CHAPITRE XX

Des meurs, vertus, gouvernement et forme de vivre de medame Gabrielle de Bourbon, première espouse du scigneur de La Trimoille, et monsieur Charles, leur fils; où est incidemment parlé d'aucunes dames qui ont esté cxcellentes en bonnes lettres.

Nous avons vu comme incontinent après la première année que le seigneur de La Trimoille eut espousé madame Gabrielle de Bourboa, fille du feu comte de Monpensier , elle eut un fils nommé Charles. Et à la raison de ce que la forme de vivre de celle noble dame vault bien estre réduicte à mémoryre, pour la doctrine des dames qui pourront lire cy dedans, je escripray en briefves parolles ce que je y ay peu voir et congnoistre : c'est que cette dame esloit dévote et pleine de grant religion, sobre, chaste, grave sans fierté, peu parlant, magnanime sans orgucil, et non ignorant les lettres vulgaires. Tous les jours ordinairement assistoit aux heures canonialles, oyoit la messe et disoit ses heures dévotement sans ypocrisie ; elle se délectoit sur toutes choses à ouyr parler de la saincte escriplure sans trop avant s’enquérir des secrets de théologie: plus aie moit le moral et les choses comtemplatives que Îles argumens et subtilités escorchées de La Ictire, par lesquelles le vray sens est souvent perverty. Elle se contentoil de peu de viandes, aux heures accoustumées. En public monstroit bicn estre du royal sang descendue par ung port assez grant et revérencial, mais au privé entre ses gentils-hommes, damoyselles , serviteurs et gens qu’elle avoit accoustuiné veoyr, esluit la plus bénigne, gracieuse, et familière qu’on eust peu trouver; consolative et toujours confortative, abondante en bonnes parolles, sans vouloyr ouyr mal parler d’autruy ne de chose lascivieuse, voluptueuse ne scandaleuse; elle hayssoit les gens notés de tels vices.

Elle estoit si magnanime que bien se contentoil estre la pluspart du temps privée des plaisirs et douceurs de mariage et dormir seule en ennuy et regrets, à ce que son espoux, en servant le roy cts’emploiant aux affaires diu royaume et du bien public, acquist hoaneur et

louange. Elle aimoit mieulx le rapport luy avoir fait louables armes que tout l’or du monde; elle estoit libéralle et magnificque en convis, tapisserie , vaisselle d’or et d’argent, comme à sa maison appartenoit, sans superfluité; jamais n’estoit oyseuse, mais s’employoit une partie de la journée en broderie et aultres menus ouvrages appartenans à telles dames et y occupoit ses damoyselles, dont avoit bonne quantité, et de grosses , riches et illustres maisons. El quand aulcunes fois estoit ennuyée de tels ouvrages, se retiroit en son cabinet fort bien garny de livres, lisoit quelque histoire ou chose morale ou doctrinalle , et si estoit son esprit ennobly et enrichy de lant bonnes sciences, qu’elle employoit une partie des jours à composer petits traictés à l'honneur de Dieu, de la Vierge Marie et à l'instruction de ses damoyselles. Elle composa en son vivant une Contemplation sur la nativité et passion de nostre seigneur Jhésucrist, ung aultre traicté intitullé le Chasteau de Sainct-Esprit, ung aultre traicté intitullé l’Instruclion des jeunes filles et ung aultre traicté intitullé le Viateur, qui sont toutes choses si bien composées qu’on les extimoit estre plus ouvrage de grans lectrés que composilion de femme; voire ! et si n’estoit aucunement présumptueuse , car elle faisoit tousjours: visiter ses compositions à gens de bon savoir, comme je sçay, parceque de sa grace me bailloit la charge de les faire amander.

Toutes ces bonnes meurs et condicions aydèrent fort aux perfections que monseigneur Charles son fils acquist en jeunesse, voire aulant que jeune prince qu’on eust sceu lors voir. Aucuns trouvoyent extrange que ceste dame emploiast son esprit à composer livres, disant que ce n’estoit l’estat d'une femme, mais ce légier jugement procède d’ignorance ; car en parlant de telles matières on doit distinguer des femmes, et sçavoir de quelles maisons sont venues, si elles sont riches ou pauvres. Je suis bien d'opinion que les femmes de bon estat, et qui sont chargées et contrainctes vaquer aux choses famillières et domestiques pour l’entreliennement de leur famille ne doyvent vacquer aux lectres, parceque c’est chose répugnant à rusticités; mais les roynes, princesses et aultres dames qui ne se doyvent pour la révérence

de leurs estats applicquer à mesnager comme les mécaniques , et qui ont serviteurs ou servantes pour le faire , doyvent mieulx applicquer leurs esprits et emploier le temps à vacquer aux bonnes et honnesles lectres concernans choses moralles ou historialles, qui induisent à verlus et bonnes meurs, que à oysiveté, mère de tous vices, ou à dances , convis, banquets, et aultres passetemps scandaleux et lascivieux ; mais se doivent garder d'appliquer leurs esprits aux curieuses questions de théologie concernans les choses secrètes de la divinité, dont le savoir appartient seulement aux prélats, recteurs et docteurs.

Et si à ceste considéracion est convenable aux femmes estre lectrées enlectres vulgaires, est encore plus requis pour une aultre bien qui en peut procéder; c’est que les enfans nourris avec elles mères sont voluntiers plus éloquens, mieulx parlans , plus saiges et mieulx disans que les nourris avec les rusticques, parce qu'ils retiennent tousjours des condicions de leurs méres ou nourrices. Cornélie, mère de Grachus, ayda fort, par soncontinuel usaige de bien parler, à l’éloquence de ses enfans. Cicero a escript qu’il avoit leu ses épistres, et les extime fort pour ouvrage féminin. La fille de Lélius, qui avoit retenu la paternelle éloquence, rendit ses enfans et nepveux disers. La fille de Hortense feit une très éloquente oraison en la présence des trivires de Romme. Les anciens abundoyent en femmes très doctes en toutes disciplines, mesmement les Grecs, entre lesquels, comme nous lisons, y eut plusieurs femmes très bien instruictes en philosophie. Platon eut entre autres disciples deux femmes, l’une nommé Lasthenia Manthinea, et l’autre Apiothea Piliasia, lesquelles, comme a escript Dicearchus, usoyent de vestement virille pour plus commodément apprendre.Aretha, fille d’Aristippus, qui avoit esté disciple de Socrates, sceut tant de philosophie qu’elle en monstra et enseigna à son fils Arislippusle jeune.Pitagoras n’a eu honte d’avoir escript qu’il avoit moult aprins de philosophie de sa seur Theoclea ; aussi endoctrina en philosophie sa fille, à laquelle laissa par son testament ses commen- (aires. L'amour qu’elle avoit aux lectres fut cause dont elle garda perpétuelle virginité, et soubs elle eut plusieurs pucelles auxquelles

premièrement aprinst la philosophie de pudiclé et de chasteté.

Alexandre le Grant ne voulut espouser la fille du roy Daire, jà-soit ce qu’elle fust très belle et très riche, et ayma mieulx prendre à femme sans dot Barsyne, fille de roy, toutes fois pauvre, parce qu'elle savoit les lettres grecques. Licurgus fut bien de ceste opinion quand par ses loix ordonna qu’on prendroit les femmes sans dot, c’est-à-dire sans qu’elles eussent aulcunce chose en mariage, à ce que les hommes quissent les vertueuses et non leurs richesses, et que pour ceste raison lesfillesse appliquassent à science et vertu. Nicostrata. mère de Evander, fut surnommée Carmente, parce que richement composoit carmes et mectres par lesquels prédisoit les choses futures. Nous lisons que Mirtis Lirica et Coryna sa disciple furent très bien instruictes en l’art poëticque ; semblablement Anagora, Milesia et Cornificia, seur du poële Cornificus, iaquelle composa plusieurs excellens épigrames dont depuis a eu grant louange. Et si nous voulons parler des dames crestiennes, pensons au savoir de Paule et Probe, dames rommaines auxquelles sainct Hierosme a escript tant de belles épistres latines, et à la science argumentative de saincle Catherine, qui, par argumentacions, surmonta cinquante docteurs; et ne oublions le livre composé en latin par saincte Brigide, ne les prophècies de loutes les Sibilles.

Or, estoit donc madame Gabrielle de Bourbon pleine de bon sçavoir et élégante en composicions prosaïques, qui, selon le jugement de Chrisippus, ensonlivre de l’Institucion des Enfans, donna ung naturel instinct à monsieur Charlesson fils, prince de Thalemont, de aymer les livres et les bonnes lectres ; et sçay que, oultre ics condicions de vraye noblesse et de discipline militaire, où monsieur son père l’avoit songneusement fait instruyre, estoit grant historien et composoit très élégamment en épistres et rondeaux. Il excédoit en grandeur corporelle père et mère el si estoit gros à l’advenant ; et parce que aulcuns de ceulx du nom de La Trimoille avoyent esté gros, monsieur son père, pour y obvier, le mit entre mains de gens fort esveillés, lesquels l’excitoyent à tous jeux pénibles et honnestes, comme à sauller, gecter la barre, jouer à la paulme, et à jouxter.

LE PANEGYRIC DE LOYS DE LA TRIMOILLE

Et combien qu'il aymast le passelemps des dames quant il estoit en court , je sçay qu'il s esté ung des chastes princes qui fut onc , et qui plus avoil en horreur femmes meschantes. À son port et contenance sembloit estre grave et fier, mais c’esloit une honnesle gravité sans orgueil , plaine de magnanimité et vuyde de adulation el flatcrie ; et n’y avoit prince dont la famihiarilé de chambre entre ses domesticques fust plus altractive à l’amer et révérer. Il parloit peu et ne vouloit dire parolle perdue ct qui ne portasl fruict. Il fut marié jeune avec madame Loyse, fille de monseigneur Charles de Coictivy, comte de Taillecbourg, et de madame Jehanne d'Orléans, son espouse, fille du bon duc Jehan d’Angoulesme, à présent réclamé comme sainct, et seur de monseigneur Charles, père du roy des François qui à présent est ; qui fut une grant et grosse alliance.