LUI

Procès criminel intenté à Jean de Brezé ^ chevalier. 1er juillet 1390,

Vendredi premier jour de juillet, mil ccc iiii" et dix. Sens et Boschet.

Entre maistre Philippe Juèze et le procureur du. Roy, demandeurs d'une part, et messire Jehan de Brézé, chevalier, Henry des Rosiers et messire Giles Poitevin, prieur de Saint Michiel, défendeurs, d'autre. Dient les demandeurs que feu maistre Hélye du Clos fut un très-bons et sages homs, de grant estât et puissant, conseiller du Roy , et fut depuis doyen de Gas-

congne, et est un très-notable bénéfice, et y a plusieurs collacions, et est de tel privilège que il est premier conseiller de l'abbéesse de Frontevraut, et ne puet icelle abbéesse faire aucune consultacion touchant son abbaye que il ne soit le premier au conseil appelle. Et dit que le doyenné lui fut donné à la requeste de mons. de Berry, combien que l'abbéesse n'en fui pas bien d'assentiment ou cuer. Et dit qu'il y avoit plusieurs manoirs appartenans au doyenné, et en esnécial un manoir appelle Beauregart, que tenoit par sa force et contre raison messire Jehan de Brezé, et lui fut dit plusieurs fois que il faisoit mal de tenir icelluy hostel qui appartenoit à l'église. Et pour ce, l'abbéesse consçeut encores plus grant hayne à l'endroit dudit Hélye. Et quant il venoit pour parler à l'abbéesse des besongnes de l'église et il disoit : « Madame, Dieux vous doint bon jour! » Elle lui respondoit : « Sire, vous soiez le mal venuz. » Et ne pot par grant temps avoir ne joir des droiz de son bénéfice, pour l'amour de messire Jehan de Brezé, qui a espousé la niepce de l'abbéesse. Et dit que elle manda messire Jehan et plusieurs autres pour venir parler à elle. Et y vint messire Jehan, acompaigné de plusieurs gens; et conspirèrent la manière comment il pourroient faire murtrir ledit Hélye. Et tant que plusieurs gens et familiers dudit de Brézé , avec(|ues eulz Giles Poitevin , Henry des Rosiers et plusieurs autres armez de diverses armes, lesquels alèrent en l'église de Frontevraut, où ilz trouvèrent frère Hélye , et le prindrent et montèrent ou clochier de l'église, et là, le tindrent un jour et une nuit senz mangier ne senz boire. Et endroit minuit le prindrent et le menèrent à un molin nommé Tur-

quain, où il fut geté en la rivière. Et pour ce qu'il ne naioit pas, bien tost le retirèrent et lui donnèrent parmy le corps d'un cousteau et le gctèrent de rechief en la rivière, et fut nayé. Et après ce, furent touz ses biens prins, et distribuez, et furent aus manoirs de la Chomelle (ou Thonielle) et de la Viguerie, appartenans audit deffunct, où ilz prindrent touz les biens qui dedens estoient, et les ont actribuez à eulx. Et avec ce, messire Jeban de Brézé ot deux roncinsqui estoient audit deffunct, avec un manteau et une houpelande fourrez de gris, dont la femme dudit messire Jehan est fourrée. Et n'ose demeurer au pays, et l'ont cuidé plusieurs foiz faire tuer; et fut féru à l'assise de Tours par aucuns aliez des diz complices. Si dit que ces choses ont esté faictes par les dessus nommez en commectant infraction de sauve-garde, port d'armes, enfrainct l'imunité de l'église et aguet appensé. Si conclut contre Brézé et Henry en amendes honorables, senz chaperon, senz sainture , en la court de céans, et au lieu. Et que les dessus nommez et Poitevin soient condempnez à la fondation d'une chapelle de cinquante livrées de rente et adournée, etc. et proufitable, Brézé envers maistre Philippe, en x™ livres. Et que des biens qui ont esté prins à la Viguerie et à la Thonielle par messire Jehan et ses complices, que maistre Philippe en soit creuz par son serement. Et Henry et Poitevin envers Philippe , chascun en mil livres et condampnacion de despens, etc. Offre à prouver , etc.

Défent messire Jehan de Brézé , Henri et Poitevin, Et dient qu'ilz ne sçavent comment Philippe est fondé en la court de céans, car il est religieux, et par ce n'est habile à poursuivre senz auctorité, etc. Et pour

104 PIÈCES ITST.DITES.

ce, dit que messire Jehan de Brézé est homme noble et de bonne lignée, qui a espousé la nièpce de l'abbéesse qui lors vivoit, et avoit deux de ses filles nonnains en l'abbaye. Et pour l'amour de sa tante et de ses enfans fréquanloit souvent à l'abbaye, mais il ne se melloit en riens de conseillier l'abbéesse de la punicion de ses religieuses. Et dient que frère Hélye estoit gentilhomme religieux de l'abbaye, et estoit de moult deshonneste vie, car il estoit homme d'armes, et batoit et roboit plusieurs gens sens cause et esforçoit femmes. Et depuis ce, frère Philippe et son oncle Hélye consçeurent grant hayne ensemble, et tant que Philippe bailla articles à l'abbéesse contre son oncle afin de le faire desmuer de son bénéfice et faire mourir. Hélye en sçeut les nouveles de ce, et pour ce dist à Philippe son nepveu : «Tuas trop parlé, il t'en mesvendra. » Et tant que à certain jour après, Hélye, acompaigné de plusieurs genz vindrent la nuit en l'ostel de Philippe, et rompirent Puis et entrèrent ens. Et Philippe cuida ystre par derrière, mais il fut pris, et lui fut coppé par Hélye, son oncle, la langue, et crevé un des yeulx. Et depuis ces choses, Philippe escript de sa main une cédule dont l'en a offert à faire foy, par laquèle il disoit les cas dessus diz estre commis par son oncle, frère Hélye. Et tant que l'abbéesse, qui apparceut Philippe qui estoit ainsi villené, commanda que Hélye feusl pris, ce que fut fait. Et depuis ce, les cas lui furent déclairez, ausquelz il ne vouloit respondre, fors à grans et haultes paroles. Et cuida moult de foiz, messire Jehan de Brézé faire délivier et eslargir Hélye, et pria l'abbéesse de lui faire le plus de biens que elle pourroit. Et ne sçet messire Jehan de quèle mort ne comment il mo-

rut, fors qu'il a oy dire que l'abbéesse, après informacion faite de ce, et qu'il estoit trouvé coulpable, le cuida envoler à Ângiers devers son nepveu, qui est évesque, et le fist meclre en un bateau. Et quant il furent sur la rivière^ Hélye print l'un de ceulz qui le raenoient en disant : « Comment villains! me maures vous ainsi? » et tant qu'il cbeurent ensemble en la rivière. Et a oy dire que Hélye se noya, et l'autre homme fut rechapé. Et ne sçel se il en ala ainsi, mais il a oy dire, et n'en sçet, ne n'y fut. Messire Jehan, et aussi Henry, estoit couchié celle nuit en son lit, et ne sçet comment il en ala, car il ne fut pas présent quant l'en prist et emmena Hélye. Et aussi pareillement Giles Poitevin, qui a esté convenu en court de Romme à la requeste de Philippe, et depuis l'a fait convenir céans, et a délaissié le plait de court de Romme par ce qu'il n'en a peu riens prouver.

Et respont Brézé à l'ostel de Beaurepaire, et dist qu'il le tient de la volenté des religieuses par bêle et bonne rente qu'il leur en fait chascun an, et ne trouveroient qui tant leur en donnast. Quant au fait de Betbzu que l'en dit que l'abbéesse avoit volenté qu'il eust le bénéfice de Hélye et par ce machina à la mort de Hélye, il n'est pas vraisemblable, car puisque elle l'avoit donné par leur propos à la requeste de mons. de Berry, elle ne l'eust jamais hosté. Et dit que ses bénéfices ne furent pas donnés jus({ues à ce qu'il lut mort. Quant aus chevaux, dit que l'abbéesse avoit deux chevaux que elle donna à messire Jehan quatre ou cinq jours après la mort de Hélye, et ne valoient pas chascun plus de dix frans. Quant ans robes, l'abbéesse donna deux houpellandes qui lui

compétoient à la femme de messire Jehan qui est sa nièpce, et les reffiisa plusieurs fois messire Jehan. Quant aus biens de la Yiguerie et de la Thorelle, il n'en fut riens prins par les défendeurs. Et concluent, primo que Philippe qui est religieux, n'est pas habile à proposer ces choses sens licence de l'abbéesse et tant à fin de non recevoir. Dit, en tant c(ue touche Poitevin l'abbéesse en doit avoir la cognoissance, car il est son religieux, et n'y a point de sauvegarde en France, car il n'en appert point ne de port d'armes, et l'abbéesse en requiert le renvoy. Dient messire Jehan et Henry que les demandeurs ne font à recevoir et se à recevoir faisoient, qu'il n'ont cause, veu qu'il ne dient et ne sçevent point que il feust féru ne batu à Tours. Si requièrent estre absolz, et despens, offre, etc.

Répliquent les demandeurs et dient à ce qu'il ont dit que Philippe n'est pas habile à estre en jugement senz auctorité. Réplique et dit qu'il est prieur du prioré conventual nommé Pontratier, et aussi ne oseroit aler devers l'abbéesse car elle conseille, conforte et ayde ses adversaires. Et dit que en tel matière, posé qu'il feust cloistrier, si pourroit il faire poursuite. Et ne fait pas conclusions singulières à lui, aincois à fondacion de chapelle, et pour ce, fait bien à recevoir. Et avec ce a requis congié, mais il lui a esté refusé. Quant à Poitevin qui requiert estre renvoiez, il a baptise, sauvegarde enfrainte, pors d'armes, aguet appensé. Quant au plaitde cour de Romme, il a esté meu pour cause de certain bénéfice dont Philippe a eu sentence par lui, et se aucunement il l'avoit fait convenir pour ceste cause en court de Romme, il ne l'a peu ne

osé poursuir, pour la doubte de ses adversaires. Et dit que touz ses l)iens furent pris un po après la mort de son oncle, et lui convint partir du pays pour doubte de ses adversaires. Et respont à la cédule dont il ne bailla point pour grever son feu oncle, et se Brezé est à demie lieue de Fontevraut, il allègue l'arrest de Pontoise du murtre fait à Petit Pont. Dit que s'il prial'abbéesse pour Hélye, ce fut faintement et afin que l'en ne cuidast qu'il feust coulpable du fait.

Le Procureur du Roy a requis que le droit du Roy y soit gardé.

Appointié est que la court aura advis se maistre Philippe fait à recevoir, considéré qu'il est religieux. Et ou cas qu'il feroit à recevoir, les parties sont contraires. Et affermeront les défendeurs leurs articles en personne et respondront en personne ans articles des demandeurs. Et aura la court advis sur le renvoy requis par l'abbéesse, de Giles Poitevin. Et seront les parties receues par procureur. Quousque, etc.

{Arch. de l'Emp, Reg. XIII du crlm., fol. 102.)

Prix de V acquisition du comté de Longueville par le duc de Tour aine.

2 janvier 1391.

Le n^ jour de janvier mil ccc un" et x, par Pordon nance et commandement de monsieur de Tourainne , Jehan Poulain, garde de ses finances, a pris en ce coffre les sacs de finance qui ensuivent. Premièrement un sac de xvi™ flourins. Item un autre sac de

ix" florins. Item un autre sac de vu"" escuz. Item un autre sac de vu'" c escuz. Item un autre sac de vu" \f escuz. Item encore un autre sac de xviii'' l escuz, pour mectre et convertir en l'achat de la conté de Longueville, présens à ce par l'expresse commandement d'icelui seigneur, messire Jehan Prunelle, chambellan dudit seigneur, et Thierry delNeufville, son secrétaire. Tesnioing noz saings manuelz mis à ceste cédulle , le jour et l'an dessusdiz.

J. Prunele. Thierry.

(Orig. parch. — Arch.de VEmp. Carton K. 535. V. 8.)

Ordre de Louis ^ duc de Touraine, au garde de ses chartes^ de rendre au sire de Coucy une obligation de 10 000 florins ducats que le duc lui avait prêtés pour son expédition d'Afrique.

Paris, 20 décembre 1391.

Loys, fils de roy de France, duc de Touraine, conte de Valois et de Beaumont. A. nostre amé et féal secrétaire, maistre Huges de Guingant , garde noz chartres et privilèges, salut et dilection. Nous voulons et vous mandons, que à notre très cher et amé cousin le sire de Coucy, vous rendez, baillez et délivrez, tantost et sans délay, certaine obligacion que vous avez de nostredit cousin, de la somme de dix mille florins ducaz, que pièça lui avons prestez pour le voyage de Barbarie, et dont autreffoiz lui avons donné et quicté cinq mille florins , et en a noz lettres pardevers luy, et les autres cinq mille florins avons donné et quitté , donnons et quictons par ces présentes , à

nostredit cousin , de nostre certaine science et grâce espécial, pour considéracion de pluseurs grans et notables services que faiz nous a. Donné à Paris le xx^ jour de décembre, l'an de grâce mil trois cens quatre vins et onze. Ainsi signée par monseigneur le Duc.

BOUTIER.

{Arch. de PEmp. Reg. KK. 896, fol. 366.)

Ordre de Louis, duc de Touraine^ au garde de ses chartes, de rendre à Philipve de Florigiij, son premier chambellan^ une obligation de 500 ducats dor^ que celui-ci avait souscrite au seigneur de Milan lors de son ambassade en

Lombardie.

Paris, 21 février 1392.

Loys, fils de roy de France, duc de Touraine , conte de Valois et de Beaumont. A nostre amé et féal secrétaire, maistre Hugue de Guingant, garde de noz Chartres privilèges et autres lettres et escrips , salut et dilection. Nous voulons et vous mandons, que certaine lettre d'obligacion faicte dès le ix® jour de juing, l'an mil trois cens quatre vins et neuf, par nostre amé et féal chevalier et premier chambellan, messire Philippe de Florigny , lui estant de par nous es parties de Lombardie, à nostre très chier et très amé père, le conte de Vertuz , seigneur de Milan , de la somme de cinq cens ducaz d'or, laquelle somme nous avons donnée à nostredit chambellan pour certaines causes et considéracion qui à ce nous ont meu, et icelle somme avons fait détruire et rabatre à nostredit père sur le premier paiement de ce qu'il nous est tenuz à cause et pour raison de nostre mariage,

VOUS rendez, baillez et délivrez tantost et sans délay à nostredit chambellan ou à son certain mandement, sans aucune difficulté ou contredit. Donné à Paris le xxf jour de février, l'an de grâce mil trois cens quatre vins et onze. Ainsi signé : pour monseigneur le duc.

Thierry.

{Arch. de CEmp. Reg. KK. 896, fol, 363'°.)

LVIT

Don fait par le Roi à la reine de Sicile^ duchesse d'Anjou^

et a son fls^ des aides pour la guerre qui se lèveront dans

leur duché d'Anjou^ leur comté du Maine, et leurs autres

terres.

Paris, 13 mars 1392.

Charles, par la grâce de Dieu roy de France. Anoz amez et féaulx les généraulx conseillers à Paris sur le iait des aides ordenées pour la guerre, salut et dilection. Savoir vous faisons que Nous, par la délibéracion de nostre conseil, a\ons donné et octroyé, donnons et octroyons de nostre certaine science et grâce espécial par ces présentes , à nostre très chière et très amée tante, la Royne de Jhérusalem et de Sicile, et à nostre très cliier et très amé cousin, le Roy de Jhérusalem et de Sicile, son fil, pour aidier à supporter les grans (raiz et despenses que noz diz tante et cousin dessus diz soutiennent pour le fait de la conqueste dudit royaume de Sicile, la moitié de tous les aides , tant de gabelles du sel comme autres, qui ont et auront cours pour ledit fait de la guerre pour ceste présente année, qui commença le premier jour de février derrain passé et fenira le derrain jour de janvier prouchain venant, comme es autres paities de notre royaume,

en leur duché d'Anjou, en leur conté du Maine et en leurs terres de Guise , de Lodun , de Mirebeau , de Chailli, de Loncjumel et de Bonneville-la-Louet, et généralment en toutes les terres, lieux et pais où ilz ont acoustumé prendre ou temps passé les diz aides ou partie d'icelles par nostre octroy, à prendre, avoir, lever et recevoir ladicte moitié desdiz aides par noz diz tante et cousin et leurs gens et députez à ce en leur duché , contez et terres dessus dictes, ainsi et par la forme et manière que ilz le ont prinse l'an derrain passé. Si vous mandons et enjoignons estroitement, que noz tante et cousin dessus diz faites, souffrez et laissez joir et user paisiblement de noz présentes grâce, don et octroy. Et par rapportent ces présentes ou vidimus d'icelles soubz séel aulentique, avec vérificacion de vous et quictance de nostre dicte tante ou de son receveur général, nous voulons et mandons, tant ce que par les receveurs des aides des duché, conté, et terres dessus dictes aura esté baiilié, paie et délivré à noz diz tante et cousin ou à leurs gens pour eulx, estre alloué en leurs comptes el rabatu de leur recepte par noz amez et féaulx gens de noz comptes à Paris, sans contredit ou difficulté^ non obstant quelconques autres donz par nous autres(bis faiz à nos diz tante et cousin, et quelconques ordenances, aiandemens ou deffences contraires. Donné à Paris en nostre hostel lez Sainl-Pol, le xv* jour de mars. Tan de grâce mil ccc ini" et onze et le xif de nostre règne. Ainsi signé : par le Roy en son conseil.

J. DE MOSTEROLIO.

(Dans un Tidimus original du prévôt de Paris du 23 avril 1392.) (Arcfi. de l'Em, Carton K. 54, pièce 11.)

Instructions des ambassadeurs français envoyés vers le Pape

pour la création d'un royaume d'Italie pour Louis^ duc

d' Orléans .

24 janvier 1393.

Instruction baillée par le Roy à l'évesque de Noyon * et au sire de Coucy, cousin et conseillers du Roy, et à lîiaistre Jehan de Sains, secrétaire dudit seigneur, envoiez de par icelli seigneur devers nostre S. Père le pape* et le collège des cardinaulx, des choses que ils auront à faire devers nostre dit Saint Père et ledit collège.

Premièrement. Après la recommendacion etprésentacion de leurs lectres, qui contendront créance, diront à nostredit S. Père que les roys de France, depuis qu'ils sont chrestians, ont eu grantdévocion, amour et alliance à l'Eglise, et aussi l'Église a eu en grant amour les roys de France ; et par le grant amour et alliance que les roys ont eu à l'Église, l'Église en a esté plus doubtée, honnorée et essauciée.

/^^/7i,^[ue les roys de France, pour la grant amour et dévocion qu'ils ont eu tousjour^ à l'Église et au saint sieige de Romme, ont par plusieurs foiz remis le pape en son sieige, dont il estoit débouté par sçisme ou autrement, indeuement, et ont apaisié plusieurs sçismes et miz l'Eglise en paix et en union, pour quoy l'Église s'est tousjours plus tenue obligiée aux roys de France que à nulz autres princes du monde.