Cherchant son malheur

appaisié et ne lui disoit plus rien, comme dit est, lui dist qu'il n'avoil mais si bel régner qu'il avoit eu ou temps passé, et que ses posteaulx, c'est à dire les meilleurs de ses amis, estoient mors. Lequel suppliant, véant que ledit Denisart lui reprochoit ainsi ses amis, qui estoient trespassez, fut encores plus couroucié et esmeuz que devant, et se leva, disant assez eschauffement audit Denisart, que encore ce non obstant porroit il bien contre lui. Et ledit Denisart lui redist plusieurs parolles mal gracieuses, injurieuses et deslionnestes. Et en ce conflit boula la table sur et contre ledit suppliant, qui se cuidoit rasseoir, si fort et si rudement qu'il le fit acculer en arrière et à peines qu'il ne cheust à terre, s'il ne se feust bien tenus. Et lors ledit suppliant, lui véant ainsi injurié et villené et ladicte table boutée sur lui, comme dit est, par ledit Denisart, moult eschauffé et de cbaut sanc et comme tout troublé, se releva pour cuidier férir ledit Denisart, se n'eust esté ledit Garsel, dessus exprimé, qui se mist entre eulx deulx pouroster le débat d'entre eulx. Mais toutes voies et ce non obstant, tout esmeu, ainsi que dit est, de chaleur et de couroux, sans aguet appensé, après plusieurs autres parolles dictes par lui et ledit Denisart , desquelles il n'a pas de présent mémoire, se approcha dudit Denisart et le férit de son dit coustel un seul coup, ou col ou environ, dont mort incontinent s'en ensuy en la personne dudit Denisart. Pour occasion duquel fait ledit suppliant, doublant rigueur de justice, s'est absentez du pais. . . .

(Rémission adressée au bailli d'Amiens. — Amende arbitraire et un mois de prison.)

Donné à Paris ou mois d'octobre, l'an de grâce mil cccc et de nostre règne le xxie.

Par le Roy, à la relacion du conseil,

J. de Crespy.

(Arch. de l'Einp. Très, des Ck. Reg. coté JJ. 155, pièce 273.)

Privilège de Clergie. — Exécution capitale. Paris, octobre 1400.

Charles, etc., savoir faisons à tous présens et avenir. A nous avoir esté exposé de la partie de Jehan de Noroys, clerc, povre homme, chargié de femme et de deux enfans, et nagaires appariteur de la court espérituelle de nostre amé et féal conseiller, l'évesque d'Amiens :

Que comme le vendredi xnie jour de may derrenièrement passé, ouquel jour nostre prévost de Foilloy l, et aucuns de noz sergens ou bailliage d'Amiens, faisoient mener à la justice que nous avons au dehors d'Amiens, un nommé Jehan de Hangart, qui par nostre bailli d'Amiens avoit esté condempné à estre exécutez à ladicte justice pour aucuns crimes et délits que il avoit commis et perpétrez, ledit exposant eust esté resquis de aler requerre ledit de Hangart, comme clerc que il se faisoit et disoit estre ; en faisant apparoir au dit suppliant de une lettre de couronne ou tonsure donnée dudit évesque ou aucun son pré-