MONTLUC

Diner donné par Montluc duns sa tente à Monsieur de Guise et au duc de Saxe. 1558.

Je croy que ce fut la plus belle et grande armée de cauallerie et d'infanterie que iamais Roy de France eust. Car comme le Roy la vouloit voir toute en bataille, le camp duroit vne lieuë et demie. Et quand on commençoit à marcher par la teste, auant qu’on fust au bout et retourné il y falloit trois heures.

Deux heures auant iour Messieurs de Bourdillon et de Tauannes Mareschaux de camp se rendirent au lieu où tout le camp estoit assigné : et à mesure que nous arriuions, ils nous bailloient le lieu où il falloit que nous fussions : et auant que tout le camp fust en bataille, il fut plus de huict heures. Il faisoit vn grand chaut. Monsieur de Guise se rendit à l’aube du iour : et aydoit à mettre en bataille l’armée. Je fus mis auec les François entre les Suisses et vn bataillon d’Allemans. Et passant monsieur de Guise pardeuant nostre bataillon, il dit: Pleust à Dieu, qu’il y eust icy quelque bon compagnon qui eust vn flascon de vin et du pain pour boire vn coup, car ie n’auray pas temps d'aller à Pierrepont disner auant que le Roy soit arrivé. Je lui dis : Monsieur, voulezvous venir disner à mes tantes ? Il n’y auoit pas plus d’vne arquebuzade, Je vous donneray de fort bon vin François et Gascon et force perdriaux. Alors il me dit, ouy, monseigneur, mais les perdriaux seront de vostre pays, des aux‘ et des oignons. Je luy respondis, que ce ne seroit l’vn ny l’autre, mais que ie luy donnerois si bien à disner, que s’il estoit dans son logis, et le vin aussi froid, qu’il en pourroit boire, et vin de Gascogne et de bonne eau. Alors il me dit, ne vous mocquez-vous point, monseigne ? et ie luy dis, non sur ma foy. Ouy, dit-il, mais ie ne puis laisser le Duc de Saxe. Je luy respondis, amenez le Duc de Saxe, et qui vous voudrez. Il me respondit, que le Duc ne viendroit pas, sans ses capitaines. Et ie luy respondis, amenez capitaines et tout, car ray prou à manger pour tous. J’auois promis Île soir devant à messieurs de Bourdillon et de Tauannes, de leur donner à disner, après qu’ils auroient mis le camp en bataille ; mais ils n’y peurent venir, pour ce q’vne partie de la cauallerie, qui estoit logée loin, n’estoit encore arriuée, et d’autre part rauois vn des bons viuandiers de l’armée. Monsieur de Guise alla chercher le Duc de Saxe, ensemble ses capitaines. J’envoiay en diligence à mon Maistre d’hostel, afin que tout fust prest. Mes gens auoient fait faire vne caue dans terre, dans laquelle le vin et l’eau y* demeuroient aussi frais que glace, et de bonne fortune, ie me trouuay force perdriaux, cailles, paons d’Inde, leurauts, et tout ce que l’on eust pu souhaitter, pour faire vn beau festin, auec patisserie et tartes :

t Ou aulx, pluriel de ail, peu usité maintenant. 2 Gr. Ç 62.

car je m’asseurois bien que messieurs de Bourdillon et de Tauannes ne viendroient pas seuls, lesquels ie voulois bien traicter : pource que j’estois bien aimé d'eux. Ils furent si bien traictez, que Monsieur de Guise demanda au Duc de Saxe par son truchement qu'est-ce que luy sembloit du colonel des Francois, et s’il ne nous auoit pas bien traittez et donné de bon vin?

Le Duc leur respondit, que si le Roy leur eust donné à disner, il ne les eust pas mieux traittez, ni donné de meilleur vin, ny plus frais. Les capitaines du Duc de Saxe ne lespargnoient pas, beuuans tousiours à nos capitaines François lesquels i’avois aussi mené auec moy. Et encores que messieurs de Bourdillon et de Tauannes fussent venus, si ne m’eussent-ils pas surprins. Car après la table de monsieur de Guise, il n’en y auoit vne seule en tout le camp plus longue, ny mieux fournie que la mienne. El tousiours j'en ay vsé ainsi, en quelque charge que j’aye été; car pour honorer les charges que j’ay euës de mes Maistres, j’ay voulu faire croistre ma despence. J’ay veu tousiours ceux qui ont vescu aiusi, estre plus en credit, que les autres, et mieux suiuis. Car tel gentilhomme est sorty de bon lieu, qui ne sçait bien souuent où aller disner. Et scachant quelque bonne table volontiers il s’y rendra. Et s’il vous suit à table, volontiers il vous suiura ailleurs, s’il est tant soit peu bien nay, et nourry. Pour retourner à mes hotes, quand ils sortirent de table, Monsieur de Guise me dit, comment mes gens pouuoient faire blanchir le linge, surquoy ie leur avois donné à disner. Je luy dis, que c’estoient deux hommes, que l’avois, qui le blanchissoient. Vrayement, dit-il, vous estes seruy en Prince. Et là dessus entretint le Duc de Saxe, en disant plus de bien de moy, qu’il n’y en sçauroit auoir. Je dis à monsieur de Guise qu’il me fist donner de l’argent au Roy‘, pour faire de la vaisselle d’argent, afin qu’vne autre fois, quand ils me feroient cest honneur de venir manger à mes pauillons, ie les fisse servir, comme il leur appartenoit. Monsieur de Guise le dit au Duc de Saxe lequel dit, qu’il le vouloit dire au Roi : et comme ils voulurent monter à cheval, pour retourner au camp, on leur vient dire, que le Roy estoit party de Marches, qu’il s’en venoit au camp. Eux deux s’en allerent au deuant; et nous tournasmes cha-

1 Gr. 48.

cun en sa place, tant les capitaines du Duc que nous autres, qui tous estions ie vous asseure bien souls, et la teste pleine. Ils rencontrerent le Roy à vn quart de lieue des batailles. Sa Maïesté leur demanda s'ils auoient disné. Monsieur de Guise luy respondit qu’ouy, aussi bien qu'ils eussent fait il y auoit un an: et pour ce qu'ils venoient deuers les batailles, sa Maiesté leur dit, qu’ils n'auoient pas disné à Pierrepont. Monsieur de Guise luy dit, vous ne sçauriez deuiner, qui nous a donné à disner, ny qui nous a si bien traittez. Alors le Roy lui demanda, et qui? C’est, respondit monsieur de Guise, Montluc. Je croy qu’il vous a donné des viandes, de son pais, dit le Roy, des aulx et des oignons, et le vin bien chaut. Surquoy monsieur de Guise luy compta, comme ils auoient esté traittez. Le Roy le demanda au Duc par son truchement, lequel respondit, que si sa Maiesté leur auoit donné à disner, il ne leur eust sceu donner de meilleures viandes, ny de meilleur vin, ny plus frais: que puis que ï'estois si bon compagnon, qu'il' falloit que sa Maiesté me donnast de l'argent pour faire de la vaisselle d’argent : car rien ne leur auoit manqué que cela : et que monsieur de Guise et luy m’auoient promis de luy faire ceste demande. Le Roy leur promit, qu’il le feroit, et que puisque ie dependois si honorablement il m’en vouloit donner le. moyen, plus qu'il n’auoit fait iusques à ceste heure là.

Assaut et prise de Rabastens*.

Nostre ordre estant dressé, ie me mis aupres de la porte de la ville, et près la bresche où nous estions entrez auec toute la noblesse. Il y pouuoit auoir six ou sept vingt gentils-hommes : et tousiours en arriuoit d’autres, car monsieur de la Chapelle Lauzieres qui venoit de Quercy en amenoït une grande

1 Gr. S 103.

2 Montluc faisant la guerre à la reine de Navarre, mère de Henri IV et protestante, il assiégea en 1570, âgé de 68 ans, la ville de Rabastens dans le Bigorre; elle était défendue par un château fort. Le siége durait depuis plusieurs jours. Montluc résolut de donner l'assaut, malgré un pressentiment, comme il dit en avoir eu dans mainte occasion.

troupe. Je diray cecy de mon presage que iamais on ne me peut oster de ma fantaisie que ie ne deusse estre tué par la teste, ou blessé. Je m’estois mis en opinion pour cette occasion, que ie n’irois point à l’assaut, songeant bien que ma mort troubleroit fort Je pays : et le matin ie dis à monsieur de Las Aduocat du Roy à Agen, lequel estoit de nostre conseil et qui estoit venu auec moy, ces paroles : Monsieur l’Aduocat, il y a des gens qui ont crié et crient que ie suis fort riche, vous sçauez l’argent que j’ay iusqu’à vn esCu : Car par mon testament, où vous estiez appellé, vous le sçauez. Et pour ce qu’on ne sçauroit oster l’opinion aux gens que ie n’aye beaucoup d’argent, et si par fortune ie mourrois en cet assaut, l’on demanderoit à ma femme quatre fois plus que ie n’en ay, voilà le roolle de tout l’argent que i’ay auiourd’huy en ce monde, tant aux interests que ce qui est entre les mains de ma femme. Barate, mon maistre d’hôtel a ecrit le bourdereau, le voilà signé de ma main. Vous m’estes amy, ie vous prie que si ie meurs, que vous et le Conseiller de Nort vous vous monstriez amis de ma femme, et de mes deux filles, et sur tout de Charlotte-Catherine qui a cet honneur d’auoir esté tenuë sur les fons par le Roi et la Roine. Et luy deliuray ledit roolle entre ses mains et conneus bien ‘qu’il eut plus d’enuie de pleurer que de rire. Et par là on peut iuger si le malheur qui m’aduint ne m'alloit deuant les yeux. Je n'ay point d'esprit familier : mais il ne m’est guere arriué malheur, que mon esprit ne l’ay predit. Je taschois tousiours à me l’oster de la fantaisie, remettant tout à Dieu qui dispose de nous comme il lui plaist. Je n’en fis iamais autrement, quoy que les Huguenots mes ennemis ayent dit et escrit contre moy.

Comme les deux heures furent venues, ie fis apporter huict ou dix flascons de vin que madame de Panias m’auoit enuoyé et le deliuray aux gentils-hommes et leur dis, beuuons mes compagnons, car bien tost se verra qui a tetté de bon laict. Dieu veuille que nous puissions quelque iour boire ensemble. Si nos iours derniers sont venus, il n’esten nostre pouuoir de rompre les destinées. Et comme tous eurent prins du vin, s’encouragerent les vns les autres, apres que ie leur eus fait une petite remontrance en trois mots, leur disant mes amis et compagnons, nous voicy prests à iouer des mains: il faut que chacun monstre ce qu’il sçait faire. Ceux qui sont dans cette place, sont de ceux qui auec le Comte de Mongommery, ont

ruiné vos Eglises, pillé vos maisons, il faut leur faire rendre gorge. Si nous les emportons et meltons au cousteau, vous aurez bon marché du reste de Bearn. Croyez moy rien ne vous fera teste. Or allez, ie vous suiuray bien tost. Lors ie fis sonner l’assaut, les deux capitaines y allerent, quelques vns de leurs soldats et les enseignes ne firent pas fort bien, Et comme ie vis que ceux-là n°y entreroient pas, monsieur de Sainctorens marcha auec quatre enseignes, et les mena iusques aupres de la bresche, qui ne firent pas mieux que les autres, car ils estoient encores demeurez loin quatre ou cinq pas de la contr’escarpe, laquelle n’empescha pas que nostre artillerie ne fist ce qu’elle vouloit faire et tous se mirent les genoux à terre derriere. Soudain ie conneus bien qu’il falloit que d’autres y missent la main que nos gens de pied. Tout à un coup ie perdis la souuenance de l’opinion que j’auais d’y deuoir estre tué, ou blessé et ie ne m’en souuins plus : et dis à la noblesse : Gentils-hommes mes amis, il n’y a combat que de noblesse. Il faut que nous esperions que la victoire doit venir par nous autres qui sommes gentils-hommes, allons ie vous montrefay le chemin, etie vous feray connoistre, que iamais bon cheual ne deuint rosse. Suiuez hardiment et sans vous estonner donnez, car nous ne sçaurions choisir une mort plus honorable. C’est trop marchander, allons. Je prins alors monsieur de Goas par la main,

et luy dis monsieur de Goas, ie ueux que vouset moy combattions ensemble. Je vous prie ne nous abandonnons point : et si ie suis tué ou blessé, ne vous en souciez point, et me laissez là, et poussez seulement outre, et faites que la victoire en demeure au Roi. Et ainsi nous marchasmes tous d’aussi bonne volonté qu’a ma vie‘ie vis aller à l’assaut, et regarday deux fois en arriere, ie vis que tous se touchoient les uns les autres. Il y auoit vne grande plaine qui duroit cent cinquante pas ou plus, toute descouuerte par là où nous marchions droit à la bresche. Les ennemis tiroient là sur nous, et me furent blessez six gentils-hommes près de moy. Le sieur de Besoles en estoit un, son coup fut au bras, et fort grand, aussi il faillit à mourir, le vicomte de Labatu à une iambe, ie ne sçaurois dire le nom des autres, parce que ie ne les connoissois pas tous. Monsieur de Goas en auoit mené sept ou huict auec luy :

1 De ma vie.

D8 et entr’autres le capitaine Sauaillan laisné : et luy en fut tué là trois : et ledit capitaine Sauaillan biessé d’une arquebusade au trauers du visage. Il y auoit son capitaine du Plex, vn autre capitaine la Bastide, de mes parens, d’aupres de Villeneufue, qui tousiours avait suiuy monsieur le Comte de Brissac, vn capitaine Rantoy qui est de Damasan, le capitaine Sales de Bearn, qui desia auoit esté blessé d’un coup de picque à l'œil. Il y auoit deux petites chambres, qui estoient de la hauteur d’une longue picque et dauantage, les ennemis deffendoient ces chambres de bas en haut : de sorte que homme des nostres ne pouuoit monstrer la teste qu'il ne fust veu : et commencerent nos gens à tirer à grands coups de pierre là dedans, eteux aussi tiroient contre nous : mais l’auantage estoit aux nostres qui tiroient contre bas. J'auois fait porter trois ou quatre eschelles au bord du fossé : et comme ie me retournay en arriere pour commander que l’on apportast deux eschelles, l'arquebusade me fut donnée par le visage du coin d’une barricade qui touchoit à la tour. Je crois qu'il n’y auoit pas là quatre arquebusiers ; car tout le reste de la barricade auoit esté mis par terre des deux canons, qui tiroient en flanc. Tout à un coupie fus tout en sang : car ie le iettois par la bouche, par le nez, par les yeux. Monsieur de Goas me voulut prendre pensant qneie tombasse, ie luy dis laissez moy, ie ne tomberay point, suivez vostre poincte. Alors presque tous les soldats, et presque aussi tous les gentils-hommes commencerentàs’estonner, et voulurent reculer : maisie leur criay, encores que ie ne pouuois presqne parler à cause du grand sang que ie iettois par la bouche et par le nez. Où voulez-vous aller, où voulez-vous aller? Vous voulez vous espouuanter pour moy? Ne vous bougez, ny n’abandonnez point le combat, car ie n’ay point de mal, et que chacun retourne en son lieu. Couurant cependant le sang le mieux que ie pouuois, et dis à monsieur de Goas, Monsieur Goas, gardez ie vous prie, que personne ne s’épouuante, et suiuez le combat. Je ne pouuois plus demeurer là : car ie commençais à perdre la force, et dis aux gentils-hommes, ie m’en vais me faire panser, et que personne ne me suiue, et vengez-moy, si vous m’aimez.Je pris un gentilhomme par la main, ie ne sçaurois le nommer, car iene voyais presque point, et m’en retournay par le mesme chemin que i”y estois allé, et trouuay un petit cheual d’vn soldat, sur lequel ie montay comme ie peus; aidé de ce gentil-

D9 homme. Et ainsi fus conduit à mon logis, là où ie trouuay un Chirurgien du regiment de monsieur de Goas nommé maistre Simon, qui me pensa et m’arracha les os des deux ouiës avec les doigts si grands estoient les trous, et me coupa force chair du visage, qui estoit toute froissée ‘.

Monsieur de Gramond estoit sur vne petite eminence tout auprès de là, bien à son aise, qui voyoit le tout, et parce qu’il est de celte belle Religion nouuelle, encores qu’il n’ait porté les armes contre le Roi, il craignoit de se mesler parmi nous autres. Et se doutant qu’il y eust des ennemis il vid que comme ie fus blessé, tous les soldats s’effrayerent : et dist à ceux qu’il avoit auprès de luy : Voilà quelque grand personnage mort. Voyez-vous comme les soldats se sont effrayez. Je me doute que ce soit monsieur de Montluc, et dit à un sien gentil-homme nommé monsieur de Sart, courez voir si c’est luy, et s’il l’est, et qu’il ne soit mort, dites luy que ie le prie qu’il permette que ie l’aille voir. Le dit sieur de Sart est catholique, il y vint. A l’entrée de la ville on luy dit que cestoit moy. Il vint à mon logis, et trouua que l’on me pleuroit et que j’estois à la renuerse sur un lit en terre, et me dit que monsieur de Gramond me prioit qu’il me vist, et si ie prendrois plaisir qu’il y vint. Je luy dis que ie n’auois point d’inimitié avec monsieur de Gramond, et que quand il viendroit, qu’il connoistroit, qu'il auoit autant d’amis en nostre camp, et peut-être dauantage, qu’à celuy de leur Religion. Il ne fut si tost party d’aupres de moy, que voicy monsieur de Madaillan mon Lieutenant, lequel estoit à mon costé, quand j’allay à l'assaut, et monsieur de Gaos à l’autre qui venoit voir si i’estois mort, et me dit, monsieur resioussiez vous, prenez courage, nous sommes dedans. Voilà les soldats aux mains qui tuent tout: et asseurez vous que nous vengerons votre blesseure. Alors ie luy dis, ie louë Dieu de ce que ie vois la victoire à nous auant que de mourir. À present ie ne me soucie point de la mort. Je vous prie de vous en retourner, et montrez moy toute l'amitié que vous m’avez portée, et gardez qu’il n’en eschappe un seul qui ne soit tué. Et à l’instant s’en retourna : et tous mes seruiteurs mesmes y allerent: de sorte qu’il ne demeura aupres de moy que deux pages, et l’aduocat de Las,

{ La blessure de Montluc lui avait emporté une grande partie du nez. Il fut obligé dès lors de porter une espèce de masque, qu'on appelait un tourel de nez.

et le Chirurgien. L’on voulut sauuer le Ministre, et le capitaine de là dedans nommé Ladons, pour les faire pendre devant mon logis, mais les soldats faillirent de les tuer eux-mesmes, et les osterent à ceux qui les tenoient, et les mirent en mille pièces. Les soldats en firent sauter cinquante ou soixante du haut de la grande tour qui s’estoient retirez là dedans dans le fossé, lesquels se noyerent. Îl se trouue que l’on en sauva deux qui s’estoient cachez. Il y avoit tel prisonnier qui vouloit donner quatre mil escus : mais iamais homme ne voulut entendre à aucune rançon et la pluspart des femmes furent tuées, lesquelles aussi faisoient de grands maux avec les pierres. Il s’y trouua un Espagnol marchand qu’ils tenoient prisonnier là-dedans, et vn autre marchand catholique aussi qui furent sauuez. Voilà tout ce qui demeura en vie des hommes qui se trouuerent là dedans, qui furent les deux que quelqu'un desroba, et ces deux marchands qui estoient catholiques. Ne pensez pas, vous qui lirez ce liure que je fisse faire cette execution tant pour vanger ma blesseure que pour donner épouuante à tout le pays, afin qu’on n’eust le cœur de faire teste à nostre armée. Et me semble que tout homme de guerre au commencement d’vne conqueste en doit faire ainsi contre celuy qui oserait attendre son canon. Il faut qu’il ferme l'oreille à toute composition et capitulation, s’il ne void de grandes difficultez à son entreprinse, et si son ennemy ne l’a misen peine de faire bresche. Et comme il faut de la rigueur (appellez la cruauté si vous voulez) aussi faut il de l’autre costé de la douceur si vous voyez qu’on se rende de bonne heure à vosire mercy.