CXXXVI1I

Fabrication de faux coings de monnaies. Paris, septembre 1408.

Charles, etc. Savoir faisons à tous présens et avenir. Nous avoir receu l'humble supplicacion des parens et h 17

amis charnelz de Jehan Béraut, ouvrier el potier d'estain, contenant :

Comme quinze jours ou trois semaines avant Noël dernièrement passé, autrement ne scevent lesdiz supplians d éclairer le temps, ledit Béraut se feust transporté en l'ostel d'un appelle Perrin Chouen, allogeur1 et faiseur d'alloges, demourant à Parienay. Auquel ledit Béraut eust fait forgier deux pièces de fer en la forme de deux coings, disant icellui Béraut qu'il vouloit marquer ou graver en chascun desdiz coings un las d'amours pour signer ou marquer les goubelez d'estain de sa façon. Lesquelz coings ainsi forgiez, leditBéraut eust porté en sa maison où il demouroit, audit lieu de Partenay , et iceulx coings eut gardé , sans y marquer ne graver aucune chose, jusques au premier jour de Tan après ensuyvant. Et lequel jour passé, ledit Béraut se feust prinst à graver lesdiz coings. C'est assavoir, l'un en forme et semblance d'un grant blanc de dix deniers tournoys devers la croix , et l'autre des diz coings à la semblance dudit blanc de dix deniers tournois devers la pile, et au plus prez, à son povoir , de la forme et semblance que sont lesdiz blans de dix deniers. Après lesquelz coings ainsi gravez, ledit Béraut print de l'estain dont l'en fait les pintes, lequel estain icellui Béraut geta en mole aussi comme de l'époisseur dudit blanc de dix deniers tournois, et le coppa en pièce de la semblance et grandeur desdis blans de dix deniers; et en fist bien jusques à l'estimacion de soixante pièces ou environ. Et ce fait, ledit Béraut frappa lesdictes pièces esdiz coings, dont