Touques, à trois lieues de Honfleur

nommé Chastellain, qui estoit en la chambre d'icellui viconte. Auquel ledit exposant demanda s'il estoit homme qui peust entrer avec lui. Lequel clerc respondi que oil. Adonc icellui clerc se leva et ouvry luis audit exposant. Lequel exposant avec ce, lui demanda s'il estoit homme qui peust rneclre amendement en une amende qu'il avoit faicte, laquelle estoit enregistrée en son papier. Lequel clerc respondi que, quant estoit de lui, qu'il n'y povoit mectre d'amendement. Lors ledit exposant lui dist, que s'il y povoit mectre amendement, qu'il lui donroit dix solz. Lequel clerc lui respondi qu'il n'en feroit riens. Adonc ledit exposant lui dist qu'il lui voulsist lire le registre où sadicte amende estoit enregistrée. Lequel clerc lui respondi que voulenliers lui liroit. Et ainsi que icellui clerc lut ledit registre audit exposant, il avisa une tache d'encre en un feullet ouquel sadicte amende estoit enregistrée. Et par tant lesdis clerc et exposant se départirent de ladicte chambre. Lequel exposant, quant il ot laissié ledit clerc , se transporta en un jardin dudit viconte, et ala en un treillis de fer auquel il bouta son bras, et fist tant qu'il attaint audit papier et en prist deux feulles, esquelz sadicte amende et autres esloient enregistrées, et les mist en son sain, en s'en ala en sa maison, et les ardi. Pour lequel cas ledit exposant a este emprisonné ou chasttl de Touque. . . .

(Arch. de l'Emp. Très, des Ch. Reg. JJ. 155, pièce 3 5 S.)

Faux.

Paris, avril 1416.

Charles, etc. Savoir faisons à tous présens et avenir. Nous avons receu l'umble supplicacion des amis charnelz de Jehan Douvin, povre laboureur, chargé d'une femme et d'un enfant, demourant à Chattencourt près de Fonches, en la prévosté de Roye, contenant :

Que comme icellui Jehan ait esté commis ou ordonné à cueillir et porter au buffet d'Amiens la somme de dix livres tournois , à laquelle avoit esté et estoit assise et imposée ladicte ville pour la taille et impos derrenièrement mis sus, et laquelle il cueilli. Et il soit ainsi, que lui retourné audit lieu de Chattencourt , il fist lire par un clerc sa quictance, qu'il avoit eue du clerc du receveur des aides illec. Et pour ce que icelle quictance necontenoit que la somme de huit livres tournois, il fist rasurer icelle somme, et y escrire dix livres tournois. Pour laquelle défaulte il a esté pris et emprisonné. . . .

Paris, avril 1416.