CHAPITRE XII

Comment le seigneur de La Trimoille fut appellé au service du roy Charles VIII, et comment on traicta le marier avec madame Gabrielle de Bourbon, de la maison de Monpensier, el alla la veoir en habit dissimullé,

Charles, huiliesme de ce nom, fils unique du feu roy Loys XI, fut couronné roy de France en l’aage de quatorze ans ; la jeunesse duquel donna occasion à ambicion de diviser d'avec luy les princes de son sang, lesquels honnelloyent et aspiroyent, pour les honneurs ou avarice, avoir la régence et gouvernement de luy et de son royaulhne, et entre aultres monsieur Loys, duc d'Orléans, qui lors estoit de l’aage de vingt ct troys ans, et aussi le duc de Bourbon; lesquels ne se déclairèrent si tost. Toutesfois madame Anne de France, seur du roy et espouse du seigneur de Beaujcu, de la maison de Bourbon, laquelle avoit le gouvernement de la personne du roy, se doublant de

| ces entreprises, y pourveut ; et dès l’année du

trépas du dit roy Loys, voulant gaigner princes et seigneurs, à ce qu'ils ne se délournassent de leur fidélité, et voyant ie jeune seigneur de La Trimoille prospérer en biens et en toutes verlus appartenans à un chief de guerre et conducteur d’une chose publique, et qu’il avoit merveilleux vouloyr de servir le roy et le royaulme, lc fist mettre aux estats du roy, etluy parla de le marier avec madamoyselle Gabrielle de Bourbon, fille du comte de Monpensicr.

Le mariage estoit moult beau et honneste, car ladicte Gabrielle estoit descendue du roy sainct Loys. Et pour l'entendre, est à présupposer que le roy sainct Loys eut plusieurs enfans, et entre autres Phélippes, le tiers de ce nom, qui fut roy après luy, et monsieur Robert, qui fut comte de Clermont. Ledict Robert eut un fils nommé Loys, aussi comte de Clermont et premier duc de Bourbon; dont vinst Pierre, second duc de Bourbon; lequel eut ung fils nommé Loys, qui fut tiers duc de Bourbon; dont vinst Jehan, quatriesme fils, qui eut deux fils, Charles, cinquiesme duc de Bourbon, et Loys, premier comte de Monpensier, père de ladicte madame Gabrielle de Bourbon et de monsieur Gilbert de Monpensier, qui fut licutenant-général du roy Charles VIII, et vy-roy de Naples, où 1l décéda ; à luy survivans deux

fils, entre aultres ses enfans, Charles et ung aultre qui fut occis en la journée Sainte-Brigide, comme nous verrons cy après ; et le dict Charles fut connestable de France, et marié avec madame Suzanne, fille du dict seigneur de Beaujeu et de madame Anne de France.

Le dict seigneur de La Trimoille, en continuant la fortune de ses prédécesseurs, lesquels toujours se allièrent ès maisons des princes, désira fort ce mariage. Et combien que peu en parlast, toutes fois n’en pensoit moins, car maintes nuyts estoyent par luy passées sans dorinir, aux pensées de ceste jeune dame, de laquelle luy fut apportée la pourtraicture après le vif, que j'ay par plusieurs fois veue. Et en fut très fort amoureux; mais la longue distance du pays d'Auvergne, où elle estoit, ne permettoit qu'il en eust la veue au naturel, dont il avoil peine par passion de désir. Or n’eust il ousé y aller de peur de mal contenter madame de Beaujeu, et voluntiers se fust faict invisible pour furlivement la veoyr. Souvent luy estoil parlé du dict mariage de par madame de Beaujeu, et elle-même luy en parla. Toujours respondit qu’il feroit ce qu’il plairoit au roy et à elle, et qu’il n’auroit jamais femme espousée que par leurs mains. Il estoit fort . coürroussé qu’on ne luy disoit ; « Allez la veoir » jusques à Monpensier, » mais il n’ousoit en faire la requeste ; et un jour dist à madame de Beaujeu, que pour néant on parloit de ce mariage, et qu'il falloit savoir la voulonté d’icelle, sans laquelle on ne pourroit rien faire.

Fut advisé que ung des gentils hommes de la maison du roy, fort grant amy du seigneur de La Trimoille, auroit ceste commission, et iroit, dont le dict seigneur fut très joyeux ; car il entreprinst avec ce gentil homme qu’il iroit avec luy en habit dissimulé, à ce qu'il ne fust congneu. Et pour le faire secrètement, demanda et eut congié pour aller à sa maison, à ce qu’il retourneroit dedans quinze jours. Le gentil homme partit ung jour avantluy, asseuré du lieu auquel avoit promis de l’actendre, où se trouvèrent deux jours après. De là s’en allèrent où estoit la jeune dame, et logèrent ensemble; mais le dict seigneur laissa son train à six lieues de là, à ce qu'il ne fust congneu, et prinses les lectres de créance de madame de

LE PANEGYRIC DE LOYS DE LA TRIMOILLE

Beaujeu, en feit le présent en habit dissimulé à la dicte jeune dame que tant désiroit voir. L'ung et l’aultre se saluérent gracieusement, et la lectre leue, la jeune dame, en grant doulceur et toute honteuse, luy dist : « Monsieur, » la lectre que j’ay receue de par madame ma » tante, porte que je vous crove de ce que » vous me direz de par elle. »

a — C’est, dict le jeune seigneur de La Tri- » moille, qui jouoit le personnage du gentil- » homme qui l’actendoit au logis, que je suis » chargé savoir vosire volunté du mariage du- » quel madame vostre tante vous a puis n’a- » guères faict parler, de vous avec le jeune » seigneur de La Trimoille, parce qu'on le » presse de le marier ailleurs. » — « Je ne le » vy Onc, dist la jeune dame, mais sa bonne » renommée me faict extimer que je serois » eureyse si me vouloit prendre, car on dict que » de toutes les vertus qu’on sauroit souhaiter » en hommes, ilen a si bonne part qu’il est » amé ct en bonne extime de chascun. » — « Je vous asseure, madame, que s’il est en » vositre grâce, vous estes autant ou mieulx » en la sienne; et que depuis le temps qu'on » luy a parlé de vous, ne s’est trouvé en lieu » de familiarité qu’il n’ayt mis en avant quel- » ques parolles de vos bonnes grâces; et la » chose qu’il désire plus pour le présent, » comme il m'a dict, est que vous soyez ma- » riés ensemble. Et eust bien voulu avoir la » commission de vous venir veoyr; non qu’il » doubte du bon rapport qu’on luy a faict de » Vous, mais pour contenter l'affection de son » amoureux désir. » — « Il me suffit, dist La » jeune dame, de le veoyr pour le présent en » bon rapport des hommes et femmes ; je prie » Dicu qu’en honneur je le puisse veoyr par » loyal mariage. » |

Ils eurent plusieurs autres propos par le temps de deux ou troys heures qu'ils furent ensemble, et cependant on apresta le disner; mais le dict seigneur s’excusa sur ung senti homme estant à son logis qui l'actendoit pour aller ensemble en aultre part et à dilisence, priant la jeune dame faire responce à la lettre de madame sa tante, ce qu’elle promit faire et luy envoyer à son logis, luy recommiandant l'affaire, Et à lant prindrent congié lung de l’autre ; et retourna à son logis le dict sei-

gneur, où trouva le disner prest, et le gentilhomme qui l'actendoit ; mais il se contenta de peu de viande et d’une fois de vin, pour à diligence laisser une petite lectre à la jeune dame qui avoit saisy sa pensée.