VS S SES TSS

en Ilalie, passa par Moulins en Bourbonnoys,

SL msn

un:

où lors estoit malade messire Charles de Bourbon, connestable de France, et, après avoir parlé ensemble dudict vayage, le roy suivant son chemin, arriva bientost à Lyon. Et ledict messire Charles de Bourbon s’en alla au chas-

teau de Chantelles, qui est l’une des fortes pla-

ces d'Aquitaine. Dix ou douze jours après, on fist rapport au roy que s’il alloit delà les monts, ledict de Bourbon (soubs umbre qu'il estoit connestable de France) et aultres de sa faction et entreprinse, avoyent délibéré et conclu eulx s'emparer du royaulme de France, et de Monsieur le daulphin et des aultres enfans du roy, pour faire d’eulx et du royaulme à leur plaisir ; ; dont il fut fort esbay et courroussé. Et incontinent envoya gens à Chantelles pour prendre et luy amener ledict de Bourbon; lequel de ce adverty par aulcuns de ses amys estans en Ja court du roy, laissa Chantelles, et avec ung de ses gentilshommes nommé Pomperant et troys ou quatre aultres, se retira à grant diligence par la comté de Bourgongne en Austriche vers le roy d'Espaigne, ennemy du roy de France.

Le seigneur de Sainct-Vailier, l’évesque d'Autun, l’évesque du Puys et aultres qu'on disoit estre de ladicte faction furent prins prisonniers et envoyés au chasteau de Locles. Toutes lesquelles choses donnèrent (non sans cause) roupture au voyage que le roy avoit délibéré faire en Italie, et y envoya messire Guillaume Gouffier, admiral de France, son lieutenant-général, avec son armée, qui estoit fort belle et en bon ordre. Pour ces cas le roy eut matière d’avoir en suspection grande les parens et alliés dudict duc de Bourbon et entre aultres le seigneur de La Trimoille, parce qu'il avoit esté marié en premières nopces avec feu madame Gabrielle de Bourbon, seur du père dudict Charles de Bourbon. Néantmoins n'eut Jamais aucune deffiance d’icelluy de La Trimoille; mais l’advertissant du cas, luy recommanda la charge de lieutenant-général en Picardie, en laquelle il s’aquicta très bien, car dès ce que ledict seigneur eut eu son expédicion du roy pour ladicte charge, s’en alla à Sainct- Quentin en Vermandoys, où séjourna quelque temps attendant à venir sa gendarmerie, et aussi qu’il estoit fort blécé de la cet d’ung cheval tumbé sous luy.

De Sainct-Quentin ledict seigneur de La

PAR JEAN BOUCHET

Trimoille demy guéry dudict mal, s’en alla, tout le long de la frontière jusques à Boulon-: gne sur mer, puis à Monstreul, où il se tinst: longuement, à la raison de ce que c’estoit l’une des feubles villes du pays. Et aussi craignoit,’ s’il en fust party, que ceux qui estoyent or donnés pour la garder en feissent difficulté, au, moyen de la grant mortalité de peste qui y estoit. Et luy estant là, le duc de Suffolc, avec grosse armée d’Anglois, descendit audict pays, et 8e. vinst joindre au seigneur d’Iselstain, lors lieutenant-général du roy d'Espaigne. Eulx assemblés avec leurs armées, se trouvèrent jusques au nombre de trente-six mil hommes de pié et six mil chevaulx, et une des plus belles bandes d'artillerie qu’on aye guières veu en armée. Si prindrent leur chemin droict à Boulongne ; mais sceu par eulx le bon ordre que: ledict seigneur de La Trimoille y avoit mis, ne l’ausèrent assaillir, et prindrent ung pelit chasteau qu’on n’avoit paurveu, parce qu'il:

n’estoit tenable. De là allèrent passer devant Thérouenne, et furent trois ou quatre jours autour de la ville pour l’assiéger, ce que à la fin ne trouvèrent bon; car dedans esloit le:

capilaine Pierre Ponth, lieutenant dn duc de

Lotheraine, homme de grant hardiesse et saige conduicte, qui fist plusieurs saillies sur eulx à leur dommage et perte.

De Thérouenne les ennemysallèrent à Dour-

lans, où ils furent douze ou treize jours sans

approcher leur artillerie, parce que, enle cuydant faire, on y avoit occis tout plain de leurs gens à coups de canon, d’un chasteau de terre qué avoit faict faire le seigneur de Pont-de- Remy; : et au moyen de ce qu’il n’y avoit assez de gens dedans la ville de Dourlans pour la deffendre, le seigneur de La Trimoille y envoya deux bandes et enseignes de gens de pié, lesquels y entrèrent de plain jour à enseignes desployées à la veue de l’armée des ennemys. Et quant les ennemys partoyent d’une place pour aller à l’autre, ledict seigneur de La Trimoille estoit contrainct à faire partir et aller toute la nuyt ceulx de la place que les ennemys avoyent habandonnée, pour eulx mettre en celle où al-

—loyent, à raison de ce qu'il n’avoit assez de

gens pour garder si grant frontière. Et alloit tousjours Jedict seigneur les costoyant pour donner ordre à tout, Il avoit si peu de gens.

qu’il n'eust sceu mettre aux champs à une fois plus de soixante hommes d’armes et mil hommes de pié.

Au partir de Dourlans les ennemys prinrent leur chemin tout le long de la rivière de Somme, sans entrer au pays du roy, jusques à tant qu’ils allèrent devant la ville de Bray, laquelle ils prindrent parce qu’elle n’estoit tenable : et la rivière par eulx passée, allèrent à Roye et à Montdidier, qui sont deux petites villes, lesquelles ils prindrent, à la raison de ce qu’on n’avoit gens ni municions pour les pourveoyr. Or fault entendre que, dès ce que les ennemys eurent passé la rivière de Somme, ledict seigneur de La Trimoille envoya le comte de Dampmartin à Noyon, qui assembla ce qu'il peult des gens du pays, et rempara la ville à son possible, de sorte que les ennemys n'y allèrent. Aussi manda ledict seigneur de La Trimoille à messieurs de la court du parlement et citoyens de Paris qu'ils envoyassent gens et artillerie le long de la rivière de Marne, ce qu’ils feirent. Et d’une autre part il mist dedans la ville de Péronne les seigneurs de Montmort et de Humières, et dedans Corbie le seigneur de Pont-de-Remy, les vicomtes de Turenne et de Lavedent et le seigneur de Rochebaron avec leurs bandes. Brief, ledict seigneur mist si bon ordre partout que les ennemys, par faulte de vivres, furent contraincts de eulx retirer. Et

à leur retraicte ils prindrent Beaurevoir et

Bohaïing ; mais Beaurevoir fut incontinent reprins par ledict seigneur de Pont-de-Remy, et Bohaing par ledict seigueur de La Trimoille, les ennemys n’estans encores à six lieues loing des Françoys; parquoy ne leur demoura une seulle place dedans les terres du roy; et si per- - dirent en eulx retirant grand nombre de leurs gens, qui fut ung gros service faict au roy et au royaulme.