CHAPITRE XXIX

Le seigneur do La Trimoille est amoureux de la duchesse de Valentinoys, et l'espouse.

Le seigneur de La Trimoille s’acquita très bien et diligemment en l’accompliment des or- Jonnances testamentaires de son espouse ; et tut son deuil si grant qu'il ne prenoit repos asseuré ne consolacion pour laquelle il peust l'excès de ses soupirs modérer. Toutes les damoiselles de la dame trespassée estoient de larmes tainctes jusques à mécongnoistre de prime-face visaiges et personnes, et la maison

LE PANEGYRIC DE LOYS DE LA TRIMOILLE

pleine de regrets, qui avoit habondé en passetemps honnestes. La mort, cause de tout ce désordre, avec deuil, regret, émoy, tristesse, chagrin et angoisse, vouloit (pour parachever le mal-eur de ceste maison) abbatre et aterrer ledict seigneur de La Trimoille, chief d'icelle, lequel n’y povoyt si virilement résister qu’il eust faict en sa florissante jeunesse, car jà passoit l’aage de cinquante-sept ans.

Or luy estant ainsi mal traicté et en dangier de mort, le roy (comme Dieu voulut) le man-

da pour aller à sa court à Bloys, où, au grant regret de laisser son dangier, se transporta, et de Bloys à Paris avec le roy, la royne, madame larégente, mère du roy, et autres princes, pour recevoyr l’ambassade du roy des Rommains et du roy d’Espaigne.

Trois ans après, tant remonstrèrent au seigneur de La Trimoille ses amis qu'il estoit encores en sa corporelle force, bien qu'il eust soixante ans, et que n’avoir qu’un seul héritier c'est n’en point avoir, qu’il consentit à demander une jeune duchesse. Il lui escripvit. La duchesse ne recula la main de l’espistre, mais en bénigne simplicité la prist et leut tout au long et respondit : « Madame la régente, mère du » roy, qui, de sa grâce, tient le lieu de mes feus » père et mère, a mon vouloyr entre ses mains, » et de son simple commandement viendra » prompte ohéyssance. » '

Restoit encores le bon plaisir de madame la régente, sans laquelle on n’eust peu le période de cette alliance trouver. Etpour l'entendre, est à considérer que ceste jeune duchesse, nommée Loyse, estoit seule fille et héritière du duc de Valentinoys et d’une fille de la très noble et illustre maison d’Allebret ; lequel duc estoit extraict de la noble et ancienne lignée des Borgia d'Italie, comme récite Anthonius Sabelieus, et vint en France au commancement du resgne du roy Loys XII pour les factions qui furent en Italie entre luy et les Ursins ; et certain temps après, ledict roy Loys le maria avec adicte fille d’Allebret, de laquelle il eut ladicte dame Loyse ; puis décédèrent, savoir, ledict duc le premier, et laissèrent icelle Loyse leur seulle fille héritière ; de laquelle madicte dame lk régente prinst le gouvernement.

On se pourroit esbayr comment ledict setgneur de La Trimoille, qui estoit homme pru-

0 EE mme een ee ete nm mEERge. M - Ney nn de RER.

dent et riche, ne gectoit sa fantaisie sur aultre dame, non si jeune que la duchesse, car assez en y avoit en France, belles, riches et de bon renom, tant veufves que aultres qui n'avoient onc expérimenté les doulceurs du mariage. J'ai sceu par sa bouche que deux choses le mouvoyent ; l’une, qu’il ne vouloit espouser femme veufve ; l’autre, qu’il n’en congnoissoit en court qui fust à luy plus agréable ne qui mieulx approchast au jugement de sa fantaisie ; et sçavoit que en la race d’Allebret tousjours les femmes et filles ont eu et gardé sans maculle l’honneur et tiltre de chasteté et pudicité ; et par la longue et honneste fréquentacion qu'il avoit eue avec ceste jeune duchesse, congnoissoit qu'elle estoit affable sans trop grant familiarité, dévote sans ypocrisie, joyeuse sans follie, bien parlant sans fard de langage, libéralle sans prodigalité, et prudente sans présumption, et finablement qu'elle estoit en l’aage pour avoir lignée, qui estoit l’ung des plus grans désirs dudict seigneur, parce qu’il n’avoit que ung seul héritier. Et combien que ledict seigneur eust plus de cinquante ans, toutesfois estoit tant en la grâce de nature qu'il sembloit bien n’en avoir quarante-cinq. Aussi les ans ne font les gens viels totallement, mais l’imperfection de leurs complexions. Or fist tant de desmarches envers madame la régente le seigneur de La Trimoille, que la consummacion de tant désiré mariage d’icelluy seigneur avec ladicte duchesse fut faict à Paris. |