HISTOIRE D'UN CARME
Lettre aux fideles de Lyon.
Nous avons à vous escripre quelques nouvelles touchant le carme qui a là presché le caresme dernier, lesquelles ne tourneront pas à sa louange. Ce que nous en faisons n’est point de cupidité que nous ayons de detracter de luy, car encores que nous ayons quelque occasion qui nous peult induire à cela, nostre courage n’est pas tel et n’en avons point la coustume. Mais quant nous vous aurons exposé la raison qui nous meut, elle vous pourra pleinement satisfaire. D’aultant qu’il® s’en est retourné par devers vous mal content du recueil que luy avions faict, comme il a dict à quelques ungs, nous pensons bien que estant par de là, il vous pourra faire beaucoup de complainctes, et ne fust-ce que pour se purger de ce qu’il retourne de rechef en l’abisme dont le Seigneur l’avoit delivré. Or nous voyons d’aultre part quelle of-
1 Lex.
2 Lex.
fense vous pourriez concevoir contre nous, si vous n’esliez deuement advertis de toute l’affaire. En tant doncques que nous sommes tenus à vous à cause du lien auquel le Seigneur nous a conjoincts ensemble, et que nous serions coulpables devant Dieu envers vous, si nous ne mections en peine d’obvier à tous les scandales que'le diable tasche d’esmouvoir pour nous separer et aliener de l’unité que le Seigneur a mise entre nous, il nous a semblé advis bon de vous reciter simplement l’histoire du recueil et traictement que luy avons faict, et au contraire comment il s’est porté, pour vous laisser le jugement de ce qui l’a peu esmouvoir à se mescontenter de nous. Ce que nous vous en reciterons sera comme devant Dieu, lequel nous appellons en tesmoiug le priant de manifester la vérité telle qu’elle est, et confondre ceulx qui vouldroient user de mensonge et calumnies aucunes.
Quelques jours apres qu’il fust arrivé, ayant desjà parlé à luy en particulier, et luy ayant monstré signes de humanité et amitié, nous l’appellasmes estant ensemble pour sçavoir sa delibération. Apres qu’il nous eust dict qu’il estoit venu pour servir à l'Eglise de Dieu, nous le priasmes de ne prendre point en mauvaise part ce que nous ne luy avions point presenté du premier jour la chaire. Pareillement le priasmes de nous vouloir excuser, si nous différions encores quelque temps, et lui remonstrasmes les causes qui nous empeschoient de nous haster. Premierement pource que nostre Seigneur nous a baillé nostre reigle par escript, laquelle il ue nous est licite de oultrepasser. C’est qu’il nous a deffendu de recevoir homme au ministere devant que l’avoir bien et deuement approuvé, comme ceste reigle nous doibt estre inviolable, si nous voulons avoir bon ordre et police en l'Eglise. Nous l’admonestasmes de considerer combien la police du ministere nous estoit recommandée de Dieu, laquelle seroit vilipendée si on y recevoit ung homme à la volée sans observer forme legitime. Secondement nous luy remonstrasmes en quelle consequence cela pourroit venir, si nous l’introduisions ainsi hastivement, à sçavoir qu’un aultre vouldroit estre receu à son exemple, et en quelque sorte qu’il en advint que nous tomberions en une plus grande confusion qu’il n’y a eu le temps passé, faisant dispense à l’ung et la desnyant à l’aultre, laquelle inequalité est une ruyne mortelle en l'Eglise de Dieu. Tiercement nous luy dismes que quant nous au-
rions si mauvaise conscience de vouloir en sa faveur transgresser le commandement de Dien, qu’il ne nous seroit point permis neantemoins, pource que nous avions nos loix ecclesiastiques reduictes par escript, lesquelles nous chantent une leçon toute diverse. Or il nous les fault observer, veu que tout Le peuple À nostre coustume s’y est obligé. Pour le quatriesme, nous lui remonsirasmes que c’estoit mesme son profict que la chose se fit meurement, pource que ce pendant il auroit le plaisir de considerer combien la charge est difficile et fascheuse afin de prendre conseil sur cela de ce qu'il auroit à faire. Semblablement de cognoistre nostre forme et maniere afin de s’y accommoder, de peur de scandaliser le peuple lequel est tendre et delicat, car les plus rudes sont quelquefois plus difficiles à contenter. Neantmoins si luy donnasmes-nous bien à entendre que nostre intention n°estoit point de le tenir longtemps en suspend et faire languir, mais plus tost de regarder en brief, et plus tost que possible nous sera, de l’appliquer au service de Dieu. Sur cela nous le priasmes d’avoirencore ung petit de patience en attendant que les choses se fissent selon l’ordre de Dieu, et que cependant il usast de nous privement comme de ses freres, nous offrant de luy faire service et plaisir en toute chose que le Seigneur auroit mise en nostre main. Il nous sembloit bien que nos propos estoient si raisonnables qu’il les debvoit prendre en payement. Davantage nous parlions aultant amyablement qu’il eust sceu demander, et soiez certain que tout homme craignant Dieu et ayant bonne conscience, eust esté bien satisfait. Qui plus est ung homme mesme de mauvais cœur, moyennant qu’il eust eu quelque honnesteté et n’eust pas esté du tout effronté, eust eu honte de contredire. Nostre moyne pour toute response nous somma de l’asseurer sur le champ, nonobstant toutes les raisons que nous avions alleguées. Et ce pour deux causes : la premiere c’est qu’il avoit pour lors compagnie qui le pouvoit conduire seurement hors des dangers et luy fournir monture et argent, et qu’il n’auroit point tousjours cette opportunité en main. La seconde que s’il avoit à s’en retourner en France, le plus tost seroit le meilleur, devant que le bruict de sa venue
par decà fust publié.
Nous vismes bien par ceste response qu’il ne sçavoit que c’estoit ne de l'Eglise, ne du ministere, et que s’il avoit peu d'intelligence,
encores avoit-il moins de cœur et de zele. Toutes fois l’ayant faict retirer et ayant parlé ensemble entre nous, encores luy fismesnous une response fort doulce et gracieuse, luy priant qu’il nous pardonnast si nous n’obtemperions point à sa requeste, veu que nos consciences estoient abstrainctes ‘ par la parole de Dieu, et ce qui lui avoit esté dict auparavant lui fust expliqué et confermé davantage tant par tesmoignages de l’Escripture que les exemples de l’Eglise ancienne. On lui fist aussi des exhortations qui le pouvoient bien rompre et reduire à meilleure raison, s’il n’eust esté par trop esgaré, et affin qu’il ne luy semblast qu’on ne luy fist point l’honneur qui luy appartenoit, nous luy touschasmes qu’on avoit bien usé de telle forme envers ceulx qui le valoient, et que iceulx s’estoient vouluntiers assubjectis à cela.
Luy au lieu de se renger replicqua plat et court que si nous pensions avoir l'esprit de Dieu, qu’il n’en estoit pas destitué, et monstra bien que tout ce que nous avions mis en avant, il le prenoit à mocquerie. Nous luy respondismes premierement qu’en ceste matiere nous avions la parole de Dieu tant clere que nos consciences estoient suffisamment asseurées. Etencores que la chose fust doubteuse ou que nous en eussions quelque scrupule que nostre office estoit de ne rien attenter contre ce que nous penserions estre du vouloir de Dieu. Toutesfois que ce que nous alleguions estoit si cler qu’il n’estoit à mestier d’en faire plus longue dispute. D’advantage qu’il se debvoit tenir plus tost pour suspect que nous à cause qu’il ne rendoit que son particulier, et que de nostre part nous n’avions aultre considerant, sinon de suivre l’ordre de Dieu. Il nous replicqua aussi que s’il fust venu devant le caresme, il eust bien souffert d’estre examiné, mais puisqu'il avoit presché en une Eglise si voisine® qu’on debvoit bien tenir cela pour approbation. Sur ce point nous lui dismes qu’il en advient en France, comme dict Salomon, asçavoir qu'à une âme affamée les choses ameres semblent estre doulces, car le paoure peuple est là tant affamé de la vraye doctrine, que quant on luy en touche ung petit mot ne fusse 5 qu'à demy, ilest tellement ravy et transporté qu’il n’a
{ Singulier mot pour adstrainctes (de adstringere), si ce n’est pas une faute de copiste.
2 L'église de Lyon.
3 Fût-ce.
loisir de juger. Au reste touchant ce qu'il se vantoit d’avoir là presché, nous luy dismes qu’iln’en dressât point les cornes, et que nous scavions bien en quelle infirmité ce avoit esté. Kt toutesfois nous protestasmes que ce n'estoit point par reprosche, et que nous ne sommes pas si inhumains que nous ne supportions ceulx qui sont aulcunement infirmes en tel danger, mais que c’estoit pour l’induire à se recongnoistre afin qu’il ne s’enorgueillist point en vain, ayant plus de cause de s’humilier. En la fin nous taschasmes de rechef de l’adoulcir et luy donner bon courage, et luy de sa part ne fist pas d’aultre semblant d’estre irrité.
Le lendemain estant en une taverne en grande compaignie en laquelle il y avoit environ une dizaine de prescheurs d’icy alentour après qu’on eust devisé de quelque matiere, sans qu’il fust provoqué ne qu’il en eust occasion, comme s’il eust esté un contrerolleur de tout le monde, il dict qu’il n’y avoit point d’homme sçavant par deca, el parla encores plus oultrageusement que nous ne disons, et comme la verilé vient tousjours en lumiere avec le temps, nous avons esté depuis advertis que du premier jour qu’il estoit entré en ceste ville, il n’avoit cessé de mesdire maintenant de l’ung ou de l’aultre, maintenant de tous, jusques à prononcer que ne trouvoit nul goust ne nulle edification en toutes nos predications et lectures. Et toutesfois il estoit si effronté que ce pendant il osoit bien venir disner chez nous. Nous voyons bien quelle raison le menoit à cela, c’est que le paoure homme est si affamé de gloire qu’il brusle tout, et ce pendant nous ne voyons pas qu’il ait rien en quoy il se puisse glorifier. Car quant on aura bien espeluche tout ce qu’il a au ventre, on n’y trouvera que pure asnerie. Il sçait un peu moins en la langue latine qu’un enfant de huit ans ne debvroit faire. En l’Escripture il y est aussi ignorant qu’nn caffart', et toutesfois il est si enivré d’ambition qu’il ne se peult tenir sur ses pieds. Nous vous laissons à reciter plusieurs menées qu’il a tenté. Tant y a qu’il n’eust pas tenu à luy de troubler nostre Eglise, si le temps y eust esté disposé.
‘ Qu'un homme qui n’a que les dehors de la religion. En arabe Caphar ou Cafr désigne un chrétien qui s'est fait musulman.
