CHAPITRE IV
Persuasion du jeune seigneur de La Trimoille à son père.
Troys où quatre jours après, sceu par le
fils son père estré seul en sa chambre de retraicle, alla vers luy armé de hardiesse, pour luy déclairer l'affection de son entreprinse ; mais quant il fut en sa présence, craincle pa-
ternelle et honte révérencialle 1e désarmèrent de hardiesse, et le laissérent en la nudité de
puérille vergongne et au fleuve de dubitacion,
comme la navire sur la mer agilée de tous vents, en sorte qu'il ne povoyl trouver le moyen de descouvrir son vacillant couraige.
L’exorde de ses prières et requestes par honte lui languissoyent en la bouche, qui ne vouloit obéyr au commandement du cœur. Toutesfoys, à l’exhortation du père, qui le hardya de parler, commença rompre sa honte el à descouvrir son couraige , en disant : « J’ai tousjours con- » gnu, monsieur, le plus grant de vos désirs » estre que mes frères et moy qui sommes vos » enfans, dont je indigne suis f’aisné, nous » appliquèns à choses vertueuses et soions » nourris en bonnes meurs, et que par maulk » vais exemples n’ayons l’occasion de prester » l'oreille aux voluptés et choses pernicieuses, » à ce que en nous soit conservé l'honneur » que vous et vos progéniteurs portans le nom » de La ‘Trimoille avez par vos louables » faicts acquis: à quoi est trop contraire la » vie privée qué nous menons avec vous En » oysivelé, de tous vices nourisse, qui nous » suyt et délicatement nourris nos tendres » jeunesses , facilles à corrumpre, en les dé- » cepvant par les doulceurs de long repos, » viandes délicates et passe-temps plus volup- » tueux que excitalifs à vertus ; desquelles » choses m'est venue une peine nouvelle en » esprit, qui me donne hardiesse de me pré- » senter à vostre paternelle majesté, et très » humblement vous prier que vostre plaisir » soyl me envoyer en là court du roy, où esl » l’escolle de toute honnesteté et où se tiennent » les gens de bien, soubs lesquels on apprend » à civillement vivre, et la forme d'acquérir » non seulement les mondaines richesses, mais » les incorruptibles trésors de honneur. N'aies » peur de l'imbécillité de mon frail et petit » engin, et moins de mes jeunes ans; caf
(1473) » l'insupérable couraige quo j’aÿ de servir en » l’advenir la triumphante couronne de France * me fera surmonter tous labeurs et oublier »* les mignardises de pusillanimité et les pri- » Yées ayses de vostre opullente maison. »
Le père ouyt constamment la prière de son cher fils , et à peine se peul contenir de manifester sa pensée agitée de pitié, meslée en douleur par larmes apparentes, qui jà commençoient sortir de ses yculx. Parquoy voulant demeurer seul, pour mieulx donner repos à son cœur par la consolation de madame son espouse, dist à son fils : « Allez, mon amy, je » penseray à ce que vous m'avez dist, et en » parterons ‘plus au long une autre fois. » Le fils se relira en sa chambre acompaigné d’une trop petite espérance, disant à luy mesme que, voulsist ou non son père, feroit ce qu'il avoit entrepris. Le père demoura seul jusques à ce que madame son espouse fust à son mandement venue, à laquelle il déclaira la harangue ou oraison de leur cher fils Loys, non sans jecter larmes et se désoler ; mais encores plus la mère quand elle eut le tout ouÿ, en sorle que son espoux ne la povoit consoler ne paciffier son cucur tout inundé de pleurs. Les causes de leurs douleurs estoient trop grant amour sensuelle qu’ils avoient à Loys leurfils, non seulement pour sa formosilé, mais pour les bonnes grâces qui jà csluient en luy; ct cussent bien voulu que tousjours eust demouré avec eulx; daventaige doubtoient que s’il alloit au service du roy fust mal traicté de sa personne, et que sa tendre jeunesse ne peust supporter ce faix. Oultre, congnoissoient la sévérité du roy, et qui pour peu de chose prenoit mauvaise fantaisie contre les princes et seigneurs, vieils el jeunes, et en pourroit prandre contre leur fils, tant parce qu'il avoit eu en hayne son ayeul paternel, les seigneuries duquel il avoit sans cause el raison saisies et mises en sa main, et aussi qu’ils estoient extraicts de Bourgongne , lequel pays n’estoit aymé du roy, pour les grans guerres et molestes que luy faisoit Charles duc de Bourgongne. La mère parla depuis au fils pour le desmouvoir, lui donnant entendre toutes ces choses , et qu’il actendist encores ung peu jusques à ce que les guerres fussent modérées :
mais le fils ne voulut croire ne père ne mère,
et après avoir faict presser son père d’avoir congié, voyant qu'il ne luy vouloit bailler, luy mesme le prinst, et en là compaignée de Odet de (haserac, jeune enfant ung peu plus aagé que luy, prinst son chemin pour aller en court se présenter au service du roy; mais il ne fut long, car incontinant son père , adverty de l'entreprinse, envoya deux gentilshommes après eulx, et les ramenèrent à Bommiers fort tristes.
