RABELAIS

Plan de campagne de Picrochole.

(Des gens du roi Grandgousier surprirent des fouaciers dépendants du roi Picrochole, et enlevèrent leurs fouaces. Picrochole, dans l’amère colère qu’exprime son nom, résolut de les venger par une guerre terrible. Il y fut excité encore par des conseillees belliqueux).

Les fouaces destroussees, comparurent devant Picrochole le duc de Menuail, comte Spadassin, et capitaine Merdaille, et luy dirent : Cyre, aujourd’huy nous vous rendonsle plus heureux, plus chevalereux prince qui oncques feut depuis la mort de Alexandre Macedo. Couvrez, couvrez vous, dist Picrochole. Grand mercy dirent-ilz, cyre, nous sommes à nostre debvoir. Le moyen est tel. Vous laisserez icy quelque capitaine en guarnison, avec petite bande de gens, pour guarder la place, laquelle nous semble assez forte, tant par nature, que par les remparts faictz à vostre invention. Vostre armee partirez en deux, comme trop mieulx l’entendez. L’une partie ira ruer sus ce Grandgousier, et ses gens. Par ycelle sera de prime abordee facillement desconfist. La recouvrerez argent a tas. Car le villain en ha du content. Villain, disons nous, parce que ung noble prince n’ha jamais ung sou. Thesaurizer est faict de villain.

L'autre partie ce pendent tirera vers Onys, Saintonge, Angomoys, et Guascoigne : ensemble Perigort, Medoc, et Eslanes ‘. Sans resistence prendront villes, chasteaulx, et forteresses. À Bayonne, à Sainct Jean de Luc, et Fontarabie, saisirez toutes les naufz, et coustoyant vers Gualice et Portugal, pillerez tous les lieux maritimes, jusques a UÜlisbonne, ou aurez renfort de tout equippaige requis à ung conquerent. Par le corbieu, Hespaigne se rendra, car

4 « Eslanes. » Quoique les Lanes et les Landes soient termes synonymes, l’usage est cependant que par les Lanes on entend cette partie des Landes qui est sous le’présidial de Dax. Rabelais a donc ici écrit et dû écrire es Lanes. Le Duchat.

ce ne sont que madourrez. Vous passerez par l’estroict de Sibylle ‘ et la erigerez deux colonnes plus magnificques que celles de Hercules a perpetuelle memoire de vostre nom. Et sera nommé cestuy destroict la mer Picrocholine.

Passee la mer Picrocholine, voicy Barberousse qui se rend vostre esclave. Je dist Picrichole, le prendray a mercy. Voire, dirent-ilz, pourveu qu’il se face baptiser. Et oppugnerez les royaulmes de Tunis, de Hippes*, Argiere, Bone, Corone“, hardiment toute Barbarie. Passant oultre, retiendrez en vostre main Majorque, Minorque, Sardaigne, Corsicque, et aultres isles de la mer Ligusticque et Baleare. Coustoyant à gausche, dominerez toute la Gaule narbonicque, Provence. et Allobroges, Genes, Florence, Lucques, et a dieu seas* Rome. Le paovre monsieur du pape meurt desja de paour. Par ma foy, dist Picrochole, je ne luy baiseray ja sa pantoufle.

Priuse Italie, voila Naples, Calabre, Apoulle et Sicile toutes a sac, et Malthe avec. Je vouldroys bien que les plaisans chevaliers jadis Rhodiens vous resistassent, pour veoir de leur urine. Je iroys (dist Picrochole) voulentiers à Lorette. Rien, rien, direntilz, ce sera au retour. De la prendrons Candie, Cypre, Rhodes et les isles Cyclades, et donnerons sus la Moree. Nous la tenons. Dieu guard Hierusalem, car le souldan n’est pas comparable a vostre puissance. Je, dist-il, feray doncques bastir le temple de Salomon! Non, dirent-ilz, encores ; attendez ung peu. Ne soyez jamais tant soubdain a vos entreprinses.

Scavez-vous que disoyt Octavian Auguste? Festina lente. Il vous convient premierement avoir l’Asie minor, Carie, Lycie, Pamphile, Cilicie, Lydie, Phrygie, Mysie, Betune 5, Charazie”, Satalie®,

t Par l'échange fréquent de l’e et de l'i, comme du b et du v, Sibylle est Séville ; le détroit de Séville est le détroit de Gibraltar.

3 Hippo-Diarrythus des anciens.

3 Corone, c’est l’ancienne Cyrène, dont le nom moderne est Corène.

4 « À dieu seas, » c’est l'adieu sias des Gascons et l’adissiats des Languedociens. Adieu soit Rome c'est-à-dire la puissance du pape.

# Effet de la peur.

6 Bithynie.

1 Carrasia, l’ancienne Sardis.

8 Santalie dans la Pamphylie.

Samagerie ‘, Castamerra , Luga *, Savasta 5 jusques à Euphrates. Voyrons nous, dist Picrochole, Babylone, et le mont Sinaï? Il n’est, dirent ilz, ja besoing pour ceste heure. N'est-ce pas assez tracassé de avoir transfreté la mer Hircane, chevaulché les deu Armenies, et les troys Arabies ? Par ma foy, dist-il, nous sommes affollez. Ha paovres gens ! Quoy? dirent-ilz. Que boyrons-nous par ces deserts ? Car Julian Auguste et tout son oust y moururent de soif, comme l’on dict. Nous, dirent-ilz, avons ja donné ordre à tout. Par la mer Syriace, vous avez neuf mille quatorze grandes naufz charges des meilleurs vins du monde : elles arrivarent à Japhes *, La se sont trouvez vingt et deux cens mille chameaulx et seize cens elephans, lesquelz avez prins a une chasse environ Sigeilmes, lors que entrastes en Lybie : et d’abundant eustes toute la caravane de la Mecha. Ne vous fournirent-ilz pas de vinc suffisance ? voyre : mais, dist-il, nous ne busmes point frais. Par la vertu, dirent-ilz, non pas d’ung petit poisson, ung preux, ung conquerent, un pretendent et aspirant à l’empire univers ne peult tousjours avoir ses aises. Dieu soit loué qu’estes venus vous et vos gens, saufz et entiers jusques au fleuve du Tigre.

Mais, dist-il, que faict cependent la part de nostre armee qui desconfit ce villain humeux Grandgousier ? ilz ne chomment pas, dirent-ilz, nous les rencontrerons tantoust. Ilz vous ont prins Bretaigne, Normandie, Flandres, Haynault, Brabant, Artoys. Hollande, Selande : i1z ont passé le Rhein par sus le ventre des Souices et Lansquenetz, et part d’entre eulx ont dompté Luxembourg, la Lorraine, la Champaigne, Savoye jusques a Lyon : onquel lieu ont trouvé vos guarnisons retournans des conquestes navales de la mer Méditerranee. Et se sont rassemblez en Boheme, apres avoir mis à pat Souevef, Wirtemberg, Bavieres, Austriche, Moravie et Stirie. Puis ont donné fierement ensemble sus Lubek,

‘ Peut-être Sammachia (Cyropolis) dans le Schirvan sur la mer Caspienne.

? Inconnues.

5 L'ancienne Sébaste, sur la frontière de Cilicie.

4 Jaffa.

$ Probablement Sichem, aujourd’hui Naplouse. Autres conjectures: Sigeum, promontoire de la Troade; Sicemus ville d'Arabie.

6 Souabe.

Norwege, Swedén, Rich ‘, Dace*, Gotthie, Engroenland;, les Estrelins *, jusques à la mer Glaciale. Ce faict, conquestarent les isles Orchades, et subjuguarent Escosse, Angleterre et Irlande. De la, naviguans par la mer sabuleuse, et par les Sarnates, ont vaincu et dompté Prussie, Polonie, Lituanie, Russie, Valachie, la Transsilvane, Hongrie, Bulgarie, Turquie, et sont a Constantinople. Allons nous, dist Picrochole, rendre af eulx le plus toust, car je veulx estre aussi empereur de Trebizonde. Ne tuerons nous pas tous ces chiens Turcs et Mahumetistes ? Que diable, dirent-ilz, ferons doncques ? Et donnerez leurs biens et terres a ceulx qui vous auront servy honnestement.

La raison, dist-il, le veult; c’est équité. Je vous donne la Carmaigne”, Surie, et toute la Palestine. Ha, dirent-ilz, Cyre, c’est du bien de vous, grand mercy. Dieu vous fasse bien tousjours prosperer. La present estoyt ung vieulz gentilhomme esprouvé en divers hazars, et vray routier de guerre, nommé Echephron, lequel ouyant ces propous, dist: J’ay grand paour que toute ceste entreprinse sera semblable à la farce du pot au laict, duquel ung cordouanier se faisoyt riche par resvèrie, puys, le pot cassé n’eut de quoy disner. Que pretendez vous par ces belles conquestes? Quelle sera la fin de tant de travaulx et traverses ? Sera, dist Picrochole que nous, retournez, reposerons a nos aises: dont, dist, Echephron, et si par cas jamais n’en retournez ? car le voyaige est long et perilleux. N’est ce mieulx que des maintenant nous reposons *, sans nous mettre en ces hasars. 0! dist Spadassin, par dieu voicy ung bon resveux, mais allons nous cacher au coing de la cheminee : et la passons avec les dames nostre vie et nostre

1 Riga en Livonie en l'isle de Rugen.

+? Sace ou Sacie, nom que par erreur Eneas Sylvius, Histor. Europ. C. 33, donne au Danemark, dont il s’agit ici.

5 Le Groënland.

4 Les Estrelins, Esterlins, Esserlings ou Osserlingers, habitants de l’Estonie.

$ Dans la traduction de Ptolémée pontus sabulosus est la mer de Norwége toute couverte en effet de bancs de sable.

6 Vers.

T Caramanie.

S Rabelais connaissait sans doute, sur le même sujet, une fable plus ancienne que celle de la laitière de Des Pierriers, dans sa nouvelle XIV imitée par La Fontaine, 1. x, f. 7.

3 Gr. ( 55.

temps a enfiler des perles, ou a filer comme Sardanapalus. Qui ne s’adventure, n’ha cheval, ny mule, ce dist Salomon. Qui trop. dist Echephron, s’adventure, perd cheval et mule, respondit Malcon*. Baste, dist Picrochole, passons oultre. Je ne crains que ces diables de legions de Grandgousier : cependent que nous sommes en Mesopotamie, s’ilz nous donnoyent sus la queue, quel remede ? Tresbon, dist Merdaille, une belle petite commission, laquelle vous envoyerez aux Moscovites, vous mettra en camp pour ung moment quatre cens cinquante mille combattans d’eslite. O si vous me y faictes vostre lieutenant, je tueroye ung pygne pour un mercier °. Je mors, je rue, je frappe, j’attrappe, je tue, je renie. Sus, sus, dist Picrochole, qu’on despesche tout et qui m’ayme sy me suyve.

Gargantua mange en salade six pélerins.

Le propous requiert que racontons ce qu’advint a six pelerins qui venoyent de Saint Sebastien pres de Nantes, et, pour soy heberger celle nuict, de paour des ennemys, s’estoyent mussez au jardin dessus les poyzars, entre les choux et lectues. Gargantua se trouva quelque peu alteré, et demanda si l’on pourroyt trouver des lectues pour faire sallade.

Et entendent qu’il y en avoyt des plus belles et grandes du pays, car elles estoyent grandes comme pruniers ou noyers, y voulut aller luy mesme, et emporta en sa main ce que bon luy sembla, ensemble emporta les six pelerins, lesquelz avoyent si grand paour qu’ilz n’ausoyent n°y parler, ny tousser.

Les lavant doncques premierement en la fontaine, les pelerins disoyent en voix basse l’ung a l’aultre : Qu’est il de faire * ? nous noyons icy entre ces lectues, parlerons nous? mais si nous parlons, il nous tuera comme espies, Et, comme ilz deliberoyent ainsi, Gargantua les mist avecques ses lectues dedans ung plat de

{ Rien de semblable dans Salomon, dont Rabelais invoque l’autorité comme auteur de proverbes.

3 Personnage imaginaire.

$ Locution proverbiale renversée par plaisanterie : Je tverais un mercier pour un peigne.

# Gr. 72.

la maison grand comme la tonne de Cisteaulx ‘ et avecques huyle et vinaigre, et sel, les mangeoyt pour soy refraischir devant soupper, et avoyt jà engoulé cinq des pelerins: le sixiesme estoyt dedans le plat caché soubz une lectue, excepté son bourdon qui apparoissoyt au dessus. Lequel voyant Grandgousier, dist a Gargantua : Je croy que c’est la une corne de limasson, ne le mangez point. Pourquoy ? dist Gargantua, ilz sont bons tout ce moys Et tirant le bourdon, ensemble enleva le pelerin et le mangeoyt tresbien. Puis beut ung terrible traict de vin pineau, en attendant que l’on apprestat le soupper.

Les pelerins, ainsi devorez, se tirarent hors les meulles de ses dens® le mieulx que faire peurent, et pensoyent qu’on les eust mis en quelque basse fousse des prisons. Et lorsque Gargantua beut le grand traict, cuidarent noyer en sa bouche, et le torrent du vin presque les emporta au gouffre de son estomach : toutefoys, saultans avecques leurs bourdons, comme font les micquelotz, se meirent en franchise l’oree des dens. Mais par malheur lung d’eulx tastans avec son bourdon le pays, à scavoir s'ils estoyent en seurelé, frappa rudement en la faulte d’une dent creuse, et ferut le nerf de la mandibule dont feit tresforte douleur a Gargantua, et commença a crier de raige qu’il enduroyt. Pour doncques se soulager du mal, feit apporter son curedens, et, sortant vers le noyer grollier vous denigea * messieurs les pelerins.

Car il attrapoyt l’ung par les jambes, l’aultre par les espaules, Paultre par la besare, l’aultre par la fouillouse, l’aultre par l’escharpe. Ainsi les pelerins denigez s’enfuyrent a travers la plante a beau trat, et appaisa * la douleur. En laquelle heure feut appelé par Eudemon pour soupper, car tout estoyt prest. Passans de la par l’oree de la touche en plain chemin, tumbarent tous, excepté Fournillier, en une trape qu’on avoyt faicte pour prendre les loups a la trannee. Dont escapparent moyennant l’industrie du dict Fournillier, qui rompit tous les lacz et cordaiges. De la yssus, pour le reste de cette nuict coucharent en une loge pres le Couldray.

{ Rabelais et d'autres ont par erreur parlé de la tonne de Citeaux, au lieu de celle de Clairvaux, rivale de gloire de la tonne de Heidelberg.

# Les dents molaires.

3 Dénicha.

4 Gr. S 65.

De l'enfance de Pantagruel.

Je treuve, par les anciens historiographes et poetes, que plusieurs sont nayz en ce monde en facons bien estranges que seroyent trop longues a raconter : lisez le septiesme livre de Pline, si avez loisir. Mais vous n’en ouistes jamais d’une si merveilleuse comme feut celle de Pantagruel : car c’estoyt chose difficile a croire comment il creut en corps et en force en peu de temps. Et n’estoyt rien Hercules, qui estant au berceau tua les deux serpens : car lesdictz serpens estoyent bien petitz et fragiles. Mais Pantagruel estant encores au berceau, feit cas bien espouventables. Je laisse icy à dire comment a chascun de ses repasts il humoyt le laict de quatre mille six cens vaches, Et comment, pour luy faire ung paeslon ‘ a cuire sa bouillie, feurent occupez tous les pesliers ? de Saulmur en Anjou, de Villedieu en Normandie, de Bramont en Lorraine, et luy bailloyt on ladicte bouillie en ung grand tymbre * qui est encore de present a Bourges, pres du palais : mais les dens luy estoyent desja tant creues et fortifiées qu’il en rompit du dict tymbre ung grand morceau, comme lresbien apparoist.

Certain jour vers le matin, qu’on le vouloyt faire teter une de ses vaches (car de nourrices il n’en eut jamais aultrement comme dict l’hystoire) il se defeit des liens qui le tenoyent au berceau, ung des bras, et vous prend la dicte vache par dessoubz le jarret, et Iuy mangea les deux tetins et la moitié du ventre, avec le foye et les rognons, et l’eust toute devoree, n’eust esté qu’elle crioyt horriblement, comme si les loups la tenoyent aux jambes : auquel cry le monde arriva, et ostarent ladicte vache a Pantagruel : mais ils ne sceurent si bien faire que le jarret ne luy en demourast comme il le tenoyt; et le mangeoyt tresbien, comme vous feriez d’une saulcisse; et quand on luy voulut oster l’os, il l’avalla bientost, comme ung cormoran feroyl ung petit poisson ; et apres commença a dire : Bon, bon, bon, car il ne sçavoyt encore bien

1 Poëlon.

? Poëélonniers, chau ironniers.

3 Auge pour abreuver les bestiaux.

parler ; voulant donner a entendre qu’il l’avoyt trouvé fort bon, et qu’il n'en failloyt plus qu’autant. Ce que voyans ceulx qui le servoyent, le liarent a gros cables, comme sont ceulx que l’on faict a Tain ‘ pour le voyaige du sel a Lyon, ou comme sont ceulx de la grand nauf françoise qui est au port de Grace * en Normandie. Mais quelquefoys * qu’ung grand ours que nourrissoyt son pere eschappa, et luy venoyt lescher le visaige, car les nourrices ne luy avoyent bien a poinct torché les babines, il se deffeit desdictz cables aussi facillement, comme Samson d’entre les Philistins, et vous print monsieur de l’ours, et le mist en pieces comme ung poulet, et vous en feit ane bonne gorge chaulde pour ce repast. Parquoy, craignant Gargantua qu’il se guastast, feit faire quatre grosses chaines de fer pour le lier, et feit faire des arboutans à son berceau bien afustez. Et de ces chaines en avez une a la Rochelle, que l’on leve au soir entre les deux grosses tours du havre. L’aultre est a Lyon, l’aultre a Angiers, et la quarte feut emporteg des diables pour lier Lucifer qui se deschainoyt en ce temps la, a cause d’une colicque qui le tourmentoyt extraordinairement, pour avoir mangé l’ame d’ung sergeant en fricassee a son desjeuner. Dont pouvez bien croire ce que dict Nicolas de Lyra sus le passaige du psaultier ou il est escript : Et Og regem Basan. Que ledict Og, estant encore petit, estoyt tant fort et robuste qu’il le falloyt lier de chaines de fer en son berceau. Et ainsi demoura coy et pacifique ; car il ne pouvoyt rompre tant facillement lesdictes chaines, mesmement qu’il n’avoyt pas espace au berceau de donner la secousse des bras. Mais voicy que arriva ung jour d’une grande feste, que son pere Gargantua faisoyt ung beau bancquet à tous les princes de sa court. Je croy bien que tous les officiers de sa court estoyent tant occupez au service du festin que l’on ne se soucioyt du paovre Pantagruel, et demouroyt ainsi a reculorun. Que feit il? qu’il feit, mes bonnes gens ? Escoutez : Il essaya de rompre les chaines du berceau avecques les bras, mais il ne peust, car elles estoyent trop fortes ; adoncques il trepigna tant des pieds qu’il rompit le bout de son berceau, qui tou-

1 Gros bourg sur le Rhône, vis-à-vis de Tournon, passage pour le sel du Dauphiné qu’on transportait a Lyon.

3 Le Havre de Grace ou le Havre, à l'embouchure de la Seine.

5 Une fois, un certain jour.

tesfoys estoyt d’une grosse poste de sept empans en quarré ; et ainsi qu'il eust mis les piedz dehors, il s’avalla le mieulx qu’il peust, en sorte qu’il touchovt les piedz en terre. Et alors, avecques grande puissance se leva, emportant son berceau sus l’eschine ainsi lié, comme une tortue qui monte contre une muraille, et a le veoir sembloyt que ce feust une grande carracque ‘ de cinq cens tonneaulx qui feust debout. En ce poinct, entra en la salle, ou l’on banquetoyt, et hardiment qu’il espouventa bien Passistance : maïs, par autant qu’il avoyt les bras liez dedans, il pe pouvoyt rien prendre a manger, mais en grande peine s’enclinoyt pour prendre a tout la langue quelque lippee. Quoy voyant son pere, entendit bien que l’on l’avoyt laissé sans luy bailler a repaistre, et commenda qu'il feust deslié desdictes chaines, par le conseil des princes et seigneurs assistans ensemble aussi que les medecins de Gargantua disoyent que, si l’on le tenovt ainsi en berceau, que seroyt toute sa vie subject a la gravelle. Lorsqu'il feust deschainé, l’on le feit asseoir, et repeut fort bien, et mist son dict berceau en plus de cinq cens mille pieces, d’ung coup de poing qu’il frappa au mylieu par despit avec protestation de jamais n’v retourner.

Panurge.

Panurge estoyt de stature moyenne, ny trop grand, ny trop petit, et avoyt le nez ung peu aquilin, faict a manche de rasouer, et pour lors estoyt de l’eage de trente et cinq ans, ou environ, fin a dorer comme une dague de plomb *, bien gualand homme de sa personne, sinon qu’il estoyt quelque peu subject de nature a une maladie qu’on appelloyt en ce temps la :

Faulte d'argent c'est douleur sans pareille.

Toutesfoys il avoyt soixante el troys manieres d’en trouver tous-

{ Caracca, en italien; Carraca, en espagnol; Kræcke, en flammand ; gros navire de transport.

3 Le plomb n'est ni bon à dorer, ni à être doré. Tel était Panurge, vrai vaurien en tout sens.

jours a son besoing ; dont la plus honnorable et la plus connue estoyt par façon de larecin furtivement faict; malfaisant, pipeur, beuveur, batteur de pavez, ribleur, s’il en estoyt à Paris ;

Au demourant le meilleur filz du monde.

Et tousjours machinoyt quelque chose contre les sergeans et contre le guet.

A rune foys, il assembloyt troys ou quatre bons rustres, les faisoyt boyre comme templiers sus le soir, apres les menoyt au dessoubz de Saincte Geneviefve, ou aupres du college de Navarre, et a l’heure que le guet montoyt par la (ce qu’il congnoissoyt en metlant son espee sus le pavé, et l’aureille aupres, et lorsqu'il ouyoyt son espee bransler, c’estoyt signe infaillible que le guet estoyt pres), a l’heure doncques, luy et ses compaignons prenoyent ung tumbereau, et luy baïilloyent le bransle, le ruant de grande force contre la vallee, et ainsi mettoyent tout le paovre guet par terre, comme porcz : puis fuyoyent de l’aultre cousté : car en moins de deux jours, il sceut toutes les rues, ruelles et traverses de Pa- - ris, comme son Deus det 1. A laultre foys, faisoyt en quelque belle place, par ou ledict guet debvoyt passer, une trainee de pouldre de canon, et a l’heure que passoyt, mettoyt le feu dedans, el puys prenoyt son passe Lemp a veoir la bonne grace qu'ilz avoyent en fuyant, pensans que le feu sainct Antoine les tint aux Jambes.

Parolles dégelées.

En pleine mer nous bancquetants, gringnotants, divisants * et faisants beaulx et courts discours, Pantagruel se leva et tint en pieds pour discouvrir a l’environ. Puis nous dist : Compaignons, oyez vous rien ? Me semble que je oy quelcques gents parlants en l’aer, je n’y voy toutesfoys personne. Escoutez. Ason commandement nous feusmes attentifs, et a pleines aureilles humions l’aer comme belles huistres en escalle, pour entendre si voix ou son aulcun y

t Grâces latines après le repas.

2 Pour devisants,

seroyt espars : et pour rien n’en perdre, a l'exemple de Antonin l’empereur, aulcuns opposions nos mains en paulme derriere les aureilles. Ce neanmoins protestions voix quelconques n’entendre.

Pantagruel continuoyt, affermant ‘ ouyr voix diverses en l’aer, tant de hommes comme de femmes, quand nous feut advis, ou que nous les oyons pareillement, ou que les aureilles nous cornoyent. Plus perseverions escoutants, plus discernions les voix, jusques a entendre mots entiers. Ce que nous effraya grandement, et non sans cause, personne ne voyant, et entendant voix et sons tant divers, d'hommes, de femmes, d’enfans, de chevaulx : si bien que Panurge s’escria: Ventre bieu ! est ce mocque ? nous sommes perdus. Fuyons. Il y ha embusche autour : Frere Jean, es tu la, mon amy? Tien toy pres de moy, je te supplie. As tu ton bragmart! Advise qu’il ne tienne au fourreau. Tu ne le desrouilles poinct a demy. Nous sommes perdus. Escoutez : ce sont par dieu coups de canon. Fuyons. Je ne dis de pieds et de mains, comme disoyt Brutus en la bataille pharsalicque : je dis a voiles et a rames. Fuyons. Je n’ay poinct de couraige sus mer. En cave et ailleurs j’en ay tant et plus. Fuyons. Saulvons nous. Je ne le dis : pour paour que je aye. Car je ne crains rien fors les dangiers. Je le dis tousjours.

Aussi disoyt le francarchier de Baignolet *. Pourtant n’hazardons 5 rien, a ce que ne soyons nazardez. Fuyons. Tourne visaige. Vire la peautre. Pleust a Dieu que presentement je feusse en Quinquenoys #, a peine de jamais ne me marier ! Fuyons, nous ne sommes pas pour eulx. Ils sont dix contre ung, je vons en asseure. D’advantaige, ils sont sus leurs fumiers nous ne congnoissons le pays. Ils nous tueront. Fuyons, ce ne nous sera deshonneur. Demosthenesdist, que l’homme fuyant combattra derechief. Retirons nous pour le moins. Orche, poge, au trinquet, aux bou-

{ Affirmant.

* Les Francs-archers étaient une sorte de milice créée par Charles VII. Le Franc-archer de Bagnolet est un monologue eu vers, imprimé entre autres à la suite de Villon. Le poëte met dans sa bouche ce vers auquel Rabelaïs fait allusion :

Je ne craignoiïs que les dangiers.

5 L’A s’aspirait ou ue s’aspirait pas. Ici Rabelais a cherché un jeu de mots. # Contrée de vignoble près de Chinon.

lingues. Nous sommes morts. Fuyons de par touts les diables, fuyons.

Pantagruel entendent l’esclandre que faisoyt Panurge, dist : qui est ce fuyart la bas ? Voyons premierement quels gents sont. Paradventure sont ils nostres. Encores ne voy je personne. Et si voy cent mille a l’entour. Mais entendons. J’ai leu qu’ung philosophe nommé Petron estoyt en ceste opinion que feussent plusieurs mondes soy touchant les ungs les aultres, en figure triangulaire equilaterale, en la pate et centre desquels disoyt estre le manoir de la verité, et la habiter les parolles, les idees, les exemplaires et pourtraicts de toutes choses passees et futures : autour d’icelles estre le siecle. Et en certaines annees, par longs intervalles, part d’icelles tumber sus les humains comme catarrhes, et comme tumba la rousee sus la toison de Gedeon : part la rester reservee pour l’advenir jusques a la consommation du siecle. Me soubvient aussy que Aristoleles maintient les parolles d’Homere estre voltigeantes, volantes, moventes, et par consequent animees.

D’advantaige Antiphanes disoyt la doctrine de Platon es parolles estre semblable, lesquelles en quelcque contree on temps du fort hiver, lors que sont proferees, gelent et glassent à la froideur de l’aer, et ne sont ouyes. Semblablement ce que Platon enseignoyt es jeunes enfans, a peine estre d’iceulx entendu, lorsque estoyent vieulx devenus. Ores seroyt a philosopher et rechercher si forte fortune icy seroyt l’endroict, onquel telles parolles degelent. Nous serions bien esbahis si c’estoyent les teste et 1yre ‘ de Orpheus. Car apres que les femmes Threisses eurent Orpheus mis en pieces, elles jectarent sa teste et sa lyre dedans le fleuve Hebrus. Icelles par ce fleuve descendirent en la mer Ponticque, jusques en l’isle de Lesbos tousjours ensemble sus mer naigeantes. Et de la teste continuellement sortoyt ung chant lugubre, comme lamentant la mort de Orpheus ; la lyre a l'impulsion des vents movens les chordes accordoyt harmonieusement avecques le chant. Regardons si les voirons cy autour.

1 Gr. ( 49.