CHARTIER
Jeanne d'Arc. Levée du siége d'Orléans.
Celuy an‘ ce mesme temps de Karesme, arriva vne jeune fille de l’eage de dixhuict à vingt ans, par deuers le Roy au Chastel de Chinon nommee Jehanne du Liz la Pucelle, laquelle estoil née et nourrie de aupres de Vaucoulour, d'vn villaige assis dessus la riuiere de Meuse, et auoit esté toute sa ieunesse iusques à celle heure à garder les brebis : et vint deuant le Roy en Île saluant, et luy dit ces parolles : Que nostre Seigneur l’enuoyoit deuers iuy pour le mener couronner à Reims, et pour leuer le siege que les Anglois tenoient deuant la bonne cité d'Orleans, et que Dieu à la priere des Saincts ne vouloit point que la dite cité feust prinse ne perie. Et à ces parolles le Roy la fist examiner par plusieurs sages ‘docteurs de son royaume, ausquels elle respondit sagement, et par bonne maniere : et tellement que tous les Docteurs estoient d’opinion que son faict, son dit et ses parolles estoient dictes et faictes par miracle de Dieu. Et pour ce fut dit et ordonné en grant deliberation de conseil, que pour faire et accomplir les choses que elle auoit dictes, en intention de commancer et acheuer au plaisir de Dieu, on luy bailleroit cheuaux, harnois, et gens pour l’accompaigner, et veoir son fait, et que ce seroit. Et fut tout fait conseillé et ordonné audit chastel de Chinon, durant le temps de Karesme que vng chascun estoit en deuotion. Et la conduisoit le Mareschal de Rieux, et le Sire Cuelant, l’un Mareschal, et l’autre Admiral de France.
L’an mil CCCC. vingt et neuf fut leué le siege d’Orleans le douziesme jour de May. Et en ce temps se partit ladicte Pucelle du chastel de Chinon, et print congié du Roy et cheuaucha tant par ses iournees*?, qu’elle arriua dedans la bonne cité d’Orleans maul-
? Lex.
gré les Anglois et leur enuoya lettres par vn herault publicquement deuant tout le monde, qu’ils s’en allassent et que Dieu le vouloit, ou sinon qu’il leur mescherroit, et que Dieu se courrouceroit à eux s'ils faisoient le contraire. Lesdits Anglois prindrent ledit herauldt, et iugerent qu’il seroit ars, et firent faire l’attache pour le ardoir. Et toutesuoies auant qu’ils eussent l’opinion et conseil de ceulx de l’Université de Paris de ce faire, ils furent leuez, moris ‘ et desconfils, et partirent si hastiuement qu’ils laissierent en leurs logeis ledict herault enferré et s’en fouirent. Ladicte Pucelle visita les bastilles qu’ils auoient emparees * . Et estoient auecques elle le sire de Rieux Mareschal de France, le bastard d’Orleans, et Messire Loys de Cullant Admiral, et plusieurs autres Cheualiers et Escuyers dessus nommez. Et le landemainse partit ladicte Pucelle d’Orleans, et s’en vint à Blois pour auoir gens et viures. Et ce fait vint audit Orleans à tout vne grosse puissance de gens-d’armes. Et si tost que elle fut entree en ladicte ville, le peuple se partit d’Orleans du grand vouloir qu’ils auoient d’estre hors de la seruitude desdits Anglois, et assaillirent la Bastille de sainct Lo, que les Anglois auoient prinse. Mais quant ils furent à mie-chemin ils apperceurent que le feu estoit dedens, et que elle estoit perdue pour eulx. Et estoient allez Monseigneur le bastard d’Orleans, le Sire de Rieux, et plusieurs autres, quant ils sceurent que le peuple estoit esmeu d’y aller : et fut le commencement du siege leué. Et là furent morts et ars soixante Anglois, et vingt deux prisonniers qui furent à Monseigneur le bastard d'Orleans. Et tenoit ceste dicte Bastille un Capitaine Anglois nommé Thomas Guerart, lequel estoit à Montereau, dont il estoit Capitaine pour lesdits Anglois. Et ce soir passerent les Francois en bateaux la ruiere de Loire, et allerent assaillir les bastilles du costé du Beausse, et puis celle des Augustins deuant la porte du pont, et les prindrent. Et ce soir se retrahirent lesdits Francois en ladicte ville, et ladicte Pucelle auecques eulx, et une partie des gens-d’armes demourerent au champ toute nuict. Et le lendemain au matin, qui estoit iour de Samedy, lesdits Francois passerent derechief ladite riuiere pour assaillir la Bastille du
t Lex.
® Lex.
pont, et donnerent l’assault de toutes parts à ladicte Bastille du pont, depuis le midy iusques au soleil couchant, et tant que par force d’armes ladicte Bastille fut prinse. Et y moururent les Seigneurs de Pongnis, et de Molins, et un Capitaine nommé Claridas Anglois, lequel estoit Capitaine d’icelle Bastille. En se cuidant retraire dedens la tour du bouleuart, le pont fondit ‘, et luyet tous ceux qui estoient sur ledit pont fondirent en la riuiere de Loire. Et là dedens furent que morts q'e prins de quatre à cinq cens Anglois. Et le landemain au matin, qui fut le Dimenche, se leuerent les Anglois de deuant Orleans et s’en allerent à Mehun sur Loire la plus part à pié, et laisserent leurs bastilles, viures, et artillerie, dont ceulx de ladite ville d’Orleans furent moult refaits. Et eurent assez grant confort des viures qu’ils trouuerent esdictes bastilles.
Entrée de Charles VII à Paris.
Le quatriesme iour de Novembre® le Roy se partit de sainct Denys, et vint à Paris accompaigné de Monseigneur le Daulphin, et de Messire Charles d’Anjou son cousin, et frere de la Royne, Monseigneur le Connestable, les Comtes de la Marche, de Vendosme, de Tancaruille, et de Vertuz, Monseigneur le bastard d’Orleans, et grant foison d’autres Seigneurs et Barons de son Royaume. Ceulx de Paris vindrent au deuant du Roy iusques à la Chappelle sainct Denys. C’est assauoir le Preuost de Paris, le Preuost des Marchans, les Escheuins, et grant foison de notables bourgeois de ladite ville de Paris qui estoient en grands et riches habillemens. Et pareillement y vint l’Evesque de Paris accompaigné grandement des gens d’Eglise de ladite Cité. Apres vint le premier President de Parlement, et auecques luy tous les Seigneurs de Parlement, et apres vindrent les Recteur, Docteurs, et Maistres en Theologie, et plusieurs autres estudians et clercs de l’Vniuersité
t Lex.
de Paris, et les Seigneurs de la Chambre des Comptes. Le Roy receut tous les Estats dessusdits, qui estoient venus au deuant de luy, luy faire la reuerance, moult doulcement et humblement : et ainsi arriua au Ponceau sainct Ladre. Et là vindrent au deuant de luy montez sur diverses bestes en maniere de personnages des sept vertus et des sept peschiez mortels moult bien faiz et habillez. Et à l'entree de la porte sainct Denys vn enfant en guise d’vn angele, qui portoit vn escu d’azur à trois fleurs de lys d’or, et sembloit qu’il vollast, et descendist du ciel. Le Roy estoit armé de toutes pieces sur un beau coursier et auoit vn cheval couvert de velours d’azur en couleur semé de fleurs de lys d’or d’orfaurerie ; et deuant luy son premier Escuyer d’escuyerie sur vn coursier couuert de fin blanchet et d’orfaurerie semé de cerfs vollans. Et estoient quatre coursiers pareilz, dont y auoit trois Cheualiers auecques l’Escuyer, leurs coursiers pareillement couuerts que l’Escuyer, et eux habillez en armes de tous harnois. Et portoit ledit harnois une couronne d’or : et au milieu sur la crouppe vne grosse fleur de lys d'or moult riche : etson Roy-d’armes deuantluy portant sa cocte d’armes moult riche, de velours azuré à trois fleurs de liz d’or, de brodeure : et estoient les fleurs de liz d’or brodees de grosses perles. . Et vn autre Escuyer d’escuyerie sur un grant destrier, qui portoit vne grant espee en escharpe qui estoit toute semee de fleurs de liz d’or d’orfaurerie. Et puis devant estoient les Heraulz des Princes de ce Royaume, et d’autres Roys et Princes des estrangiers, portans les coctes d’armes des Seigneurs à qui ils estoient. Et plus deuant estoient les Archiers de son corps en plus grands habillemens. Et plus deuant estoient ceulz de Messire Charles d'Anjou comte du Maine, et estoient à ces deux compaignies de cent à six vingts Archiers. Et plus deuant estoit Monseigneur de Grauille, et huicts cens Archiers souz luy. Du costé du Roy estoit à la dextre derriere luy Monseigneur le Connestable vn gros baston en son poing : et à la senestre Monseigneur le Comte de Vendosme grant Maistre d’hostel du Roy. Et plus derriere du Roy estoit Monseigneur le Daulphin moult richement habillé, et couuert d’orfaurerie. Et à la dextre de mondit Seigneur le Daulphin estoit Messire Charles d’Anjou : et à sa senestre estoit Monseigneur le Comte de la Marche. Puis apres Monseigneur le Daulphin estoient les paiges du Roy, de mondit Seigneur le Daulphin, et ceulx des autres Sei-
gneurs et Princes, chacun selon son degré, chevauchans moult richement vestuz de diuerses manieres : et leurs chevaulx couuerts et enharnachez d’orfaurerie et de brodeure. Apres venoit Monseigneur le bastard d'Orléans armé de toutes pieces, qui gouvernoit la bataille, etestoit sur vn gros coursier couuert d’vn moult riche drap d’or jusques aux pieds de mesmes, tenant en son poing vn gros baston, et sur ses espaulles une grosse chaisne d’or à grands fueilles de chesne qui pesoit cinquante marcs. Et derriere luy cheuauchoit vn Escuyer d’escuyerie du Roy monté sur un grant destrier portant en sa main vne lance vermeille, paincte d’estoilles de fin or.Et en sa lance auoit vn estendard, où estoit dedens Monseigneur sainct Michel l’Angele : et le champ de l’estendart estoit tout semé d’estoilles d’or. Et apres son estendart venoient huict cens fusts de lance, où il y avoit Barons, Cheualiers, et Escuyers et plusieurs Capitaines qui estoient habillez moult richement, et leurs cheuaulx couuerts d’orfaurerie blanche, les autres de drap d’or, et de velours, de drap de damas, de soye et de laine. Et en ceste maniere entra le Roy dedens Paris. Et luy fut apporté à l’entree de la ville vn drap d’or, que les quatre Escheuins porterent à quatre bastons dessus le Roy. Toutes les rues et les fenestres estoient pleines de monde. Et deuant les filles Dieu auoit vne fontaine, dont l’un des tuyaulz gettoit laict, l’autre vin vermeil, Pautre vin blanc, l’autre eauë ', et gens tenans tasses d’argent, pour donner à boire à ceulz qui passoient s’il leur plaisoit, duquel qu’ilz vouloient. Tout au long de la grant rue sainct Denys aupres d’vn iect de pierre l’vn de l’autre, estoient faits eschaffaulx bien et richement tenduz, où estoient faiz par personnages l’Annoncialion nostre Dame®, la Nativité nostre Seigneur, sa Passion, sa Resurrection, la Pentecoste, et le Jugement, qui seoit tres-bien. Car il se iouoit deuant le Chastellet où est la iustice du Roy. Et emmyÿ la ville auoit plusieurs autres ieux de diuers mysteres, qui seroient trop longs à racompter. Et là venoient gens de toutes parts crians Noel, et les autres plouroient de ioye. Le Roy cheuaucha depuis la porte sainct Denys iusques à nostre Dame de Paris en l’ordonnance dessusdite, el descendit à la porte de ladicte Eglise, et alla faire son
1 Gr. ( 54.
2 Gr. ( 48.
oraison : et tost apres monta à cheual et s’en vint en son Palais, où il fut grandement receu, et là souppa et coucha, et fut faite grand feste. Et le lendemain vint ouyr sa Messe en la saincte Chappelle du Palais : et de là monta à cheual, et vint au long de la grant rue sainct Anthoine descendre en son hostel pres de la Bastille. Et là ceulx de Paris, de Parlement, et de l’Vniuersité, luy vindrent faire plusieurs requestes, lesquelles il leur octroya moult benignement.
