AMYOT
Ambition et intelligence de Thémistoc:e.
Themistocle estoit le plus ambitieux homme du monde : car dès qu’il estoit encore jeune et peu cognu, il pria à grande instance un excellent joueur de cithre, qui pour lors avoitle bruit à Athenes, nommé Epicles, natif de Hermionne, qu’il vinst exercer et monstrer son art en sa maison, à fin que beaucoup de gens qui auroient envie de l’ouir, demandassent son logis, et vinsent chez luy. Mais estant une année allé à la feste et assemblée des jeux olympiques, il y voulut tenir maison ouverte à tous venans, avoir des tentes richement parées, et toute autre magnificence de train et d’equippage, à l’envy de Cimon. Cela despleut aux Grecs, lesquelz estimerent que ceste despense estoit chose bien seante, et qui se devoit permettre à Cimon, à cause qu'il estoit jeune et de grande maison : mais à luy qui estoit homme neuf, et qui sembloit faire le grand plus que ses biens et ses facultez ne portoient, et plus qu'il ne luy appartenoit, cela non seulement ne fut point loué, ains fut estimé vaine gloire et presumption. Une autre fois il feit les frais d’une tragédie qui fut jouée publiquement, et en ayant gaigné le prix, estant desja l'honneur de vaincre en telz jeux fort envié et chaudement poursuivy à Athenes, il feit peindre cesle sienne victoire en un tableau, qu’il dedia et feit attacher en un temple avec une telle inscription: < Themistocles Phrearien faisoit les frais, Phrynicus l’avoit composée, Adimantus esloit prevost. »
Ce neantmoins il estoit aggreable au commun peuple, en partie, pour ce qu’il saluoit chasque citoyen par son propre nom, sans que
personne luy aidast à les nommer, et en partie aussi, pour ce qu’il se monstroit juge droitturier ès affaires des particuliers, comme id respondit un jour au poëte Simonides natif de Chio, qui le requerroit de quelque chose, laquelle n’estoit pas raisonnable, lorsqu'il estoit gouverneur de la ville : « Tu ne serois pas bon poëte, si tu chantois contre les regles de la musique; ny moy bon Gouverneur de ville, si je faisois aucune chose contre les loix civiles. » Une autre fois, se moquant du mesme Simonides, il luy dit, « qu’il n’avoit point d’entendement de mesdire des Corinthiens, veu qu’ilz estoient seigneurs d’une si grosse et si puissante cité, et de se faire portraire au vif, attendu qu’il estoit si laid. »
Mais estant venu en credit, et ayant acquis la bonne grace du commun peuple, il embrouilla tellement Aristides, qu’à la fin il le feit chasser et bannir de la ville d’Athenes pour cinq ans ‘. Et comme ja le roy de Perse fust en chemin pour venir faire la guerre aux Grecs, et les Atheniens commenceassent à deliberer qu’ilz eliroient pour capitaine, lon dit que tous les autres qui avoient accoustumé de s’entremetre des affaires, craignans le danger se tirerent lors en arriere, et qu’il n’y eut qu’un orateur nommez Epicydes filz de Euphemides, homme eloquent, mais lasche de cueur et subject à l’argent, qui se presentast à demander ceste charge, et y avoit apparence qu’il l’obtiendroit. Par quoy Themistocles ayant peur que tout ne se perdist, si la conduite de ceste guerre venoit à tumber entre les mains d’un tel pesonnage,. achepta à deniers comptans, l’ambition d’Epicydes, pour le faire deporter de ka poursuite.
On loue aussi grandement ce qu’il feit, touchant le truchement. qui vint avec les ambassadeurs du roy, pour demander l’eau et la terre, c’est-à-dire, entiere recognoissance et obeïssance, aux Grecs : car il le feit saisir au corps et punir de mort, par decret public, pour avoir ozé employer la langue grecque aux commandemens des Barbares. Ce fut aussi une belle chose, qu’à son instance Arthmius natif de Zelée, fut noté d’infamie luy,ses enfans et toute sa postérité, à cause qu’il avoit apporté de l’or du roy de. Perse, pour en gaigner et corrompre des hommes en la Grèce : mais le plus grand et le plus louable acte qu’il feit en cest en-
+ C’est une faute d’Amyot. Le ban d'ostracisme était de dix aus, Voyez Amyot lui-même dans la vie d’Aristide, chap. xvi.
droit, fut, qu’il appaisa et pacifia toutes les guerres que les Grecs avoient entre eulx, persuadant aux villes, de remettre leurs inimitiez jusques après la guerre, en quoy l’on dit ‘que Chileus Arcadien luy aida plus que nul autre.
Les Athéniens en mer. Combat de Salamine.
Estant venue la nouvelle de ce qui avoit esté fait au pas des Thermopyles, comme le roy Leonidas y estoit mort, et comme Xerxes avoit gaigné celle entrée de la Grece par terre, adonc se retira l’armée de mer plus au dedans de. la Grece, estant les Atheniens en cette retraitte rengez à la queuë tous les derniers, comme ceulx qui avoient le cueur elevé pour la gloire des vaillances qu’ilz avoient desjà faittes. Et Themistocles passant au long des lieux, où il falloit necessairement que les ennemis abordassent et se relirassent à l’abry , engrava en grandes et grosses lettres sur des pierres, qu’il trouvoit par cas d’adventure ‘, ou qu’il faisoit expressement anporter aux endroits, où il y avoitbon abry pour les vaisseaux, ou commodité de prendre eau, des paroles addressantes * aux Ioniens, par lesquelles il leur remonstroit qu’ilz se devoient tourner devers eulx, qui estoient leurs ancestres et fondateurs, et qui combatoient pour leur propre liberté, ou à tout le moins mettre quelque trouble, et faire du pis qu’ilz pourroient en l’armée des Barbares, quand on viendroit à combattre, car il esperoit que cela feroit tourner les Ioniens de leur costé, ou pour le moins mettroit les Barbares en quelques defiances d’eulx.
Au reste Xerxes estant entré par le hault de la province Dorique dedans le païs de la Phocide, bruslant et destruisant les villes des Phociens, les autres Grecs ne feirent aucun devoir de les aller secourir, combien que les Atheniens le requissent de vouloir aller au devant des Barbares, jusques à la coste d’Artemisium : mais personne ne leur prestoit l'oreille, ains vouloient tous que lon se retirast au Peloponese, et que l’on assamblast toutes les forces de la Grece au dedans de l’encoleure d’iceluy, en la fortifiant d’une
+ Lex.
4 Gr. ( 91.
bonne muraille qui prist depuis une mer jusques à l’autre : de quoy les Atheniens furent bien mal contens, et aussi fort descouragez et desplaisans de se voir ainsi laissez et abandonnez par les autres Grecs : car de combatre lous seulz contre tant de milliers d’ennemis, il n’y fallait pas penser, et ne leur restoit plus d’autre expedient, que de quitter leur villeet s’embarquer sur leurs vais- * seaux : ce que le peuple entendoit fort mal voluntiers, faisant son compte qu’il ne se falloit plus soucier, ny de vaincre, ny de se sauver, quand ilz auroient abondonné les temples de leurs dieux, et les sepultures de leurs parents.
Par quoy Themistocles voyant qu’il ne pouvoit par raisons ny suasions humaines conduire le peuple à son opinion, dressa une fainte comme lon fait quelquefois ès jeux des tragedies, et commencea à batre les Atheniens de signes celestes, d’oracles et de responses des dieux: car il se servit pour signe et presage celeste de l’occasion du dragon de Minerve, qui de bonne adventure environ ces jours là ne comparut point, comme il avoit accoustumé, au temple, et trouvoient les prebstres les oblations que lon luy portoit par chascun jour toutes entieres, sans que lon y eust aucunement touché. Au moyen de quoy ayans esté embouchez par Themistocies, 11z semerent un bruit parmy le peuple que la deesse tutrice de la ville l’avoit abandonnée, en leur monstrant le chemin de la mer:et d’un austre costé il les gaigna aussi par le moyen de la prophetie, qui leur commandoit de se sauver en des murailles de bois, disant queles murailles de bois ne signifioient autre chose que les navires : et que pour ceste cause Apollo en son oracle appeloit Salamine divine, non point miserable ny malheureuse, pour ce qu’elle devoit donner le nom à une très heureuse victoire que les Grecs y devoient gaigner. Ainsi ayant son advis esté receu, il meit en avant ce decret, que lon deposast la ville d’Athenes en la sauvegarde de Pallas, qui estoit dame et tutrice du païs, el que tous ceulx qui estoient en aage de porter armes montassent sur les galeres : au demourant, que chascun advisast de retirer quelque part en lieu de seureté sa femme, ses enfants et ses esclaves, le mieulx qu'il pourroit. |
Ce decret ayant esté passé et authorité par le peuple, la pluspart transporta ses peres et meres vieux, les femmes et les petits enfans en la ville de Troezene, où les Troezeniens les receurent
fort honestement et humainement : car ilz ordonnerent qu’ilz seroient nourris aux despens du public, en leur donnant deux oboles ‘ de leur monnoie par chascun jour, qui sont environ quatorze deniers pour teste, et permettant aux jeunes enfans de prendre des fruicts partout où ilz en trouveroient : et d'avantage entretenant des maistres d’escole aux despens de leur chose publique pour leur enseigner les lettres.
Quand ce vint au departir, que toute la ville d’Athenes fut montée en mer, cela faisoit d’un costé pitié à veoir, et d’un autre costé apportoit grandes bahissement à ceulx, qui consideroient la hardiesse et le bon cueur de ces hommes-là, qui envoyoient devant leurs peres etmeres ailleurs, eteulx sans fleschir pourles larmes, cris etembrassements de leurs femmes et enfans au departir, passoient courageusement en l’isle de Salamine : Mais oultre cela, il y avoit beaucoup de vieux citoyens que lon estoit contrainct de laisser là, pour ce que lon ne les pouvoit transporter à cause de leur vieillesse, ce qui faisoit grande compassion : et si y avoit ne sçay quoy de pitoyable qui ‘ attendrissoit les cneurs, quand on voyoit les bestes domestiques et privées, qui couroient cà et là avec hurlemens et siguifiance de regret aprèsleurs maistres et ceulx qui les avoient nourries, ainsi comme ilz s’embarquoient : entre lesquelles bestes on compte du chien de Xantippus pere de Pericles, que ne pouvant supporter le regret d’estre laissé de son maistre, il sejelta dedans la mer apres luy, et nageant au long de la galere où il estoit, passa jusquesen lisle de Salamine, là où si tost qu’il fust arrivé, l’aleine luy faillit, et mourut soudainement. Lon dit que le lieu que l’on appelle encore aujourd’huy la sepulture du chien, est l'endroit où il fut enterré.
Ce sont aussi grands actes de Themistocles, que voyant les Atheniens regretter l’absence d’Aristides, et craindre que par un despit il ne se tournast du costé des Barbares, et en ce faisant ne fust cause de ruiner les affaires de la Grece, pour ce qu’il avoit esté par les menées de Themistocles avant la guerre banny pour cinq ans?, il meit en avant un decret que tous ceulx qui auroient esté bannis à temps, peussent retourner pour faire, dire et conseiller avec leurs concitoyens, ce qu’ilz estimeroient estre le meil-
1 Environ 27 centimes.
2 C'est une faute d'Amyot, comme on l'a déjà marqué. Le ban d'ostracisme était de dix ans. è
po
leur pour le salut de la Grece. Et estant Eurybiades capitaine general de toute l’armée de mer des Grecs pour la dignité de la ville de Sparte, mais au demourant homme à qui le cueur failloit aw besoing, voulant à toute force partir de là, et se retirer dedans le gouffre‘ du Peloponeze, là où toute l’armée de terre des Peloponesiens estoit assemblée, Themistocles y contredit et resista fort et ferme : et fut lors qu’il fait certaines responses notables, qui ont bien esté recueillies et notées depuis. Car comme Eurybiades luy dist un jour, « Themistocles, ès jeux de prix ceulx qui se levent avantqu’il en soit temps, sont souffletez :»—. Ilest vray, luy respondit Themistocles : mais aussi ceulx qui demeurent les derniers, ne sont jamais couronnez.» Une autre fois Eurybiades haussa le baston qu’il tenoit en sa main, comme s’il l’en eust voulu frapper : et il luy dit : « Frappe si tu veux, pourveu que tu escoutes : » Eurybiades adonc s’esmerveillant de veoir en luy une si grande facilité, et si grande patience, luy permeit de dire tout ce qu’il voulut : et ja commencoit Themistocles à le ramener à la raison, mais il se trouva là quelcun qui luy dit : « Il siet mal à un homme qui n’a plus de ville ny de maison, de prescher ceulx qui en ont, de les abandonner. » Themistocles tournant sa parole à luy, repliqua : « Nous avons, dit-il, lasche et meschant homme que tu es, voluntairement abandonné des maisons et des murailles, ne voulans. pas nous soubmettre au joug de servitude pour crainte de perdre des choses qui n’ont point d’ame ny de vie : et neantmoins nostre: ville ne laisse pas d’estre ta plus grande de toute la Grece, car: c’est une flotte de deux cents galeres toutes prestes à combatre, qui: sont ici venues pour vous sauver si vous voulez : mais si vous vous, en allez, en nous abandonnant pour la deuxieme fois, vous orrez* dire, avant qu'il passe beaucoup de temps, que les Atheniens auront une autre ville franche, et possederont autant de terres et d’aussi bonnes comme celles qu’ilz auront icy perdues. » Ces paroles feirent incontinent penser à Eurybiades et craindre que les Atheniens ne s’en voulussent aller, et les abandonner.
Quand la flotte des vaisseaux ennemis fut arrivée en la coste de l'Attique à l’endroit du port Phalerique, où elle couvroit tous les
1 Vers l’isthme.
3 Gr. ( 26.
rivages d’alenviron, tant que la veuë se pouvoit estendre, et que le roy Xerces luy mesmes en personne avec son armée de terre se fut aussi venu camper le long de la marine, de sorte que l’on voyait toute sa puissance, tant de mer. que de terre ensemble : Alors toutes les belles raisons et remonstrances de Themistocles s’escoulerent hors de la memoire des Grecs, et regarderent de rechef les Peloponesiens, comme ilz se pourroient retirer au gouffre du Peloponese, en se courouceant quand on leur cuidoit parler d’autre chose. Brief, il fut arresté que l’on feroit voile la nuict ensuivant, et commandé aux pilotes qu'ilz teinsent leur cas tout prest pour partir.
Quoy voyant Themistocles, et estant fort marri que les Grecs s’escartassent ainsi les uns des autres, en se retirant chascun en sa ville, et abandonnant l’avantage que leur donnoit la nature du lieu, et le destroit du bras de mer, où ilz se trouvoient ensemble, pensa en soy mesme comment il y pourroit remedier : si s’advisa de la menée d’un Sicinnus, lequel estoit Persien de nature, et ayant esté autrefois pris à la guerre aimoit Themistocles, de maniere qu'il estoit gouverneur de ses enfans. Il l’envoya secrettement devers le roy de Perse, luy donner à entendre, que Themistocles capitaine general des Atheniens, ayant bonne envie de devenir son serviteur, l’advertissoit de bonne heure, que les Grecs s’en vouloient fouir, et luy conseilloit de ne les laisser point eschapper, ains les faire charger à bon escient, pendant qu’ilz estoient en trouble et en effroy, esloignez de leur armée de terre, à fin de desfaire à un coup toute leur puissance de mer.
Xerxes estimant que cest aüvertissement vinst d'homme qui desirast la prosperité de ses affaires, le receut à grande joye, et incontinent feit sçavoir à ses capitaines de marine, qu’ilz embarquassent leurs gens sur leurs autres vaisseaux tout à loisir : mais que promptement ilz en depeschassent deux cents pour aller par derriere clore l’issue du destroit, et enceindre les isles tout à l’environ, à fin qu’il ne se sauvast pas un tout seul des ennemis, ce qui fut faict. Et adonc Aristides filz de Lysimachus, s’en estant apperceu le premier, s’en alla au logis de Themistocles, encore qu’il Juy fut ennemy*, à cause que par ses menées il avoit esté banny
‘ Gr. 54.
pour cinq ans, comme nous avons dit paravant: et l’ayant fait sortir dehors, luy compta comment ilz estoient environnez. Themistocles qui d’ailleurs cognoissoit assez la bonté du personnage, et estoit bien aise de ce que lors il l'estoit venu trouver jusques dedans sa tente, luy declara la menée qu’il avoit ourdie par l’entremise de Sicinnus, le priant de luy aider à retenir les Grecs, et à procurer avec luy, attendu que sa parole estoit de plus grande authorité envers eulx, que l’on combatist dedans le detroit de Salamine. Aristides louant son bon sens, alla devers les autres capitaines des galeres les prescher et inviter à vouloir combatre : toutefois encore ne croyoit on point du tout ce qu’il disoit, jusques à ce qu'il arriva une galere Tenedienne, dont estoit capitaine un nomme Panetius, s’estant desrobée de l’ost des Barbares, laquelle apporta certaines nouvelles, comme le desiroit asseureement estoit fermé, tellement que oultre la necessité, le despit, encore que les Grecs en conceurent, les invita à vouloir essayer le hasard de la bataille.
Le lendemain au poincet du jour le roi Xerxes s’asseit en un lieu hault elevé, dont il voyoit la flaite de ses vaisseaux, et l’ordonnance de son armée navale, au-dessus de la poincte que l’on appelle vulgairement les Cornes, où il feit dresser un throne d’or, et avoit autour de soy plusieurs secrétaires, pour rediger par escript tout ce qui se feroit en la bataille.
Quant au nombre des vaisseaux barbaresques le roy Xerxes avoit en somme toute mille vaisseaux. Les Atheniens en avoient cent quatre-vingts, sur chascune desquelles (sic) y avoit dix-huit hommes de guerre, dont les quatre estoient archers !, et tous Îles autres armez à blanc*.
Si ne fut pas Themistocles moins sage et bien advisé à choisir le temps que le lieu pour combattre : car il attendit à renger ses vaisseaux en bataille jusques à ce que l’heure fut venue, qu'il avoit accoustumé de se lever ordinairement un grand vent du costé de la mer, qui emouvoit de grosses vagues dedans le canal. Ce vent là ne faisoit point de desplaisir aux galeres grecques, pour ce qu’elles estoient trappes et basses : mais aux navires barba-
1 Qui lançaient des flèches.
? L’épée, la lance, la cuirasse.
resques, qui avoient les prouës relevées, et les planchez haults, et quiestaient pesantes et lourdes à manier, il portoit grand dommage, pour ce qu’il leur faisoit à tous coups monstrer les flancs aux Grecs, qui les alloient incontinent investir et heurter legerement, ayant tousjours l'œil à veoir ce que Themistocles leur ordonneroit, comme celui qui entendoit mieulx que nul autre ce qui estoit à faire : et aussi qu’à l’endroit de luy l’admiral de Xerxes, Ariamepes, homme vaillant de sa personne, et entre les freres du roy de beaucoup le meilleur, et le plus juste, estant dessus une grosse navire, combatoit à coups de traict et de gect, ne plus ne moins que s’il eust été dessus les murailles de quelque chasteau. Si s’addressa à la galere sur laquelle combatoient ensemble Aminias Decelien, et Sosicles Pediien : et comme les deux vaisseaux se fussent entrechoquez l’un l’autre de front, et accrochez avec des crampons et crochets d’airain, il saulta dedans leur galere : mais eulx le soustindrent hardiment, et à coups de javeline le renverserent en la mer : le corps duquel la royne Artemisia recogneut flottant entre les autres naufrages, et l’ayant recueilly le porta au roy Xerxes.
Or ce pendant que la bataille estoit en telz termes, on dit qu'il s’apparut ‘ en l’air devers la ville d’Eleusine une grande flamme, et que lon ouit une haute voix et grande clameur par toute la plaine Thriasienne jusques à la mer, comme s’il y eust un grand nombre d'hommes qui ensemble eussent à haulte voix chanté le sacré cantique de Iacchus, et sembloit que de la multitude de ceulx qui chantoient il se levast petit à petit une nuée en Pair, laquelle partant de la terre, venoit à fondre et tumber sur les galeres en la mer. Les autres affermoient avoir veu des figures et images d'hommes armez, qui de l’isle d’Aegine tendoient les mains au devant des galeres grecques : et pensoit lon que ce fussent les Aeacides, desquelz à publiques prieres on avoit invoqué l’aide avant la bataille.
Le premier donques qui prit aucun vaisseau des ennemis, fut Lycomedes Athenien capitaine d’une galere, lequel luy ostant les paremens et enseignes, le consacra et dedia à Apollo surnommé Portant laurier, c’est-à-dire, victorieux. Les autres Grecs estans
1 Gr. & 67.
de front egaulx en nombre aux Barbares à cause du bras de mer où ilz ne pouvoient venir au combat, que à la file, et où ilz s’entreheurtoient et s’entr’empeschoient les uns les autres pour leur grande multitude, à la fin les presserent tant, qu’ilz les contraignirent de se tourner en fuitte sur le soir, après avoir soustenu et combatu jusques à la nuict : et ainsi gaignerent celle tant renommée et tant glorieuse victoire ‘, de laquelle se peult veritablement affermer ce qu’en dit Simonides, que
Jamais nation barbare
Ne grecque ne feit en mer
Exploit de guerre si rare Ne si digne de nommer.
et ce, par la prouesse et le bon courage de tous ceulx qui y combattirent : mais particulierement par le bon sens et la sage conduite de Themistocles.
Les Gaulois à Rome.
Les Gaulois estoient, comme lon dit, de la nation celtique, lesquelz n’estant pas leur païs suffisans pour soustenir et nourrir leur multitude, en estoient sortis pour aller chercher autres terres à habiter : etyavoit entre eulx plusieurs milliers de jeunes hommes de service et de bons combatans, mais encore plus de femmes et de petits enfants. Et d’iceulx les uns se jettant du costé de l’Ocean septentrional passerent les monts Riphées ?, et occuperent les extremes parties de l’Europe : les autres s’arresterent entre les monts Pirenées et les grands monts des Alpes près des Senonois et des Celtoriens, où ilz demourerent long temps, jusques à ce qu’à la fin il leur advint de goutter du vin qui premier leur fut apporté d'Italie, dont 1lz trouverent le breuvage si bon, et furent si transportez du desir et de la volupté d’en boire, que soudainement ilz chargerent leurs armes, et emmenerent femmes et enfans, prenans leur chemin vers les Alpes, pour aller chercher le païs qui produisoit un tel fruict, estimans toute autre terre sterile et sauvrage.
‘ La victoire de Salamine, l'an 480 avant Jésus-Christ. ? Ils séparent la Russie de la Sibérie.
Les Gaulois conquirent d’arrivée toute cette contrée qui estoit anciennement tenue par les Thoscans commenceant au pied des monts, el s’estendant jusques à l’une et à l’autre mer qui environne l'Italie, ainsi que les noms mesmes le tesmoignent : car on appelle encore celle mer qui regarde le Septentrion, la mer Adriatique, à cause d’une ville jadis fondée par les Thoscans qui s’appelle Adrie : et l’autre, qui est vis-à-vis, regardant vers le Midy, se nomme la mer de Thoscane.
Toute celle province est bien plantée d’arbres, et a de beaux et bons pasturages pour nourrir du bestail, estant baignée et arrousée de force rivieres : et si avoit ja dès ce temps là dix-huit belles et grandes villes, toutes fort bien assises tant pour enrichir ses habitans par le traffic de marchandise que pour les nourrir opulentement : toutes lesquelles les Gaulois occuperent en ayant dechassé les Thoscans, ce qui avoit esté fait ja longtemps auparavant. Mais pour lors les Gaulois estans entrez plus avant jusques en la Thoscane, tenoient la ville de Clusium assiegée : parquoy les Clusiens recourans à l’aide des Romains, les prierent de vouloir envoyer lettres et ambassadeurs à ces Barbares en leur faveur, et y furent envoyez trois des plus gens de bien et des plus honorables personnages de la ville, tous trois de la maison des Fabiens. Les Gaulois les receurent humainement à cause du nom de Rome, et cessans de batre et assaillir la ville, leur donnerent audience, en laquelle les ambassadeurs Romains leur demanderent, quel tort leur avoient fait les Clusiens, pour lequel ilz leur fussent venus faire la guerre.
Brennus roy des Gaulois, ceste demande ouye se prit à rire, et leur respondit : « Les Clusiens nous tiennent tort en ce, qu’estans peu de gens et ne pouvans pas labourer beaucoup de terres, ilz en veulent neantmoins occuper beaucoup, sans nous en vouloir faire part, à nous qui sommes estrangers hors de nostre païs, et qui en avons besoing. Le mesme tort faisoient anciennement à vous autres Romains ceulx d’Albe, les Fidenates et les Ardeates, et naguere les Veiens, les Capenates et partie des Falisques et des Volsques, contre lesquelz vous avez pris et prenez les armes toutefois etquantes qu’ilz ne vous veulent pas departir de leurs biens, asservez leurs personnes, pillez leurs biens et ruinez leurs villes : en quoy faisant vous ne commettez oultrage ny injustice quel-
‘ Conque, ains suivez la plus ancienne loy qui soit en ce. monde. laquelle abandonne tousjours aux plus forts ce qui est aux plus foibles, commenceant aux dieux, et achevant aux bestes, lesquelles ont cela de nature, que les plus puissantes veulent tousjours avoir avantage sur les plus foibles : et pourtant cessez d’avoir pitié de veoir les Clusiens assiegez, de peur que vous n’enseignez aux Gaulois d’avoir aussi compassion de ceulx que vous oppressez. »
Par ceste response les Romains cogneurent bien qu’il n’y avoit point de moyen d’appointer avec ce roy Brennus : parquoy ilz entrerent dans la ville de Clusium, où ilz donnerent courage aux habitans, et les inviterent à faire une saillie avec eulx sur les Barbares, soit qu’ilz eussent envie d’esprouver la vaillance des Gaulois, ou de monstrer la leur; si feirent ceulx de la ville une sortie, et y eut une grosse escarmouche tout joigtant les murailles, en laquelle l’un des Fabiens nommé Quintus Fabius Ambustus, estant monté sur un cheval, le lancea à l’encontre d’un beau et grand homme Gaulois, qui s’estoit jetté assez loing devant la trouppe des autres: si ne fut pointcogneu du commencement, tant pour ce que la meslee fut soudaine, comme aussi pour ce que ses armes reluisantes esblouissoient la veuë des regardans : mais après qu’il eut desfaict le Gaulois, et qu’il vint à le despouiller, Brennus adonc le recogneut, et protesta contre luy, appellant les dieux à tesmoings, comme il avoit violé les loix et les droits des gens, estant venu comme ambassadeur, et ayant fait acte d’ennemy. Si feit à l'instant mesme cesser l’escarmouche, et laissant le siege de Clusium, mena son armée droit devant Rome mesme : et à fin que lon ne pensast point que les Gaulois fussent bien aises du tort qu’on leur avoit fait, pour avoir couleur honneste de commencer la guerre aux Romains, il envoya devant un herault demander celuy qui avoit fait l’offense pour en faire la punition, et cependant marcha après à petites journées.
Le sénat fut assemblé la dessus, où il y eut plusieurs des senateurs qui blasmerent la temerité des Fabiens, et sur tous, les presbtres que lon appelle Fecialiens, qui en feirent grande instance, comme de chose qui touchoit à la religion et à l'honneur desdieux, remonstrans que le senat pour descharger et absouldre le demourant de la ville du crime de ceste forfaiture, devoit en rejetter toute la pollution sur celuy qui l’avait commise. Le roy Numa
Pompilius, le plus juste et le plus pacifique de tous les roys des Romains, fut celuy qui institua le college de ces Fecialiens, et ordonna qu’ilz fussent gardes de la paix, et juges pour cognoistre et approuver les causes pour lesquelles on pourroit justement commencer la guerre : toutefois à la fin le senat renvoya la decision de ce faict à la voulunté et au jugement du peuple, devant lequel les presbtres Fecialiens accuserent semblablement Fabius Ambustus : mais le peuple feit si peu de compte de la religion et de l’honneur des dieux en ce cas, qu’au lieu de livrer cestuy Fabius aux ennemis, il l’esleut l’un des tribuns militaires avec ses freres. Ce qu’eutendans les Gaulois en furent si mutinez et si courroucez qu'ilz ne voulurent plus aucunement ne ains marcherent en toute diligence devers Rome.
Or les peuples qui estoient sur le chemin par où ilz devoient passer, estans espouvantez de les veoir en si grand nombre et en si bel equippage, et aussi redoubtans la violence de leur courroux, cuydoient que le plat païs deust estre de prinsaukt par eulx tout destruit, et que les villes mesmes le seroient incontinent après : et au contraire, ilz ne prirent chose quelconque en la campagne, ny ne feirent mal aucun, ne deplaisir à personne : ains en passant au long des villes crioient qu’ilz s’en alloient à Rome, et qu'ilz ne vouloient la guerre qu’aux Romains, et au demourant desiroient d’estre amis de tout le monde.
Estans donques les Barbares acheminez en ceste intention vers Rome, les tribuns militaires tirerent l’armée Romaine aux champs pour les aller combattre, ils n’estoient pas en moindre nombre que les autres Gaulois, car il y avoit jusques au nombre de quarante mille combatans à pied, mais la plus part hommes nouveaux et non aguerriz, qui paravant n’avoient jamais manié armes. Encore y eut il de la nonchalance, et du mespris ès choses appartenantes à la religion des dieux : car ilz ne se soucierent, ny d’avoir les signes des sacrifices heureux, ny d’enquerir des devins, ce que l’on a accoustumé de demander avant une bataille: mais oultre tout cela, la multitude des capitaines egauix en pouvoir, ruina leurs affaires autant ou plus que nulle autre cause, combien que souventefois auparavant, en beaucoup moindres affaires et moindres dangers, ilz eussent accoustumé d’elire des magistrats uni-
ques, avec puissance souveraine, que lon appelle dictateurs, co- HeP., 4
gnoissans très bien de quelle consequence est en temps dangereux, qu’il n’y ait qu’un seul chef qui commande et qui ait toute l’authorité de la justice en sa main, sans qu'il soit tenu de rendre compte de ce qu’il fait.
Le 1ort aussi qu’ilz avoient ingratement fait à Camillus leur porta lors un tres grand dommage, pour ce que depuis les autres capitaines n’ozerent plus commander roidement au peuple, et ne feirent plus que le flatier. Estans donques sortiz aux champs, ilz se camperent le long d’une petite riviere, qui se nomme Allia, environ cinq lieuës et demie loing de la ville, non gueres loing de l’endroict où ladicte riviere entre dedans le Tybre : et là les allerent trouver les Barbares , qui les desfeirent en bataille, par le mauvais ordre qui estoit en leur armée, car la pointe senestre de leur bataille fut incontinent rompue par les Gaulois , qui la presserent par tel effort qu’ilz la poulserent jusques dedans la riviere : mais la pointe droitte s’estant avant que chocquer retirée un peu hors de la plaine sur quelques coustaux prochains, fut moins endommagée, et s’en sauva la plus part qui se retira dedans Rome : mais des autres, ceulx qui peurent eschapper après que les ennemis furent las de tuer, se retirerent la puict en la ville de Veïes, cuidans que celle de Rome fust perdue, et que tous ceulx qui se seroient trouvez dedans, eussent esté mis à l’espée. Ceste desconfiture fut environ le plus grand jour d’esté, la lune estant au plein, au jour mesme que paravant estoit advenue la grande desfaicte des Fabiens, où il y en eut trois cents tous d’un mesme nom tuez en un jour par les Thoscans. Le jour neantmoins a depuis esté appellé Alliade ‘ du nom de la petite riviere, au long de laquelle fut ceste seconde desconfiture.
Après ceste desfaitte, si les Gaulois eusent chaudement poursuivy à la trace les fuyans, rien n’eust peu sauver la ville de Rome, qu’elle n’eust esté entierement perdue et destruitte, et tous ceulx qui estoient demourez dedans mis à l’espée : tant ceulx qui
{ Cette malheureuse journée est marquée dans les anciens calendriers romains au 18 de juillet, Dies Alliensis. La rivière d'Allia se nomme maintenant Torrente di Catino. La bataille se donna l’an de Rome 64. Les trois cents Fabiens avaient péri l’an de Rome 277. Le 19 de juillet il y avait encore une fête nommée Lucuria, en mémoire de la retraite que les Romains avaient trouvée dans les bois après leur défaite par les Gaulois. Bretier et Vauvilliers.
se sauverent de vistesse apporterent de frayeur à ceulx qui les recueillirent, et tant ils emplirent la ville de trouble, d’effroy et d’estonnement. Mais les Barbares ne croyans pas leur victoire si grande comme elle estoit, et s’amusans à faire bonne chere en une si grande joye, et aussi à departir entre eulx le butin qu'ilz avoient trouvé dedans le camp de leurs ennemis, donnerent temps et loisir à la tourbe qui s’en fouit hors la ville, de se retirer à leur ‘ aise en lieu de seureté : et à ceulx qui demeurerent, d’esperer encore de se pouvoir sauver, et de se prouveoir et preparer : car en abandonnant tout le reste de la ville, ilz remparerent et fortifierent le mont du Capitole et le prouveurent de toutes sortes d'armes : mais devant toute oeuvre, ilz retirerent partie des choses sainctes et sacrées dedans ledit fort du Capitole : et les vierges religieuses de la deesse Vesta emporterent le sainct feu avec leurs autres choses sacrées.
Au demourant, les presbtres des autres Dieux et les plus honorables vieillards de la ville, qui autrefois avoient esté consuls, ou qui avoient obtenu l'honneur du triumphe, n’eurent pas le cueur d'abandonner Rome, ains se vestans de leurs plus belles robbes sacrées se devouerent, et par maniere de dire se sacrifierent voluntairement eulx mesmes à la fortune pour le salut de leur païs, suivans certaines paroles el prieres que Fabius le souverain pontife leur nomma, et s'en allerent ainsi vestus asseoir en la grande place sur des chaires d’yvoire, attendans ce qu’il plairoit aux dieux de leur envoyer.
Mais trois jours après arriva Brennus avec son armée, lequel trouvant les portes de la ville toutes ouvertes, et les murailles sans gardes, eut peur d'arrivée que ce fust quelque tromperie et quelque embusche, ue pouvant croire que les Romains fussent si bas que d’avoir abandonné leur ville : mais après qu’il fut bien informé de la vérité, il entra dedans par la porte Colline, et prit Rome peu plus de trois cents soixante ans * après sa première fondation.
Brennus estant entré dedans Rome, ordonna partie de ses gens pour tenir assiegez ceulx qui estoient dedans le Capitole, et luy avec le reste descendant à travers la place, s’esmerveilla fort
‘ Gr. $ 60.
? L'an de Kome 404.
quand il veit ces hommes ainsi assis dedans leurs chaires en gravité sans mot dire, mesmement quand ilz ne se leverent point, quoy qu'ilz veissent les ennemis en armes venir vers eulx, ny ne changerent aucunement de visage ny de couleur, s’appuyans sur leurs bastons qu’ilz avoient ès mains tout doulcement, sans monstrer d’estre estonnez ny effroyez de rien, et se regardans les uns les autres : cela donna grand esbahissement aux Gaulois du commencement pour l’estrange façon de faire, tellement qu’ilz demourerent quelque temps en doubte d’en approcher et de leur toucher, craignans que ce ne fussent des dieux. jusques à ce qu’il y eut un d'entre eulx qui prit la hardiesse de s’approcher de Marcus Papyrius, et luy passa tout doulcement la main par dessus sa barbe qui estoit longue. Papyrius luy donna de son baston si grand coup sur la teste, qu’il la luy blecea : dequoy le barbare estant irrilé, desguaina son espée et l’occit. Les autres semblablement tuerent aussi tous ceulx qu’ilz rencontrerent depuis, et furent plusieurs jours à piller et saccager lout ce qui estoit dedans les maisons et puis à la fin meirent le feu dedans et les ruinerent par despit de ceulx qui tenoient fort dedans le Capitole, pour ce qu’ilz ne s’estoieut pas voulu rendre à leur sommation, ains les avoient très bien repoussez quand ilz s’estoient approchez de la muraille : pour laquelle cause ilz demolirent la ville entierement, et passerent au fil de l’espée toutes les personnes qu’ilz-peurent avoir en leurs mains, autant femmes, qu’hommes, petits enfans et vieilles gens.
