ASS

entre l’esprit et la chair mortelle guerre engendrée, le trespas de nostre unique filz nous devroit plus consoler que contrister, ‘parce que l'esprit, par la clère verrine de raison, veoyt et congnoist qu’il est de peine transmigré -en repos, de misère en gloire, de crainte en seureté, d’espoyr en divine vision, de maladie en incorruptible incolumité, et de mort en éternelle vie; mais la chair, qui, pour les ténèbres du corps, ne veoyt aulcune chose en esprit, regrette, lamente et déplore la perte ou ab-

sence de ce que luy plaist et de ce qu'elle

ayme corporellement, parce qu’elle ne peult

‘veoyr le fruict des choses spirituelles, qui est

la cause de vostre desconfort et de ma tant désollée tristesse. Toutes fois, monsieur, quant à l'entendement, si trop nous ne sommes de raison esloignés, doyvons louer Dieu et luy rendre grâces pour les considéracions que de vostre grâce m'avez escriptes. Croyez, monsieur, que en remémorant la bénignité de nostre fils, son humilité, obédience et honnesteté, ma pauvre chair languist, et mon äâme nest que demye vifve; mais au considérer les douaires des âmes saulvées, et que j'espère que tous le serons, je me consolle quant à l'esprit, non que ma chair en soit contente. Toutes fois chose contraincte est, si ne voulons cffenser Dieu, le louer de nostre infortune. Je vous prie, monsieur, que de vostre part regectez les causes de douleur, et que joygnez la vostre pensée à l’amour spirituelle. Au regard du corps, je ne pourrois le veoyr sans de deuil mourir. Sera honnourablement ensépulturé au plus près de vostre vouloyr, sans aulcune chose y épargner, et encores moins pour le salut de l’âme, qui doibt estre la première servie, comme celle qui doit sans fin vivre au \ulays de éternel repos, auquel, après bonne et longue vie, Dieu vous vueille donner lieu.

» Escript à Dissay, le 24 septembre. »

La lectre de ladicte dame, portée au dict seigneur de La Trimoille fut troys jours par luy gardée sans la vouloyr lyre pour la doubte de renouveller sa tristesse. Toutes fois ung soyr bien tard en fist lecture de partie, car le tout ne peut lyre, à la raison de ce que l'escripture estoit effacée des larmes de la dame qui estoyent en l’escripvant sur icelle tumbées.

uH15]

Je ne me oublieray en cest endroict, parce que non obstant ma petite qualité, et que à moy n'appartinst avoir le congnoistre du regret de ceste très noble dame; toutes fois, comme je fusse par devers elle allé pour luy parler d’aulcuns affaires civils dont j’avoye de par monsieur et elle la charge, ne me presta l'oreille pour me entendre, mais convertit le sens de l'ouye en piteux regards, accompaignés de véhémens soupirs, qui empeschèrent longtemps son parler, et que je n’osoye anticiper, mais l’actendoye en contrainctes larmes soubs semblant, par compassion, de son infortune.

Et comme le temps luy eust donné grâce de parler, elle m'ouvrit le coffre de ses pitéables douleurs en me disant : « Ha ! Jehan Bouchet, » que dictes vous de mon malheur et de lir- > réparable perte de nostre maison ? Me doy » je arrester de sacrifier par larmes ma dou- > loureuse cause devant tout le monde? Pen- » sez vous que le possible de vivre empesche » l'effort de mort? Me ayderez vous poinct à soutenir le faix de mon malheur, qui participez en la perte ? Oublierez vous l'espoyr par vous actendu en l’exhibicion de l'amour de mon fils et le loyer du service par vous à luy faict ? Qui présentera plus vos petits euvres devant les yeux des princes pour en avoir guerdon ? Qui recepvra et metira en valeur vos petites compositions ? N'espargnez vostre plume à escripre le congneu de vostre seigneur et maistre, à ce que oubliance ne » laisse perdre ses mérites. »

Toutes ces piteuses paroles donnèrent roupture à mon affaire, et tant grevèrent mon cueur que intrinsèque douleur deffendit à ma bouche le parler, et sortis de la chambre, accompaigné seullement d'angoisse, laissant la désolée plorant et se desconfortant sans avoir puissance de luy donner lors ung geul confort.

Ceste dame savoit très bien que porter paciemment sa perte estoit mérite; et quant à l'esprit n’y failloyt en rien, car c'estoit une dame qui fort bien l’entendoit, et s’estudioit