VV UT VUE VY

de toujours conformer son vouloir à la divine

volunté. Mais touchant la sensualité qui répugne toujours à la raison, elle souffrit tant que le plus l’eust fait soudainement mourir.

Et fus plus d’ung moys que n'osois à elle me présenter, à la raison de ce que, quand elle

PAR JEAN BOUCHET

voyoit quelqu'un de ceulx que son fils avoit spéciallement amés, ses douleurs renouvelloient, son esprit en avoit nouvelle guerre, toutes ges consolacions estoient troublées, et tous joyeux souvenirs gestés derrière le dos. Et dès lors, vaincu du débonaire commandement de ladicte dame, gectay ma fantaisie sur nouvelles formes et invencions pour déplorer par escript ceste tant noble et louable mort, quérant quel langage je approprieroye à la nature du cas; et finablement, parce qu’il avoit amé la métri-facture, prins commancement à descripre ses meurs et cundicions, dont je scavoie la vérité, non obstant que depuis, aucuns, par envie de sa louange méritée, aient murmuré contre l’opuseule que je feis, intitulé : le Temple de Bonne Renommée.

‘CHAPITRE XXVIIT.

Des regrets de madame la princesse pour le décès de monseigneur le prince son 68pOUX ; et du trespas de madame Gabrielle de Bourbon, sa mère, qui mourut de deuil.

O combien que toutes ses douloureuses plaintes dussent suffire pour faire le deuil du bon prince de Thalemont, néantmoins fut renouvellée par les doléances de madame Loyse, comtesse de Taillebourg, son espouse, laquelle asseurée de son piteux trespas, feit tels ou | semblables regrets: € Hal mort horrible, » cruelle, sanguineuse et violente, éternel » dormir, dissolution des corps, la craincte et » tremeur des riches, le désir des pauvres, » événement inévitable, incertaine pérégrinacion, larronesse des hommes, fuyte de vie, départ des vivans et résolucion de toutes choses, que pourray-je dire à mon ordre contre toy, qui par violent sang me as substraict mon amy, meurdry mon espoux, séparé de moy toute joye, et fait approche de toute angoisse et éternel desconfort? Tu es la seule cause dont dorénavant je auraÿ pour unanime compaignée triste solitude; pour consolatif mariage, désolée viduité ; pour connubiaux embrassements, visions nocturnes el larmes ; pour amoureulx baisers, lamentables souspirs ; pour honnestes propos, inconsolables regrets; et pour solacieuses pen- > sées, inquiètes cogitacions. Qu'on ne parle » de la perfection des bons mars, desquels il

UV VUE VU U UV

» est le parangon et la fine perle pour en avoir » perpétuelle louange. »

Toutes ces lamentations et aultres semblables faisoit ceste bonne et saige dame; dont je Jaisse le long escripre, pour le double d’ennuy. Et je pense que de son secret dueil eust esté oultragée, ne fust le secours du seigneur de La Trimoille, son beau-père, lequel, ung moys ou deux après les tristes funérailles de son fils, néantmoins riches et pompeuses, vinst veoyr les deux désollées espouses à Thouars. Je laisse la pompe des ohsèques qui furent faicts, sans rien y prélérir, ainsi qu’il appartenoit, à grans frais et mises, et parleray seullement d’un brief épitaphe pour la perpétuelle mémoyre de ce jeune prince, qui est cestuy:

Force de corps, hardiesse de cueur,

Le hault vouloyr d'estre nommé vainqueur,

Le grant désir d'estre au roy secourgable,

Et le vouloyr d'impugner la rigueur

Des rebellans non craignant la vigueur,

M'ont mis au ranc d'honneur inextimable,

Par fin honneste aux nobles désirable,

En surmontant Souysses ahontés.

Après soixante et deux coups, mort plorable

A Marignan me fut inexorable,

Quant mil cinq cens quinze ans furent comptés.

Le roy laissa gouverneur à Milan messire Charles de Bourbon, lors connestable de Fran- ce, qui si bien exercea sa charge que les Milannoys monstrèrent leur obéissance pronise contre leurs volontés jusques en 1521, comme nous verrons Cy après.

Ledict seigneur de La Trimoille, après âvoir accompaigné le roy jusques à Lyon (son congié prins), alla veoyr, comme j'ay dict, les deux darnes désolées que plus il amoit, pour les conforter : lesquelles actendoyent son désiré retour à Thouars. Leur rencontre fut à la porte de deuil, parée de pleurs; et d’une part et d'autre furent accompaignés de gémissemens et regrets pour le contrepoix des joyeux feslins du passé. Et combien que la dame de La Trimoille dissimulast et couvrist sa douleur de face joyeuse, néantmoins tout le faix des trisles pensemens, que tous ensemble ils avoyent, demoura sur son cueur et fut tousjours accompaigné de ses secrètes angoisses. Voyre! fut la contenance de sa tristesse si longuement en son povoyr qu'on ne la pouvoyt amollir, dont en son cueur se engendra une mortelle

LE PANEGYRIC DE LOYS DE LA TRIMOILLE

apostume non curable par veué d’amys, lectu re de histoires, passe-temps de gens joyeux, concionnations, ne aultres humains ne spirituels remèdes. Et, l'esprit fatigué des ennuis qu’il enduroit, pour la guerre que Raison avoit jour et nuyt contre Charnelle-amour en la région de son entendement, laissa le corps atténué et au lict malade certain peu de temps après le despart du seigneur de La Trimoille, qui contrainct fust par le redoublement des postes se retirer en son gouvernement de Bourgongne.

Une lente fièvre accompaignée de mortelle langueur empira le mal de la dame de La Trimoille, et par légères assaillies la conduyrent, en décepvant les médecins, jusques au pas de la mort; dont ledict seigneur de La Trimoille, son espoux, fut asseuré par sa lectre, non escripte de sa main comme elle avoit acoustumé, mais du secrétaire; et aussi en fut adverty par les médecins. A ceste cause son partir fut soudain; et sa compaignée laissée, fors trois gentils hommes, vinst en poste à Thouars, où trouva la certitude de la nouvelle qui sitost lavoir faict venir. Et sans changer de vestemens ne faire aultre acte, voulut aller veoir celle que tant amoit; mais avant que d'entrer (la compaignée de larmes, qui dès son partement de Bourgongnel’avoist tousjours conduict, laissée à la porte de sa chambre) para de facialle joye la tristesse de son cueur, et à son espouse au lict couchée donna le gracieux bon soir, qui fut par elle humblement accepté et par ung véhément souspir rendu, luy disant : « Ah ! monsieur, l’heure de vostre ve- » nue par moy tant désirée m’a esté fort longue, doubtant pour la presse de mon mal jamais ne vous veoyr et ne vous povoyr dire le dernier adieu avant que mourir. — Vous n’en estes pas là, dist ledict seigneur. J’espère, au cas que vous vouldrez mettre peine à chasser de vostre esprit les mortelles tristesses que trop y avez gardées, que aisément retournerez à vostre première santé. — La chose n’est possible, dist-elle, quant à nature; et si Resjouyssement povoyt estre le médecin de mon mal, vostre seul regarder le guériroit, comme la chose au monde qui plus me plaist. Mais je suis au période de ma mortelle vie, et au terme constitué que je ne puis