CHAPITRE XIV

Comment monsieur Loys, dur d'Orléans, par civille discorde se retira au duc de Pretaigne pour faire guerre au roy de France.

Toutes ces choses furent faictes quant au dict mariage depuis le trespas du roy Loys jusques vers la fin de l’an 1484, duquel an, et au mois de juillet les trois estats du royauline furent appellés à ‘Fours pour donner provision au gouvernement du roy et du royaulme, où chascun des dicts estats feict ses plainctes. Et après y avoir pourveu, et aussi à la régence, fut ordonné qu'il n’y auroit aucun resgent en France, mais que madame Anne de France, seur aisnée du roy et espouse du seigneur de Beaujeu, qui estoit saige, prudente et vertueuse, auroit Ie gouvernement de son corps tant qu'il seroit jeune, en ensuyvant la volonté du roy Loys leur père; dont le dict duc d'Orléans ne fust conlant; et s’efforcea par tous moïens avoir la supérintendance des affaires du royaulme, en quoy ceulx de Paris le favorisoient.

Et de ce adyvertie, la dicle dame de Beaujeu envoya gens à Paris pour prendre au corps le dict duc d'Orléans, qui évada et s’en alla à Alemon, où il fut quelque temps, pendant lequel le duc de Longueville, son proche parent, pratiqua pour sa faction les comte d’Angoulesme, duc de Bourbon et seigneur d’Albret, qui se déclairèrent ses amys; pour laquelle cause furent tous désappoinctés de leur estat et pensions, qui leur donna occasion de tirer à eulx le duc de Lorraine, le comte de Foix

etle prince d'Orenge. Toutes fois ceste entre |

LE PANEGYRIC DE LOYS DE LA TRIMOILLE

la dicte dame de Beaujeu, qui conduisoit caultement et prudemment son affaire, en l’an 1485.

L'année ensuyvant, adverty le dict duc d’Orléans que la dame de Beaujeu, soubs l’autorité du roy, le vouloit tenir au destroit et qu’elle avoit eslé advertie de ses entreprises secrètes, se retira subtillement et secrétement vers monseigneur François, duc de Bretaigne, ancien ennemy du feu roy Loys, père du dict roy Charles, lesquels avec autres princes leurs adhérens demandèrent aux Angloys el prindrent aliance avec eux contre les Françoys. Le roy Charles et son conseil y pourveurent : car à diligence draissèrent grosse armée qu'ils envoyèrent en Bretaigne par troys divers lieux; et après plusieurs villes du dict pays prinses, allèrent assièger la ville de Nantes en l'an 1487, en laquelle estoient le duc François et ses deux filles Anne et Isabeau, le prince d’Orenge, la dame de Laval, l’évesque de Nantes, homine de sainte vie, et le comte de Commynges.

Les François levèrent le siége de Nantes pour la véhémence du chault, et marcha l'armée françoise vers la ville de Dol, qu'ils prindrent sans résistance ; la pillèrent et y prindrent prisonniers plusieurs Bretons. Le seigneur de Rieux, qui tenoit Encenis pour le roy, le livra aux Bretons, et, en allant à Nantes vers le ducde Bretaigne, prinst Chasteaubriand, qui tenoit pour le roy; puis alla mestre le siégc devant la ville de Vannes, qui luy fut rendue ct livrée par les François moyennant certaine composition faicte entre eulx. D'une aultre part, l’armée du roy reprinst le chasleau ct place d’Encenis, et en chassèrent les Bretons, lesquels y avoient esté mis par le seigneur de Rieux. Et parce que le lieu luy appartenoit et qu’il avoit faulsé sa foy, le roy feit abattre la place jusques à fleur de terre; puis s'en alla l'arinée françoise assiéger Chasteaubriand , qu’elle prinst et mist à sac au commencement de l’an 1488.