Trois quarts de karat

Et aussi estoient les diz deniers foibles de pois III quars de denier pour marc, qui se monte xvi s. t. pour marc ou environ. Lequel flebage ilz n'ont mie escripl ne mis en leurs pappiers comme ilz dévoient. Et en oultre a esté ouvré en nostredicte monnoie par lesdiz supplians depuis ledit temps, environ xxxii mars d'or, dont ilz n'ont mis en boisle que de xviii à XX mars, et le surplus du proffit desdiz xxxii mars d'or que nous devions avoir avecques le proffit du pois dessusdit qu'ilz n'escrivoient point en leurs pappiers, comme dit est, qui tout se puet monter xl escus ou environ. Et avoient accordé entre eulz donner ycellui proffit aus marclians de Lorraine et d'Alemaigne à eulz marcliissans et d'ailleurs, en leur donnant pour marc d'or plus d'avantage qu'ilz n'avoienl acoustumé de leur donner, pour ce qu'ilz délaissoient de venir en ladicte monnoie, et aussi pour plusieurs volages et chevauchées que lesdiz supplians avoient faiz es diz pays. Et par ainsi, le proffit qui nous devoit appartenir, ilz ont consenti le bailler alleurs aus diz marchans et autrement, comme dit est, pour les actraire à ladite monnoie et pour mieulz faire ouvrer en icelle, pour actraire l'or desdiz pays voisins, non cuidans si grandement mesprendre envers nous. Et aussi, que depuis un moys ou environ, une grant partie ou la plus grant des diz deniers ont esté recouvrez et assemblez, par quoy le peuple ne sera en rien fraudez ne deceuz, et seront fonduz et affinez et refaiz , dont nous arons le proffit. En nous humblement supplians

(Suit la rémission, adressée aux gens des comptes, aux trésoriers à Paris, et aux généraux maîtres des monnaies.)

Donué à Rouen, le xiii" jour de novembre, l'an de grâce M CGC iiii '^ et xix et de nostre règne le xx°^

Par le Roy, à la relacion de son grant conseil, ouquel Mess, les ducs de Berry et de Bourbonnois, Vous et plusieurs autres estiez.