J. DESNOYERS

CHOIX

DE ['FÈCES INËDIIES

T)? CHAULES VI.

Guerre déclarée entre le guet d Aux erre et des chanoines

de cette ville,

Paris, 5 février 1381

Charles, etc. Savoir faisons à tous présens et avenir. De la partie de Deline, jadis femme, et des amis de feu Baudoin le Canaz, naguères nostre sergent à verge en la ville et cité d'Aucerre, nous avoir esté humblement supplié :

Que comme en la dicte ville d'Aucerre soit accoutumé de long temps de faire guet par nuit par le chastellain et sergent à verge d'icelle ville pour le bien de justice et pour garder que aucun ne mesfacent en la dicte ville, et il soit ainsi que plusieurs u i

jeunes compaignons channoines,prestres el autres, du cloistre de l'église d'àucerre, qui de long temps avoient hayne aus diz chastellain et sergenz, et yceulx avoient menacié et menaçoienl de jour en jour, se feussent assemblez et armez, le premier jour de janvier derrenièrement passé. Et en alant par la dicte ville par nuit, encontrèrent les diz chatellain et sergenz faisant le guet comme dit est, les quelz ils envairent et assaillirent tellement qu'il convint yceulx chastellain et sergenz retraire et cesser de faire le dit guet celle nuit ; et en fut la force aus diz de l'église. Et le dimanche ensuivant, en persévérant es dictes haynes, aucuns des diz de réglise espièrent par nuit les diz sergenz, et en trouvèrent un, appelé Jehan d'Asnières, lequel il bâtirent de fait très oultrageusement, et jusques à grant effusion de sanc. Pour les quelles causes, et pour ce aussi que yceulx de l'église avoient fait et faisoient chascun jour plusieurs excès et déliez par la dicte ville, ou contempt de nous et de nostre juridiction, et qui n'estoient ne ne sont de souffrir, le lundi ensuivant jour de la feste de l'apparicion Nostre Seigneur derrenièrement passée % par le commandement du dit chastellain se feussent assemblé, avec lui le dit Baudoin et plusieurs autres des diz sergens, et eussent appelle avec eulx certains compaignons de la dicte ville pour faire le dit guet et pour estre plus fors. Et en faisant ycellui guet par aucuns des diz sergens et compaignons pour ce assemblez avec le dit chastellain, eust été rencontrez d'aventure un appelle Jehan Richesse, prestre, curé de Vaizi, passant par devant la