CHAPITRE XXXV
Contre la jalousie.
Le seul moyen de l'esviter est de se rendre digne de ce que Ton désire; car la jalousie n'est qu'une deffiance de soy-mesme et un tesmoignage de nostre peu de mérite. L'empereur Aurele, à qui Faustine sa femme demandoit ce qu'il feroit si son ennemy Cassius gagnoit contre luy la bataille, dist : « Je ne sers point si mal les dieux qu'ils me veulent envoyer une telle fortune. » Ainsi ceux qui ont part en l'affection d'autruy, s'il leur advient quelque craincte de la perdre, disent : «Je n'honore pas si peu son amitié qu'il m'en veuille priver.» La confiance de nostre mérite est un grand gage de la volonté d'autruy.
Qui poursuit quelque chose avec la vertu est ayse d'avoir un compagnon à la poursuite, car il sert de relief et d'esclat à son mérite. L'imbecilité seule crainct la rencontre, pource qu'elle pense qu'estant comparée avec un autre son imperfection paroistra incontinent. Ostez l'émulation, vous ostez la gloire et l'esperon à la vertu.
Le conseil aux hommes contre ceste maladie, quand elle leur vient de leurs femmes, c'est que la pluspartdes grands et galands hommes sont tombés en ce malheur sans qu'ils en ayent faict aucun bruict :Lucullus, César, Pompée, Caton, Auguste, Antonius et tant d'autres. Mais, diras-tu, le monde le seait et en parlent de qui ne parle-t-on en ce sens, du plus grand au plus petit? On engage tous les jours tant d'honnestes hommes en ce reproche en ta présence! Si tu t'en remues, les dames mesmes s'en mocqueront; la fréquence de cest accident doibt meshuy en avoir modéré l'aigreur. Au reste, sois tel que l'on te plaigne, que ta vertu estouffe ce malheur affm que les gens de bien
L1YKE 111, CHAI». XXXV.
ne t'en estiment rien moins, mais en maudissent l'occasion.
Quant aux femmes, il n'y a point de conseil contre ce mal, car leur nature est toute confite en soupçon, vanité, curiosité. Il est vray qu'ellcs-mesmes se guérissent aux despends de leurs maris, versant leur mal sur eux, et guérissent leur mal par un plus grand. Mais si elles estoient capables de conseil, l'on leur diroit de ne s'en soucier ny faire semblant de s'en appercevoir, qui est une douce médiocrité entre ceste folle jalousie et ceste autre façon opposite qui se practique aux Indes et aux autres nations , où les femmes travaillent d'acquérir des amis et des femmes à leurs maris, cherchant sur-tout leur honneur (or c'est un tesmoignage de la vertu, valeur et réputation aux hommes en ces pays-là, d'avoir plusieurs femmes) et plaisir; ainsi Livia à Auguste, Stratonique1 au roy Dejotarus ; ou bien multiplication de lignée comme Sara, Lia, Rachel, à Abraham et Jacob.
