Cabochon^ poli, mais non taillé
Item la déclaracion dudit quart petit fleuron.
Et premièrement, un gros balay cabochon en manière d'escu, percié au long, et à chascun des deux bous deux petis trous et sur la face une fossette en manière d'une semelle de soûler. Pesant cent un caraz trois quars. — Est pro toto.
Item, un autre balay carré en manière de table, net et de bonne couleur, pesant vint six caraz eschars^
Item, un autre balay mendre, plat, en manière de fous de cuve, percié au long à un petit trou à l'un des costez, pesant dix neuf caraz.
Item, un autre balay cabochon sur le long , à trois carres, et percié au long. Pesant trente deux caraz.
Item, un autre balay cabochon sur le long et percié au long, aucunement glaceux, pesant vint sept caraz et demi.
Item, un autre balay d'assez semblable façon, percié tout au long, et aux deus bous de deux petis trous, pesant vint trois caraz un quart.
Item, un gros saphir à huit costez, de feble couleur, pesant deux cens deux caraz.
Item, un autre saphir mendre , à huit costez , de meilleur couleur, à une petite fossele dessus, pesant trente- trois caraz.
Item, un autre saphir à huit costez, de très-bonne couleur, pesant trente deux caraz.
Item, un autre saphir carré, de flebe couleur , pesant trente huit caraz eschars.
1 . Eschars , c'est un terme de monnoyage qui s'applique à la tolérance d'un moins sur le poids voulu.
Item, un petit dyament naïf, de petit pris. Item, neuf grosses perles.
Copie des lettres du Roy nostre sire , par vertu desquelles ce présent inventoire a esté récolé par la manière contenue en une cédule de parchemin atachée au commencement d'icellui.
Charles, par la grâce de Dieu, roy de France. A nostre amé et féal Michiel de Lailler, conseiller et maistre, et Audry Courtevache, clerc en nostre Chambre des Comptes à Paris^ salut et dilection. Nostre amé et féal conseiller Jehan de Poligny, escuier, garde de nos coffres et joyaulx, nous a exposé que dès l'an cccc dix huit, il fu par nous commis et ordonné à la garde de noz dis joyaulx, et lui furent baillez par inventoire, dont le double est ou doit estre en nostre dicte Chambre des Comptes. Lesquels, depuis lors, il a bien et loyaument gardez à son povoir, et jusques à ce que nous partismes de ceste nostre ville de Paris pour aler à Beauvais etd'illec à Troyes, esquelz lieux nostre dit conseiller a esté continuelment devers nous et tousjours , jusques à nostre retour en ceste nostre dicte ville de Paris. Durant laquelle nostre absence , et lui estant en nostre dit service, comme dit est, aucuns se sont transportez es lieux où estoient noz dis joyaulx, tant en nostre chastel du Bois de Vincennes, comme la Bastide Saint Anthoine, et yceulx joyaulx ont prins et emporté de fait, et rompu les huis, serrures et muralle où ils estoient, si comme il dit. Laquelle chose pourroit estre moult grandement à sa charge, et doubte que ou temps avenir on luy en voulsist faire rendre compte et reliqua selon le inventoire à lui sur ce fait, comme dit est, se par nous ne lui esloit sur ce pour-
veu de remède convenable, requérant humblement icellui. Pour quoy. Nous , par l'advis et délibéracion de nostre trèschier et trèsamé fils le roy d'Angleterre, héritier et régent de France, vous mandons et commettons par ces présentes, que, prins pardevers vous ledit Inventoire, estant en nostre dicte Chambre comme dit est , vous vous transportez es lieux dessus diz ou ailleurs où vous pourrez savoir où sont les dis joyaulx, en récolant ou faisant de nouvel inventoire de tous les joyaulx que illec vous trouverez et dont ostension vous sera faicte par nostredit conseiller et autres, s'aucuns en a ; et le inventoire fait et recolé, envolez en nostre dicte Chambre des Comptes, et lui en baillez le double, soubz vos seing manuelz, pour au seurplus faire et ordonner ce qu'il appartendra à faire de raison. Donné à Paris le xxvn® jour de décembre, l'an de grâce mil cccc et vint , et de nostre règne le xli®. Ainsi signé : Par le Roy à la relacion du roy d'Angleterre, héritier et régent de France.
J. Millet.
