IS6S

Chancelier de l'Université de Paris et chanoine de Nostre Dame, Gerson avait adopté pour maxime : « Faites pénitence et croyez à l'Evangile. » Courageux, incorruptible, plein de savoir et de piété, il se montra également habile dans la conduite des affaires de l'Eglise et de l'Etat. Son intégrité et sa fermeté le firent respecter au Concile de Pise. A celai de Constance, représentant de Charles VI, de l'Eglise de France et de l'Université, il dirigea tontes les délibérations *.

Harangue au roi Charles VI.

« Vivat rex, vivat rex, vivat rex. » Vive le roy, vive le roy, vive le roy. Cy offre et propose ceste belle salutation, la fille du roy, la mère des estudes, cler soleil de France, voir de toute chrestienté l'Université de Paris, de par laquelle nous sommes icy envoyez, en la présence très honorable de vous très nobles excellens roy, princes, et vous tous messeigneurs du hault et très sage conseil, où est représentée la dignité, magnificence et majesté royale; sommes envoyez, dis je, pour parler de la vie du roy, de son bien et de tout son royaume. Non point par auctorité, maistrise ou presumption (soit hors telle oultrecuidance), mais par toute humilité et dévote exhortation, comme fille tres-obeissante au père et du père : et comme subjecte loyale de son souverain et droicturier seigneur...

1 Nous empruntons aux Leçons et Modèles de JW. Tissot les deux morceaux suivants et la notice qui précède le second.

Pour oster toute occasion en estât de chevalerie, de se livrer à mauvaises actions, gens d'armes et souldoiers doivent bien estre payez, pour bien payer ce qu'ils prennent. C'est le commandement de sainct Jan-Baptiste : Contenti estote stipendiis, et neminem concusseritis, si payement faut aux gens d'armes ; ils s'excuseront de payer, se ils ne payent, ils pilleront et roberont sur les pauvres gens tres-outrageusement, d'aultruy cuir * large courroye. Après que s'ensuit-il au pauvre peuple? Il s'en convient fuir* devant eux, comme brebis font devant les loups : et ne vauldroit-il pas donc mieux au pauvre peuple estre sans deffence, que tels protecteurs, ou tels pillars avoir? Vrayement il n'est langue qui suffit 5 à descrire la tres-miserable indignité de ceste besongne. Je vous supply que vostre tres-noble, tres-piteux et tres-bening courage parface en miséricorde et compassion, ce que je ne pourroye jamais exposer par quelque parolle ou lamentation. Las ! un povre homme aurail payé son imposition, sa taille, sa gabelle, son fouage, son quatriesme, les esprons du roy, la saincture de la royne, les truages, les chaucées, les passages : peu luy demeure : puis viendra encores une taille qui sera créée, et sergens de venir et de engager pots et poiiles. Le povre homme n'aura pain à manger, sinon par adventure aucun peu de seigle ou d'orge, sa pauvre femme gerra*, et auront quatre ou six petits enfants au fouyer, ou au four, qui par advanture sera chauld, demanderont du pain, crieront à la rage de faim. La pauvre mère si n'aura que bouter es dents que un peu de pain où il y ait du sel. Or devroit bien suffire cette misère : viendront ces paillars qui chergeront tout : ils trouveront par adventure une poule avec quatre poussins, que la pauvre femme nourrissoit pour vendre et payer le demeurant de sa taille, ou une de nouvel créée, tout sera prins et happé, et querez qui paye. Et se l'homme ou la femme en parlent, ils seront vilennez, rançonnez et garçonnez, se ils veulent poursuivre le payement, ils perdront leurs journées, ils despendront au double et finablement n'en auront rien : fors par adventure une cedule chantant que on doibt à tel tant; voire, dit l'autre, et devra. Que vous

* Gr. § 19.

* Il convient (Lex.) s'enfuir.

» Gr. § 76.

* De^e«r.Gr.§ 29.

- Jl

semble-il que peult avoir pis le pauvre bon homme? peult avoir pis. Certes encore est te plus grief, s'entre battront gens d'armes, qui ne sont point contens de rien prendre où rien n'a, mais menassent de paroles, et battront de faict l'homme ou la femihe : ou botteront le feu en l'hostel s'ils ne rançonnent, et font finances à tort et à travers, d'argent, ou de /vins et vivres : je me tais des efforcemens des femmes vefves et autres. Ce par àdventure semble petite chose, pour ce que je ne parle que d'un homme. Croyez, messeigneurs, tout de certain, comme la mort, que il y en a mil iet mil, et plus de dix mil par le royaume pis ùemmez que je n'ay dit. Très haults et très excellons seigneurs, à ces paroles vostre cueur tant bening se tourne à compassion, je n'en doute point, et à boa droict. Hé, Dieu, et que seroit-ce si vous voyez ces horribles et tres-cruels faicts ainsi faire à l'œil comme ils se font? N'est point à croire que vous ne pourveussiez très hâtivement de remède avant que vous dormissiez de ferme somme en lict. Vos nobles personnes ne font pas, ou commandent telz outraiges, on le sait bien : mais il ne suffist pas, n'estes excusez envers Dieu et raison : pardonnez- moy si je parle franchement. Il ne sufiist pas, dis-je, si vous ne les empeschez realement, et de faict. Aucuns dient bien à leurs vprlets, quand on se plaint d'eux : « N'emportez rien : » mais en bas, ou à part, ou en autre langage, dient : « Point, point, allez prenez tousjours. » Las ! quelle chose est servitude es subjects quelconques, se c'est ici franchise ! ou est ce beau tiltre de roy, Francorum rex? Le roy des François. Trop est perdu, ce me semble, en plusieurs du royaume. On parle d'aucuns païs gouvernez par tyrans, qui travaillent en plumant leurs subjects : mais le demeurant est seur et bien gardé, tellement qu'il n'est homme qui osast ravir un seul poussin, ou geline, sur la hart. Et n'est-ce pas chose intolérable aux subjects que quand rien n'est seur ne en cors, ne en meubles, ne en conscience : car lepaoureux soucy, l'angoisseuse doubte continuelle d'estre pillez par prince, ou par gens d'armes, leur fait très griefs, très impatiens et douloureux tourmens : tant que de noslre temps plusieurs sont cheux en desespoir, et se sont occis, Dieu quelle horreur ! ils se sont occis l'un par pendre, l'autre par noyer, l'autre par ferir d'un Cousteau au cueur. Las ! que pourront respondre au destroit du jugement de Dieu, ceux qui ont donné cause de telle perdition de chrestiens

en corps, et que pis vault, en ame : sfDieu ne les a prins à mercy, si Dieu ne fera point de miséricorde à ceçx qui ne l'ont point faïcte : quelle rigueur monstrera-il à ceux qui auront cette cruauté procurée ? Toy, prince, tu ne faicts pas telz maux, il est vray, mais tu les souffres; advise si .Dieu jugera justement coutye toyWdisant: « Je ne te punis pas; fljais si les diables cPenfer te tourmentent, je ne les empescheray point : c'estoit mal pour toy. » Et n'est-ce pas merveilles comme gens qui n'ont rien de foy, de loy et de conscience ne pensent quelle absolution pourront recervoir, ou quellflfrsatisfaction faire es cas dessus dicts. N'est si sage confesseur qui souvent y sache trouver tour ou issue, Dieu y pourvdye, Non dimittitur peccatum, nisi restituatuf ablatum. Il convient de rendre ou pendre. *

Quant mesnages se sont partis du royaume par tels outrages : quantes mortalilez en sont venues sur enfans, hommes et bestes par defaulte de nourriture, ou par malle nourriture; les labou^ rages se laissent à faire, c'est pitié de le savoir : car ils n'ont de quoy semer, ou ne osent tenir chevaux ne bœufs pour*doubte des princes, ou gens d'armes, ou n'ont courage de labourer, pour ce que rien ne leur demeure. Ef leurs enfans par lesquels les anciens pères devroient estre aidez, incontinent s'en partent : « Nous aymons mieux, dient-ils, faire le gallin gartlant, que labourer sans rien avoir. » Ainsi fault aucune fois que les bonnes gens froissez de vieillesse, tirent à la charrue quand ils deussent avoir repos. Et quoy oultre les vaillans nobles bien rentez, ne peuvent estre payez de leurs hommes et rentiers ; où rien n'a, le roy perd son droict : ceux de l'église le sentent toutefois très-bien. Les pauvres mendians crient à la rage de faim : pour ce que rien on ne leur donne. On voit cecy à l'œil en quelque estât que ce soit, par telles choses les édifices royaux, et de la chose publique, chasteaux, ponts, chaussées, moulins du tout se perdent. Et quant au faict de la guerre, jugez par ce qui est dict, comme les loyaux subjects sont plus grevez par gens d'armes, que par les ennemis du royaume» Dieu par sa grâce y veuille mettre remède brevement, par le moyen de vous très nobles et excellens seigneurs : afin que le roy vive de vie civile- et politique : Vivat rex.

in e p.