OLIVIER DE LA MARCHE

Orphelin de père, à l'âge de treize ans, Olivier de la Marche entra comme page au service du duc de Bourgogne Philippe le Bon, père du comte de Charolois, depuis, Charles le Téméraire. Il découvrit le plan de Louis XI d'enlever le prince et le dénonça. Son maître reconnaissant refusa de le livrer au roi de France, qui l'accusa de calomnie. Olivier demeura toute sa vie attaché à la maison de Bourgogne et en fut récompensé par des honneurs. Il a écrit un grand nombre d'ouvrages, entre autres des Mémoires qui vont de 1435 à 1492. On lui a reproché, comme historien, sa partialité pour la Bourgogne. Chevalier et l'âme remplie de sentiments chevaleresques, il se plaît singulièrement à peindre les faits d'armes, les combats singuliers et tout ce qui portait encore les dernières empreintes de la chevalerie. Ses descriptions ont de l'agrément, mais sont prolixes, ainsi que le style. Son langage n'a ni le nerf ni la pureté de Comines. son contemporain ; il est quelquefois entaché de provincialismes du Hainault.

Comment messire Jaques de Bourbon, comte de la Marche, mary de la dernière royne Jehanne de Naples, se rendit cordelier à Besancon. — 1435.

Pour ce que Dieu et ses glorieux faicts doyvent estre commencement de toutes bonnes œuvres, de tant je le loue et gracie, qu'au commencement de mon aage, et du premier temps que je puis entrer en matière, et bailler ramentevance digne d'escrire, la première chose, dont je puis parler, est dévote et de saincte mémoire : et, combien que je ne veisse réellement que Feffect de cest aventure, toutesfois il m'est force de deviser dont procéda le par avant : et n'est pas à entendre, pourtant, que je corrompe ce

que j'ay dit, de non parler que de ce que j'ay veu : car (comme dict est) par les commencemens, s'eclaircira et sera donnée à cognoistre chacune matière : où je n'enten de declairer, et descrire, que toute vérité. En ce temps, où je commence par Tan 35 ', estoit duc de Bourgongne le bon duc Philippe, fils et successeur du duc Jehan, occis à Montereau, et père du duc Charles, mon souverain signeur et maistre : du temps duquel Charles j'ay commencé à escrire ces presens Mémoires. Pour lors de l'an dessusdict vivoit en Bourgongne un noble et puissant signeur, le signeur de Sainct-George, le Sage : et vrayement bien se devoit sage nommer : car il augmenta sa maison, d'avoir et d'aliances : et fut chevalier de la Toison d'or : et se maria en grande et signeurieuse maison : et se mainteint si hautement, tant à la court du duc Jehan de Bourgongne, comme à celle du bon duc Philippe, mesme au pais de Bourgongne, et en toutes pars, qu'il estoit tenu et appelé du nombre des sages et des grands; et après luy vint messire Guillaume de Vienne, son fils : qui vendit et engagea toutes ses belles signeuries, par faute de sens et de conduitte : et mourut à Tours en Touraine : et laissa son fils héritier, Jehan de Vienne : qui encore valut moins de vertu, et de personnage. Ainsi par ces deux a esté la noble maison de Sainct-George destruitte et mancipee, mais non pas celle de Vienne : car encores, Dieu merci, en y a, qui honnorablement se conduisent.

Deux choses me font toucher de celle maison de Sainct-George. L'une est regret en amour : et l'autre est pour donner à entendre comment, ne* par quelle manière, je vein premièrement au lieu, où je vei ma première ramentevance : et est vray qu'en Tan de nostre Signeur, courant 1434, se meut une guerre, et une question, entre aucuns signeurs d'Alemaigne et ledict signeur de Sainct-George, le Sage, dessus dict, pour la terre et signeurie de Jou*, en Bourgongne, que tenoit et possessoit ledict signeur : et pour ceste cause fut envoyé, mon père (qui se nommoit Philippe de la Marche), à tout certain nombre de gens de guerre, audict chastel de Jou, de par ledict signeur de Sainct-George : pour ce que ladicte place est sus la fin de la comté de Bourgongne, et

* Gr. § 105.

* Joix.

marchit 1 aux Alemaignes, et principalement à la comté de Neufchastel : dont le comte estoit un des principaux demandeurs.

Or, pource que mon père pensoit que la guerre, et sa commission, fust chose de longue durée, il mena tout son ménage celle part : et, quant à moy, je fu mis à l'escole, en une petite bonne vile, à une lieue dudict Jou (laquelle vile se nomme Pontarli) et fu mis en la maison d'un gentilhomme, nommé Pierre de Sainct- Moris : qui avoit plusieurs enfans et neveux : qui pareillement aloyent à l'escole, et dont depuis nous sommes retrouvés* de celle nourriture à Phostel du prince, et ses serviteurs domestiques, et principalement Jaques de Fallerans, etEstienne de Sainct-Moris: qui ont esté tenus et réputés deux tresvaillans escuyers, de leurs personnes.

Si pouvoye pour lors avoir Paage de huict à neuf ans : et en celuy temps vint, au dict lieu de Pontarli s , le comte de la Marche, Jaques de Bourbon : qui avoit esté roy de Naples, et avoit renoncé au royaume, à la couronne et au monde, pour prendre l'habit de Sainct-François, et devenir cordelier de l'observance : et tiroit à Besançon : auquel lieu il vescul, depuis, longuement cordelier : et de son cas, et de son estât, je deviseray cy-apres : qui 4 fut tel qu'il s'ensuit. Peu de temps avant trépassa de ce siècle le roy Laocelol de Naples, et ne laissa nuls enfans de son corps : mais démolira royne et héritière du royaume de Naples, et de Sicile, une tienne sœur, nommée madame Jouvenelle. Celle royne se maria à un moult bel et vertueux chevalier, du sang royal de France, et de la maison de Bourbon, de nom et d'armes : et se nommoit messire Jaques de Bourbon, comte de la Marche : et par iceluy mariage fut celuy de Bourbon roy de Sicile et de Naples.

Geste royne Jouvenelle fut de tresgrant esprit, et dame qui sçavoit et valoit beaucoup, et dont le royaume, en généralité, se tenoit fort content : et par aucun temps 5 le roy Jaques et elle régnèrent à Naples, en grande prospérité, amour, et union : mais, par succession de temps, celle union se changea, et mua entre

» Gr. § 25.

* Gr.§67.

3 Pontarlier.

* Gr. §61.

» Gr. §19 et 39.

eux deux, en soupson et defidénce : dont j'ay ouy recorder diversement. Lçs uns disoyent que le roy Jaques vouloit trop maistrisamment vivre avec elle, tant sur le gouvernement du royaume, comme sur ses plaisances et passe-temps. Autres disoyent que la Royne ne prit pas bien en gré aucunes assemblées de*dames, par manière de festimens, que journelement faisoit le Roy : dont elle conceut aucune jalousie : qui moult empira le repos des courages de chacune partie.

Fust par l'une ou par l'autre voye, il advint que, par succession de temps, elje, se voyant Royne et dame de la terre, aimée et obeïe de tous, et congnoissant que son mari estoit estranger, non Roy, ne Signeur en celle signeurie, que par elle, soubtivement, et par grande malice, se feit forte de ses gens et sugets, et prit et emprisonna le roy Jaques son mari, et le mit en l'une des plus fortes tours du chastel de Constans, en Naples : auquel chastel il demoura longtemps prisonnier et enfermé : et toutesfois luy monstra ladicte Royne telle amour et affection par longue espace, qu'elle mesme lui portoit et bailloit les mets de son boire et de son manger, doutant qu'autre, non sachant l'amour qu'elle luy portoit, et cuidant complaire à elle, ne l'empoisonnast. Tant dura celle estrange amour, et ceste seureté, sous main fermée et close, qu'elle eslongna priva uté : et par fois se tenoit la Royne en autres de ses palais, et de ses chasteaux : et le roy Jaques (qui moult bel chevalier estoit, et en fleur d'aage), s'ennuyoit de celle prison, et avoit regret d'user sa vie en telle captivité.

Si s'appensa que la mer flotoit assez près d'iceluy chastel : et tant soubtiva aveques aucuns de sa fiance, qu'un petit battel luy fut amené : où il entra secrètement : et se tira jusques hors du royaume : où il demoura certain temps : et disent les aucuns, qu'il eschapa par soubtiveté, et par aide de serviteurs et d'amis : et autres disent, et me semble assez vraysemblable, que la Royne, (qui ne vouloit ne sa mort, ne sa compaignie) avoit fait jouer et consentir le personnage * de son eschapement et de sa délivrance.

Longuement demoura le roy Jaques en Italie en grand regret, et à peu de plaisance : toutesfois menant moult belle et honneste vie de sa personne : et en lieu des pompes, et grandes chères passées, il prit le ply et la dévotion de mener vie contemplative et

1 Lex.

in e p. 5

tresdevote. En celuy temps regnoit une moult saincte et dévote femme, religieuse de Saincte Claire, au païs de Bourgongne, nommée sœur Colette. Celle femme aloit par toute la chrestienté, menant moult saincte vie, et édifiant maisons et églises de la religion Sainct François et de Saincte Claire : et ay esté acertené que par son pourchas, et par sa peine, elle avoit édifié, de son temps, trois cens quatre vingt églises de femmes, encloses et enfermées : dont il advint que celle sœur Colette fut advertie du cas du roy, Jaques, ou par la voulonté de Dieu, ou par raport, ou autrement : et pourtant se trouva devers luy, et tant luy monstra des variances du monde, et des tours et retours de fortune, ensemble de la brièveté de ceste mortelle vie, qu'il prit confort en son adversité, advis sur les dangers à venir, et resolution d'attendre la mort asseuree, au chemin, et en la voye de religieuse pénitence : et se délibéra de prendre l'habit de Sainct François, et de se rendre en l'observance, en la tierce ordre (car encores vivoit la Royne sa femme) et choisit le lieu de sa demoure à Besanson en la comté de Bourgongne. Ce qu'il fit et exécuta : et de présent je me tay de parler et d'escrire de tels commencemens, par moyens non veus, pour deviser ce que j'ay veu de ceste matière et comment, ne par quelle manière, il entra au lieu de Pontarli : où je fu présent.

D'un combat à outrance, faict entre deux bourgeois de Valenciennes, en Ta présence du duc Philippe de Bourgongne, comte de Hainaut.

En continuant ma matière, le bon duc se partit de ses païs de Bourgongne : et vint tout droit à Valenciennes : auquel lieu il trouva la bataille preste entre deux hommes, pour franchise de vile : et devez savoir que la vile de Valenciennes est fondée sur privilèges, donnés par les empereurs, et par les comtes de Hainaut : et, entre autres, ils ont un privilège, que quant un homme a occis un autre de beau faict (c'est-à-dire en son corps deffendant), il peut venir demander la franchise de Valenciennes, et qu'il veut maintenir, à Pescu et au batton, qu'il a faict le faict de beau faict : et sur ce luy est accordée la franchise : et ne luy peut nul rien demander pour ceste querelle : sinon qu'on le prenne et

maintienne 1 à l'escu et au batton (comme dict est), et devant ia loy de la vile.

Or, pource que telles choses n'aviennent pas souvent, le bon duc s'arresta à Valenciennes, pour veoir celle bataille : et fut vray qu'un nommé Mahuot avoit tué un parent de Jacotin Plouvier : et à ceste cause ledict Jacotin poursuyvit ledict Mahuot devant la loy de Valenciennes : et disoit qu'il avoit meurdry son parent, par aguet, non pas de beau faict, et que ce que luy vouloit ledict Jacotin prouver, et monstrer, à l'escu et au batton, selon la franchise de la ville : et de ce fut grand procès tenu devant la loy : et, fin de compte, fut jugé et dit, que le gage de bataille * y estoit manifeste : et furent pris tous deux par la justice, et mis chacun en prison fermée à part : et attendirent si longuement, que le duc revint des Alemaignes : et se trouvèrent le père et le fils à Valenciennes, pour veoir l'exécution des deux champions 5 : combien que le duc n'estoit point juge en ceste partie : mais l'estoyent, et sont, peux de la vile: et à la vérité, ils tindrent moult belle cérémonie à la bataille des dessusdicts : et, combien que j'aye parlé de ceste matière au voulume que j'ay fait du gage de bataille, toulesfois ne me puis je tenir, ne passer, que je ne die aucune chose de ce que je vey en ceste bataille.

Les principaux assistans furent le prevost du comte, et le prevost de la vile : et fut, pour ce jour, prevost du comte , messire Gilles de Harchies, signeur de Belligniers, et, prevost de la vile, un notable bourgeois, noipmé Merciot du Gardin : et tenoyent ces deux la gravité et cérémonie du camp : et de l'ordre de la vile, deux gentils-hommes avoyent le regard 4 aux portes. Le peuple estoit grand sur le marché : et estoit conduit par un, nommé Nicolas du Gardin, qui se tenoit en une garne, à l'hostel de la vile, à tout un grand batton : et, s'il voyoit que le peuple se derivast, ou muast en rien, il feroit 5 de son batton : et crioyt, guare le ban, et sur ce mot chacun se tenoit quoy 6 et doutoit ' la punition

1 Qu'on l'oblige à se battre.

* La condition légale pour autoriser le combat.

3 L'exécution du combat par les deux champions.

4 Lex.

8 De ferir.

6 Coi.

1 Lex.

de justice : et à la vérité tout le peuple et ceux de la vile estaient pour Mahuot, en courage: pource qu'il combatoit pour la querelle de la vile. Or avons devisé de l'ordre de ladicte vile : et faut escrire du faict de la lice, et du champ clos, et comme les champions se maintindrent en ceste bataille.

Ce champ clos estoit rond, et n'y avoit qu'une entrée : et tantost ceux de la vile firent apporter deux chaizes, couvertes de noir, mises et apposées à l'opposite l'une de l'autre : et tantost après entra Mahuot en ladicte lice, et s'alla seoir en sa chaize : et n'arresta gueres que Jacotin Plouvier vint de l'autre part, qui semblablement s'asseit en la* chaize pour luy préparée. Les champions estoyent semblables d'habillemens. Ils avoyent les testes rases, lès pies nus, et les ongles coupés, "des mains et des pies : et, au regard du corps, des jambes, et des bras, ils estoyent vestus de cuir bouilli, cousu estroittement sur leurs personnes: et avoyent chacun une bannerolle de sa dévotion en sa main : et tantost entrèrent ceux de la loy commis à ce : qui portoyent un grant messel : et feirent le serment l'un contre l'autre : c'est assavoir que Mahuot jura qu'il avoit tué son homme de beau faict : et Jacotin Plouvier jura le contraire: et tantost leur furent apporté à chascun un escu, peint de vermeil, à une croix de sainct George : et leur furent baillés les escus la pointe dessus : et me fut dict, que, quand le plus-noble homme du monde combatroit à Valenciennes, il n'auroit autre avantage, sinon que la pointe de son escu seroiten bas, et pourroit porter son escu, comme un noble homme le doit porter. Item leur furent baillés deux battons de mesplier, d'un poix et d'une grandeur : et puis furent les chaizes ostees, et mises hors de la lice : et s'en retournèrent ceux de la loy, et laissèrent les champions l'un devant l'autre: et le prevost de la ville rua le gand, qui avoit esté getté pour faire ladicte bataille: et cria, chacun face son devoir.

Et prestement se levèrent les champions, et coururent sus l'un à l'autre, moult-vigoureusement: et devez entendre que les champions demandèrent à ceux de la loy trois choses : à sçavoir sucre, cendres, et oincture : et premièrement leur furent apportés deux bacins, plains de graisse : dont les habillements, que chacun d'eux avoit vestus, furent oingts et engraissés : afin que l'un d'eux ne peust prendre prise sur l'autre. Secondement leur furent apportés

deux bacins de cendres, pour oster la graisse de leurs mains : afin qu r ils peussent mieux tenir leurs escus et leurs battons : et tiercement fut mise, en la bouche de chacun d'eux, une portion de sucre, autant à l'un comme à l'autre, pour recouvrer salive et aleine : et de chacun des trois leur fut faict essay devant eux, comme devant deux princes.

Or, combien que le dict Mahuot ne fust si grant ne si puissant de sa partie*, toutesfois vigoureusement il puisa du sablon, et le getta aux yeulx et au visage de Jacotin Plouvier : et de ce coup luy donna de son batton sur le front: dont il luy fit playe et sang. Mais ledict Jacotin (qui estoit homme fort et puissant) poursuivit tellement et si aigrement sa bataille, que le dict Mahuot fut abatu à bouchon * : et Jacotin Plouvier luy saillit dessus : et fut la bataille à ce menée , que ledict Jacotin creva les deux yeux à son adversaire: et puis luy donna un grand coup de son batton : dont il l'assomma : et le mit hors de la lice: et en ce faisant mourut le dict Mahuot : et fut condamné à estre mené au gibet et pendu : et ainsi finit la bataille entre Jacotin Plouvier et Mahuot. Si soit pris en gré ce que j'ai sceu ramentevoir de ceste matière.

Combat entre Jacques de Lalain et un écuyer anglais.

Un escuyer anglois, nommé Thomas, passa la mer en ce temps et vint à Bruges pour combatre messire Jacques de Lalain , comme il luy avoit promis au lieu de Sandwic, ainsi qu'il est cydessus escrit et declairé. Ledict messire Jacques fut moult joyeux de sa venue, et furent les lices préparées sur le vieil marché de Bruges, et au jour qui fut baillé par le duc de Bourgongne, juge en cette partie, le Duc et sa seigneurie vindrent sur la lice, qui moût noblement estoit parée, et n'est pas à oublier que sur le pavillon qui fut tendu pour ledict messire Jacques de Lalain avoit un cerf couché, de brodure. Celuy cerf portoit seize cors, et à

* Gr. § 35.

* Lex.

chacun cor avoit une bannière dont estoit issu le dict Lalain, et dont les deux premières furent du père qui estoitchef, et seigneur de Lalain, et l'autre de Crequy du costé de la mère. Ainsi monstra messire Jacques trente-deux bannières, dont il estoit yssu directement du père et de la mère, sans entremesler entre les deux mariages aucune alliance d'autre nature ou condition, fors tonsjours de bannière en bannière, comme dict est. A la requeste de Pescuyer anglois, la comtesse d'Estampes, et toutes les dames de la court furent présentes à veoir icelles armes : mais la duchesse n'y voulut point estre : n'aussi je ne l'avoye jamais veu avenir, et mesmement à faire armes de pied. Toutesfois les dames y furent à ceste fois.

L'Anglois estoit accompaigné de tous les chevaliers et escuyers de l'hostel de la duchesse , et se présenta tout desarmé , et puis tira en son pavillon. D'autre part vint messire Jacques de Lalain, accompaigné du baron de Beaujeu, neveu du duc, et d'autre moult grande signeurie, ses parens et amis : et me souvient que, pour faire honneur au noble chevalier, ledict signeur de Beaujeu , le signeur de Ravastain , le bastard de Bourg, et moult d'autres signeurs et nobles hommes, s'estoyent parez de robes de satin gris et pourpoints de cramoisi, et venoyent deux à deux devant le chevalier, qui estoit adextré des deux princes dessus dicts, cousins germains. Il estoit vestu d'une longue robe de celé pareure, et estoit armé de son harnois de jambe seulement: et à l'entrée de la lice, se signa à pié, et en tel ordonnance marcha jusques devant le duc, son souverain seigneur et juge, qui le receut : et s'en retourna en son pavillon, Devoirs, criz et cérémonies furent faictes: et tandis chacun champion envoya présenter son batton au juge : car chacun pouvoit porter tele hache, et de tele façon que bon lut sembloit : mais le bon duc avoit accoustumé, luy mesme, de visiter les battons dont l'on devoit devant lui combattre ou faire armes: pour ce que pour rien n'eust voulu soufrir que soulz son jugement nulle chose mal enseigneuse, ou de fraude, eust esté faicte. Messire Jacques fit présenter une longue hache, à poincte dessus, et d'un costé un bec, qu'on dict de faucon, et de l'autre un mail rond, à trois poinctes de diamans : et au dessous de la hache, une bonne forte dague : et la hache de PAnglois fut une forte hache, pointue dessous, et un grant taillant d'un costé, et de l'autre un long mail : et plus bas avoit rondelle, pour la garde de

la main : et dessous fut pointue d'une courte dague. Les battons furent rapportez et les gardéS ordonnez. L'Anglois saillit hors de son pavillon, armé de toutes armes, sa cotte d'armes vestue, le bacinet en teste, la visière bien close et fermée : et portoil sa hache, sa main dextre armée, couverte de la rondelle de la hache : et pouvoit-on légèrement juger qu'il estoit délibéré de faire sa bataille de la teste de la hache. D'autre part saillit mess ire Jacques de Lalain, armé, sa cotte d'armes vestue : et en sa teste avoit une petite sallade de guerre, toute ronde, et avoit le visage et le col tout découvert ; et portoit sa hache près de lui et à contrepoix ', pour assaillir et pou* deffendre, duquel des deux bouts dont il verroit son advantage : et en marchant froidement, s'agenouilla devant le <Juc : et l'Anglois marchoit fièrement et de grand courage : et à l'aborder, messire Jacques lui getta un estoc à la visière de la queue de sa hache: mais il ne Penfeçra point: §X l'Anglois feroit de toute sa force après ledict messire Jacques, et feroit de mail, de taille, et d'estoc après le visage, qu'il voyoit nu et découvert : mais le chevallier sçavoit marcher et démarcher, et estoit si adroit et si chevaleureux, que l'Anglois ne profitait rien en son assaut ; et quand il voyoit son avantage, il donnoit à tour de bra§ de la teste de la hache sur le bacinet de l'Anglois : et par plusieurs fois Tatteindit de coups si poisans, qu'un moins puissant l'eust à grand meschef soustenu sans cheoir à terre : mais l'Anglois avoit assez* puissance, et beaucoup hardement et courage: et quand il veit que le chevalier Éassailloit si fièrement; il amodera sa bataille; et se gardoit et contregardoit froidement, plus qu'il n'avoit commencé : et messire Jacques poursuivoit moult fièrement : et avint que ledict messire Jacques getta. du bout d'embas de sa hache, pour cuider enferrer l'Anglois en la visière : et l'Anglois jetta l'estoc de la teste de sa hache au devant du coup : et trouva par meschef, le gantelet du dkt messire Jacques ouvert: et la dague trenchante et ague lui percea le bras senestre rez à rez de la main tout outre. Messire Jacques retira son bras (qui saignoit à moult grant randon) et cuida rempoigner sa hache, d'une grande démarche : mais il ne se peut de la main ayder, car il avoit les nerfs coupez ou grevez. Quand le bon chevalier se veit

1 Eu la tenant en équilibre par le milieu.

« Gr. § 109.

en lel parti, il mil sa hache sous son bras senestre, la queue devant, ;ï la manière qu'une femme tient Le liatou île i|uoi elle file, et de la main dextre a l'aide de la hache rahatoit tous les coups que l'Anglois getloil sur luy, Tors d'estoc et de mail. Lequel Anglois avoil recommencé son assaut moult lier et moult aspre, el le chevalier levoit a la fois le bras blesse" et secouoit le gantelet : el sembloit à d'aucuns qu'il le faisoit pour remettre son sang au corps, dont il perdoit largement : et sembloit a d'autres qu'il voulait monslrer au duc son signeur et juge, qu'il ne luy aloit que bien, et qu'il leur laissas! achever : et est bien hesoing que je touche de la constance du bon juge, le noble duc dessusdict: car il ne faut pas ignorer qu'il n'aimast ' cordialement ledict messire Jacques, son suget et son serviteur, et telle aparence de chevalier, de beauté et d'épreuve, que l'on ne nommera nulle part de meilleur chevalier de = luy, el il le voyoit en tel danger, qu'il ne se pouvoil ayder que d'une main ; et n'esloit pas à douter, si l'Anglois eust esté en tel danger ou pareil, que leducn'eust incontinent rompu la bataille: mais il ne vouloit pas eslre noté, en son jugement, d'avoir départi les champions, à l'avantage de l'estranger, et en contregardant son serviteur.

Si remit le tout en la fiance qu'il avoit en Dieu, et en la chevalerie de son chevalier: et laissa les armes parachever, selon le contenu des chapitres, et de l'emprise accordée et conclue par les parties ; dont il advint que messire Jacques de Lalain (qui froidement et par grande assurance soustint l'assaut de l'Anglois) getta la queue de sa hache entre le corps et la hache de son compaignon, et entra près de luy, et de l'entrée, il rua le bras navré au col de son homme, et de la main dexlre le prit par le gros du bacinet. L'Anglois esloil poisantement armé, et mcssire Jacques l'estoit légèrement, et ainsi tira son compaignon de toute sa force, el d'une grande démarche 5 , et de ce coup rua l'Anglois la visière dedans le sablon et tout plat eslendu, et prestement, sa hache au poing, se tira devant le juge. L'Anglois fut relevé par les gardes, et fut amené devant le duc : et disoit qu'il n'avoit pas esté abbatu de tout le corps à terre, et qu'il n'esloit cheu qu'à genoux et à coudes. Si

i Gr. §18ïi tut.

' Gr. 3 St.

1 Eu fa i bu ut une grandi; enjambée.

il devant le mareschal la matière mise en preuve : et fui prouvé

r nobles hommes, qu'il estoit cheu de tout le corps à terre, et

e les armes, par celle cheute, esloyent deuemeat accomplies. Si

;oucherent ensemble, et avant que l'on partist de la lice, en la

senee du duc, des dames, et des àeigneurs,fut crié un noble pas

d'armes, dont ledicl messire Jacques estoit l'entrepreneur, et le-

:1 pas fui depuis gardé et souslenu par ledict messire Jacques,

au lieu de Chfllonsur la Sosne, un an entier.