COMINES

•f par m

Philippe <i:< i.'miii'.'-, i-oijineur d'Argentan, m- i.'ii Flandre, nnacllé pendant ,e à la Cour de Charles le Hardi, dm.- di- Jm.ilc-^.,.^-. n L -, quitta le service e prince pour celui Je Louis XI, sans qu'on eu nnnnnitlt ta motif. Le roi e la plus grande confiance eu lui. Coinïues lui rendit des serir ses conseils, à la guerre cl dans les négociations. Après la mort de cl' ■aiii, il ne resta pus moins fidèle à sou fils, Charles VIII, mais, faussement ;, il fut emprisonné pendant deux ans, dont huit mois dans uue cage de ■, à 1» Bn absous de tous les crimes qu'on lui avait imputés. II s'est fait un grand nom par ses Mémoires contenons l' Histoire des Rfijs Lonyn XI et Charles rill, depuis l'an IHI4 juxijues en liSS. On n'y voit plus l'éclat du XIV»» siècle. A. la chevalerie a succédé la politique ; aux brillantes prouesses, les luttes de cabinet et les batailles dirigées par un calcul diplomatique. I.e moyen âge finit, le temps moderne commence par la lutte avec la féodalité. Froissart, le and peintre, est remplacé par l'ismiiH-*, l'homme d'F.lat. Sans avoir la vere indignation de Tacite, l'omines est souvent profond et bref comme cet rien. Il ne se délecte pas à peindre, il caractérise d'un trait, et fait penser; s réflexions révèlent les vues secrètes de la politique. Son langage est ferme, , saus ornements prémédités, mais souvent Irappanf par la plénitude, :oncision et par des traits de lumière. L'auteur néglige l'élégance pour :v droit au but. Cependant le langage moins poétique et plus direct est un s que la prose française a fait vers sou époque classique.

En le feu Roy, Louis onziesme et en tous autres Princes, que j'ay congnu ou servy ', ay congnu du bien et du mal : car ils sont

hommes comme nous. A Dieu seul appartient la perfection. Hais, quand en vn Prince la vertu et bonnes conditions * précèdent f les vices, il est digne de grand'louange : veu que tels personnages sont plus enclins en toutes choses volontaires qu'autres hommes, tant pour la nourriture et petit chastiement qu'ils ont eu en leurs ieunesses, que pour ce que venans à Paage d'homme, la pluspart des gens taschent à leur complaire, et à leurs* complexions et conditions. Et poufce que ie ne voudroye point mentirf se pourroit faire qu'en quelque endroit de cestescrit, se pourroit trouuer quelque chose, qui du tout ne seroit à sa louange: mais i'ay espérance que ceux qui le liront, considéreront les raisons dessusdictes. Et tant ose-ie bien dire de luy, en sa commandation et louange, qu'il ne me semble pas que iamais i'aye cogneujaul Prince, où il y eust moins de vice qu'en luy, à regarder le tout. Si ay ie eu autant de congnoissaoce des grands Princes, et autant de communication aaec eux, que nul homme qui ait esté en France, de mon temps, tant de ceux qui ont régné en ce Royaume qu'en Bretaigne, et en ces parties de Flandres, Allemaigne, Angleterre, Espagne, Portugal , et Italie , tant seigneurs spirituels que temporels^ et de plusieurs dont ie n'ay eu la veùe, mais^ongnoissance par communication de leurs Ambassades, par lettres, et par leurs Instructions. Parquoy on peut assez avoir d'information de leurs natures et conditions.

Sur quelques vices, et vertus du Roy Louis onziesme. »

Je me suis mis en ce propos, par ce que i'ay veu beaucoup de tromperies en ce monde, et de beaucoup de seruiteurs enuers leurs maistres, et plus souuent tromper les Princes et Seigneurs orgueilleux, qui peu veulent ouyr parler les gens, que les humbles qui volontiers escoutent. Et entre tous ceux que i'ay iamais congnus, plus sage pour soy s tirer d'un mauuais pas, en temps d'aduersité, c'estoit le Roy Louis XI nostre maistre : le plus hum-

1 Lex.

* Lex.

» Gr. § 58.

ble en paroles et en habits : et qui plus f trauailloit à gaigner vn homme qui le pouuoit seruir, ou qui luy pouuoit nuire. Et ne s'ennuyoit point d'estre refusé vne fois d'vn homme qu'il pretendoit gaigner : mais y continuoit, en luy promettant largement, et donnant par effet argent et estats, qu'il congnoissoit luy plaire. Et quant à ceux qu'il auoit chassez et déboutez en temps de paix et de prospérité, il lesrachetoit bien cher, quand il en auoit besoin, et s'en seruoit : et ne les auoit en nulle haine pour les choses passées. Il estoit naturellement amy des gens de moyen estât, et ennemy de tous grands qui se pouuoient passer de luy. Nul homme ne presta iamais tant l'oreille aux gens, ny ne s'enquistde tant de choses, comme il faisoit, ne qui voulust 2 jamais congnoistre tant de gens : car aussi véritablement il congnoissoit toutes gens d'authorité, et de valeur qui estoient en Angleterre, Espagne, Portugal, Italie, et es Seigneuries du Duc de Bourgongne, et en Bretaigne, ainsi comme il faisoit ses subiects. Et ses termes et façons qu'il tenoit, dont i'ay parlé cy-dessus, luy ont sauué la couronne, veu les ennemis qu'il s'estoit luy mesme acquis à son aduenement au Royaume. Mais sur tout luy a seruy sa grand' largesse : car ainsi comme sagement il conduisoit Paduersité, à l'opposite dés ce qu'il cuidoit estre à seur, ou seulement en une trefve, se mettoit à mescontenter ses gens, par petits moyens qui peu luy seruoient : et à grand'peine pouuoit endurer paix. Il estoit léger à parler des gens, et aussi tost en leur présence qu'en leur absence, sauf de ceux qu'il craignoit, qui 3 estoit beaucoup : car il estoit assez craintif de sa propre nature. Et quand pour parler il auoit receu quelque dommage, ou en auoit suspicion, et le vouloit reparer, il vsoit de ceste parole au personnage propre : h sçay bien que ma langue m'a porté grand dommage, aussi m* a elle fait quelques fois du plaisir beaucoup : toutes fois c'est raison que ie repare V amende. Et n'vsoit point de ses priuées paroles, qu'il ne fest quelque bien au personnage à qui il parloit : et n'en faisoit nuls petits. Encore fait Dieu grand grâce à un Prince, quand il sçait bien et mal, et par especial quand le bien précède, comme au Roy nostre maistre dessusdict. Mais à mon aduis que le trauail qu'il eut en sa

1 Gr. s 53.

* La construction n'est pas suivie.

» Gr. § 16.

ieunesse, quand il fut fugitif de son père, et fuit soubs l le Duc Philippe de Bourgongne, où il fut six ans: luy valut beaucoup : car il fut contrainct de complaire à ceux dont il auoit besoing : et ce bien (qui n'est pas petit) luy aprint aduersité. Comme il se trouua grand et Roy couronné, d'entrée ne pensa qu'aux vengeances : mais lost luy en vint le dommage, et quand et quand la repentance : et repara ceste folie et cest erreur, en regaignant ceux ausquels il tenoit tort. Et s'il n'eust eu la nourriture autre que les Seigneurs que j'ay veu nourrir en ce Royaume, ie ne croy pas que iamais se fust ressours : car ils ne les nourrissent seulement qu'à faire des fols en habillemens et en parolles. De nulles lettres ils n'ont connoissance. Vn seul sage homme on n'entremet à i'entour. Ils ont des Gouuerneurs à qui on parle de leurs affaires, et à eux rien : et ceux là disposent de leursdicts affaires : et tels Seigneurs y a qui n'ont que treize Hures de rente, en argent, qui se glorifient de dire : Parlez à mes gens : cuydans par ceste parole contrefaire les tres-grans Seignçurs. Aussi ay-je bien veu souuent leurs seruiteurs faire leur profit d'eux, en leur donnant bien à congnoistre qu'ils estoient bestes. Et si d'auenture quelqu'vn s'en reuient, et veult congnoistre ce que luy appartient, c'est si tard qu'il ne sert plus de gueres* : car il faut noter que tous les hommes, qui iamais ont esté grans et faict grandes choses, ont commencé fort ieunes. Et cela gist à la nourriture, ou vient de la grâce de Dieu.

Comment les Bourguignons , estans près Paris , atlendans la bataille, cuyderent de chardons, qu'ils veirent, que fussent lances debout.

Or ay ie longtemps tenu ce propos,: mais il est tel que ie n'en sorts pas bien quand ie veux. Or pour reuenir à la guerre, vous auez ouy comme ceux que le Roy auoit logez en ceste trenchée, au

* Pour se mettre sous la protection du Duc.

* Locution analogue à : cela ne sert plus de rien.

long de ceste riuiere de Seine, se deslogerent à l'heure que Ton les deuoit assaillir. La trefve ne duroit iamais gueres qu'vn iour ou deux. Aux autres iours se faisoit la guerre tant aspre qu'il estoit possible : et continuèrent les escarmouches depuis le matin iusques au soir. Grosses bandes ne sailloient point de Paris : toutesfois souuent nous remettoient nostre guet, et puis on le renforçoit. le ne vey iamais vne seule iournée qu'il n'y eust escarmouche , quelque petite que ce feust : et croy bien que le Roy eust voulu qu'elles y eussent esté plus grosses : mais il estoit en grand soubçon , et de beaucoup, qui estoit sans cause. Il m'a autrefois dit qu'il trouua vne nuict la Bastille Sainct-Antoineouuerte, parla porte des champs, de nuict. Ce qui luy donna grand'suspicion de messire Charles de Melun : pource que son père tenoit la place. le ne dy autre chose dudict Messire Charles, que ce que i'en ay dit : mais meilleur seruiteur n'eut point le Roy pour ceste année là.

Vn jour fut entrepris à Paris de nous venir combatre : et croy que le Roy n'en délibéra rien , mais les Capitaines : et de nous assaillir de trois costez. Les vns deuers Paris, qui deuoit estre la grand compagnie. Vne autre bande deuers le Pont de Charenton : et ceux là n'eussent gueres sceu nuire : et deux cens Hommes d'armes, qui deuoient venir par deuers le Boys de Vincennes. De ceste conclusion fut aduerti l'ost, enuiron la minuict, par vn Page, qui vint crier de l'autre part de la riuiere. car aucuns bons amys des Seigneurs les aduertissoient de l'entreprinse (qui estoit telle qu'auez ouy) et en nomma aucuns, et puis incontinent s'en alla. Sur la fine pointe du iour vint messire Poncet de Riuiere, devant le dit Pont de Charenton : et monseigneur du Lau d'autre part, deuers le Boys de Vincennes, iusques à nostre artillerie, et tuèrent un canonnier. L'alarme fut fort grand', cuydant que ce fust ce dont le Page auoit aduerty la nuict. Tost fut armé monseigneur de Charoloys : mais encores plus tost Iehan Duc de Calabre : car à tous alarmes c'estoit le premier homme armé, et de toutes pièces, et son cheual tousiours bardé. Il portoit vn habillement, que ces conducteurs portent en Italie : et sembloit bien Prince et chef de guerre : et tiroit tousiours droit aux barrières de nostre ost, pour garder les gens de saillir : et y auoit d'obeissance autant qu'à monseigneur de Charoloys : et luy obeissoit

tout l'ost de meilleur coeur : et à la vérité il estoit digne d'estre honoré. En vn moment tout l'ost fut en armes, et à pied, au long des charrettes par le dedans, sauf quelques deux cens cheuaux, qui estoyent dehors au guet : (et excepté ce iour) je ne congnu jamais que l'on eust espérance de combat re : mais à ceste fois chacun s'y attendoit. Et sur ce poinct arriuerent les Ducs de Berry et de Bretaigne : lesquels iamais ne vey armez que ce jour. Le Duc de Berry estoit armé de toutes pièces, ils auoient peu de gens, ainsi. Ils passèrent par le champ, et se mirent vn peu au dehors pour trouuer messeigneurs de Charoloys et de Calabre : et là parloyent ensemble. Les cheuaucheurs, qui estoient enforcez allèrent plus près de Paris : et veirent plusieurs cheuaucheurs, qui venoient pour sçauoir ce bruit en l'ost. Nostre artillerie auoit fort tiré, quand ceux de monseigneur du Lau s'en estoient approchez si près. Le Roy auoit bonne artillerie sur la muraille de Paris , laquelle tira plusieurs coups iusques à nostre ost, qui est grand'chose (car il y a deux lieues) mais ie croy que l'on auoit leué le nez bien haut aux bastons. Ce bruit d'artillerie faisoit croire de tous les deux costez quelque grand' entreprinse. Le temps estoit fort obscur et trouble , et nos cheuaucheurs , qui s'estoient approchez de Paris voyoient plusieurs cheuaucheurs et bien loing oultre deuant eux voyoient grande quantité de lances debout, ce leur sembloit, et jugeoient que c'estoient toutes les batailles du Roy, qui estoient aux champs, et tout le peuple de Paris : et ceste imagination leur donnoit l'obscurité du temps. Ils se reculèrent droit vers ces seigneurs, qui estoient hors de nostre camp , et leur signifièrent ces nouvelles, et les asseurerent de la bataille. Les cheuaucheurs saillis de Paris, s'approchoient tousiours : pource qu'ils voyoient reculer les nostres, qui encores les faisoit mieux croire. Lors vint le Duc de Calabre là où estoit l'estendart du comte de Charoloys, et la pluspart des gens de bien de sa maison, pour l'accompaigner, et la baniere preste à desployer, et le guidon de ses armes, qui estoit l'vsance de ceste maison : et là nous dit à tous le dict duc Iehan : Or ça nous sommes à ce que nous auons tousiours désiré : voylà le Roy et tout ce peuple sailly de la ville, et marchent, comme dient nos cheuaucheurs : et pource, que chascun ait bon vouloir et cœur. Tout ainsi quHls saillent de Paris nous les aulnerons à l'aulne de la ville : qui est à la grand 9 aulne. Ainsi alla reconfortant la

compaignie. Nos cheuaucheurs auoient vn petit reprins de cœur, voyans que les autres cheuaucheurs estoyent foibles. Si se rapprochèrent de la ville, et trouuerent encores ces batailles où ils les auoient laissées, qui leur donna nouueau pensement. Ils s'en approchèrent le plus qu'ils peurent : mais estant le iour vn peu haulsé et esclaircy, ils trouuerent que c'estoyent grans chardons. Ils furent iusques auprès des portes, et ne trouuerent rien dehors : incontinent le mandèrent à ces Seigneurs , qui s'en allèrent ouyr messe, et disner : et en furent honteux ceux qui auoient dit ces nouuelles : mais le temps les excusa, auec ce que le Page auoit dit la nuict de deuant.

Une ruse de Louis XI x .

Monseigneur le connestable enuoyoit souuent deuers le Roy : et sur l'heure dont ie parle, vint deuers ledict Seigneur un Gentilhomme, appelé Louis de Creuille, seruiteur du Connestable, et vn sien Secrétaire, appelle maistre Jehan Richer, qui tous deux viuent encores : et dirent leur créance à monseigneur du Bouchage et à moy, premier qu'au Roy : car le plaisir dudict Seigneur estoittel. Ce qu'ils apportoyent pleut fort au Roj, quand il en fut aduerty, pource qu'il auoit intention de s'en seruir, comme vous orrez. Le Seigneur de Contay, seruiteur du Duc de Bourgongne, qui auoit esté prins nagueres deuant Arras, alloit et venoit sur sa foy deuers ledict Duc, et luy auoit promis donner sa finance et rançon, et vne très grande somme d'argent, s'il pouuoit traicter la paix. D'auenture il estoit arriué deuers le Roy, ce iour qu'arriuerent les deux

1 Le roi d'Angleterre Edouard IV venait de proposer à Louis XI une paix de neuf ans, à des conditions avantageuses pour lui-même, mais, en échange, il s'engageait à retirer ses troupes du territoire de France. Ce projet contrariait le connétable de St-Pol (ou St-Paul), dont les intrigues, tout comme le rôle qu'il jouait entre le roi de France et le duc de Bourgogne portaient le caractère le plus marqué de duplicité. St-Pol envoya au roi un délégué, qui vint en même temps que celui du duc de Bourgogne. Louis XI voulut convaincre le duc de la fausseté du connétable, afin de diviser ses deux ennemis. Il profita, pour cela, de l'arrivée simultanée de leurs deux envoyés.

dessus nommez serviteurs dudict Connestable. Lô Roy feit mettre ledict Seigneur de Contay dedans vn grand et vieil osteuent, qftiestoit dedans sa chambre, et moy auec luy, afin qu'il ei|lrnjtp|# peust faire rapport à son maistre des parolles, dont vsoit, Hiht Connestable, et ses gens, dudict " Duc : et le Roy se vintseûéÉpr un escabeau rasibus dudict osteuent , afin que nous pttéMfefis mieux entendre les parolles que disoit Louis de Creuille, etjsjpec ledict sieur n'y auoit que le Sieur du Bouchage ; le dit Emis de Creuille et son compaignon, qui commencèrent lors, disans que leur maistre les auoit enuoyez deuers le Duc de Jteurgogne, et qu'ils luy auoient fait plusieurs remonstrances, pour le desmouvoir de l'amitié des Anglois, et qu'ils l'auoient trouué en telle cholere, contre le Roy d'Angleterre, qu'à peu fut qu'ils ne l'auoient gaigné, non pas seulement à les laisser, mais à aider à les destrousser en eux retournant. Et en disant ces parolles, pour cuider complaire au Roy, ledict Louis de Creuille commença à contrefaire le Duc de Bourgogne, et à frapper du pied contre terre, et à iurer S. George, et qu'il appelloit le Roy d'Angleterre Blanc borgne fils d'un Archier, qui porloit son nom : et toutes les mocqueries qu'en ce monde estoit possible de dire d'homme. Le Roy rioit fort, et luy disoit qu'il parlast hault, et qu'il commençoit à deuenir vn peu sourd : et qu'il le dist encore vne fois : l'autre ne se faignoit * pas, et recommençoit encores de très bon cœur.

Monseigneur de Contay, qui estoit auec moy, en cest osteuent, estoit le plus esbahy du monde, et n'eust iamais creu, pour chose qu'on luy eust sceu dire, les parolles qu'il oyoit. La conclusion des gens dudict Connestable estoit, qu'ils conseilloient au Roy que, pour euiter tous ces grands périls, qu'il voyoit appareiller contre luy, il print vne trefve : et que ledict Connestable se faisoit fort de le garder : et que pour contenter ces Anglois, on leur baillast seulement vne petite ville ou deux pt>ur les loger l'hyver, et qu'elles ne sçauroient estre si meschantes qu'ils ne s'en contentassent: et sembloit sans rien nommer, qu'il voulsist dire Eu, et Sainct-Vallery. Et luy sembloit que par ce moyen, les Anglois se contenteroient de luy, et du refus qu'il leur auoit fait de ces places. lie Roy à qui il suffisoit d'auoir ioiié son personnage, et faire enten-

1 Du, comme du latin de, sur le, au sujet du.

2 Gr. § 67. ■ "'

dre au SeigneûfcSe Contay les parolles dont vsoit et faisoit vser ce Contestable par ses gens, ne leur fest aucune mal-gracieuse respfirtfi ii a ^is seulement leur dist : Penuoyray deuers mon frère, et ùÈffûray sçauoir de mes nouuelles : et puis leur donna congé.

Vtiif ftile serment en la main du Roy que s'il sçauoit rien, qui toQÉtfést te Roy, de le reueler. Il greua f beaucoup au Roy de dissimçler de ceste parolle, où ils conseilloient de bailler terre aux Angfois : mais doutbantque ledict Connestable ne feist pis, il n'y voulut point respondre, en façon qu'ils congnussen t qu'il l'eust mal prins: mais ênuoya deuers luy. Le chemin estoit court, et ne mettoit vn homme gueres à aller et retourner. Le Seigneur de Contay et mofpartismes de cet osteuent, quand les autres s'en furent allez : et rioit le Roy, en faisant bien bonne chère : mais ledict de Contay estoit comme homme sans patience d'auoir ouy telles sortes de gens ainsi se mocquer de son maistre , et veu encores les traictez qu'il menoit auec luy : et luy tardoit bien qu'il ne * fust ia à cheual pour l'aller dire à sondict maistre le Duc de Bourgongne. Sur l'heure fut despesché ledict Seigneur de Contay, et son instruction escrite de sa main propre, et emporta vne lettre de créance de la main du Roy, et s'en partit.

Comment le Roy Louis XI fit venir vers luy Charles son filz peu auant sa mort : et des commandemens et ordonnances qu'il feit, tant à luy qu'à autres.

En cest an mil quatre cens quatre vingts et trois, voulut le Roy voir monseigneur le Daulphin son filz, lequel il n'auoit veu de plusieurs années : car il craignoit qu'il fust veu de gueres de gens, tant pour la santé de l'enfant, que de peur que l'on ne le tirast hors de là, et que soubs ombre de luy, quelque assemblée ne se feist en son royaume : car ainsi auoit-il esté faict de luy contre le Roy Charles septiesme, son père, à l'heure qu'il n'auoit que onze ans, par aucuns Seigneurs du royaume, et s'appella ceste guerre la

* Lex.

* Gr. § 104.

Briguerie ou la Praguerie : mais elle ne dura gueres, et ne fut qu'vn débat de court.

Entre toutes choses il recommanda son filz monseigneur le Daulphin à aucuns serviteurs : et luy commanda expressément de ne changer aucuns officiers, luy alléguant que quand le Roy Charles septiesme, son père, alla à Dieu, et que luy il vint à la couronne, il desapointa tous les bons et notables cheualiers du royaume, et qui auoyent aidé à seruir sondict père, à conquérir Normandie et Guyenne , et chassé les Angloys hors du royaume , et à le mettre en paix et bon ordre (car ainsi le trouua-il, et bven riche) dont il luy en estoil bien mal prins : car il eust la guerre appelée le Bien-public (dont i'ay parlé ailleurs) qui cuida estre cause de luy oster la couronne. Bien tost après que le Roy eust parlé à monseigneur le Daulphin son filz, et acheué ce mariage (dont i'ay parlé) luy print la maladie (dont il partit de ce monde) par vn Lundy,et dura iusques au Samedy ensuivant, pénultième d'Aoust, mil quatre cens quatre vingts et trois : et estoye présent à la fin de la maladie, par quoy en veux dire quelque chose : Tantost après que le mal luy print, il perdit la parolle, comme autresfois auoit fait : et quand elle luy fut reuenuë, se sentit plus foible que iamais n'auoit esté, combien qu'au parauant ill'estoit tant, qu'à grand'peine pouuoit-il mettre la main iusques à la bouche : etestoit tant maigre et deffaict, qu'il faisoit pitié à tous ceux qui le voyoyenl : Ledict Seigneur se iugea mort, et sur l'heure il enuoya quérir monseigneur de Beauieu , mary de sa fille, Duc de Bourbon , et luy commanda aller au Roy son filz qui estoit à Amboise (ainsi l'appela il) en luy recommandant ceux qui l'auoient seruy : et luy donna toute la charge et gouuernement dudict Roy, et luy commanda qu'aucunes gens n'en approchassent, et luy en dist plusieurs bonnes et notables causes : et si en tout ledict Seigneur de Beauieu eust obserué ses commandemens, ou à tout le moins en partie (car il y eut quelque commandement extraordinaire, et qui n'estoit de tenir) et qu'en généralité il les eust plus gardez, ie croy que c'eust esté le profit du royaume et le sien particulier, veuës les choses aduenuës depuis. Apres enuoya le Chancelier, et toute sa séquelle * porter les Seaulx au Roy son filz. Luy

» Lex.

enuoya aussi partie des Archiers de sa garde, et capitaines, et toute sa Vannerie et Fauconnerie, et toutes autres choses. Et tous ceux qui venoient veoir, il les enuoyoit à Amboise deuers le Roy (ainsi l'appeloit il) leur priant le bien seruir : et par tous luy mandoit quelque chose : et par especial par Estienne de Vers, lequel auoit nourry ledict Roy nouueau, et seruy de premier Valet de chambre: et l'auoit desia fait nostre Roy Baillif de Meaux. La parolle iamais ne luy faillit, depuis qu'elle luy fut reuenuë, ne le sens, ne iamais ne l'eut si bon : car incessamment se vuidoit, qui luy ostoit toutes fumées de la teste : Iamais en toute sa maladie ne se plaignit, comme font toutes sortes de gens, quand ils sentent mal. Au moins suis-ie de ceste nature, et en ay veu plusieurs autres, et aussi on dit que le plaindre allège la douleur.

Comparaison des maux et douleurs que souffrit le Roy Louys, à ceux quHl auoit fait souffrir à plusieurs personnes : auec continuation de ce qu'il feit, et fut faict enuers luy, iusques à sa mort.

Incessamment disoit quelque chose de sens : et dura sa maladie (comme i'ay dit) depuis le lundy, iusques au samedy au soir. Pour ce ie veux faire comparaison des maux et douleurs, qu'il a fait souffrir à plusieurs, à ceux qu'il a soufferts auant mourir : pource que i'ay espérance qu'ils l'auront mené en Paradis, et que ce aura esté partie de son Purgatoire : et s'ils n'ont esté si grands, ne si longs, comme ceux qu'il a fait souffrir à plusieurs, aussi auoit-il autre et plus grand office en ce monde, qu'ils n'auoient : et si iamais n'auoit souffert de sa personne, mais tant auoit esté obey, qu'il sembloitquaslque toute l'Europe ne fust faicte que pour luy porter obéissance : parquoy ce petit qu'il souffroit contre sa nature et accoustumance, luy estoit plus grief à porter. Tousiours auoit espérance en ce bon Hermite, qui estoit au Plessis qu'il auoit fait venir de Calabre ' , et incessamment enuoyoit deuers luy,

1 Saint François de Paule, fondateur de Tordre des Minimes, né à Paule en Calabre l'an 1416. « Il sembloit, dit Comines dans un autre endroit, qu'il fust inspiré de Dieu es choses qu'il disoit et remonstroit. »

disant qu'il luy alongeroit bien sa vie, s'il vouloit : car nonobstant toutes ces Ordonnances, qu'il auoit faicles de ceux qu'il auoit enuoyez deuers monseigneur le Daulphin son filz, si luy reuint le cœur, et auoit bien espérance d'eschapper : et si ainsi fustaduenu, il eust bien departy rassemblée, qu'il auoit enuoyée à Amboise, à ce nouueau Roy. Et pour ceste espérance qu'il auoit audict Hermite, fut aduisé par vn certain Théologien et autres, qu'on luy declareroit qu'il s'abusoit, et qu'en son faict n'y auoit plus d'espérance qu'à la miséricorde de Dieu : et qu'à ces parolles se (rouueroit présent son Médecin, maistre Jacques Coctier, en qu'il auoit toute espérance, et à qui chascun moys il donnoit dix mille escus, espérant qu'il luy alongeroit la vie : Et fut prise ceste conclusion par maistre Oliuier ', afin que de tous poincts il pensast à sa conscience, et qu'il laissast toutes autres pensées, et ce Sainct homme en qui il se fioit, et ledict maistre Jacques le Médecin. Et tout ainsi qu'il auoit haussé ledict maistre Oliuier et autres, trop à coup, et sans propos, en estât plus grand qu'il ne leur appartenoit, aussi tout de mesme prindrent charge sans crainte de dire chose à vn tel Prince qui ne leur appartenoit pas : ny ne gardèrent la reuerence et humilité qu'il appartenoit au cas *, comme eussent fait ceux qu'il auoit de long temps nourris, et lesquels peu parauant il auoit eslongnez de luy, pour ses imaginations : mais tout ainsi qu'à deux grands personnages qu'il audit fait mourir de son temps (dont de l'vn feit conscience à son trespas, et de l'autre non, ce fut du Duc de Nemours, et du comte de Sainct-Paul) fut signifiée la mort par Commissaires députez à ce faire : lesquels Commissaires en briefs mots leur déclarèrent leur sentence, et baillèrent confesseur, pour disposer de leurs consciences, en peu d'heures qu'ils leur baillèrent à ce faire : tout ainsi signifièrent à nostre Roy les dessusdicts sa mort en briefves parolles et rudes, disaps : Sire, il faut que nous nous acquittons, n'ayez plus d'espérance en ce Saincl'homme, ny en autre chose : car seurement il est faict de vous : et pour ce pensez à vostre conscience, car il n'y a nul remède. Et chacun dist quelque mot assez brief, ausquels il respondit : Tay espérance que Dieu m'aidera: car par auanture ie ne mis pas si malade comme vous pensez.

1 Olivier le Diable ou le Daim, barbier de Louis XI.

2 Convenait à la situation. 4*

'■ïyi

Quelle douleur luy fut d'ouir ceste nouuelle, et cette sentence ? car oncques homme ne craignit plus la mort, et ne feit tant de choses, pour y cuider mettre remède, comme luy : et auoit tout le temps de sa vie à ses seruiteurs , et à moy comme à d'autres dit, que si on le voyoit en nécessité de mort, que l'on ne luy dict, fors tant seulement, Parlez peu : et qu'on Pesmeust seulement à se confesser, sans luy prononcer ce cruel mot de la mort : car il luy sembloit n'auoir pas cœur pour ouïr vne si cruelle sentence : toutesfois il l'endura vertueusement, et toutes autres choses, iusques à la mort, et plus que nul homme que iamais i'ayeveu mourir. A son filz qu'il appelloit Roy, manda plusieurs choses, et se confessa tresbien, et dist plusieurs Oraisons seruans à propos, selon les Sacremens qu'il prenoit, lesquels luy mesmes demanda : et comme i'ay dit, il parloit aussi sec, comme si iamais n'eust esté malade : parloit de toutes choses qui pouuoient seruir au Roy son filz, et dist entre autres choses, qu'il vouloit que le Seigneur des Cordes ne bougeast d'auec son dict filz de six mois ; et qu'on le priast ne mener nulle pratique * sur Calais ny ailleurs, disant qu'il estoit conclu avec luy de conduire telles entreprinses, et à bonne intention pour le Roy et pour le royaume, mais qu'elles estoient dangereuses, et par especial celle de Calais, de peur d'esmouuoir les Anglois : et vouloit, sur toutes choses, qu'après son trespas on tint le royaume en paix cinq ou six ans : ce que iamais n'auoit peu souffrir en sa vie. Et à la vérité dire *, le Royaume en auoit bon besoing : car combien qu'il fust grand et estendu, si estoit il bien maigre et pauure, et par especial pour les passages des Gensd'armes, qui se remuyoient d'vn païs en vn autre : comme ils ont fait depuis et beaucoup pis. Il ordonna qu'on ne print pas débat en Bretaigne : et qu'on laissast viure le Duc Françoys en paix, et sans luy donner doubtes ne craintes, et à tous les voisins semblablement de tout ce royaume , afin que le Roy et le royaume peussent demeurer eu paix iusques à ce que le Roy fust grand et en aage pour en disposer à son bon plaisir.

Voila donc comment peu discrettement luy fut signifiée ceste mort. C* qua i'ay bien voulu reciter, pource qu'en vn autre .*r-

« Lex.

* Pour dire la vérité.

ticle précèdent, i'ay commencé à faire comparaison des maux qu'il auoit fait souffrir à aucuns, et à plusieurs qui viuoyent soubs luy, et en son obeyssance , auec ceux qu'il souffrit auant sa mort, afin que l'on voye s'ils n'estoient si grands ne si longs (comme i'ay dit audict article) que neantmoins estoyent ils bien grands, veuë sa nature, qui plus demandoit obéissance que nul autre en son temps, et qui plus l 'auoit eue : parquoy vn petit mot deresponse, contre son vouloir, luy estoit bien grande punition de l'endurer. Quelques cinq ou six moys deuant ceste mort, il auoit suspicion de tous hommes : et spécialement de tous ceux qui estoient dignes d'auoir authorité : Il auoit crainte de son fils, et le faisoit estroictement garder : ne nul homme ne le voyoit, ne parloit à luy, sinon par son commandement. Il auoit doubte à la fin de sa fille, et de son gendre, Duc de Bourbon : et vouloit sçauoir quelles gens entroyent au Plessis quand et eux. A la fin, rompit un conseil, que le Duc de Bourbon, son gendre, tenoit leans par son commandement. A l'heure que sondict gendre et le Comte de Dunois reuindrent de remener l'Ambassade, qui estoit venue aux nopces du Roy son filz, et de la Royne, à Amboise, et qu'ils retournèrent au Plessis, et entrèrent beaucoup de gens auec eux, ledict Seigneur, qui fort faisoit garder les portes, estant en la galerie, qui regarde en la court dudict Plessis, feit appeler vn de ses Capitaines des Gardes : et luy commanda aller taster aux gens des Seigneurs dessusdicts, veoir s'ils n'auoyent point de Brigandines soubs leurs robes : et qu'il le feist comme en deuisant à eux, sans trop en faire de semblant : Or regardez s'il auoit fait beaucoup viure de gens en suspicion et crainte soubs luy, s'il en estoit bien payé : et de quelles gens il pouuoit auoir seureté, puis que de son filz, fille et gendre il auoit suspicion. le ne dy point pour luy seule*ment : mais pour tous autres Seigneurs, qui désirent estre craints, iamais ne se sentent de la reuanche, iusques à la viellesse : car pour la pénitence ils craignent tout homme. Et quelle douleur estoit-ce à ce Roy d'auoir ceste paour et ces passions?

Il auoit son Médecin, appelle maistre Jacques Coctier, à qui en ci»fcmoys il donna cinquante quatre mille Escus coptans(qui estoit à la raison de dix mille escus pour moys, et quatre mille par dessus) et l'Euesché d'Amiens pour son neueu, et autres Offices et terres pour luy, et pour ses amis. Ledict Médecin luy estoit si trçs-

rude, que Ion ne diroit point à yn varlet les oultrageuses et rudes parolles, qu'il luy disoit : et si le craigooit tant ledict Seigneur, qu'il ne l'eust osé enuoyer hors d'auec luy : et si s'en plaignoit à ceux à qui il en parloit, mais il ne l'eust osé changer, comme il faisoit tous autres seruiteurs, pource que le dit Médecin luy disoit audacieusement : le sçay bien qu'vn matin vous m'enuoyerezy comme vous faictes d'autres : mais (par vn grand serment qu'il iuroit) vous ne viurez point huict iours après. Ce mot l'espouuentoit fort, et tant qu'après ne le faisoit que flater, et luy donner, qui luy estoit vn grand Purgatoire en ce monde, veu la grande obéissance qu'il auoit eue de tant de gens de bien, et de grands hommes.

Il est vray qu'il auoit fait de rigoureuses prisons, comme cages de fer, et autres de boys, couuertes de pâtes de fer par le dehors, et par le dedans, auec terribles fermures de huict pieds de large, de la haulteur d'vn homme, et vn pied plus. Le premier qui les deuisa \ fut l'Euesque de Verdun : qui en la première qui fut faicte, fut mis incontinent, et y a couché quatorze ans. Plusieurs depuis l'ont mauldit, et moy aussi, qui en ay tasté, soubs le Roy de présent *, huict moys. Autresfois auoit fail faire à des Allemans des fers tres-pesans et terribles, pour mettre aux pieds : et y estoit vn anneau, pour mettre au pied, fort mal aisé à ouurir, comme à vn Carquan, la chaine grosse et pesante, et vne grosse boule de fer au bout, beaucoup plus pesante que n'estoit de raison, et les appelloit Ion les Fillettes du Roy. Toutesfois i'ay veu beaucoup de gens de bien prisonniers les auoir aux pieds, qui depuis en sont saillis à grand honneur, et qui depuis ont eu de grands biens de luy : et entre les autres, un filz de monseigneur delà Gruture de Flandres, prins en bataille : lequel ledict Seigneur maria, et feit son Chambelan, et Seneschal d'Aniou : et luy bailla cent Lances. Aussi au Seigneur de Piennes prisonnier de guerre : et au Seigneur du Verger. Tous deux ont eu Gens-d'Armes de luy, et ont esté ses Chambelans, ou de son filz, et autres gros estats : et autant à monseigneur de Rochefort, frère du Connestable : et à vn appelé Roquebertin, du pais de Cathelongne, semblablçm§pt prisonnier de guerre : à qui il feit de grands biens : et pluarefnTs

« Lex.

« Lex.

autres, qui seroient trop longs à nommer, et de diuerses contrées. Or cecy n'est pas nostre matière principale, mais faut reuenir à dire qu'ainsi comme de son temps furent trouuées ces mauuaises et diuerses prisons, tout ainsi, auant mourir, il se trouua en semblables, et plus grandes prisons, et aussi plus grande peur il eut que ceux qu'il y auoit tenus. Laquelle chose ie tien à tresgrande grâce pour luy, et pour partie de son Purgatoire : et l'ay dit icy pour monstrer qu'il n'est nul homme de quelque dignité qu'il soit, qui ne souffre, ou en secret ou en public : et par especial ceux qui font souffrir les autres. Ledict Seigneur, vers la fin de ses iours, fit clorre tout à l'entour sa maison du Plessis les Tours , de gros barreaux de fer en forme de grosses grilles : et aux quatre coins de sa maison, quatre moineaux de fer, bons, grands, et espez. Lesdictes grilles estoient contre le mur, ducosté delà place, de l'autre part du fossé : car il estoit à fons de cuue, et y feit mettre plusieurs broches de fer, massonnees au dedans le mur, qui auoient chacunes trois ou quatre poinctes : et les feit met-, tre fort près l'vne de l'autre: Et dauantage ordonna dix Arbalestriers, dedans lesdicts fossez , pour tirer à ceux qui en approcheraient, auant que la porte fust ouuerte : et entendoit qu'ils couchassent ausdicts fossez, et se retirassent ausdits moineaux de fer. Il entendoit bien que ceste fortification ne suffisoit pas contre grand nombre de gens, ne contre vne armée : mais de cela il n'auoit point de peur , seulement craignoit que quelque Seigneur, ou plusieurs, ne feissent vne entreprinse de prendre la place de nuict, demy par amour, et demy par force : auec quelque peu d'intelligence : et que ceux-là prinssent l'authorité , et le feissent viure homme sans sens , et indigne de gouuerner. La porte du Plessis ne s'ouuroit qu'il ne fust huict heures de matin , ny ne baissoit le pont iusques à ladicte heure : et lors y entroient les Officiers : et les Capitaines des gardes mettoient les portiers ordinaires , et puis ordonnoient le guet d'Archiers , tant à la porte que parmy la court, comme en vne place de frontière estroictement gardée : et n'y entroit nul que par le guichet, et que ce ne fust du . sceu du Roy, excepté quelque Maistre d'hostel, et gens de ceste- ^ sorte, qui n'alloient point deuers luy. Est il donques possible de tenir vn Roy, pour le garder plus honnestement, et en estroicte prison, que luy-mesmes se tenoit? Les cages où il auoit tenu les

autres, auoient quelques huict pieds en carré, et luy qui estoit si grand Roy, auoit vne petite court de chasteau à se pourmener, encores n'y venoit il gueres : mais se tenoit en la galerie, sans partir de là, sinon par les chambres, et alloit à la messe, sans passer par la dite court. Vouldroit Ion dire que ce Roy ne souffrit pas aussi bien que les autres? qui ainsi s'enfermoit, qui se faisoit garder, qui estoit ainsi en peur de ses enfans, et de tous ses prochains parens, et qui changeoit et muoit de iour en iour ses seruiteurs qu'il auoit nourris, et qui ne tenoientbien ne honneur que de luy, tellement qu'en nul d'eux ne s'osoit fier, et s'enchainoit ainsi de si estranges chaines et clostures? Si le lieu estoit plus grand que d'une prison commune, aussi estoit-il plus grand que prisonniers communs : On pourroit dire que d'autres ont esté plus suspicionneux que luy : mais ce n'a pas esté de nostre temps, ne par auenture homme si sage que luy, ne qui eust si bons subiects : et auoient ceux-là par auenture esté cruels et tyrans : mais cestuy-cy n'a fait mal à nul, qui ne luy eust fait quelque offense. le n'ay point dit ce que dessus est dit, pour seulement parler des suspicions de nostre Roy, mais pour dire que la patience, qu'il a portée en ses passions, semblables à celles qu'il a fait porter aux autres, luy est par moy réputée à punition, que nostre Seigneur luy a donnée en ce monde, pour en auoir moins en l'autre, tant es choses dont i'ay parlé, comme en ses maladies, bien grandes, et douloureuses pour luy, et qu'il craignoit beaucoup, auant qu'elles luy aduins. sent : et aussi afin que ceux qui viendront après luy, soient vn peu plus piteux au peuple, et moins aspres à punir qu'il n'auoit esté : combien que ie ne luy veux pas donner charge, ne dire auoir veu meilleur Prince : et s'il pressoit ses subiects, toutesfois il n'eut point souffert qu'vn autre l'eut fait, ne priué, ny estrange. Après tant de peur, et de suspicions et douleurs, nostre Seigneur feit miracle sur luy, et le guérit tantdel'ame que du corps, comme tousiours a accoustumé, en faisant ses miracles : car il Posta de ce misérable monde en grand' santé de sens et d'entendement, et bonne mémoire, ayant receu tous ses Sacremens, sans souffrir douleur que l'on congneut, mais tousiours parlant iusques à une Patenostre auant sa mort, en ordonnant de sa sépulture : et nommoit ceux qu'il vouloit qu'ils l'accompagnassent par chemin : et disoit qu'il n'esperoit à^mourir qu'au Samedy, et que

nostre Dame luy procurèrent ceste grâce, en qui tousiours auoit eu fiance et grand' deuotion et prière : et tout ainsi luy en aduint: car il deceda le Samedy, pénultième iour d'Aoust, Tan mil quatre cens quatre vingts et trois, à huict heures au soir, audict lieu du Plessis , où il auoit prins la maladie le Lundy deuant. Nostre Seigneur ait son ame , et la vueille auoir receuë en sou royaume de Paradis.

Peu d'espérance doiuent auoir les pauures et menues gens au faict de ce monde, puis que si grand Roy y a tant souffert et trauaillé, et puis laissé tout, et ne peut trouuer vne seule heure pour eslongner sa mort, quelque diligence qu'il y ait sceu faire. le l'ay congnu, et ay esté son seruiteur à la fleur de son aage, et en ses grandes prosperitez ; mais ie ne le veys onques sans peine et sans soucy.

Conclusion de l'Autheur.

Or voyez vous la mort de tant de grands hommes, en si peu de temps, qui tant ont trauaillé pour s'accroistre, et pour auoir gloire, et tant en ont souffert de passions et de peines, et abrégé leur vie : et parauenture leurs âmes en pourront souffrir : En cecy ne parle point dudlct Turc : car ie tien ce point pour vuidé, et qu'il est logé auec ses prédécesseurs. De nostre Roy i'ay espérance (comme i'ay dit) que nostre Seigneur ait eu miséricorde de luy, et aussi aura il des autres, s'il luy plaist. Mais à parler naturellement (comme homme qui n'a aucune literature, mais quelque peu d'expérience et sens naturel) n'eust il point mieux valu à eux, et à tous autres Princes, et hommes de moyen estât, qui ont vescu soubs ces Grands, et viuront soubs ceux qui régnent, eslire le moyen chemin en ces choses ? C'est à sçauoir moins se soucier, et moins se trauailler, et entreprendre moins de choses, et plus craindre d'offenser Dieu, et à persécuter le peuple, et leurs voisins, et par tant de voyes cruelles, que i'ay assez déclarées par cy- deuant, et prendre des aises et plaisirs honnestes? Leurs vies en seroient plus longues. Les maladies en viendroieq| plus tard, et leur mort en seroit plus regrettée, et de plus de gens, et moins

désirée : et auroient moins à doubler la mort. Pourroit Ion veoir de plus beaux exemples pour congnoistre que c'est peu de chose, que de l'homme, et que ceste vie est misérable et briefve, et que ce n'est rien des grands et des petits et qu'incontinent qu'ils sont morts, que tout homme en a le corps en horreur et vitupère : et qu'il faut que l'ame sur l'heure qu'elle se sépare d'eux, qu'elle aille receuoir son iugement? Et à la vérité, en l'instant que l'ame est séparée du corps, la sentence en est donnée de Dieu, selon les œuures et mérite du corps : laquelle sentence s'appelle le ingénient particulier.