CHAPITRE XXX

Comment monsieur Francois de La Trimoille, prince de Thalemont, espousa madame Anne de Laval; et des guerres que le roy de France eut en Picardie, où il envoya son liseutenant-général le seigneur de La Trimoille.

Combien que par le jugement des hommes ceste jeune duchesse fust bien disposée et organisée de tous ses membres, et ledict seigneur de La Trimoille en disposicion convenable pour luy faire des enfans, néantmoins dame nature ne peust estre la maistresse sur la divine Providence, qui avoit réservé l'entière succession dudict seigneur à monsieur Françoys, fils unicque du seul fils d’icelluy seigneur de La Trimoille occis à Saincte-Brigide, comme dict est.

A cetté considéracion, et qu’en luy fust si noble

généracion perpétuée, ledict seigneur de La

Trimoille son ayeul se fist enquérir par tout le

PAR JEAN BOUCHET

royaulme de quelque dame propre et pareille audict seigneur, qu’on appelle le prince de Thalemont, et de laquelle il peust avoir lignée bien tost; car considérant la variacion des choses humaines et la petite et incertaine actente des jeunes hommes, dont la mort ravit en plus grant nombre que de viels, doubtoit fort le mourir et la perte de ce jeune prince. Or il fist tant qu'il apporta la volunté d’une jeune dame pareille audict prince en aage, en lignage, en meurs et à généracion bien disposée; c’estoit madame Anne de Laval, fille et héritière du seigneur de Laval, l’une des anciennes et illustres maisons de Bretaigne, et qui plus a duré sans mutacion, et de la princesse de Tarente'. Laquelle madame Anne fut conjoincte par mariage avec ce jeune prince, treys ou quatre ans après les secondes nopces dudict seigneur de La Trimoil!e.

L'union de ces deux illustres personnes fut accomplie de toutes les choses qu’on pourroit désirer, tant en biens, en meurs, que en toutes aultres choses de perfection d’esprit. Et s’il estoit permis de dire au long les louanges des vivans, je diroys et escriroys sans mentir que, aux parolles et faicts de ce jeune prince, et à l'exercice de son grant et facil engin, on le peult extimer estre en l’advenir une perle en la maison de France, et une réserve de bon et asseuré conseil sans lequel on ne devra faire ne exécuter aulcune bonne entreprinse. Et au regard de madicte dame son espouse, elle est accomplie de toutes les bonnes grâces qu’on pourroit en une parfaicte dame choisyr. Il n’est rien plus beau, plus humble, plus noble, plus mansuet, plus affable, plus gracieux, plus bégnin, plus saige ne plus religieux : laquelle, au désir dudict seigneur de La Trimoille, eut à la fin du premier an de ses espousailles ung beau fils, qui est le plus grant bien que l’ayeul et le père eussent peu en ce monde avoir.

Environ ce temps, Charles, roy d’Espaigne, eslu empereur, et Henry, roi d'Angleterre, son beau-frère,commancèrent à manifester et monstrer les envies par eulx long temps auparavant conspirées contre la prospérité du royaulme de France et des Françoys. Et non obstant l'alliance qui avoit esté faicte au festin d’Ardres

t Fille unique de Frédéric d'Aragon, roi de Naples. Ce mariage est l'origine des réclamations des La Tremouille sur le royaume de Naples.

entre les roys de France et d'Angleterre, où ils s’estoient veus, entreprindrent faire la guerre aux Françoys ; sçavoir est ledict roy d'Espaigne à Monzon et Mézières par le secours d’aulcuns Alemands, Namuroys et Hennuyers tousjours rebelles à la couronne de France, où peu gaignèrent ; car le roy en eut la victoire par le secours des princes et bons capitaines de France, et entre aultres messire Pierre Terrail, qu'on appelloit le capitaine Bayard, homme hardy et prudent en guerre, qui sceut bien garder Mézières; Monmoreau, lequel y mourut par inconvénient de maladie en la fleur de son aage, et aultres plusieurs. Ceste guerre faicle sans propos, et en hayne de Messire Robert de la Marche tenant le party du roy de France, fut sans fruict d’une part et d’aultre, et avec grant dommage ; car les Alemands mirent à feu et sang plusieurs bourgs et villages de la Picardie : autant ou plus firent les Françoys en Haynaut, Et peu de temps après, le roy de France, sans faire bruyt, fit assaillir et prendre sur le roy d'Éspaigne la ville de Fontarabie par messire Guillaume Gouffier, admiral de France; et adverty que les Anglois vouloient descendre en la Piccardie, y envoya ledict seigneur de La Trimoille, pour donner secours au duc de Vendosme, gouverneur dudict pays; et eulx deux ensemble pourveurent très bien aux affaires dudict pays; et avec les garnisons avitaillèrent par trois ou quatre fois Therouenne, ce qui depuis n’aesté fait sans grosse assemblée de gens, ne sans plus grans frais et mises. Comme on faisoit toutes ces choses en Picardie, furent apportées nouvelles au roy de France, lors estant à Paris, que les Alemands faisoient grant assemblée pour venir en Bourgongne; parquoy le roy manda ledict seigneur de La Trimoille aller vers luy, lequel il trouva à Paris ; et de Jà le roy l’envoya en Bourgongne à diligence, pour donner ordre audict pays. Les Alemans, certains de sa venue et de l’ordre qu’il avoit jà mis pour les recevoir, laissèrent Jeur entreprise sans effect ; mais les Angloys sachans que ledict seigneur de La Trimoille n’estoit plus en Picardie, accompaignés des Flamens et Hennuyers, y entrèrent en 4522, et assiégèrent la ville de Hedin. Pour ceste cause le roy manda ledict seigneur à diligence et lui donna charge de aller secourir le duc de Vendosme au dict pays

LE PANEGYRIC DE LOYS DE LA TRIMOILLE

de Picardie : aussi y envoya messeigneurs les mareschaux de Foix et Montmorancy, le seigneur de Mézières et le seigneur Frédéric de Baugé avec leurs bandes; mais sceue par les Angloys, Hennuyers et Flamens leur venue, se relirèrent bientost, sans oser les attendre.

Audict temps le roy draissoit une aultre armée fort belle et grosse, pour aller en Italie recouvrer la ville de Milan, laquelle le seigneur de Lautrec, qui en estoit gouverneur pour le roy, avoit esté contrainct laisser par faul‘e de secours ; mais avant que le faire, voulust bien donner ordre à son royaulme; et luy estant à Sainct-Germain-en-Laye près Paris, manda audict seigneur de La Trimoille estant en Bourgongne se trouver vers luy, ce qu'il fist; et luy dist: « Monseigneur de La Trimoille, vous » voyez les affaires de mon royaulme et le tour » qu'on m'a fait à Milan, où je suis délibéré aller : mais je sçays que, moyiparti de ce pays, les Angloys, Hennuyers et Flamens s’efforceront me faire ennuy et dommage au pays de Picardie; et adverty qu'ils vous craignent, vous y veux envoyer mon lieutenant-général, — Sire, dist ledict seigneur de La Trimoille, je . suis tousjours prestde vous obéyr, Toutesfois je me desporteroys voluntiers de ceste charge, si vous plaisoit m'en baïller une aulire, parce qu’elle pourroit desplaire à monsieur de Ven- » dosme, gouverneur dudict pays, lequel estun » prince hardy, prudent et loyal, et tant à cause » de son auctoriié que par son sens saura très » bien résister à vos ennemys. Et voluntiers » soubs sa charge vous y feray le service auquel » je suis tenu. — Et si mon cousin le duc de » Vendosme vous en prie, dist le roy, le ferez- » vous? — Sire, distledict seigneur, vous sçavez » que mon vouloyr a tousjours esté, est, et » sera entre vos mains eten vostre puissance. » Ledict ducde Vendosme et le seigneur de La Trimouille parlèrent ensemble de ceste matière; et à sa requeste ledict seigneur accepta ladicte charge de lieutenant- général] audict pays de Picardie; et lui baïlla le roy cinq cens bo. mes d'armes dont les bandes n’estoyent com plètes, et dix mil hommes de pié des gens du pays qui n'avoyent jamais veu de la guerre et ne faisoyent que saillir de la charrue, Le roy prinst Je chemin de Lyon pour aller