C'est-à-dire vers le 15 août 1421 jour de l'Assomption

Pillards.

Paris, avril avant Pâques 1421.

Charles, par la grâce de Dieu roy de France. Savoir faisons à tous présens et avenir. Nous avoir receu l'umble supplicacion des parens et amis charnelz de Guy, seigneur de Miraumont, chevalier, nostre chambellan et de nostre très chier et très amé fils le ducde Bourgongne, contenant :

Que le vendredi xxe jour de mars derrenièrement passé, ledit suppliant, quiestoit en sa maison et chastel de Miraumont1, environ trois heures après midi, et lors il oy l'escharguecte dudit chastel sonner, pour ce qu'il venoit gens d'armes sur le pais. Pour laquelle chose ycellui suppliant demanda à la garde dudit escharguecte, dequellez1 lesdizgens d'armes venoient. Lequel lui respondi, de devers Courcellettes. Et adonc ledit suppliant regarda de sondit chastel audit lieu, et vit un enfant aagié de xvi ans ou environ, qui estoit filz de son maunier, qui s'en affuyoit vers la maison de sondit père. De la maison duquel maunier il vit yssir ledit maunier et ses variés de pié, en alant contre lesdites gens d'armes, et y avoit grant cry et noise. Et vit que ledit maunier ala à un compaignon qui avoit bouté jus son fiiz de son cheval, lequel l'emmenoit et estoit monté sus, et il menoit le sien en destre, qu'il disoit estre sien. Auquel maunier ledit suppliant oy