civils ct publiques, où il acquerroit honneur de inextimable louange et prenderoit alliance par mariage avec le sang royal. =
Toutes ces choses donnèrent oultre l'instinct de nalure une merveilleuse affection de le faire songneusement alaicter et nourrir jusques à ce qu’il eust passé son enfance ; combien que durant ces temps madame Marguerite d'Amboyse , sa mère, eult de monsieur de La Trimoille son espoux troys aultres fils, savoir : Georges, Jacques et Jehan, tous approchant en beaullé ct honnesteté de leur frère aisné Loys.
Et dès ce qu’il sentit ung commancement de force et astuce puérille, qui suyt sans moyen l’imbécillité d'enfance, nature luy administra agillité et force correspondante à sa beaullé, avec ung arresté vouloir de faire toutes choses appartenantes à gens qui veullent su vir les armes et les cours des princes 1illustres, comme courir, saulter, luycter, gecter la pierre, tyrer de l'arc, et controuver
LE PANEGYRIC DE LOYS DE LA TRIMOILLE
quelques nouveaulx jeux et passe-temps consonans à l’estude militaire. Luy, ses frères et aultres nobles enfans de leurs aages que leur père avoit prins en sa maison et les entretenoit pour leur tenir compaignie, faisoyent asscmblées et bandes en formes de bataille, et par les champs assailloyent petits tigurions, comme s'ils eussent baïllé assault à une ville, prenoyent bastons en forme de lances, el faisoyent tous aultres passe-temps approchans des armes, monstrans que plus y avoyent leurs cucurs que aux grans lettres, fors le plus jeune, nommé Jehan, qui dès son jeunc aage se desdia à l’église, dont bien luy prinst, comme nous verrons cy-après.
Tous les semy-dieux et les semy-décsses du pays de Berry voisins du chasteau de Bommiers, où estoit la demourance de ces très nobles enfans , laissoyent leurs maisons et chasleaulx pour venir veoyr leurs passe-temps lant honnestes , et entre aultres Loys l’aisné, lequel ils monstroyent l’ung à l’aultre par admiration, car il estoit beau comme ung semydieu; son corps estoit de moyenne slature, ne trop grant ne trop petit, bien organisé de tous ses membres, la teste levée, le front haull et cler, les yeux vers, le nez moyen et uns peu aquillée, petite bouche, menton fourchu, son tainct cleret brun plus tirant sur vermeille blancheur que sur le noir, et les cheveux crespellés reluysans comme fin or. Aussi avoit de si bonnes grâces qu’il emportoit le prix dessus ses frères et compaignons , tant pour mieulx faire que par ruses, cautelles et cler engin, dont il ne prenoit aucune gloire; mais, en se humiliant, donnoit tousjours l'honneur ( qu’il avoit jà acquis par l'oppinion et jugement de ceulx qui les regardoient) à ses compaignons : laquelle humilité empeschoit que envie ne s’engendrast de ses louables jeunesses en l'estomac de ceulx lesquels il précédoit en bonne extime.
Ce Loys avoit une industrie contre la majesté de nature et l’imprudence de l’aage puérille, par laquelle chascun non seullement se contentoit de luy, mais l’auctorisoit en tous les faits de jeunesse, en sorte que ceulx de son aage en faisoyent leur chief et seigneur, et n’avoient bien ne joye hors sa compaignée. Chascun estimoit ses père et mère eureux detelle gé-
n479 PAR JEAN
nération; et ne apportèrent moins d'espoir au pays de France les meurs de sa prudente jeunesse, que celle de plusieurs jeunes Rorhmains, lant en petites ruses , que noblesse de cueur, et entre aultres de Pretextatus, qui, pour contenter sa mère, l’infestant déclairer le secret du sénat qu'il avoit oùy en la compaignée de son père , auquel le celler avoit esté enjoint, luy donna, contre vérité, entendre que le sénat avoit ordonné que les hommes auroyent doresnavant plusieurs femmes, pour multiplier et augmenter la génération romaine ; dont il fut tant bien leuhé du sénat, que le lendemain le sénal assailly par les femmes rommaines pour rompre ceste supposée loy, extimèrent trèsfort l'obédience du fils, lant envers sa mère que Île sénat. Autant en feit ce noble Loys envers madame sa mère, qui vouloit tirer de luy ce qu'il avoit sceu de monsieur son père en secret, et dont il avoit défense.
En ce temps y avoit de grans discors civils entre le roy Loys unziesme de ce nom et les princes de son sang , qui tendoient à le priver de ceptre et couronne; et quant ce jeune Loys en oyoit parler, disoit, à l'exemple de Marc Caton Uticense contre Syla aux temps des proscriptions rommaines : « Si j'estois avec le roy je me essaieroys de le secourir ; » el que autresfois bailla un soufflet à ung de ses compaignons qui soustenoit la querelle des princes mutinés contre le roy, ainsi que feit Cayus Cassius à Fauste, fils de Syla, qui collaudoit les cruelles proscriplions de son père; lesquelles choses estoient présage qu'il seroit de la couronnc loyal défenseur, et des injures royalles propulseur.
Pour avoir passe-temps avoit oyseaulx de proye et chiens pour chasser à besles rousses et noyres, où souvent prenoit labeur intempéré, el jusques à passer les jours sans boyre et manger depuis le plus matin jusques à la nuyt, combien qu'il n’eust lors que l’aage de douze ans ou environ.
CITAPITRE TII.
Le roy Loys XI veult avoir le jeunescigneur de La Trimoille pour le servir. Comment ce june seigneur pria et pressa son père de l'envoyer au service du roy, ct avec un jeune pcige prinst chemin pour y aiivr.
Le roy de France Loys XE, qui estoit prudent et prenoit gens à son service selon son
imaginacion, fut adverty des meurs de Loys de La Trimoille et de sa prudente jeunesse, qui donnoyent une actente de bon cappitaine pour l’advenir ; et considérant que la première origine de ceulx de La Trimoille estoit de Bourgongne, el que Charles, lors duc de Bourgongne, estoit ennemy de France et pourroit retirer ce jeune Loys de La Trimoille, manda à monsieur son père par quelque gentilhomme de sa maison, qu'il voulloit avoir son fils aisné pour le servir et qu'il luy envoyast. Le pere fut fort troublé de telle nouvelle, et congnoissant la complexion du roy, ne sçavoit quelle responce faire, pour deux raisons : l’une, qu’il ne vouloil que sou fils se esloignast de luy, parce que c'estoil loute sa consolacion ; l’autre, que le roy, quelques temps auparavant, avoit mis en sa main la vicomté de Thouars, el aussi aultres scigneuries qui appartenoyent à messire Loys d'Amboyse, père de son espouse, dont il avoit donné partie à la dame de Montsoreau et à messire Jaques de Beaumont, chevallier, seigneur de Bressuire, pour quelque imaginacion qu’eut contre le dict d’Amboyse, à Ja rsison de ce qu’on luy raporta qu'il avoit parlé seulement au duc de Bretaigne. Et pour ces causes il fit responce au messagier que son fils estoit encores bien jeune pour porter les labeurs de la court, et que dedans ung an pour le plus loin, luy envoyeroit; en le merciant de l'honneur qu'il luy faisoit ; dont le fils fut adverty, lequel y vouloit bien aller.
Ung jour advinst bien tost après, que lui, Georges et Jacquet, ses frères, en la compai gnée des veneurs de leur père et d’aulcuns gentilshommes , à l’heure que Aurore avoit tendu ses blanches courtines pour recepvoir le cler jour, partirent du chasteau de Bommiers pour aller chasser aux bestes rousses.
Si trouvèrent ung grant cerf qu’ils entreprindrent prandre à course de chiens et chevaux ; se mirent après par boys et fourests, et se séparérent pour mieux le trouver. Le désir de prandre le cerf leur fist perdre le souvenir de boyre et manger et l'appétit de toutes viandes, en sorte que le soulcil approchant de l'occident doubloit et croissoit leurs umbres. Et tost après l’ombre de la nuyt commença à chasser la reluysance du jour, en sorte qu'ils se perdirent l'ung l’autre à la course; et de-
moura Loys seul en une grande fourest courant après le cerf, qu’il perdit pour l’ébscürilé de \a nuyt. Ses deui frères prindrent le vray chemin avec les veneurs , lesquels, conjecturans que Loys se fust retiré des premiers au chasleau, sc relirèrent et y arrivèrent environ dix heures de nuyt, tous affamés et marris d’avoir perdu leur proye, mais plus furent courroussés de ce qu'ils ne trouvèrent Loys, voyans au nombre des gens de leur compaignée que seul estoit demouré par les boys, en dangier de Sa personne. Parquoy les veneurs et aulres serviteurs du chasteau s’en allérent, en diverses pars, pour le trouver, ce qu'ils ne feirent jusques à la poincie du jour. Comme on le serchoit, environ la mynuil, que Somnus avec ses pesantes helles descénd on cerveau de l'homme et embrasse toutes les créatures en leur repos, leur deffendant le parler, le jeune Loys, sans compaignée , fors des oyseaux noclurnes qui bruyoient par la forest, l'issue de laquelle ne povoit trouver, descendit de dessus son cheval, qu’il attacha à ung arbrisseati près un fort buisson , où il trouva une grosse souche, de laquelle, après s’estre estendu sur la froide et humide terre, toutesfoys couverte de fucilles, fist ung chevet où il s’endormit.
Le jeune seigneur, s'estant réveillè, monta sur son cheval et fist tant que environ le poinct du jour arriva seul au chasteau de Bommiers.
Les père el mère, qui encores repousoyent en leurs lits, sceurent la venue de leur fils, cl non monstrans aucun semblant de son labeur, dont ils furent joyeulx, commandérent le traicter comme appartenoit, ce qu’on fist à diligence. Après avoir beu et mangë avant le lever de son père, prinst ung jeune gentilhomme , nommé Odet de Chaserac, que fort il aymoit, el lui dist : « Chaserac, mon amy, tu es le se- » cret de mon cœur et la teneur des lettres » clouses de ma secrète pensée, parquoi je te * veulx dire un project que j'ay fait celle nuyt, » Le priant de ne le révéler. » Lors lui déclaira au long ce qu'il avoit délibéré par opinion arrestée, de demander congé à son père pour aller au service du roy, et en son reffus s'en aller, interrogeant Odet de Chaserac s'il vouldroit aller avec luy, ce qu’il luy accorda.
LE PANEGYRIC DE LOYS DE LA TRIMOILLE
