FILLE AU COMTE DE BOULOGNE

Ce petit roman de chevalerie, peu étendu, s'est conservé dans deux manuscrits du XV e siècle. Le langage se rapproche plus du XIV e que des historiens du XV e , dont nous transcrirons bientôt des fragments.

Comment le conte l d'Artois ala devant Guernade* où il vainquist les

Sarasins et fistfuyr par sa prouesse.

Quant les crestiens se furent mis aux champs, et le roy de Castille après, ilz furent extimez à vingt-cinq mille et non plus, et exploicterent leur voyage tans qu'ilz entrèrent au pays de Guernade, et illec commencèrent à faire tous explois de guerre, que long seroit mectre par escript. Si loua et conseilla le conte d'Artois de faire une course devant Guernade, ainsois que plus fussent fortifiiez ceulx de la ville, disans que se du commencement ilz leur pouvoient faire domaige que trop mieulx s'en porteroit leur besoingne, et plus en seroient effraez leurs ennemis. Le conseil sembla bon, si en fut la charge donnée au conte d'Artois, qui en fist requeste; et luy fut baillié dix mille hommes 3 avec le conte de Castres et celluy de Bonnevent, qui moult desiroienl veoir sa chevalerie. Et pour abregier, le conte d'Artois, garny de bonnes guides* et chevaulcheurs, tira pays avec ceulx de sa compaignie par si grant dilligence, que sans effroy faire il se vint embuscher au plus près de Guernade, en lieu si propre que plainemant porroit veoir toute la conduite de ses ennemis; et adonc il ordonna l'ung de ses chevaliers ou 5 moult se fioit, pour faire une aultre embusche plus près de la ville, à tout mille combatans, desquelz il envoyeroit deux cens pour eslever le bestial et commancier l'es-

t Lex.

* Grenade.

5 Gr. § 68.

* Gr. § 7.

* Gr. § 18.

carmuche, comme plus saigement 1 le pourroient faire; tandis que ceulx de leans feroient leur yssue, et ainsois que trop grant besoing les surprenist, ils se mectroient par-devers les aultres huit cens, qui les recueilleroient et entretiendroient pour une espace, tant que la force et puissance des payens seroit aux champs. Alors commanda le conte qu'ilz faindissent estre esgarés et tellement effraiez, que sans deffence nulle ils tournassent le dos gour prendre la fuite, affin que quant les Sarasins, desroiés par ceste chasse, se mectroient à la course après eulx, et qu'ilz auroient passé toutes les embusches, le conte avec les siens, tous à une fois, se mesleroient parmy eulx ; si disoit en conclusion que par cest moyen ilz leur pourteroient tel domaige qu'il en seroit parlez en honneur jusques en Fost du roy de Castiile.

Le chevalier, prest de faire plaisir au noble conte d'Artois, dist que par ceste manière en fera-il ; si se partit et fist son approuche tant bien, c'oncques payen ne s'en donna garde; et de fait envoya ses coureux à cuillir la proie, comme il est cy-dessus devisé ; pourquoy le cry et le huy fut lievé en la ville, si grant que le Roy en sceut les nouvelles en Guernade, que jamais n'eust pensé que les crestiens heussent fait sur luy si grande entreprinse et si haulte, actendu que du tout les avoit comme tous esbahis ; et toutes voies estoitT-il adverty de l'armée que le roy de Castiile mectoit sus, mais de sa soubdainneté ne se donnoit-il garde. Au fort, il fist armer ses hommes haslivement, et les fist conduire par son admirai de Guernade, lequel se mist aux champs à tout ce qu'il peult avoir de gens prest pour cuidier le bestail recovrer, lequel luy fut deffendu à l'espée moult vaillenment, et de fait emmené saulvement malgré les Sarrasins, dont gaires l'admirai ne fut joyeulx, et par especial pour ce que si petit nombre de gens luy eschappoient, et avoient ceste besoingne aschevée. Nonobstant, il se mist avec ses hommes assievir* les coreux crestiens, qui comme gens bien apriz et conduis se tirèrent en leur première embusche, et là furent fais de moult biaulx faiz d'armes c'on ne pourroit bonnement amentevoir. Si s'entretindrent les crestiens si serrés et en telle ordonnance que par leur force ils reculèrent les payens, et assés tost en eussent délivré la place, quant plus de xxx mille yssirent hors de

« Gr. § 55.

* Au lieu de à sievir. Lex.

Guernade, faisans trompectes et clairons sonner au plus hault, et se vindrent joindre avec leur admirai, qui tressuoit de honte et de dueii ; et illec rassembla en ung mont ses hommes, jurant ses quatre Dieux ! qu'il seroit vengiez des Castillains, et les deust* poursuir jusques en Castille. Mais en tant qu'il ralioit et prioit ses gens du bien faire, vous devez croire que le bestial se esloignoit d'eulx, et la première embusche commença, au commandement de leur capitaine, à prendre la fuite pour mieulx decepvoir les payens, lesquielz ne cuidoient jamais venir assés à temps pour les destranchier etmectre à mort; ainsois leur meneur l'admirai de Guernade, désirant de vengier sa perde, tout le premier s'esmut, et en courant de plains eslais disoit : Apres ces chetifz crestiens, biaulx seigneurs! fait il; après! après! car ils ne nous osent actendre, et si ne nous pevent eschapper se lascheté ne nous tient. A ces mots poindirent payens après leur cappitainne de si grant roideur, que ce sembloit tempeste qui coristsur la terre, et noz gens devant, qui bien savoient faire du desconfist; si fut la cause principale dont les payens furent deceuz, qui tant les sievyrent qu'ilz passèrent l'embusche du conte d'Artois, quMeur affe faire avoit bien regardez du commancement jusques en fin. Si ne

fit plus long séjour, car tant advisé de son fait estoit, et tant avoit amonnesté et prié par belles paroles ceulx de sa compagnie, que mieulx eussent voulu morir en la place que de monstrer cohardise et paour. Si desrouterent ensemble et se ferirent en leurs ennemis de telle voulenté que chacun de prime venue pourta le sien > par terre.

Saincte Vierge dame! que payens furent esbahis quant si subtilement se trouvèrent environnez et encloz de crestiens. Les plus hardis et diligens à la poursuicte eussent bien volu estre hors de cestuy dangier. Mais comme Fen dit de coustume, il convient de tel boys comme l'on a, faire le feu. Là se mist à deffense qui ne voulut morir ou vivre honteusement, car à peine eussent les Sarrasins sceu fuir pour lors; pour ce se tindrent fors Pestour, qui trop leur fut soudain et domaigable 3 , et ne savoient mecire

1 Nos ancêtres prêtaient quatre dieux aux Sarrasins: Mahon, Tervagant, Apolin et Jupin.

* Dût-il.

s Gr. § 4, 8°.

conseil en leur ordonnance, tant les hasta de près le noble conte d'Artois, lequel, au cours de sa lance, les tresperçoit et reversoit en ung mont. Il crioit Castille! Castille ! à grant alaine pour ses gens esjoyr. Et quant il tint l'espée au poing, Dieu scet comment il la faisoit sentir amèrement à ses ennemis ! lesquelz le fuyoient comme la mort, et disoient par les merveilleux fais d'armes qu'il luy veoyent achever: Fuyons! fuyons! car veez là le Dieu des crestiens qui se combat pour ceulx de sa loy. Le criz fut en sa venue si enforcié, que bien l'entendirent ceulx de la première embusche, qui à cop retournèrent sur leurs ennemis, et si vigorieusement les assaillirent que tout trembloit devant eulx. Et ceulx qui nagaires les chassoient, furent deschaciez d'eux honteusement. L'admirai de Guernade, voyans Sarasins frémir et esbahir, les en resprist durement en disant : Mal vous y pourtez, biaulx seigneurs, quant pour ung petit monceau de gens vous voy ainsi desbaretez ; et mal monstrez que soyés amis du Roy, quant son honneur laissiés ainsi admendrir par ceulx qui vers vous n'auroient durée, se vostre devoir vouliez faire. Mal vous souvient des belles victoires, des grandes richesses et des grandes batailles qu'en sa compaignie avés tant de fois gaignies. Mais par la foy que je doy à mon dieu Mahon, se les faulx crestiens nous eschappent par vostre coulpe, la perte en tournera sur vous! Et tant leur dist cestuy admirai, qu'ilz se rassemblèrent et prindrent cuer plus fier que devant, et à son exemple corirent sus aux crestiens, qui ne les doublèrent se petit non. Là furent faictes plusieurs apperti§es d'armes, tant de l'une des parts comme de l'autre, de quoy le ra- f conter seroit chose trop longue ; et aussi, à faire comparaison, n'estoit-ce riens vers les fais du très eureulx conte d'Artois, qui de plus en plus faisoit haultes merveilles, tant d'occire hommes et chevaulx, comme de sescours à tous besoings ceulx de sa partie; qui gaires n'eussent duré sans son aide et victorieulx secours. Carjassoitce que payens fussent de couraige tresaspres et hardis, sans monstrer qu'ilz eussent volenté de fuyr, mais engrans de combatre plus que devant, comme ceulx qui estoient tous raliés soubs la grande bannière de Guernade, toutesvoies le grant conte se bouta avec les siens ou milieu d'eux, par telle façon que chascuin cop qu'il ruoit, la mort d'ung homme y estoit, pourveu qu'il l'assenast au plain. Et à vous dire, son corps y fut tant re-

doubtez que les plus fors et mieulx armés fuy oient son encontre et le disoient estre faé ou homme immortel, car jamais n'avoient veu le pareil ne faire à chevalier, tant feusl de prouesse paré, le disme de ce qu'il faisoit.

A Peure que la bataille fut en son feu, et que le conte d'Artois se maintenoit ainsi comme vous oez, estoient les deux contes de Castres et de Bonnevent, auprez l'ung de l'autre, regardans par grant admiration le conte d'Artois courre et racourre de bastaille en estour sans cesser abatre chevaliers, fendre heaulmes, percier escus, et finablement tout destruire devant luy, dont ilz loerent Dieu de bon cuer, en disant que son corps souffisoit assés pour mectre fin à la doloreuse guerre qui tant longuement avoil le bon peuple crestien tenu en subjection. Si s'esvertuerent, et avecques leurs gens, qui tous estoient garnis de hardiesse, mirent tout pour le tout, c'est-à-dire se habandonnerent pour morir ou estre victorieux, de telle heure que par une puissance ilz se vindrenl arrester au lieu où le conte faisoit morir payens par monceaux. Si luy fist leur venue grant joye, et à pou de paroles, avecques eulx il fendit le rens, abattit leur estendart, et au poursuire encontra devant luy l'admirai de Guernade, si luy donna tel cop au plus hault de son heaulme, que tout estonné le pourta ou milieu des siens, et ne savoit s'il estoit jour ou nuyt, tant fut adolé et mal atourné, dont payens furent comme espardus, et le cuiderent mort, ce que non ; mais jamais du champ ne se fust relevé se n'eust esté par l'aide des aulcuns ses meilleurs amys, lesquieuls le remirent à cheval, et pour abregier, avec luy se mirent par destrois et bocaiges à saulveté. Si n'y eult adonc plus nulz conroy tenu ne quelque deffense es payens, car les plus asseurés prindrent la course, et bien eureulx se tint celluy qui en eust loisir; pour quoy vous devez entendre que l'occision y fut grande et terrible, car de xl mille qu'ilz estoient du commencement, il n'en eschappa mie plus de mille, et pour ce qu'ils furent sievys jusques aux barrières de leurs portes, du conte d'Artois. Toutes voies se saulva ly * admirai avec ceulx qui le relevèrent et saulverent. Et quant vint à la cognoissance du roy.de Guernade, il en fut tant mer-, veilleusement corociez qu'il sembloit qu'il deust son sens perdre.

* Ly, seul exemple de l'ancien article dans cet ouvrage. Suivant la règle du Xlllme siècle, il aurait fallu li admiraus.

Ainsi qu'en ceste douleur il se pourmainnoit, vint en sale l'admirai non mye si joyeux d'assés comme il s'en partit, mais si matz et recrans qu'il ne se povoit soustenir, dequoy le Roy s'apperceut bien par ramponne :

Vous y avez estez, admirai, fait-il ; mais de chose que vous y ayés faicte, profité ne conquis ne me saroye donner joye, non feroit mon peuple que je vous chargay 1 de garder, car riens n'y a dont il se doye loer, et pas ne le vous baillay pour faire ainsi morir et destruire par une si petite compàtgnie de gens, et pour ce que je ne scay entendre comment telle chose puist estre advenue sans vostre coulpe, convient-il que cy m'en dyés la manière. De vos hommes suis-je plus dolant, sire, fait-il : or en demandés la vérité qui * qu'il vous plaist ; mais quant voulés savoir par qui ceste desconfiture a esté, je vous respond que ce a esté par je ne scay ^quel dyable, ou le Dieu des crestiens, qui tout jour 3 ne cessa d'occire gens et faire les plus grandes appertises de quoy on sauroit en histoire parler. Et tant vous dis que pour quelque peine qu'il ait heu, il n'en perdit oncques tant fust peu de vertu ; ainsois, de tant est venu plus advant, de tant estoit-il plus frez et nouveaux. Et se de la force vous ose dire, il n'ataint homme en plain cop qui jamais après ait besoing de mire. Je l'ay rencontré neantmoings sur le rens, car en passant il me donna telle descharge sur mon haulme que tomber me convint 4 par terre si rudement que je n'en vouldroye encoire 5 autant avoir et actendre pour tout le monde, sy loue les haulx dieux quant de luy suis si bîfen eschapez ; et, à tout .conclure, il suffirait assés 6 de luy pour destruirje tout ung royaulme. Quant le roy payen oy ce, il fut bien esbahis, et fut content de son admirai atant, sans luy dire plus laide parole ; et bien cognoissoit sa bonne vaillance et loyaulté. Si jura, quant il eust une espace 7 pensé, qu'il assemblera telle puissance que bien s'en vengera. Et dès lors, tout chauldement, il envoya en pluseurs

* Gr. § 4, 80.

* Gr. § 63. i

* Gp. §5«,4o.

* Lex.

* Encore.

6 Lex.

* Lex.

royaulmes et nacions certains et seurs messagiers pour avoir secours, lesquielx y vindrent.

Départ du conte <F Artois de la court de Castille et son retour

en sa ville d'Arras.

Après les adieux de bon cuer dits, se partit le conte, à qui tardait d'estre hors du palaix pour le dueil qui s'i faisoit à cause de son partement ; et vint en son logis, où chevaulx sommiers estoient tous pretz, et les pluseurs montés qui Paclendoient. Si ne seult * si tosl estre arrivé que jà le Roy n'eust envoyé de biau dons au conte, comme joyaulx, draps de soye, vaisselle, or et gent à grant planté, dont il fut très content, et moult l'en remercia ; si ne fut pour ce chiche tenu ne avaricieulx de ceulx qui ce luy présentèrent, car tant leur en donna que à merveille fut louée sa largesse. Que feroit on long procès ? Il monta à cheval, et se mist aux champs à si grant regret de tous ceulx de Baldolif *, qu'ilz ne se pouvoient saouller de le convoyer en regretz et bonnes prières. Auffort 5 , il print le chemin que la contesse estoit venue, et chevaulcha tant par ses journées avec Pambaxade et ses hommes, qu'il entra dedans Paris, où les princes et barons le recuillierent haultement 1k luy vindrent faire les bienvignans aussitost qu'ilz sceujepl sa venue ; et de fait, le meBerent devers le Roy, qui grant honneur luy fist pour sa haulte loyaulté et belle renommée, car à la vérité ses fais estoient en France aussi communs à toutes gens, qu'ilz eussflpt estes mesmes en Castille, et où il les avoit victorieusement achievez. Pour le festoyer, le Roy le retincl cincq jours, pendant lesquieulx on fist à la contesse d'Artois scavoir sa venue, et fut incontinant manifesté aval le pays, dont la joye se renforça et deschassa merencolie des cuers où long-temps elle avoit jà haïr

1 Ainsi s'écrit la troisième personne singulière du présent de l'indicatif de seuldre, soloir, souloir, avoir coutume. Mais ici le sens exige qu'on voie dans seult une forme variée de seut, sut, du verbe saveir, savoir.

* Valladolid.

* Pour au fort ou fort, au demeurant.

bité. La noble contesse, tant parfaitement joyeuse que plus ne pouvoit estre femme du monde, le manda au conte de Bouloingue son père et à sa mère, lesquieulx vindrent à Arras ; si fut tout apresté diligemment pour recepvoir le conte, qui après le congié prins au roy de France et tous les princes de sa court, partit de Paris et chevaulcha jusques bien près de sa ville, où l'en scavoit sa venue ; pour quoy le conte de Bouloingne, sa chevalerie et ceulx d'Artois, avecques la clergie revestu| ! des vestemens ecclésiastiques, et le commun, allèrent au-deilPfe de luy. Si fut la joye grande quant ce vint au recontrer; et somme toute, un milion de bons jours etdoulx bienvignans. Ils entrèrent ensemble en la ville, où douches hicteloient joyeusement; toutes les rues furent pourtendues richement et parées ; en pluseurs lieux l'en y monstroit par ionnaiges de haulx et biaulx misteres. Les aucuns joyoient joyeulx et plaisans, et les aultres disoient de biaulx dis et balades, selon la faculté louable de rethorique ; et moult se delicta le conte d'Artois au regarder et escouter, pour ce que bien veoit que bonne amour faisoit à son peuple ceste joye faire ; et ainsi fut-il amenez en son hostel, que l'en dit la court le Conte, et la vindrent à sa descente la mère et la fille, qui le receurenî en si parfecte liesse, qu'il n'est cuer d'homme qui la moittié non la disme en sceust croire ne en ung jour penser.

Dieux ! comme fust la contesse esjoye de veoir son très -amé Seigneur revenu ; baisiers n'y furent pas en chierléypis en si grant habandon que l'eaue en la fontaine. Le cuer «la noble dame fut lors par esjoys et si assouvi qu'il ne luy souvencÉÉfe meschiefz qui de son vivant lui fussent advenuz; ains sembîoit estre en ung petit paradis en corps et en ame ravie. Des devises joyeuses, des bienvignans et amoureux embrassements n$Rt ja besoing de faire longue recitacion, car plus en vouldroit l'on parler, plus y trouveroit-on à dire; si nous en soufflée à tant, et disons que après toutes les joyes mises en somme qui cuer humain peuent resjoyr, le conte d'Artois monta en sale, la contesse sa femme conduisanFpar la main, à destre du conte de Bouloingne et de sa femme avec toute la noblesse, et se seirent à table, où le disner fut plus riche que je ne sauroye dire; lequel finit, tournois

« Gr. § 52.

et joustes commancerent jusques à la nuyt, que les devises revindrent. El ainsi passèrent temps les uogs et les autres en la ville d'Àrras, en festes et joyeulx esbatements l'espace de huit jours, que on n'y fist aultre chose, et n'estoit néant plus de mémoire d'ouvrer que le jour de Pasques. Si devés scavoir qu'il y eult de gracieuses devises entre la contesse d'Artois et son 1res désiré mary, qui comme il la veist enceinte fut joyeulx oultre mesure, et d'aultre coslé se devisa à son père, le conte de Bouloingne, et dist de ses adventures au long, comme il est à croire.

Apres ces huit jours doncques, s'en alla chascuin en son lieu, car fesle et ung mesme temps ne puet mie tousjours durer; ainsois convient que toutes choses par nature preignent fin.

CHRISTINE DE PIZAN.

Fille de l'astrologue de Charles V, venue de Pise, instruite par son père dans les sciences et la littérature, Christine de Pizan devint, près de la cour, femme de lettres par goût et par nécessité. Elle composa des ouvrages en vers. Sa prose est meilleure. Connaissant quelques auteurs anciens, elle chercha dans leur imitation l'élégance et la dignité du style, et, même dans ses écrits historiques, l'ampleur et la gravité oratoires. La lenteur de ses périodes eût impatienté la vivacité d'esprit du dix-huitième siècle, mais dans le sien c'était une étude, une préparation à l'éloquence. Le plus important de ses ouvrages est Le livre des fais et bonnes meurs du sage roy Charles V. Instructif par les renseignements, il est à nos yeux particulièrement intéressant pour la connaissance de la langue dirXIV m « siècle que nous y trouvons dans son intégrité.

Ci dit la phisonomie et corpulance du roy Charles.

Or ; me plaist deviser, et raison m'y instruit, la phinozomie • et personne du susdit noble sage prince.

De corsage * estoit hault et biep formé, droit et lé par les espaules, et haingre par les flans, gros braz et beauls membres avoit

1 Deux manières d'écrire le même mot à deux lignes d'intervalle. 8 Ce mot ne se dit plus que des femmes.

si correspondons au corps qu'il convenoit, le visage de beau tour un peu longuet, grant front et large ; avoit sourcilz en archiez, les yeuls de belle forme, bien assis, chasteins en couleur, el arrestez en regart; hault nez assez, et bouche non trop petite, et tenues lèvres ; assez barbu estoit, et ot un peu les os des joes hauls, le poil ne blont ne noir, la charneure clere brune ; mais la chiere ot assez pale, et croy que ce '. et ce qu'il estoit moult maigre luy estoit venu par accident de maladie * et non de condicion propre. La phinozomie et façon estoit sage, attrempée et rassise, à toute heure, en tous estas et en tous mouvemens ; chault, furieus en nul cas n'estoit trouvé, ains agmoderé en tous ses fais, contenances et maintiens, tout telz qu'appertiennentàremply de sagece, hault prince. Ot belle aleure, voix d'omme de beau ton, et avec tout ce, certes, à sa belle parleure tant ordenée et par si belle, arrengé sanz aucune superfluité de parolle, ne croy que rethoricien quelconques en lengue françoise ne sceust riens amender.

Cy dit, comment le roy Charles se contenoit en ses chasteaulx,

et l'ordre de son chevauchier.

Aulcunes foiz avenoit, et assez souvent ou temps d'esté, que le Roy aloit esbatre 3 len ses villes et chasteaulx hors de Paris, lesquelz moult richement avoit fait refaire et reparer de solemnelz édifices, si comme à Meleun, à Montargis, à Creel, a Saint-Germain en Laye, au bois de Vincenes, à Beauté, et mains autres lieux; là, chaçoit aucunes foiz et s'esbatoit pour la santé de son corps, desireus d'avoir doulz et attrempé; mais en toutes ses alées, venues et demeures estoit tout ordre et mesure gardée ; car, ja ne laissasl ses cotidiennes besongnes à expédier ainssi comme à Paris.

1 Gr. § 14.

* Froissart dit, vol. il, chap. 26, qu'il avait été empoisonné dans sa jeunesse, par Charles le Mauvais, roi de Navarre, et qu'il fut sauvé par un médecin allemand que l'empereur Charles IV, son oncle, lui envoya.

3 Gr. § 66.

L'acoustumée manière de chevauchier estoit de notable ordre : à 1res grant compaignie de barons et princes et gentilz hommes bien montez et en riches abis, luy assis sus palefroy de grant eslitte, tout temps vestu en abit royal, chevauchant entre ses gens, si loing de luy, par telle et si honorable ordonnance, que, par Paorné maintien de son bel ordre, bien peust sçavoir et cognoistre tout homme, estrangier ou autre, lequel de tous estoit le Roy ; ses gentilzhommes devant luy ordenez, et gens d'armes, tous estoffez, comme pour combatre, en nombre et quantité de plusieurs lances, lesquelz estoyent soùbz capitaines, chevaliers notables, et tous recepvoyent beauls gages pour la desserte de cel office ; les fleurs de lis en escharpe portez devant luy, et par l'escuyer d'escuierie le mantel d'ermines, Pespée et le chapel royal, selons les nobles anciennes coustumes royales.

Devant et après, les plus prochains du Roy chevauchoyent, les princes et barons de son sang, ses frères ou autres ; mais, nul ja ne Fapprochast, se il ne Pappellast 1 : après luy, plusieurs groz destriers, moult beauls en destre estoyent menez, aornez de moult riche harnois de parement; et quant il entroit en bonnes villes, où à grant joye du peuple estoit receus, ou chevauchoit parmi Paris, où toute ordonnance estoit gardée, bien sembloit estât de treshault magnifie, très poissant et tresordené prince.

Et ainsy ce très sage Roy avoit chiere en tous ses faiz la noble vertu d'ordre et convenable mesure. Lesquelles serimonies royales n'accomplissoit mie tant au goust de sa plaisance, comme pour garder, maintenir et donner exemple à ses successeurs à venir, que, par solennel ordre, se doit tenir et mener le très digne degré de la haulte couronne de France, à laquelle toute magnificence souveraine est deue et pertinent.

« Gr. § 79.

fi

Ci dit de la jeunece du roy Charles, et comment c'est grant péril quand administration de bonne doctrine n 9 est donnée aux enfens des princes.

N'esta mon propoz et ne quier 1 faire grant* narration sur les fais de l'adolescence du dit Roy ; et pour touchier la vérité, j'entens que jeunece, par propre voulenté menée, plus perverse que à tel prince n'appartient, dominoit en luy en celluy temps, mais je suppose que ce pot eslre par maulvaiz aministrateurs, car, comme jeunece soit 5 de soy encline à mains mouvemens hors ordre de raison, encore quant elle est conduite et exortée par maulvaiz et sans conscience anminciateurs 4 plus tendens à Padulacion du jeune courage du prince, pour son gré acquerre 5 , que pour le conduire par pure et deue voye, c'est un grant meschief et péril en tout grant seigneur ; car orgueil qui leur ramentoit leur haulte puissance, et jeunece qui les instruit à leur singulier plaisir en tous delis, leur ostent la crainte et regart de toute discipline, et par oultre cuidance peuent estre conduis à telle ignorance que ilz présument à euix estre licite faire follies et choses hors ordre de bonnes meurs ; ce qui seroit lait et malhonneste à simples et povres hommes, laquelle chose est tout le contraire ; car tout ainssy que seigneurie humaine est rigle des autres estas, est raison qu'elle soit régulée et reamplye de précieux joyaulx de vertus et de l'entendement; et, pour ce, les parens, obvians àtelz inconveniens, doivent plus singulièrement procurer à leur enfens bonne compaignie sage et honeste, et prendre garde à la discipline des meurs, que à leur bailler estât quelconques ne autre nourriture déliée, et pour ce, à ce propoz, treuve-Pen, en maintes escriptures, que anciennement aux enfens des roys ei princes, comme autrefois ay parlé sur ceste matière estoyent quis 6

• Gr. § 33. 8 Gr. §li.

3 Gr. § 77.

4 Faute de copiste pour amenisteurs, administrateurs. 1 Lex.

6 Gr. § 33.

sages maistres philozophes, lesquelz en avoyent l'aministracion et gouvernement jusques à ce que ilz feussent parcreus et enforciz, si que ilz fussent ydoines à soustenir le fais des armes, et adont estoyent livrez à la chevalerie es mains des sages chevaliers expers en telle discipline ; car n'est mie doubte, comme il est dit par maint aucteur, tout ainssy comme la cire est apte et preste à toute emprainte recepvoir, est l'engin de l'enfent disposé à recepvoir telle discipline comme on luy veult bailler et aprendre ; et à ce propos n'est mie sans grant péril donner auctorité de seigneurie à enfent sanz frain de sages amenistrateurs.

Et, par exemple, l'avons ou * livre des Roys, ou temps Roboam, filz Salomon *, pour ce qu'il n'avoit pas respondu sagement au peuple, ainssi comme les preudes hommes luy avoyent conseillé, mais orgueilleusement et fièrement, par le conseil des jeunes avecques luy nourris en enfence, le royaume fu divisé en deux royaumes : de douze lignées, Roboam, n'en ot s que les deux, et Jéroboam, qui ot esté sergent Salomon, en ot dix.

Des enfens des chevaliers, qui est à entendre des nobles victorieux aussi, est escript que anciennement en enfence lestenoyent soubz grant crenseur : de ce est escript es histoires des Grieux* jadis triumphans, que Ligurgus, roy de Lacedemone, entre les belles loys que il estably, ordonna que les jouvenceaulx n'eussent en l'an fors une robe; item, que les jeunes enfens, yssus hors de la primiere nourriture, fussent tirez des mignotises maternelles; et comme oisiveté et délices soyent 5 à eulx comme venin destruiseur de meurs, ordonna ycelluy que séparez fussent des délices des bonnes villes et nourris sus les champs en exercitacion d'aucun labeur selon leur faculté et aage. Item, que honneur aucun ne fust donné à home, fors selon les mérites de ses vertus, et non parfaict honneur actribué à aulcun jusques à tant que continuée vertu l'eust parmené en l'aage de viellece et d'impotence : laquelle loy, pour l'augmentacion de vertu, pleust à Dieu que courust 6 en noz aages, et en perpétuel temps.

« Gr. §9.

* Gr. § 48.

s Gr. § 24.

4 Grecs.

s Gr. § 77,

6 Eut cours, eut force.

Du Guesclin *.

Fu fait messire Bertram de Clequin, à la très grant exaltation et exaussement du royaume, connestable de France ; et vrayment se peut de luy dire ce que dit le proverbe commun : « A tel maistre, tel varlet ou serviteur; » car, selon la digneté du sage maistre, c'est assavoir le roy Charles, estoit aduisanl* si chevakreùx et vertueux lieutenant et serviteur : laquelle chose croy, qu'en leur tems, furent deux des plus solempnelz hommes, chascun en sa faculté, qui fussent ou monde, dont fois 5 mencion.

A propos d'icelluy Bertram, Aristote dit, en le huitième d'Ethiques, que « de quatorze ans en avant, doit commencier le gentilhomme petit à petit, à soy exerciter es travaulx qui à armes appartiennent, pour cause, que la chose apprise et duiteenjeunece est communément retenue et voulen tiers continuée : et est chose périlleuse et desseant estre non appris ou mestier d'armes, quant on eutre en bataille, en laquelle convient exposer son corps à mort, ains qu'on ait l'expérience ; » et, comme dit celluy mesmes Aristote : t L'expérience rent l'homme maistre. »

Et que exercitacion d'armes soit nécessaire aux valereux chevaliers, est escript es fais des Rommains : que quant ceulx de Romme orent 4 délibéré que Cartage seroit destruite du tout, pour ce que trop estoit la condicion des Cartagiens rebellative, Scipio Basiqua 5 , qui lors estoit consul, contresta tant qu'il pot 6 qu'elle

1 Bertrand du Guesclin, Breton, 1320-1380. D'une éducation si négligée qu'il ne sut ni lire ni écrire, mais courageux et belliqueux dès l'enfance, il s'immortalisa par son héroïsme patriotique. Il servit son pays contre le roi de Navarre et dans les longues guerres entre la France et les Anglais. Sa valeur, couronnée par la victoire, lui valut la dignité de connétable de France.

8 M. Petitot, dans sa Collection des Mémoires, l re série, t. V, p. 388, explique advisant par assorti. On ne sait sur quoi cette interprétation se fonde. Adviser signifie entre autres donner des avis, ce qui fournit un sens bien d'accord avec l'ensemble de la pensée.

> Je fais.

* Gr. § 24.

8 Nasica.

6 Gr. § 27.

AS

ne fust destraite, mais qu'on la laissas! pour l'exercitement des Romains, affin que, par aise ou par paresse, ilz ne perdissent leur force et abilité, quant ne trouveroyent à qui combatre.

Celluy Bertram de Clequin, très en Plage de quinze ans, si comme il est recité de luy, se prist, par droicte nature, maulgré ses parens, à Pexercite des armes, et tousjours puis si les continua, que, sanz faille, il en estoit très souverain maislre, si comme il paru à l'effet de ses œuvres et emprises, comme cy-apres assez en brief sera desclarié.

Comment messire Bertram ala après les Anglois quHl desconfit.

Tost après que Bertram de Clequin, comme dit est, fu faitconnestable de France, gaires ne séjourna ; ains, à belle compaignie de gens d'armes, se parti de Paris, et ala après Robert Canole et Thomas de Grançon et sa compaignie, tant que il attaigni une route d' Anglois de la compaignie d'icellui Robert Canole, d'environ huit cens lances : à celle assembla le connestable, et tantfist, luy et sa gent, qu'en la fin furent Anglois desconfiz, lesquels estoyent gens d'eslicte et moult vaillamment se deffendirent, si fu pris Thomas de Grançon et jusques à quatre vingts autres groz prisonniers, et le surplus mors ' et fuites. Celle gracieuse victoire ot messire Bertram en primiere estraine de sa connestablie, à l'ayde de son chevalereux sens et des bonnes gens de sa compaignie à qui souvent disoit, tout ainssi qu'il est escript que enseignoit le sage Chaton * ses chevaliers, dont, entre les autres beaulz notables, leur dist un moult beau mot, celluy Chaton : t Se, par vostre valeur vous faictes aucune bonne œuvre, le labeur passe et le bénéfice vous demeure tant comme vous vivres ; et se, par maulvaise voulenté, vous faictes aulcun délit, le délit passe, et l'iniquité demeure. » Ainssi, par le bon enortement de leur vail-

1 Lex.

2 Caton.

lant conduiseur Bertram, estoyent maistres esprouvez de tout ce qu'il convient an mestier d'armes.

Ainssi que le recite le dit livre, où il est escript, que aux bons batailleurs sont nécessaires huit conditions : la primiere, qu'ilz soyent adurcis à souffrir le fais des armes. La seconde, que ilz hayent * les bras mouvables et abilles pour ferir à destre et à senestre. La tierce, que pou doivent tenir conte de leur mengiers, et non trop euls chargier de viande et de vin. La quarte, que de souefz lis ne leur doit chaloir. La quinte, que point ne doivent redoubter la mort, pour la deffence de leur prince, le bien du pays et deffense de la loy. La sixième, qu'ilz ne doivent doubter effusion de sang. La septième, plus neccessaire, que ilz doivent estre sages et cautilleux ou mestier des armes. La huitième, que tant doivent désirer pris d'armes, et eschever honte, que, pour nulle chose, fuir ne doivent; ains estre fermes et arrestez. De tout ce estoit sage maistre, qui bon disciples avoit, le preux Bertram et sa compaignie.

Ci dit d'aucunes fortreces que messire Bertram assigia et prist.

Apres que le connestable Bertram ot desconfit les dessusdis Anglois, assigia la fortresse du Bas, et par assault, à Tayde de ses bonnes gens, la prist et y ot, que * mors, que s pris, environ quatre cens hommes Anglois, adont, pour paour du dit connestable, ceuls qui estoyent au Chastel de Ruilly s'enfuirent, mais petit y gaignerent, car il les suivi jusques à Bersieres, laquelle il prist par force; les Anglois, qui fuis s'en estoyent, se combatirent 3 à luy et furent desconfis, mors et pris, et ainssi pareillement plu-* sieurs autres fortresses. Mais à quoy feroye plus long conte qui De seroitau propoz de ma matière, et fors prolixité dire lesquelz

» Gr. § 24.

» Gr. % 46.

* Gr. $ 67.

chasleaulx, comment et quelz besongnes ot celle année aux * Anglois le dit connestable? Lesquelles choses sont coostumes et manière de polir gestes et romans, qui n'est selon Tordre de mon entente, qui singulièrement est, loer ce que fait à loer, en prouvant la vérité par les fais particuliers touchier en brief, revenant au propoz de mon object ; et qui plus vouldra, trouvera Festendue sur ceste matière, le livre des Fais messire Bertram, Yen fera sage *.

Celle dite année, ot plusieurs batailles aux Anglois qu'il desconfit tant, qu'à l'ayde de Dieu, bonne diligence et force de luy et de sa route, furent aucques tous mors et pris par pluseurs lieux du royaume de France, comme en Guienne, ou pays d'Anjou, de Normandie et de Bretaigne, ceuls qui avoyent esté devant Paris avec Robert Canolle, l'esté devant.

Et aussi, en pluseurs autres parties du royaume, esploitierent bien et vaillamment contre Anglois, celle année, pluseurs autres chevetains du royaume de France, les frères du roy Charles, comme dit est, le bel et bon chevalier, vaillant et sage, messire Jehan de Vienne, admirai de France, aussi le chevalereux messire Loys de Sancerre, lors mareschal, et aussi le maresçhal de Blainville et pluseurs autres.

Si y ot, par ces dicts vaillans chevaliers et leur gens, pluseurs besongnes entre Françoiz et Angloiz, où il ot pertes et gaignes, souventefoiz d'ambe les deux parties ; mais, par volenté de Dieu, communément, en conclusion, aux Françoiz demouroit la victoire-

Mesmes, en Limosin, y ot mains fais, tant que la ville de Limoges, par le dit frère du Roy, fu prise, et aux dictes besoingnes traire à fin moult aydierent, avec les gentilzhommes,' les communes du pays, lesquelles, comme dit Vegece, en son livre de chevalerie 5 , souvent sont prouffitables en bataille, quant ycelle gent de commune est conduite et gouvernée soubz ordre de bons chevetains.

1 Avec les.

2 L'en instruira.

3 Flavius Vegetius Renatus, écrivain latin de la seconde moitié du quatrième siècle, a composé et dédié à l'empereur Valentinien II Epitome institutionum rei militaris. C'est le « livre de chevalerie » dont parle Christine de Pizan.

Et mesmement, sont aucuns auteurs qui dire veulent, que les populaires soyent plus convenables es fais d'armes et batailles que les gentilzhommes, et mesmement ceuls de vilages ; leur raison est, pour ce que mieuls ont accoustumé travaulx à porter peine, et vivre rudement et grossement que les nobles ; si, ne leur est si dur le travail des armes; mais meilleur raison y a qui ceste destruit, c'est que sens et avis, noblece de corage, désir d'onneur, et paour du contraire fait plus en fait d'arjmes que peine et travail de corps : lesquelles condicions plus sont communément es nobles que es populaires.

Bien est voir, que, comme dit le prealegué livre, que, pour ce que ceuls du peuple sont duis desdictes peines, prouffitables sont es batailles à pié ; et, pour ce, en telz fais, les sages ordonneurs des batailles les mectent devant et les primiers à l'assemblée.

Encore ensuivant recite le dit livre, que avec le bon sens qu'il f convient à gouverner chevalerie, c'est assavoir fais d'armes, est nécessaire l'exercite par longue main ; et qu'il soit voir, le tesmoigne l'expérience de ce que souventefoiz on voit à petit de gens expers desconfire grant route de gent, non, ou pou experte ; et, pour ce, est dit, es fais du preus Julius-Cesar, que petite porcion de ses chevaliers souffisoyent à conquérir grant pays.

Dit oultre le dit livre, que le duc ou chevetaine de l'ost doit ordonner ses batailles, selon l'avantage de la place, et le champ où la bataille doit estre, et ordonner que ses gens voisent* serrez etsanz desrouter; et s'aucun y a qui communément soit coustumier de desrouter, soit bouté hors, car il pourroit nuire aux autres. Deux grans maulx, ce dit, peut ensuivre s de bataille desroutée : l'un est, que les ennemis y peuent entrer plous legierement ; Fautre est, que les batailles sont si empressées 4 , que ilz ne peuent combatre : pour ce, est neccessaire tenir ordre arrengié et comme un mur serré et joint ensemble.

» Gr. § 61.

* Gr. S 25.

* (II) peut ensuivre deux grands maux.

4 Chacun se hâtant de son côté d'en venir aux mains.