JOACHIM DUBELLAY

La révolution poétique du XVIme siècle ( ci-dessus p. 97) ayant été préparée par les études d’une jeunesse dévouée, Joachim Dubellay, après Ronsard Île mieux doué de ces jeunes gens et encouragé par le suffrage d’un tel ami, publia en 1549, le manifeste de la réforme projetée. Cet écrit, intitulé La Defense et illustration de la langue françoise, renferme des idées justes et nobles sur les langues en général, sur celles de l’antiquité classique, et des conseils pour enrichir et perfectionner la langue française. Ce petit ouvrage respire l’enthousiasme des novateurs et ne manque pas d’une certaine verve d’éloquence. On en jugera par quelques fragments.

Pourquoy la langue Françoise n’est si riche que la Grecque et Latine.

Si nostre langue n'est si copieuse et riche que la Grecque ou Latine, cela ne doit estre imputé au defaut d’icelle comme si d’elle mesme elle ne pouuoit iamais estre sinon pauure et sterile : mais bien on le doit attribuer à l'ignorance de nos maieurs, qui ayans (comme dit quelqu’vn, parlant des anciens Romains) en plus grande recommandation le bien faire, que le bien dire, et mieux aymans laisser à leur posterité les exemples de vertu, que des preceptes, se sont priuez de la gloire de leurs bienfaits, et nous du fruict de l’imitation d’iceux : et par mesme moyen nous ont laissé nostre langue si pauure et nuë, que elle a besoin des ornemens, (sil faut ainsi parler) des plumes d’autruy. Mais qui voudroit dire que la Grecque et Romaine eussent tousiours esté en l'excellence qu’on! les a veues du temps d’Homere et de Demosthene, de Virgile, et de Ciceron? Et si ces auteurs eussent iugé, que iamais pour quelque diligence et culture qu’on y eust peu faire, elles n’eussent sceu produire plus grand fruict, se fussentils tant efforcez de les mettre au poinct où nous les voyons maintenant? Ainsi puis-ie dire de nostre langue qui commence encore à flearir sans fructifier, ou plustost, comme vne plante et ver-

‘ Gr. 61.

getie, n’a point encores fleury : tant s’en faut qu’elle ait apporté tout le fruict qu’elle pourroit bien produire. Cela certainement non pour le defaut de la nature d’elle, aussi apte à engendrer que les autres : mais pour la coulpe de ceux qui l'ont eüe en garde, et ne l’ont cultiuée à suflisance, ains comme une plante sauuage, en celuy mesme desert, où elle auoit commencé à naistre, sans jamais l’arrouser, la tailler, ny defendre des ronces et espines, qui luy faisoyent ombre, l’ont laissee enuieillir et quas mourir.

Que la langue Francoise n’est si pauure que beaucoup l’estiment.

Je n’estime pourtant nostre vulgaire, tel qu’il est maintenant, estre si vil et abiect, comme le font ces ambitieux admirateurs des langues Grecque et Latine, qui ne penseroyent, et fussent-ils la mesme Pithô, deesse de persuasion, pouuoir rien dire de bon, si n’estoit en langage estranger, et non entendu du vulgaire. Et qui voudra de bien pres y regarder, trouuera que nostre langue Françoise n’est si pauuvre, qu’elle ne puisse rendre fidelement ce qu’elle emprunte des autres, si infertile, qu’elle ne puisse produire de soy quelque fruict de bonne inuention, au moyen de l’industrie, et diligence des cultiueurs d’icelle, si quelques vns se trouuent tant amis de leur pays, et d’eux mesmes, qu’ils s’y veulent employer. Mais à qui, apres Dieu, rendrons-nous graces d’vn tel benefice, sinon à nostre feu bon Roy et pere François premier de ce nom, et de toutes vertus? Je dy premier, d’autant qu’il a eu son noble Royaume premierement restitué tous les bons arts et sciences en leur ancienne dignité : et si a nostre langage, au parauant scabreux et mal poly, rendu elegant ; et si non tant copieux qu’il pourra bien estre, pour le moins fidele interprete de tous les autres. Et qu’ainsi soit, Philosophes, Historiens, Medecins, Poëtes, Orateurs, Grecs et Latins ont appris à parler François.

D’amplifier la langue Françoise par limitation des anciens autheurs Grecs et Romains.

Je vous demande vous autres, qui ne vous employez qu'aux translations, si ces tant fameux auteurs se fussent amusez à traduire, eussent-ils esleué leur langue à l’excellence et hauteur, où nous la voyons maintenant? Ne pensez doncques quelque diligence et industrie que vous puissiez mettre en cest endroit, faire tant que nostre langue encores ranpante à terre puisse hausser la teste et s’esleuer sur pieds. Se compose donc celui qui voudra enrichir sa langue à limitation des meilleurs auteurs Grecs et Latins, et à toutes leurs plus grandes vertus, comme à vn certain but, dirige la pointe de son style : car il n’y a point de doute que la plus grand part’ de l’artifice ne soit contenue en limitation, et tout ainsi que ce fut le plus louable aux anciens de bien inuenter, aussi est-ce le plus vtile de bien imiter, mesmes à ceux, dont la langue n’est encor bien copieuse et riche. Mais entende celuy, qui voudra imiter, que ce n’est chose facile de bien suyure les vertus d’vn bon auteur et quasi comme se transformer en luy, veu que la nature mesmes aux choses qui paroissent tressemblables, n’a sçeu tant faire, que par quelque note et difference, elles ne puissent estre discernees. Je dy cecy, pour ce qu'il y en a beaucoup en toutes langues, qui sans penetrer aux plus cachees, et interieures parties de l’auteur, qu’ils se sont proposé, s’adaptent seulement au premier regard*®, et s'amusant à la beauté des mots, perdent la force des choses. Et certes, comme ce n’est point chose vicieuse, mais grandement louable, emprunter d’vne langue estrangere les sentences, et les mots, et les approprier à la sienne: aussi est-ce chose grandement à reprendre, voire odieuse à tout lecteur delibera le nature, voir en vne mesme langue vne telle imitation, comme celle d’aucuns sçauans mesmes, qui s’estiment estre des meilleurs quand plus ils ressémblent vn Heroet, ou vn Marot. Je l’admoneste donq’ (ô toy, qui desires l’accroissement de ta langue, et veux exceller en icelle) de non imiter à pié leué,

{ Lex.

2 À un coup d'œil superficiel.