QUINZIÈME ET QUATORZIÈME SIÈCLES

CHRISTINE DE PIZAN.

Ci dit de la vertu de justice ou roy Charles".

Comme dit le philozophe, « nul ne doit estre appellé sage, se bonté ne l’esclaire, » laquelle est le principe de sapience, avec la crainte de nostre Seigneur, comme dit le psalmiste.

Or, soit donques traictié des vertus ou bontez d’icelluy Roy que nous disons sage, lequel, à l’exemple du bon empereur Trayan et mains autres jadis ameurs de justice, comme nous lisons, fu ? celluy Charles, pillier d’icelle ; et en telle maniere la gardoit que si hardis ne fust, ne tant grant prince, en son royaume, ne amé serviteur, qui extorcion osast faire à homme, tant fust petit.

Et, entre les exemples qui en pourroyent estre dis : une foiz avint que un chevalier de sa court donna une buffe à un sergent faisant son office, de laquelle chose à tres grant peine pot estre desmeu le Roy par prieres de ses plus amez princes, que icelluy chevallier n’encourust la loy et rigueur de justice, qui est, en tel cas, copper le poing ; toutesfoiz onques depuis ne fu en grace comme devant.

Item, à un Juif semblablement fist droit d’un tort et extorcion, que un Chrestien luy avoit faicle, et fu de luy avoir baillié un fauls

Charles V, dit Le sage, dont Christine de Pizan a écrit la vie. 3 Gr. Ç 23.

3 Gr. 27, 4 Gr. 76.

gage pour bon; et volt‘ le Roy que la simplece du Juif fust vainqueresse de la malice du Crestien ; et comme il faist droit aux Juifs, n’est mie doubte qu’à toute personne vouloit que il fust entierement tenuz : et se, au contraire, luy venist* à cognoissance d’aucun de ses justiciers, en exemple donnant aux autres juges de bien et sagement gouverner * justice, tantost commandoit qu’il fust desmis et punis selon sa desserte.

De mains cas particuliers luy mesme fist droit par bonne équité, et comme il est escript de l’empereur Trayan prealegué, que, une foiz, comme il fust jà montez sur son destrier pour aler en bataille, une femme grevée de tort, à luy venue complaignant, arrestast tout son host, descendy, * donnant sentence droicturiere pour la vefve.

Ci dit de la benignité et clemence du Roy Charles.

Notons quans grans princes, barons et chevaliers vindrent à luy subjuguez, à mercy, non pas seulement comme estoit Tigran, estrange aux Romains, mais ses propres hommes et subgiez d’ancien droit et seigneurie, rebelles contre Sa Magesté, que il receut à mercis tant de foiz et si doulcement pardonna, non pas seulement traicta amiablement, mais donna tres largement du sien, comme plus pleinement peut apparoir esdites croniques, qui de ce font mencion ; mais j’en passe les noms, car n’afliert à ma personne et ne vouldroye ramentevoir chose à l’opprobre d’aucune noble ligniée qui indigner s’en pourroil.

Et, si comme il est escript de la debonnaireté du Roy Pirrus tres vaillant, dit Valere, que comme il luy fust rapporté que veneurs, buvans en taverne, en la cité de Tarante, disoyént mal de luy, il les manda et leur demanda s’ainssy estoit : et comme ilz respondirent, « se le vin ne fust sitost faillis, ce que on L’a rapporté

Gr. À 76.

Gr. ( 26.

Gr. $ 86.

Gr. ( 23.

À or +

envers ‘ ce que nous eussions dit ne fust * que jeux ; » et ainssi, la simple confession de la verité tourna l’ire du Roy en ris.

Plus grant sens en debonnaireté povons dire de nostre prince, lequel, une foiz ou * temps des pestillences de France, encore n’estoit couronné, entra à Paris en grant compaignie, apres une grant commocion en la ville qui contre luy ot esté, et ainssi comme il passoit par une rue, un garnement traitre oultre cuidié, par trop granit presumpcion, va dire si hault qu’il le pot oyr: « Par Dieu, Sire, se j’en feusse creus, vous n°y fussiez jà entrés * ; mais au fort, on y fera peu pour vous. » Et, comme le conte de Tancarville, qui droit devant le Roy chevauchoit, eust oye® la parolle, voulsist $ aler tuer le villain, le bon prince le retint et respondi, en sousriant, comme se il n’en tenist’ conte: « On ne vous en croira pas, beau sire. »

Le sens de cette pacience fait moult à noter aux vindicatifs, qui, sanz viser aux inconveniens qui en peuent venir, de tous mesfais se vueulent vengier, laquel ® chose est encontre l’ordre des sages ; el visa ce tres prudent prince, nonobstant luy fut legiere la vengence, s’il luy pleust que par celluy occirre, la ville, qui, par malvaise exortacion, estoit commeue, cité rebelle se fust bien peue esmouvoir, dont grant meschief fust venus ; ou, par aventure, la haultece de son noble courage ne deigna tenir conte de chose que un tel garçon deist. Et à celle mesmes entrée qu’il fist lors à Paris, qui trop luy ot esté rebelle, tous ° ainssi comme jadis Othovien ‘ à Hérode pardonna vers luy venu à grant humilité, despoullé de ses aornemens royaulx, luy criant mercis de ce qu’il ot esté en l’ayde de Anthoyne et de Cheopatra, sa femme, et le receut en grace, luy remectant la couronne sur le chief; sembla-

t Gr. ( 39.

2 Gr. ( 8).

3 Gr. 9.

4 Gr. & 97.

5 Gr. ( 96.

6 Gr. ( 27.

7 Gr. 26.

8 Gr. 16.

9 Gr. 110.

10 Octave.

blement, nostre bon Roy fist à de ses princes subgiez et à maint de ses citoyens et autres esté‘ ses adversaires retournez à mercis.

Ci dit du Vitupere aux orgueilleux.

Par diverses manières prent Dieu vengence des orgueilleus qui ne ressongnent ses Jugemens.

Et que les maulvaiz soient hays et abominez devant Dieu et au monde, est escript de Denis le Tirant regnant en Cecile, tant oultre cuidiez et plain de perversité que ses subgiez mieulx voulsissent sa mort que vie*. Une bonne femme vielle prioit tousjours à haulte voix que les Dieus lui donnassent longue vie ; et comme il l’oyst dire, la manda et volt scavoir, qui la mouvoit : « Certes, dist elle, j’estoye pucelle chieux mon pere; si avoit un roy en ceste terre moult mal et qui trop grevoit le peuple, je prioye aux Dieux que sa vie fust briefve ; il mouru; apres celluy, nous omes pire : apres la mort duquel, tu es le pire de tous tes devanciers ; or, ay si grant paour, que apres toy nous ayons pire, que pour ce prye aux Dieux qu’ilz te donnent longue vie. » Si fu ce tirant tout confus des parolles de la vielle bonne femme. Celluy Denis ne faisoit mie grant reverance aux Dieus que alors aouroyent.

T1 avint une foiz qu’il vit un moult riche mantel d’or, qu’on avoit mis à l’image de Jupiter, si le prist eten mist un de drap en lieu ; il volt appaisier en telle maniere les prestres qui s’en courroucoyent : « le mantel d’or, dist-il, estoit trop froit pour yver, et trop pesant pour esté: pour ce, luy en ay donné un plus convenable en toutes saisons. »

Une autre foiz, il vid l’image d’Esculapius, qui avoit une grande barbe d’or jusques aux piez, et Appolo, son pere n’en avoit point: si prist la barbe d’or, et dist aus prestres qui l’en reprenoyent, « qu’il n’estoit mie avenant, que le filz eust si grant barbe, puisque le pere n’en avoit point. » Et ainssy se moquoit des Dieux,

1 Gr. $ 24.

3 Gr. 63.

non mie par oppinion que ceste loy fust faulse, mais par le grant orgueil de luy, qui le faisoit si oultrecuidier que il presumoit sa poissance plus grande que nulle deité. En la fin cestui fina ‘ villainement par lait trebuchement.

Et, en retournant à ma matiere que trop ay delaissié, à tant souffise des arrogans orguilleus.

Cy dit du duc d’Orliens.

L’autre filz du sage roy Charles fu Loys, duc d’Orliens à present vivant, florissant par grace de Dieu en bien. Cestui Loys, acroiscent la Joie du pere, nasqui trois ans apres le susdit Charles dont nous avons parlé (d’une fille entre deus ne fais moult grant mencion, ne de trois autres, moult belles dames, pour ce que assez jeunes trespasserent). Granl* jove et solemnité fu faicte de sa naiscence : le Roy, resjoy d’avoir deus beauls enfens masles, tist celebrer en chants et sons melodieus, par toutes esglises, louanges à nostre seigneur, grant feste fu entre les barons, et le peuple faisant grant feu par toutes les rues de Paris en signe de solemnisée * joye.

Le sage roy, son pere, luy fist amenistrer nourrelure propice en toutes choses; l’administracion et garde commist à une bonne et sage dame, appellée madame de Roussel, qui, par grant soing le nourry, et la bonne dame, tres qu’il sceust aprendre à parler, les premieres parolles que elle luy apprist fu son Ave Maria, etpar elle fu si duit, que c’estoit doulcete chose luy oir dire, enfenciablement à genoulz, ses petites mains joinctes devant l’image Nostre- Dame ; et de bonne heure aprist à Dieu servir : car il a tres bien continué en devocions, oroisons, à l’esglise estre longuement, et à oyr et dire grant service; bonnes gens el devolz aime * et voulen-

{ Gr. ( 29.

2 Gr. ( 11.

3 Gr. À 95.

4 Gr. $ 112.

tiers ot leur enseignemens, comme il appert par la frequentacion qu'il fait chascun jour par long espace en l’esglise des Celestins, où a couvent de sains preudeshomes servant Dieu, et là ot! le service ; de laquelle frequantacion est impossible que son ame et ses meurs n’en vaillent mieulx, et que Dieu en ses fais ne luy soit plus propice ; donne voulentiers aux povres et largement, et chascun jour de sa main ; est moult devot, par especial, ou temps de la passion de nostre Seigneur; le service ot voulentiers en la dicte devote place, soubstrait de toutes gens, fors des preudes hommes de leans; visite oudit temps, l’Ostel-Dieu et les povres malades, leur donne l’aumosne de sa main, et visite les sainctes places.

Ce prince est de tres noble courage et grant voulenté sur la con- ‘fusion de nos ennemis, comme il y a paru et pert*, parce que hardiement et de grant desir s’est mis entout debvoir, par ses lettres et messages envoyées en Angleterre *, comment la mort du bon roy Richart, à qui sa niepce par mariage estoit donnée, fust vengiée, et luy mesmes offert‘ son propre corps en preuve contre Henry de Lancastre, à present roy, et par maintes autres offres valeureuses d’armes, comme il appert* par les lettres de ce escriptes, lesquelles dites armes offertes en plusieurs manieres n’a osé ledit Henry accepter, n’accomplir.

Cestui prince aime les gentilzhommes et les preux qui par vaillantise voyagent et s'efforcent d’accroistre l’onneur et le nom de France en maintes terres, les ayde du sien, les honneure et soustient. Cestui est aujourduy le retrait et refuge de chevalerie de France, dont tient noble court et moult belle de gentilzhommes jeunes, beauls, jolis et bien assesmez, tout apprestez d’euls embesoingnier pour bien faire. A luy viennent de toutes pars pour sa belle jeunece et esperance de son bienfait, et il les recoipt amiablement, et entr’eulx est en maintien de prince tout tel qu’il appartient.

1 Gr. ( 24.

2 Gr. ( 31.

8 Il s’agit ici du défi que le duc d'Orléans envoya, en 1402, au roi d’Angleterre, Henri IV, qui avait détrôné et fait massacrer le roi Richard IV, mari d'Isabelle, fille du roi de France, Charles VI, et nièce du duc d'Orléans.

4 Le verbe auxiliaire sous-entendu.

En ses jeunes faiz, est entoutes choses tres avenant, bel! est de corps, et a tres doulce et bonne phinozomie, gracieux en ses esbatements, ses riches et genz abillemens bien luy sieent ; bel se contient à cheval; abillemens à feste se scet avoir, et tres bien dance; jeue par courtoise maniere; rit et soulace entre dames et avenamment.

Ses condicions sont telles : il aime les bons, comme dit est ; il a sens naturel tel que nul de son aage ne le passe, maintieng hault et benigne, parolle rassise et agmoderée ; n’a en luy felonnie, ne cruaulté, doulce response et amiable rent à toute personne qui à luy a à besoingnier ; et, entre les autres graces qu’il a, certes, de belle parleure aornée naturelement de rethorique, nul nele passe ; car, comme il aviegne souventefoiz, devant luy faictes maintes colacions de grant congregacions de sages docteurs en sciences et clercs solennelz, aussi au conseil et alieurs, où maint cas sont proposez et mis en termes de diverses choses, merveilles est de sa memoire et belle loquelle; car n’y aura si estrange proposicion que, au respondre, il ne repete de point en point, par ordre, à chascun, si bien et si vivement responde ou replique, s’il affiert, qu’il semble que de longue main ait estudié la matiere; et par si bel maintien et signorie contenance parle, attrait non de haulte ne de fiere parolle, mais rassisement et tout en paix, que ce est grant beaulté : et ce ay-je veu de mes yeulx, comme j’eusse affaire aucune requeste d’ayde de sa parolle, à laquelle, de sa grace, ne faillis mie ; plus d’une heure fus en sa presence, où je prenoye grant plaisir de veoir sa contenance, et si agmoderement expedier besongnes, chascune par ordre; et moy mesmes, quant vint à point, par luy fus appellée, et fait* ce que requeroye.

Avec les autres bonnes condicions n’est mie moult vindicatif de desplaisirs receus, tout le peust-il bien faire ; et certes, c’est moult noble condicion a prince. Pitié a de ceuls qu’il voit confus, si, comme une fois, entre les aultres demonstrances de sa benignité, avint, comme il regardast 5 luictier de ses gens enmy sa court, un jeune homme, eschauffé d’ire trop follement, donna une

t Gr. 10.

3 Gr. 57.

5 Gr. 77.

buffe à un autre; cellui fu moult felonnessement pris et menaciez, pour l’injure faicte devant le prince, que le poing aroit coppé; le - bon Duc, comme il veist le cas d’omme moult confus, dist à ses gens tout bas : « Dictes, dictes, qu’on luy face paour, et que on le laisse aler. » )

N'a cure d’oyr dire deshonneur de femmes, ne de nulluy mesdire, et ne croit mie de legier mal qu’on luy rapporte d’autruy, à l’exemple du sage, et dit telles notables parolles : « Quant on me dit mal d'aucun, je considere se celluy qui le dit a aucune particuliere hayne à celluy dont il parle ; aussi se envie luy fait dire, ou se il tient à le despointer d’aucun degré pour y estre luy mes- . mes. » El ceste sage et bonne condicion à prince, de non croire de legier, me ramentoit ce qui est escript à ce propoz du vaillant empereur Julius Cesar, que, entre les autres vertus de luy, ilne creoit mie de legier maulvais rapports. Une foiz luy fu dit, que un de ses chevaliers avoit dit mal de luy ; l'Empereur respondy que il ne le croyoit mie; et comme l’autre jurast et affermast ‘ que voir estoit, Cesar respondy que ce n’estoit mie chose creable, que il ne fust amez de celluy à qui il avoit bien fait. Aristode dit, que quant prince croit de legier, il ouvre la porte aux DénEONGENTS de luy raporter nouvelles.

Assez pourroye dire de cestui prince sage en jeune aage, de laquel chose on peut jugier par ce que on voit de luy; se il vit jusques au temps de viellece, ce sera prince de moult grant excellence, par qui mains grans biens seront faiz : moult s’est efforciez de mectre paix en l’Eglise, luy mesmes pour celle cause, est alez devers le Pape ; en toutes guises se vouldroit travaillier que tout bien fust fait et le mal laissié.

Noble dame a espousée et de grant prudence, fille ? au * duc de Millan, dont il a trois beaulx et gracieux filz, que Dieu, par sa misericorde, vueille accroistre entoute vertu!

1 Lex.

8 La célèbre Valentine, fille de Galéas I, duc de Milan. 3 Gr. ( 48.