Le pape Benoît XIII

entre clercs. Et le dit de La Roquai soustint par oppinions le fait dudit Ranat et dudit de La Lune ; sur quoy y ot en icelle esgîise grant riote et contreverse. Et pour cela, Estienne de Montigny, quia esté ordonné de par nous et nostre trèscher et trèsamé oncle le duc de Berry, comme l'en dit, réformateur en Languedoc, de fait, pour ledit cas, a prins ou fait prendre en ladicte esglise tous les biens et livres dudit de La Roquai, et les a donnez là ou bon lui a semblé, et en a fait à sa voulenté, et après ce, l'a banni de son Royaume, pour ce qu'il se absenta. Pour lesquelles causes ledit de La Roquai ne se ose monstrer, ne peut estudier et servir Dieu, ainsi qu'il est tenus et acoustumés, mais est en voye de mourir par courroux et desplaisance, se sur ce ne lui estoit impartie nostre grâce et miséricorde

(Suit la rémission adressée au sénéchal de Toulouse.)

Paris, décembre 1409.

(Arch. de l'Emp., Trésor des Chartes, reg. JJ. 164, pièce 53.)

Mœurs de certains officiers d'église.

Paris, octobre 1400.

Charles, etc. Savoir faisons à tous présens et avenir. Nous avoir reçeue l'umble supplicacion de Jehan du Huz, povre homme, chargié de femme et d'enfans, demourantà Vermale1 dans nostre bailliage d'Amiens, contenant :

\. Vermelles (Pas -de-Calais).

Que comme le derrenier jour du mois d'aoust derrenièrement passé, icellui suppliant, à la dénonciacion d'un sien ami et pour son bien, feust alez en la ville de la Bassée1, pour avoir et poursuir les coultrerie et clergie de l'esglise Nostre-Dame de la Bassée en lieu de Robin Ruiart, qui en son vivant en estoit coultre2 et clerc, lequel estoit lors aie de vie à trespassement : et s'adreça à Colard Geneviève, qui estoit bien son ami. Auquel suppliant yceilui Collard dist, que s'il vouloit avoir lesdictes coultrerie et clergie, qui les lui feroit bien avoir. Lequel suppliant respondi audit Colard, qu'il les vouloit bien avoir. Et lors, ce dit, ala vers les chappellains de ladicte esglise ou plusieurs d'iceulx, lesquelz, avec plusieurs autres gens, disnoient en l'ostel de Jehan Bouquel, qui est taverne publique, pour un obsèque que iceulx chappellains avoient fait ledit jour que ledit suppliant arriva en ladicte ville de la Bassée. En laquelle taverne il trouva lesdits chappellains et autres en leur compaignie, lesquelz il salua, Auquel plusieurs qui là estoient assistens, dirent qu'il s'asseist, et qu'il feust le bien venus. Lequel, après aucunes parolles, s'assist après eulx. Car il avoit à plusieurs d'iceulx cognoissance, parce qu'il est nez de ladicte ville de la Bassée, et y a de bons amis. Et aussi lui dirent qu'il estoit venus bien à point pour estre coultre et clerc de leur paroisse, ou parolles semblables en substance. Et lors un des chappellains d'icelle esglise, nommé Escobarie, fermier et cliappellain du curé de ladicte esglise, qui là estoit avec