CALVIN

Lettres familières.

A Monsieur de Falais!,

Monseigneur, j'espère, suivant ce que m’a mandé dernierement Antoine Maillet, que vous estes en meilleure disposition que de

Jacques de Bourgogne, seigneur de Falais et de Bredam, et sa femme Jolande de Brederode, poursuivis dans leur patrie pour leur attachement à la re-

coustume, dont je remercie nostre bon Dieu, le pryant de vous confermer pleinement, car je ne doubte pas que la maladie ne vous ait laissé une longue queue de foiblesse. Mais celluy qui a commencé à vous remectre au-dessus, parfera, comme j'espère par sa bonté infinie, tant pour exaulser les prieres de ses serviteurs, que pour fermer la bouche aux iniques, à ce qu’ils ne prengnent point occasion de dire, que vous aiez esté vaincu de leur tentation. Car vous sçavez comme il ne leur fault pas grant couleur pour blasphemer.

Or Dieu vous monstrera, qu’il vous a disposé à recevoir encor de plus grans assaults, si mestier est. Et cependant nous fera la grace de jouir plus long temps de vous à nostre singuliere consolation. Quant nous aurons nouvelles * de par vous-mesmes, elles nous resjouiront encor plus.

Sur ce Monsieur, après m’estre humblement recommande à vostre bonne grace, et celle de Madamoiselle * et vous avoir presenté à tous deux les recommandations d’une femme resuscitée, je supplye nostre bon Dieu de vous avoir tousjours en sa saincte garde, multipliant ses graces en vous journeilement à la gloire de son nom.

De Genesve ce 26 d'Octobre.

Vostre humble Frere, Serviteur et entier Amy,