CHAPITRE XIII
La responce que fist madame Gabrielle de Bourbon à l’honnesie épistre ou lettre du jeune seigneur de La Trimoille, et comment ils furent espousés à Escoiles.
Plus longue lectre eust escript le jeune seigneur de La Trimoille à la jeune dame, car la véhémence d’honneste amour luy présentoit assez malière, mais il doubtoit qu'elle n’eust aussi bonne volunté de les Irre comme il avoit de luy faire tenir, et ne sçavoit si elle prendroil plaisir en longues lectres. Si baïlla son épistre à ung jeune paige d'esprit qu’il avoit avec luy, et instruict de ce qu’il devoit faire. Après le desloger de la compaignée, se transporta vers la jeune dame et lui dist : « Madame, monsieur » mon maistre et sa compaignée sont partis de » leur logis, et suis demouré pour avoir vostre » lectre à madame de Beaujeu. » — « Mon amy, » dist la dame, elle est toute preste. » Et la luy bailla en luy disant: « Qui est vostre maistre? il * porte faconde mieulx de prince que d'un sim- »* ple gentilhomme. » — « Madame, dist-il, il » y'a baillé une lectre pour vous présenter; je » nésçay si par icelle il n’a point mis son nom; el » suis chargé deluy en porter responce, si vous » plaist la faire. » La lectre baisée par le page fut par luy mise entre les mains de la dame, qui en fist ouverture ; mais après en avoir leutro:s ou quatre lignes commença à rougir, pallir, el trembler comme une personne passionnée et hors de soy. Et la lettre ployée, dict au page : « Mon amy, avez-vous charge de tost aller » après vostre maistre? » — « Quant 1} vous + plaira, madame. » — « Or me attendez donc, » dist-elle, pour le jourd’huy et vous expédie sur » le soir. Pourrez vous en aller à son giste. »
La jeune dame fort douteuse de ce qu'elle devoit faire, demanda le repos de son cabinet pour respondre aux argumens de ses pensées.
Honte virginalle luy consei!loit retenir la lectre sans responce, disant que de son mariage ne devoit monstrer aulcune affection, mais en laisser faire à ses parens ; de l’autre part, Humilité la persuadoit prandre la plume pour satis-
faire à la requeste de la lectre d’ung si grosscigneur, laquelle n’estoit, en aucune chose, suspecte de déshonneur ne scandalle, et qu’elle pourroit estre reprinse de présumplion el are rogance si elle ne luy escripvoit; par quoy y employa son cler esprit avec sa doulce main escripvant une briefve épistre.
Après le soupper la jeune dame expédia le page du jeune seigneur de La Trimoille, lequel, nonobstant qu’il fust assez tard, partit pour aller vers son seigneur, auquel tardoit fort son venir pour ayoir responce de sa lettre; et icelle receue, au lendemain à son lever en fist secrète lecture, et baiïlla l’autre lectre, adraissant à madame de Beaujeu, au gentilhomme qui rien ne sçayoit que le jeune seigneur eust escript à la jeune dame, ne qu’elle lui eust faict responce. Si chevauchéèrent ensemble jusques à Bommiers, où le dict seigneur demoura pour ung jour ou deux; et Ie gentilhomme s’en retourna à la diliyence vers madame de Beaujeu, à laquelle il bailla la lettre de madame sa nicpce, et lui dict qu'elle ne vouloit aultre chose faire fors ce qui luy plairoit ordonner el commander; dont elle fut joyeuse. EL deux ou troys jours après, le jeune seigneur de La Frimoille retourné de Bommiers à la court, fut pressé d'entendre au mariage par le roy et les seigneur et dame de Beaujeu; lequel fut bien lost accordé, car son affection et désir n'en vouloient le délay, ne le dissimuler. Et aflin que de trop long langaige je ne ennuye les lecteurs, des allées et venues depuis à diligence faictes pourescripre, accorder et passer le contract de ce mariage, les noces de ces deux illustres personnes furent faictes au lieu d'Escolles en Auvergne, non sans joye et grosse magnificence; et d'ilec s’en vindrent à Bommiers et aullres places dudict seigneur, où furent faicts plusieurs festins.
La compaignée rompue, à ce que chascun allast à ses affaires, le seigncur demoura avec madame son épouse quelque temps, et l’engrossa d’un fils qu’elle eut au bout de l'an, lequel fut tenusur les fons par procureur que y envoya le roi Charles VII, et à ceste raison porta son nom. Cependant d’une aultre part le dict seigneur poursuyvoit la délivrance réelle de sa vicomté de Thouars et aultres terres qui luy appartenoyent à cause de sa feue mére, et dont il avoit eu délivrance littéralle par les
lectres patentes du roy Louis XI, qui furent enterinées du consentementduroy CharlesVIIT par deux ou troys arrests de la court de Parlementde Paris ; et toutes les dictes terres, non sans grans mises et labeurs, à luy délivrées : puis bailla à ses frères leur appanage et demoura comte de Benon, vicomte de Thouars, prince de Thalemont, seigneur de Mareuil et Saincte-Hermyne, baron de Cran, qui luy vinct à cause de son feu oncle, gouverneur de Bourgongne, avec grosse richesse de meubles. Aussi eut les seigneuries de Sully, l'Isle Bouchart, des isles de Ré et Marans, de Mareuil, Saincte-Hermyne, Mauléon et aultres terres.
