IS P

comme n’agueres a dict quelqu’vn, les plus fameux auteurs d’icelle, ainsi que font ordinairement la plus part de nos poëtes François, chose certes autant vicieuse, comme de nul proffit à nostre vulgaire : veu que ce n’est autre chose (Ô grande liberalitét) sinon de luy donner ce qui estoit à luy'. Je voudroy bien que nostre langue fust si riche d'exemples domestiques, que n’eussions besoing d’auoir recours aux estrangers. Mais si Virgile et Ciceron se fussent contentez d’imiter ceux de leur langue qu'auroyent les Latins outre Ennie, ou Lucrece, outre Crasse, ou Anthoine?

Que le naturel n’est suffisant à celuy qui veut faire œuvre digne de limmortalité.

Qu'on ne m'’allegue point que les Poëtes naissent : car cela s'entend de ceste ardeur, et allegresse d’esprit, qui naturellement excite les Poëtes, et sans laquelle toute doctrine leur seroit manque et inutile. Certainement ce seroit chose trop facile, et pourtant contemptible se faire eternel par renommee, si la felicité de nature donnee mesmes aux plus indoctes estoit suffisante pour faire chose digne de l’immortalité. Qui veut voler par les mains et bouches des hommes, doit longuement demourer en sa chambre : et qui desire viure en la memoire de la posterité, doit comme mort en soy-mesme, suer, et trembler maintesfois : et autant que nos Poëtes courtisans boyuent, mangent, et dorment à leur aise, endurer de faim, de soif, et de longues vigiles. Ce sont les ailes dont les escrits des hommes volent au ciel.

Conclusion de tout l’œuvre.

Or sommes nous, la ? grace à Dieu, par beaucoup de perils et de flots estrangers rendus au port, à seureté. Nous auons eschappé

1 Gr. Ç 13.

? Aujourd'hui on supprime l'article.

du milieu des Grecs, et par les scadrons Romains penetré iusques au sein de la tant desiree France. Là donques François, marchez courageusement vers ceste superbe cité Romaine : et des serues despouilles d’elle (comme vous auez fait plus d’vne fois) ornez de vos temples et autels. Ne craignez plus ces oyes criardes, ce fier Manlie, et ce traistre Camille, qui sous ombre de bonne foy vous surprenne tous nuds contans la rançon du Capitole. Donnez en ceste Grece menteresse, el y semez encor’ vn coup la fameuse nation des Gallogrecs. Pillez moi, sans conscience, les sacrez thresors de ce temple Delphique, ainsi que vous auez fait autrefois : et ne craignez plus ce muet Appollon, ses faux oracles, ny ses fleches rebouchees. Vous souuienne de vostre ancienne Marseille, seconde Athenes, et de vostre Hercule Gallique, tirant les peuples apres luy par leurs oreilles auecques vne chaine attachee à sa langue.