PREMIÈREMENT DE LA CHAPPELLE

En sa chappelle a quarante hommes, à comprendre an évesque pour son confesseur, et trois autres jacopins el prebstres confesseurs, autres chappellains et officiers, organiste et sommellier. Lesquels chappellains, chantres et ofliciers, sont gouvernés par ie premièr chappellain; et tous les jours, où qu’ils soyent, chantent les heures du jour, et la grande messe s0lempnelle. Auquel service, et à toutes heures, le prince est présent quand ils sont devers luy, et principalement à la messe et aux vespres. Et n’est pas à oublier que l’évesque dessusdit et les frères jacopins sont grands clercs, docteurs et prescheurs, et preschent souvent.

Et d'avantage a le duc un aumosnier et un soubsaumosnier, gens de telle auctorité et de tel crédit qu'ils font les aumosnes pour le prince par distribution et en conscience, qui sont grandes jusques à passer vingt mille livres par an : et pour approuver qu'il soit ainsi, quand le duc doibt partir d’une ville, son aumosnier lag apporte par escrit ce dont fl peut enquerir et sçavoir où bienfaicts et aumosnes sont bien cmployés en

icelle ville, si comme de gens anciens, gens pauvres, prisonniers, femmes gisantes, orphelins, paavyres filles à marier, gens bruslés de feu, marchands destruits par fortune, et loutes autres choses nécessaires; et à un chascun le duc à sa dévotion départil ses aumosnes, et signe le papier et les sommes, el sont payées avant que l'aumosnier parte de la ville. Aussi l’'aumosnier distribuc et départit l'argent de l'offrande du prince , qui tous les jours se font, et où que soit faicte offrande en la messe; et luy est icelle offrande présentée par le plus grand prince de son hostel, et qui là soit : et doibt ledit aumosnier dire Benedicite à la table du prince, et les Graces, el à celles Graces doibt estre le maistre d’hostel au-dessus: et doibt l’aumosnicr lever Ja nef où est l’aumosne devant le prince, et puis oster la nappe de la table, et doit commencer au haut bout, qui est le contraire au servir viandes.