CHAPITRE XXXI
Comment, après ce que l'admiral de France fut retourné de Milan, messire Charles de Bourbon assiégea Marseille, dont fut chassé, et le siége levé par le roy de France, qui suyvit ledict de Bourbon jusques en Italie, où il assiégea la ville de Pavye.
Si les affaires d'Italie se fussent aussi bien portés que ceulx de la Picardie, le roy et le
royaulme de France n’eussenteules grands affaires depuis survenus; mais fortune fut con-
LE PANEGYRIC DE LOYS DE LA TRIMOILLE
traire à l’admiral de France; car il trouva Milan occupé et détenu par messire Charles de Bourbon, comme lieutenant-général du roy d'Espaigne éleu empereur. Les armées furent long temps l’une près de l’autre, faisans tousjours quelques saillies et courses, où plusieurs furent occis, et encore plus de prisonniers prins, qu’on rendoit l’ung pour l’aultre, selon la qualité des personnes, contre la nature des François et Gaules, lesquels s’ils ne donnenten colère et fureur, perdent leur force et hardiesse au dissimuller, et les Hispaniens et Italiens sont au contraire; où les Françoys devroient avoir l’œuil et ne altérer ne changer leurs anciennes meurs, car on ne le peult faire ne se accoutusmer à d’aultres, si l’on ne change entièrement de toutes condicions. Le dissimuler est bon à gens qui n’ont esté nourrys en leurs aises et qui sont coustumiers de supporter longuement le froit, le chault, la fain, la soif, le labeur du harnoys, la pluye, le vent et aultres ennuys de'guerre; mais ceulx qui ont leursaises suyvies, comme les Françoys, ne les peuvent pas long temps supporter sans maladie ou diminucion de force et hardiesse. Le seigneur de La Trimoille a esté par aulcuns blasmé de trop grant promptitude, mais non par gens congnoissans la nature des Gaules et François. Et si tous les chiefs de guerre françois eussent fait comme luy, peut-estre que l'yssue de leurs charges eust esté meilleure et plus avantageuse qu’elle n'a.
Or les Françoys, ennuyés d’estre si longuement aux champs sans donner fin à leur entreprinse, après la prinse de Rebec, prindrent conseils d’eulx relirer en France, et se mirent au chemin en assez bon ordre. Les adversaires les suivoyent sous la conduicte de messire Charles de Bourbon, et se rencontrèrent ; où il y eut quelques gens occis d’une part et d’autre, et mesmement messire Pierre Terrail, natif du Daulphiné, qu'on appelloit le capitaine Bayard, d’ung coup de hacquebute à crochet ; qui fut gros dommage, car en parlant de l'excellence des bons capitaines, il ne doit estre mis hors du ranc, mais en lieu évident pour ses mémorables faicts et gestes, et pour les bons services par luy faicts aux roys de France tant au Garillan, recouvrement de Gennes, prinse de Bresse, que à la garde de Mézières.
nn. = SRE
Re SEP cms
Aussi fut à ceste suite frappé d’un coup de hacquebute le seigneur de Vandenesse, frère du mareschal de Chabannes, dont il mourut certain temps après : en cet estat les François retournèrent en France.
Ceste retraite faicte à bonne cause augmenta fort le crédit de Charles de Bourbon envers le ruy d'Espaigne, par l’aide duquel bientost après descendit avec grosse armée en la comté de Provente, où il disoit avoir droil, ne sçay à quel tre; ctalla mectre le siège devant la ville de Marseille, en laquelle esloient messire Phelippes Chabot seigneur de Brion, le seigneur Renzo et aultres capitaines, qui l’avoient très bien fortifiée et pourvue. Le roy prinst délibération de aller lever ce siège, et manda ledict seigneur de La Trimoille, lors estant en Bourgongne, de se trouver à Lyon, ce qu'il feit; et alla avec le roy jusques à Tournon par la rivière du Rosne, où le roy fut adverty que le légal d'Avignon n’avoit voulu mectre la ville d'Avignon entre les mains de messire Jacques de Chabannes, seigneur de la Palice, mareschal de France et lors lieutenantgénéral pour le roy en ceste expédition ; parquoy envoya ledict seigneur de La Trimoille vers ledict légal, et avec luy les seigneurs d’Aubigsny, de Fleuranges et de Mézières pour l’accompaigner. Eulx arrivés en ladicte ville d’Avignon, y trouvèrent ledict mareschal de Chabannes et le duc de Longueville qui n’avoient les clefs d’une seule porte. Mais dès ce que ledict seigneur de La Trimoille eut parlé audict légat, toutes les clefs de ladicte ville furent mises entre ses mains; et fut baillée la garde d’icelle ville audict scigneur d’Aubigny, sans laquelle l’armée du roy estoit en dangier, à la raison de ce que par ladicte ville on povoit avoir vivres el secours.
Le mareschal de Chabannes, lieutenant-génépour le roy, s’en alla loger au camp, et demoura ledict seigneur de La Trimoille en ladicte ville jusques à la venue du roy. Incontinent après que le roy fut en ladicte ville, le camp des François, où se retira ledict seigneur de La Trimoille, marcha jusques à Cavallon. Ledict mareschal de Chabannes mennoil l’avant-garde, et ledict seigneur de La Trimoille la. bataille, attendans le roy à venir d'Avignon.
Messire Charles de Bourbon adverty de la pré-
BR ne à
sence du roy et du bon ordre qui estoit en son
armée, voiant qu’il ne pourroit acquérir honneur ne proffiten son entreprinse, ne faire dommage à la ville de Marseille, se retira diligemment en Italie, non sans perte de son artillerie el de nombre de ses gens. Le roy suyvant son armée se trouva en icelle, le jour qu'elle avoit passé la rivière de la Durance à guë par miracle, ce qu'on n’ayoit oncques veu. Et à la raison de ce que ses ennemys s’esloient jà trop esloignés, il alla à Aix en Provence, où fut mis en délibéracion s'il devoit suyvre la promesse de sa fortune, et passer les monts avec son armée, dont il avoit bon vouloir. pour plusieurs considéracions : l’une, qu’il avoit grosse armée mesmement de Italiens et advanturiers de France qui avoicnt fort endommagé son royaume, et que si plus les retenoit en parachèvyeroient la ruyne ; parquoy nécessaire estoit les envoyer ailleurs ; ce qu'il pourroit honnestement faire, faisant la guerre en Ilalie ; l’aultre, que son armée estoil en bon ordre et preste à marcher, et l’aultre, que ses gens d’armes avoyent bon vouloyr d’y aller, pourveu qu'il y allast; aussi que sa présence croystroit le cueur et courage de sa gendarmerie. Pour toutes lesquelles causes et aultres, le roy, par la délibéracion de son conseil, entreprinst le voyage, et fist marcher son armée sous la conduicte dudict mareschal de Chabannes par ung chemin:
et quant à luy el sa compaignée, ils allèrent par une aultre voye : de laquelle compaignée es-
toit ledict seigneur de La Trimoille.
Les monts passés et la rivière du Thisin, le roy alla loger à Biagrasse, où il eut nouvelles certaines que Charles de Bourbon et l’armée:
d’Espaigne estoyent dedans Milan. Sur quoy y eust plusieursdélibéracions si on devoil assiéger la ville de Milan, ou non; et, suyvant la meilleure, le roy y envoya le marquis de Saluces pour faire ung essay, et ledict seigneur de La Trimoille après luy, lequel eut nouvelles au chemin comme ledict marquis avoit prins ladicte ville, et que les ennemis s’esloyent rely-rés ailleurs; ce que ne voulut si facillement croyre; et y alla pour en sçavoir la vérité, puis retourna soudain vers le roy pour luy en dire ce qui en estoit. Il trouva le roy en chemin, lequel le renvoya son lieutenant-général en tadicte ville de Milan, le penultième jour d’octa
Bi
802 LE PANEGYRIC DE LOYS DE LA TRIMOILLE
bre 1524. Et après le roy luy envoya le comte de Sainct-Paul, le seigneur de Vaudemont, le mareschal de Foix et le seigneur Théolde de Trivolce.
Ledict seigneur de La Trimoille fortifia la ville de Milan au mieulx qu'il peult de tranchées et rempars entre le chasteau et la ville, à ce que les ennemys, qui encores lenoyent le chasteau, ne feissent quelques surprises ou saillies sur ceulx de la ville; et y demoura ledict seigneur jusques au quatrième jour de février prochain ensuivant.
De laultre part le roy assiégea la ville de Pavye, et y fit draisser son camp aussy bien équipé qu’on veit onc. Ledict camp fut assis devant le chasteau et ville de Pavye, et partie au parc, où y avoit une maison appellée Myrabel que les Françoys gaignèrent, par le moyen de laquelle et d’une brèche qu’ils feirent en la muraille dudict parc avoyent vivres sans dangier.
Ceulx du dedans de Pavye, dont messire Anthoyne de Leyve, chevalier vaillant et hardy, estoit chief et capilaine, s’estoient frès-bien fortifiés, et la ville bien garnye de vivres et municions pour la tenir long temps contre le roy. Souvent faisoient des saillics sur nos gens, non saris perle d’une part et d’aultre. Et y furent les Souysses quelquefois endommagés. Ils faisoient bon guet, et avoient toujours l’œuil sur ceulx qui alloient visiter les tranchées du camp du roy, où monsieur Claude d'Orléans, duc de Longuerille, prince jeune et hardy, fut occis en l’aage de seize ans d’un coup de hacquebute par ung de ceulx du chasteau, dont le roy fut fort déplaisant. Tous les jours de camp du roy cndommageoit les adyersaires, et baptoit la ville et le chasteau de toutes pars. Et trouva moyen le roy de faire divertir le cours de la rivière du Thisin, à ce qu’elle ne passast plus par ladicte ville, qui ne fut sans grans peine, frais et mises. El parceque l’armée françoise estoit fort grant, et que le roy trouva par conseil qu'il pouvoit sans dangier en envoyer parlice ailleurs, pour amuser le grant nombre des Hispaniens cstant à Naples et empescher qu'ils ne vinssent au secours de Pavye, le roy y envoya le duc d’Albante avec quatre cens lances et six mille hommes de pié, lesquels passèrent jusques à Romme.T'ousjours le roy se tinst au camp et siège, où il feil ce
qu’ung bon chief de guerre pourroil et devoat faire tant aux vivres, paiement de ses gensd'armes que de bonne police. Et si parfois l'argent ou les vivres estoient relardés, consoloit ses gens d’armes, leur remonstrant qu’il enduroit comme eulx; et quand aulcun estoit malade, le visitoit et le faisoit médeciner et panser, monstrant par effect qu’il amoit sa gendarmerie, sans toutes fois aucune chose diminuer de sa magesté et auctorité envers les désobéissans, contre lesquels usoit de la sévérité de justice, ainsi que la chose le réqueroit, sans aucune crudélité. Et avec ce entretenoit par grant faveur les capitaines et chicfs des bandes, desquelles il pensoit avoir plus de service, monstrant avoir singulière flance en icelles, voire de sorte que ceulx des aultres bandes estolient conviés et excités à surmonter la bande favorisée plus par bon service, en espoir de récompense, que de celle de faveur, parce que la faveur estoit en bonne raison fondée, à l'exemple de Julius César qui monstroit par signes de faveur avoir plus de asseurance en la diziesme légion de ses gens d’armes que aux aullres.
Comme on faisoit toutes ces choses, ledict seigneur de La Trimoille, estant lieutenantgénéral pour le roy à Milan , se porta si très bien en sa charge que les ennemÿs n’en approchèrent et ne luy feirent dommage; où feit si grosse despense de ses propres deniers que plusieurs fois fut contrainct envoier quérir grans sommes d’or el d'argent à sa maison ; et à la dernière fois, qui fut au moys de janvier dudit an 15241, madame son espouse, pour luy donner quelque consolacion en ses labeurs , par ceulx qui luy portèrent grosse somme d’esculs au soleil à Milan, luy envoia une amoureuse épistre et luy une à elle.
