PASQUIER ESTIENNE

Parmi les avocats dont s'honora le barreau de Paris, dans le XVfme siècle, et qui se firent un nom en plaidant devant cette cour du Parlement, arbitre parfois du sort de l'État non moius que de la fortune et de l'honneur des particuliers, Étienne Pasquier, Parisien, occupa un rang éminent. Il acquit une brillante réputation par son plaidoyer contre les Jésuites. Talent, verve, éloquence, esprit incisif à la fois et sage, caractère noble, savoir profond, voilà ses titres aux yeux de ses contemporains. Les littérateurs de nos jours le connaïssent par ses nombreux ouvrages en prose et eu vers. Ses Lettres surtout et sès Rccherches de la France, sont utiles à consulter pour l’histoire politique et littéraire. Le style de l’auteur porte le cachet de son esprit : ce qui en fait le mérite, c’est la chaleur, l'imagination, une abondance d’expressions heureuses et un charme d'ancienneté.

De l’origine de nostre vulgaire francois.

Nostre France appelee au temps passé Gaule, eut sa langue originaire, qui se continua longuement en son naïf', comme toute autre. Or est-il qu’en la mutation des langues il y a deux propositions generales que l’on peut recueillir des euenemens : La premiere est vn changement qui procede de nps esprits, comme ainsi soit que* selon la diversité des temps, les habits, les Magistrats, voire les Republiques prennent diuers plis sous vn mesme peuple : aussi combien qu’en vn pays il n’y ait transmigration de

1 Gr. 6 56.

3? Comme il arrive que, tout comme.

nouuelles peuplees, toutesfois successiuement en mesme ordre que toute autre chose, se changent les langues par vne taisible alluuion : Et pour cette cause disoit vn ancien Poëte de Rome que beaucoup de paroles renaistroient, desquelles l’vsage estoit perdu. Et au contraire que quelques autres perdroient leur vogue qui auoient esté en credit *. |

Outre cette mutation qui se presente sans y penser, il s’en trouue vne autre que quelques vns appellent corruption, lorsqu'un : pays estant par la force des armes subiugué, il est contraint pour complaire au victorieux, d'apprendre sa langue. Et reçoit cette forme encores autre consideration, d’autant que quelquesfois le pays vaincu est tellement nettoyé des premiers habitateurs, que les nouuelles colonies y plantent du tout leurs langues. Quelquesfois aussi n’y a si vniverselle mutation, ains aduient, ou que pour la necessité des affaires qui s'offrent en vn pays vaincu auec le victorieux, ou pour luy agreer par vne seruitude taisible, et si ainsi me le faut dire, par vne volontaire contrainte, nous apprenons avec les loix de nostre Seigneur, par vn mesme moyen son langage. De celles-cy quant est des langues dont nous auons cognoissance, sont la Françoise et l’Espagnole, et lors ne se fait generale mutation, ains entons sur nostre langue ancienne la plus grande partie des mots, où manieres de dire de l’estranger, nous les faisant par longue traite de temps propres, tout ainsi que leurs façons: Le Latin estoit la langue premiere de l'Italien : Ce neantmoins par laps de temps, le Got, le Lombard, le François, et de nostre temps l'Espagnol y ont tellement mis du leur, que vous la voyez estre composee de ces cinq: et toutesfoys n’y a rien qui soit pur Latin, pur Got, pur Lombard, pur Françoys, pur Espagnol. Et l’Anglois (que les anciens appellerent Anglosaxon) bien qu’il apportast nouueau parler au pays, où il fit sa residence, si est ce que pour le present encores se ressent-il de la grande quantité de nos mots par la domination qu'entreprist sur Jay le Normand. Et qui plus est n’ayant totalement, et si ainsi ie l’ose dire, de fonds en comble desraciné sa vieille langue, encores retient-il plusieurs dictions Latines, que . les Romains auoient semees en la grand Bretagne, lorsqu’ilz y

{ Multa renascentur quæ jam cecidere, cadentque Quæ nunc sunt in honore vocabula, si volet usus. Hon. A. P. 70, 51.

planterent leurs victoires. Ce qu’à grand peine recognoistrez vous en l’Allemant sur lequel le Romain ne sceut que bien peu enjamber. De ceste mesme façon nos anciens Gaulois (comme recite nostre Langey ‘) accreurent leur Vulgaire iusques vers les parties du Leuant où ils firent plusieurs conquestes. De maniere que cette proposition semble estre du tout necessaire, si de plusieurs particularitez nous alambiquons vn vniuersel, que selon la diuer- sité des conquestes et remuemens de nouueaux menages*, les Langues reçoiuent corruption plus ou moins, selon la longueur du temps, que les conquereurs demeurent en possession du pays par ceux conquis.

Ces reigles generales presupposées, qui semblent par vn discours * de nature estre veritables et infaillibles, nostre Gaule eut semblablement sa langue originaire, toutesfois ny plus ny moins que l’Italienne, et l’Espagnole, aussi à elle * receu ses mutations, et l’on basty vn nouueau langage sur les fondemens de l’ancien. Les mots toutesfois empruntez ou des nouuelles flottes de gens estrangers, qui desbonderent dans les Gaules, ou des victorieux qui s’en impatroniserent: ie dy des nouuelles flottes de gens estrangers, comme des Grecs, Phocenses, qui prindrent terre ferme à Marseille, ainsi que plusieurs estiment. Je dy des victorieux, comme premierement des Romains, puis des François: Ainsi la langue dont nous vsons auiourd’huy selon mon iugement est composee, part de l’ancienne Gauloise, part de la Latine, part de la Françoise, et si ainsi le voulez, elle a plusieurs grandes symbolisations auec la Gregeoise. Et encores le trafic et commerce que nous eusmes sous les regnes du Roy François I et Henri [I auec l'Italien, nous apporta aussi plusieurs mots affectez * de ce pays là. Tous les termes neantmoins de ces Langues estrangeres accommodez au cours de l’ancienne Gauloise. Mais surtout est infiniment $ nostre vulgaire redeuable aux Romains, voire le peut-on

‘ Guillaume du Bellay, seigneur de Langey, plus connu sous ce dernier nom, auteur d’un Epitome de l'histoire des Gaules. Paris, 1556, in-4o.

? Remue-ménage, qui se dit non-seulement des dérangements domestiques, mais aussi des troubles publics.

5 Lex.

+ Gr. 98.

5 Lex.

6 Gr. $ 47, 3

dire plustost Romain qu’autrement, encores qu’il retienne grande quantité de mots et du Gaulois et du François.

La différence de l'orthographe et du parler.

Or aduient il ordinairement que nos langages tant en particulier comme en general, accompagnent la disposition de nos esprits : car si vous vous arrestez au particulier, mal-aisément trouuerezvous vn homme brusque en ses mœurs, qui n’ait la parole de mesme, et peu de personnes tradiues, et Saturniennes ‘, qui n’ayent aussi un langage morne, et lent. Le general va de mesme : Ainsi voyez-vous entre nous autres Francois, le Normand assez aduisé en ses affaires trainer quelque peu sa parole, au contraire le Gascon escarbillat par dessus tous, parler d’vne * promptitude de langue, non commune a l’Angeuin et Manceau, de quelque peu, ains de beaucoup moins eschauffez en leurs affaires: et l'Espagnol haut à la main produit vn Vulgaire superbe et plein de piañfe. L’Allemant esloigné du luxe parle vn langage fort rude. Et lors que les Italiens degenerans de l’ancienne force du Romain, firent plus profession de la delicatesse que de la vertu, aussi formerent-ils peu à peu de ce langage masle Romain, vn Vulgaire tout effeminé et molasse. Parce que presque tous leurs mots se terminent és cinq voyelles, et d’auantage voulurent racler la rencontre de deux consonantes qui estoient trop rudes à leurs aureilles delicates, de ces mots de oplimus, maximus, factus, firent vns ollimo, massimo, fatto : ainsi en prit-il à nos Gaulois, non pas quant à la delicatesse de laquelle ils furent tousiours esloignez, mais eschangeans leur langue Vvalonne en la Romaine, comme ceux qui auoient l'esprit plus brusque et prompt que les Romains, et par consequent le langage vray-semblablement plus court: aussi transplantans la

1 Froides et lentes, comme on se représente la planète Saturne :

Et son père, le vieux Saturne,

Roule à peine son char nocturne

Sur les bords glacés de 1’Ether.

MALFILATRE.

langue Romaine chez eux, ils accourcirent les paroles de ces mots, Corpus, Tempus, Asperum et autres semblables dont ils firent Corps, Temps et-Aspre, auec vne prononciation (comme il est à croire) de toutes les lettres. Or que l’ancien Gaulois eust vn langage court nous l’apprenons, entr’autres, de Diodore, et de cette mesme brieueté de langage prit son origine et essence entre nous l'E feminin incognu à toutes autres nations : lettre qui est moitoyenne entre la voyelle et la consonante prononcee trop affectément en la fin d’vne diction. Car elle n’est pleine voyelle en la fin d’vn vers où les deux syllabes ne sont comptées que pour vne, et qui prononcera à la fin d’vn mot le T ou S trop affectément, il tombera fort aisément sans y penser en l’affectation d’vn E feminin : Et pour autant que nos Gaulois apprenoient malaisément le Latin comme vne langue non accordante auec la leur, de ces mots, Scribere, Schola, Stabiliter, Species, et autres qui de soy estoient de difficile prononciation, pour la rencontre des deux consonantes, afin de se la rendre facile, ils dirent, Escripre, Escole, Establir, Espece, en la mesme façon que nous voyons encore le Gascon, et Auuergnac pour Schola, et Stephanus, dire Eschola, Estephanus: ainsi s’estudiant le Gaulois de parler au moins mal qu’il luy estoit possible son Roman, d’vn muttum, il façonna vn moult, d’vn vltra, vn oultre, Lupus, Loup, dulcis, douls, comme nous voyons l’Escossois voulant representer nostre langue par va escorche, ou pour mieux dire, par vn Escoce François, pour Madame, dire Moudam. En quoy il n’est pas encore hors de propos, ny impertinent de remarquer en passant que lv‘, ainsi que nous le prononçons maintenant en François, nous est du tout propre, et pareillement venant de l’ancien estoc des Gaulois, comme ne se trouuant nalion en tout le Ponant qui le prononce de telle façon que nous : Tous les autres, je veux dire, l’Allemant, l'Italien *, l'Espagnol, l’Anglois, l’Escossois, le Polonois, le prononçans a forme de la diphthongue Grecque «, le tout en la mesme maniere que les Latins mesmes en vserent sur le declin de leur Empire, encores que ie sçache bien que quelques-vns se rendent d’aduis contraire. Par ainsi nos anciens Gaulois empruntans,

2 Dans quelques dialectes italiens, lu se prononce parfois comme en français. À Crémone, on dit « sicuro » comme on le ferait dans notre langue.

comme j’ay dit, du Romain leurs paroles, et les naturalisans entre eux selon la commodité de leurs esprits et de leur Langue, les redigeoient vray-semblablement par escrit comme ils les prononçoient, toutesfois comme toutes choses s’amendent, voyant le monde par vn iugement plus delicat tels mots proferez auec toutes leurs lettres estre vn peu trop rudes au son des aureilles, on reforma au long aller cette grossiere façon de parler en vne plus douce, et au lieu d’Escripre, Eschole, Establir, Temps, Corps, Aspre, doul, outre, mout, Loup, avec prononciation de chaque lettre, et element, l’on s’accoustuma de dire, école, établir, Tans, Cors. âpre, doux, outre, mout, Lou: vray que tousiours est demeuré l’ancien son en ces mots, Espece, et Esperer, mais peut estre que quelque iour viendront-ils au rang des autres, aussi bien que de nostre temps ce mot d’honneste (auquel en ma ieunesse j’ay veu prononcer la lettre de S) s’est maintenant tourné en vn E, fort long. Ainsi se changea cette aspreté qui resultoit du concours et heurt les consonantes, toutesfois parce que lescriture, n’offencant point les aureilles, elle demeura tousiours en son entier, prenant la prononciation autre ply: et de là à mon iugement voyons-nous l’escriture ne se rapporter à la prononciation. Chose qui a excité . grandement quelques notables esprits du commencement du regne du Roy Henry second. Car comme ainsi soit que le temps eust lors produit vne pepiniere de braues Poëtes, aussi chacun diuersement prit cette querelle en main, les aucuns estans pour le party qu'il falloit du tout accorder l'escriture au parler, s’y rendans mesmement extremes. Les autres nageans entre deux eaux, voulurent apporter quelque mediorité entre les deux extremitez ". Ce nonobstant apres plusieurs tracassemens, enfin encores est-on retourné à nostre vieille coustume, fors que de quelques paroles on en a osté les consonantes trop esloignees de la prononciation, comme la lettre de P, des mots, Temps. corps et Escripre, ayant en cecy pratiqué ce que Ciceron disoit en son Orateur qu’il auoit laissé l’vsage de parler au peuple, et s’en estoit reserué la science. Question certes qui n’est pas à négliger, et sur laquelle je me donnay carriere en vne Epistre que j’escriuois à feu

‘ L'histoire de ces luttes est racontée dans le livre consciencieux de M. Ch.-L. Livet : la Grammaire française et les Grammairiens au X Vime siècle. Paris, 1839; in-8c. :

Monsieur Ramus, qui est au second liure de mes Lettres. Quintilian au chap. 13. du second liure de ses Institutions Oratoires parlant des anciens Romains. Peut-estre (dit il) parloient-ils tout * ainsi comme ils escriuoient. Qui' monstre que de son temps, on en vsoit autrement. Maintenant il me suffit d’auoir discouru dont est prouenuë la diuersité qui se troue en nostre langue entre le Parler et l’Orthographe.

De la diuersité de l’ancienne langue Françoise auecques celle du iourd’huy.

J’ay dit au premier Chapitre de ce Liure, que tout ainsi que selon la diuersité des temps on change d’habits, voire de Magistrats en vne Republique, aussi se changent les langues par vne taisible alluuion. Pierre Crinit* en ses liures de l’honneste discipline, dit que l’on auoit peu autres fois obseruer dans Rome quatre ou cinq diuersités de langues. La vieille de Saliens, qui pour sa longue ancienneté n’estoit presque entenduë, laquelle puis apres s’eschangea au Latin des douze Tables, qui receut quelque polisseure, sous le Poëte Ennius et Caton le Censeur, iusques à ce que petit à petit elle attaignit à sa perfection du temps de Ciceron, Cesar et Saluste 5, et depuis alla tousiouz en telle decadance, qu’en fin elle fut enseuelie dedans l'Italienne.

Je ne fais point de doute que le semblable r ne soit aduenu à nostre langue Françoise, laquelle selon la diuersité des siecles, a pris diuerses habitudes, mais de les vous pouuoir representer, il est mal aisé. Parce qu’anciennement nous n’eusmes point vne langue particulierement courtizane, à laquelle les bons esprits voulussent attacher leurs plumes. Et voicy pourquoy. Encores que nos Roys tinssent la superiorité sur tous autres Princes, si est-ce que nostre Royaume estoit eschantillonné en pieces, et y auoit presque

1 Gr. 16.

3 Petrus Crinitus ou Pietro Riccio, professeur florentin du XVme siècle, qui publia en 1504, l’année avant sa mort, un recueil de Mélanges de littérature,

d'histoire, d’usages et de mœurs, sous le titre: De Honesla d'sciplina. 5 Gr. Ç 102.

autant de Cours que de Prouinces. La Cour du Comte de Prouence, celle du Comte de Tholose, celle du Comte de Flandres, du Comte de Champagne, et autres Princes, et Seigneurs qui tous tenoient leurs rangs et grandeurs à part, ores que la plus part d’eux recogneussent nos Roys pour leurs Souverains. De là vint que ceux qui auoient quelque asseurance de leurs esprits, escriuoient au vulgaire de la Cour de leurs Maistres, qui en Picard, qui Champenois, qui Prouençal, qui‘ Tholozain, tout ainsi que ceux qui estient à la suite de nos Roys, escriuoient en langage de leur Cour. Auiourd’huy il nous en prend tout d’vne autre sorte. Car tous ces grands Duchez et Comptez, estans vnis à nostre Couronne, nous n’escriuons plus qu’en vn langage, qui est celuy de la Cour du Roy, que nous appellons langage François. Et ce qui nous oste encore dauantage la cognoissance de ceste ancienneté, c’est que s’il y eust vn bon liure composé par nos ancestres, lorsqu'il fut question de le transcrire, les copistes les* copioient non selon la naïfue langue de l’Autheur, ains selon la leur. Je le vous representeray par exemple : entre les meilleurs liures de nos deuanciers, ie fais estat principalement du Roman de la Roze. Prenez en vne douzaine escrits à la main, vous y trouuerez autant de diuersité de vieux mots, comme ils sont puisez de diuerses fontaines.

Il n’est pas dit que tout ce que nous auons changé de l’ancienneté, soit plus poly, ores qu’il ait auiourd’huy cours. Nos ancestres auoient pris de Verus, et Vera, Voir et Votre, dont il ne nous est resté que les aduerbes, voire, et voirement : Nous en auons fait vos vray et vraye qui sont beaucoup plus rudes, et de difficile : prononciation que les premiers. Nous disions aux preterits parfaits de ces verbes, Tenir et Venir, Tenit et Venit, lesquels on eschangea depuis en Tiensit et en Viensit, finalement nous en auons fait Tint et Vint, en ces mutations allans lousionrs en empirant : car il ne faut faire de doute que Tenit, et Venit ne fussent selon les reigles de la Grammaire meilleurs et plus naturels.

J’ay remarqué plusieurs belles paroles anciennes, dont les aucunes sont du tout perduës par la nonchalance, et les autres changees en pires par l'ignorance des nostres. Nos ancestres vserent de

1 Gr. ( 16 fin.

? Les, ou faute d'impression pour le, où l'auteur rapporte le pronom à l'idée générale des livres qu’on copie.

Barat, Guille, et Lozange, pour Tromperie, et Barader, Guiller, et Lozanger, pour Tromper : Dictions qui nous estoient naturelles, au lieu desquelles nous en auons adopté des Latines, Dal, Fraude, Circonuention: Vray qu’encores le commun peuple vse du mot de Barat : Afin cependant que ie remarque icy en passant que comme nos esprits ne sont que trop fertils, et abondans en tromperie, aussi n’y a-il parole que nous ayons diuersifiee en tant de sorte que ceste-cy : Parce que Guille, Losange, Barat, Malengiu, Dol, Fraude, Tromperie, Circonuention, Deceplion, Surprise, et Tricherie, denotent ceste mesme chose. Le Roman de Pepin dit Enherber, nous Empoisonner. Le mesme Roman, et encores le Comte Thibaut de Champagne en ses amours Maleir, pour ce que nous disons Mauldire. Le vieux valoit bien le nouueau, si nous voulons nous arrester à l’analogie de beneir qui est son contraire. Nos predecesseurs dirent grigneour puis grigneur, dont encores est faite frequente mention dans quelques anciennes coustumes - Nous disons plus grande, et meilleure part, rendans en deux mots ce qu’ils comprenoient sous un seul. Nous disons auiourd’huy Magistralemént, Hugues de Bersy, Maistrement, qui est moins Latin. Nous vsons du mot adiourner, quand nous faisons appeler vn homme en iustice par la semonce d’vn Sergent, le Roman de Pepin en a vsé pour dire que le iour estoit venu, qui n’estoit pas trop mal propre‘; nous en auons perdu la naïfueté, pour la tourper en chicanerie. Dans le mesme Autheur Hosteler, pour loger, qui n’estoit pas moins bon que le nostre: Malotru est dedans Hugues de Bersy : barguigner, mot aussi familier entre les marchands, que chicaner entre les praticiens, est dans le Huon de Mery en son tournoy de l’Antechrist, ces deux se sont perpetuez entre nous iusques à huy. Le Latin a dit Ambo et Duo, pour denoter le nombre de deux : De ces deux mots l'Italien a fait vn ambedue, et dans le Roman de la Roze ie trouue pour pareille signification ambedeux, mot qui n’est plus en nostre vsage : Endementiers auoit eu vogue iusques au temps de Jean le Maire de Belges, car il en vse fort souuent, pour ce que nous disons par vne Periphrase, en ce pendant, Joachim de Bellay dans sa traduction des quart, et sixiesme liures de Virgile le voulut remettre sus, mais il n’y peut

iamais paruenir. Nessum, pour nul, Ades pour maintenant. Nous les auons resignez à l'Italien aussi bien que lozenger qui estoit à dire tromper, en ces mots, Nessuno, Adesso, Luzingar. Le Caltiuo Italien, et le chetif François symboliserent, comme semblablement . Albergar, et heberger, ie ne sçay si l’Italien le tient de nous, ou nous de luy. L’Ttalien dit Schifar parce que nous dismes anciennement Escheuer, et auiourd’huy Esquiuer. Ce que nos anciens appelerent Heaume, on l‘appella sous François premier, Armet, nous le nommons maintenant Habillement de teste. Qui est vne vraye soltie de dire par trois paroles ce qu’vne seule nous donnoit. Ainsi est-il de Tabour, que les soldats appellent maintenant Quesse 1, sans sçauoir dire pourquoy. Ainsi de l’Estendart, Banniere, ou Enseigne, que nous disons auiourd'huy Drapeau. Vray qu’il est plus aisé d’en rendre raison que de l’autre : Cela estant prouenu d’vne hypocrisie ambitieuse des Capitaines, qui pour paroistre auoir esté aux lieux, où l’on remuoit les mains veulent representer au public leurs enseignes deschirees, encores que peutestre il n’en soit rien. Dans les liures de la discipline Militaire de Guillaume de Langey vous ne trouuerez ny corps de garde, ny sentinelle, ains au lieu du premier il l'appelle le Guet, et le second estre aux escoutes. Ces deux qui estoient de tres-grande et vraye signification se sont eschangez en corps de garde et sentinelle; et nommement le mot d’escoule estoit plus significalif que celuy de sentinelle dont nous vsons. De mon temps i’ay veu plusieurs mots mis en vsage, qui n’estoient recogneus par nos deuanciers. Et peut estre le mesme mot de Deuancier. Le premier qui mist en œuure Auani-propos pour Prologue, fut Louys le Charond en ses Dialogues, dont on se moquoit du commencement : Et depuis ie voy ceste parole recüe sans en douter * : Non sans cause. Car nous auons plusieurs mots de mesme parure, Auant-garde, auant-1eu, auant-bras, et croy qu’il y avoit plus de raison de dire Auantchambre, que ce que nous disons Antichambre. Il voulut aussi d’un Jurisconsulte. Latin, faire en nostre langue vn Droict-conseillant, mais il perdit son Francois. Piafer, que l’on approprie à ceux qui vainement veulent faire les braues, est de nostre siecle, comme

t Caisse. ? Sans balancer.

aussi aller à la Picoree , pour les gensd’armes qui vont manger le bon homme aux champs, faire vn affront pour brauer vn homme, la populace, mot qu'auons esté contrainct d’innouer par faute d’autre pour denoter vn peuple sot. Le premier où i’ay leu Courtizer, est dans la Poësie d’Oliuier de Maigny. Parole qui nous est pour le iourd’huy fort familiere. Je n’auois iamais leu Arborer vne enseigne pour la planter, si non aux ordonnances que fit l’Admiral de Chastillon, exerçant lors la charge de Colonnel de l’infanterie, mot dont Virginelle a vsé en l’histoire de Villardoüin, Nous auons depuis trente ou quarante ans emprunté plusieurs mots d'Italie, comme Contraste pour Contention, Concert, pour Conference, Accort, pour Aduisé, Enconche, pour en ordre, Garde, pour ie ne sçay quoy de bonne grace, faire vne supercherie à vn homme, quand on luy fait vn mauuais tour à l’impourueu. En l'escrime nous appelons Estramassons, des coups de taille. Le Pedant, pour va maistre és Arts mal appris, et facon Pedantesque, en consequence de ce mot. Comme aussi nous auons quitté plusieurs mots François qui nous estoient tres naturels, pour enter dessus des bastards. Car de Cheualerie nous auons fait Cauallerie, Cheualier, Caualier, Embusche, Embuscade, attacher, l’escarmouche, attaquer, au lieu de bataillon, nous auons dit Escadron; Et pour nos pietons ou auanturiers anciens, nous ne serions pas guerriers si nous ne disions Infanterie, mots François que nos soldats voulurent italianiser, lors que nous possedions le Piedmont, pour dire qu’ils y auoient esté : et de malheur aussi quittasmes nous nos vieux mots de fortification, pour emprunter des * nouueaux Italiens. Parce qu’en telles affaires les Ingenieurs d’Italie sçauent mieux debiter leurs denrees que nous autres François. Il n’est pas que n’ayons mis sous pieds des paroles, qui estoient de quelque honneur, pour donner cours à d’autres de moindre valeur. Le mot de Valet anciennement s’adaptoit fort souuent à titre d’honneur pres des Rois : Car non seulement on disoit Valets de chambre, ou Garderobe, mais aussi Valets Trenchans, et d’Escurie. Et maintenant le mot de Valet se donne dans nos familles à ceux qui entre

‘ On composa au XVIme siècle une pièce sur La Défaite et occision de la Piaffe et de la Picquorée et bannissement de Mars. La Piaffe et la Picquorée, suivantes de Mars, sont tuées au troisième acte : la pièce en a cinq.

2 Gr, Ç 49.

nos seruiteurs sont de moindre condition, et quasi par contemnement et mespris. Vray est qu’il auoit vn valet, qu’on appelloit n1hil valet, dit Marot en se mocquant. La Chambriere estoit destinee pour seruir sa maistresse en la chambre : Maintenant les Damoiselles prendroient à honte d’appeler celles qui les suiuent Chambrieres : ains les appellent Seruanies. Mot beaucoup plus vil que l'autre que l’on approprie à cellés qui seruent à la cuisine. Le nom de Grand Bouteiller estoit vn office de la Couronne, comme celuy de Conestable : Auiourd’huy non seulement la memoire en est oubliee en la Cour du Roy, mais il n’y a rien de si bas que la charge de Bouteiller. Et pour ceste cause ceux qui sont auiourd’huy en telles charges, sont appellez Sommeliers. Vne vieille dotation faicte à l’hospital de Mascon en May 1323 par Barthelemy de Cheuriere eschanson du Roy, l’appelle en Latin Bartholomeus Caprarij Scancio domini nostri Regis. Qualité qui succeda à celle du grand Bouteiller. Nous auons accreu nostre langue de plusieurs nouuelles dictions tirees de nous-mesmes, comme pour exemple, de Chemin, nos predecesseurs firent acheminer, de compagnon, accompagner, de raison, arraisonner : Comme au contraire vne negatiue en adioustant De, Car ils dirent de saison, desaisonner, mais de nostre temps nous y apportasmes plus de liberté : Parce que dEffect, Occasion, Violent, Diligent, Patient, Medicament, Facile, Necessité, Tranquille, nous fismes Effectuer, Occasionner, Violenter, Diligenter, Patienter, Medicamenter, Faciliter, Necessiter, Tranquilliter. Je n’ay point encore leu possibiliter, de possible ; Il n°est pas que Montagne en ses Essaiz, et Ronsard en la derniere impression de ses œuvres (auant qu’il mourut) n’ayent par vne nouueauté fait vn nouuel Ainsin : Car lors que ce mot est suiuy d’vne voyelle immediate, ils mettoient vne N. derriere, pour oster la Cacophonie. Si ces nouueautez enrichissent ou embellissent nostre langue, ren laisse le iugement à la posterité, me contentant de marquer ces chaches, pour monstrer ie ne sçay quoy de particulier en nous, qui n’estoit point en nos ayeuls.

Chacun se fait accroire que la langue vulgaire de son temps est la plus parfaite, et chacun est en cecy trompé. De ma part ie ne doute point que Hugue de Bersy, Huon de Mery, Jean deS. Cloct, Jean de Niuelet, Lambert Licors, et tous nos vieux Poëtes, n’eussent iamais mis la main à la plume, s'ils n’eussent estimé rendre

leurs œuvres immortelles : Lesquelles neantmoins ont esté enseuelies dans les ans par le changement du langage. Ne restans plus de tous leufs escrits qu’vne carcasse. Et Lorry mesmes, et Clopipel fussent aussi au tombeau, si Marot ne les en eust garentis par le langage de nostre temps qu’il leur donna. Quoy doncques ? Dirons-nous que les langages ressemblent aux riuieres, lesquelles demeurans ‘ tousiours en essence, toutes-fois il y a vn continuel changement des ondes : aussi nos langues vulgaires demeuraps en leur general, il y ayt changement continu de paroles particulieres, qui ne reuiennent plus en vsage ? Je vous diray ce que ren pense. Je croy que l’abondance des bons Autheurs, qui se trouuent en vn siecle, authorise la langue de leur temps par dessus les autres : On a recours à leurs conceptions originaires, qu'il faut puiser d’eux. Le vulgaire de Rome fut en sa perfection sous Ciceron, Cesar, Saluste et Virgile. Le Toscan sous Petrarque, et Bocace : Et combien que le temps apportast changement à ces deux langues, toutes-fois leur perfection a esté tousiours FARPOFIEE: au temps de ces grands Maistres.

Désordre de la France sous Charles VI ; Fermeté du Parlement.

La France estant bigarree en deux ligues, le vingt deuxiesme May en l’an mil quatre cens dix huict, l'Isle Adam, l’vn des Capitaines du Duc de Bourgongne, surprit la ville de Paris par l’intelligence de quelques bourgeois, exercant depuis tant de cruautez contre ceux qui portoient le party contraire, que la memoire en est encore toute sanglante : et furent mesmement la plus part des Seigneurs du Parlement contraints de prendre la fuite auecques nouueau conseil de s’habituer sous l’authorité de Charles Dauphin de France, en la ville de Poictiers, où fut fait vn Parlement qui dura iusques en lan mil quatre cens trente six. Les choses ne pouuoient estre en pire estat qu’elles estoient. Vn Duc

de Bourgongne faisoit le Roy, le Dauphin estoit banny de Paris, l’Anglois au milieu du Royaume, la Noblesse de France, ou morte, ou prise à Azincour, grands meurtres commis par l'Isle Adam et ses complices, mesmes contre les principaux Magistrats de la France, la fuite des autres Seigneurs du Parlement deuoit rendre ceux qui estoient demeurez dans Paris peu asseurez. Ce neantmoins tous ces miserables obiets ne peurent iamais flechir cetie Cour, que tousiours elle ne portast sur les espaules (ainsi qu’vn Atlas la voute du Ciel) les priuileges de nostre Eglise Gallicane contre tous les assauts que l’on luy voulut puis apres liurer, qui ne furent pas petits. Car les Bourguignons qui possedoient le Roy, pour l’imbecillité de son cerueau estoient bien contens de se preualoir encontre leurs ennemis de la faueur de l’Eglise de Rome, ayans mesmement attiré à leur cordele la plus part des Chefs principaux de l’Vniuersité, laquelle de là en auant commença de saigner du nez, ne se rendant plus si ferme protectrice de nos priuiléges, comme elle auoit fait autresfois. Mais la Cour de Parlement supplea à se defaut, comme si toute la force et vertu de France se fust lors accueillie au cœur de cette compagnie. Le Duc de Bourgongne n’eust pas si tost mis à execution toutes les cruautez qu’il fit exercer dans Paris par l’entremise de l’Isle Adam, que soudain le Roy depescha vn Edict de la reuocation de l’Ordonnance faite en faueur des Ordinaires. Sur quoy par Arrest du treiziesme Mars mil quatre cens dix huict, fut dit que l’on en escriroit au Roy, et par mesme moyen le Procureur general s’oppose à la publication de ces lettres : le vingt-neufiesme du mesme mois le Chancelier vint à la Cour pour les faire publier : le lendemain la Cour opine en sa presence, et s’en trouuerent vingt-neuf (qui estoient plus que les deux parts, dont les trois faisoient le tout) qui furent d'aduis qu’on ne les deuoit publier sans ouyr le Procureur general en son opposition : le Chancelier remonstra, que le vouloir du Comte de Saint Pol Gouuerneur de Paris, qui lors auoit toute la force en main, estoit qu’elles fussent publiees, et que s'ils ne le vouloient faire, il l’en aduertiroit, pour sa descharge. Cette menace d’vn Courtizan, ne les fit changer d'opinion. Qui‘ fut cause qu’vn jour apres, le Chancelier retourna au Parlement, ac-

4 Gr. S 16.

compagné du Comte de Saint Pol, lesquels firent de puissance absoluë publier ces lettres, sans ouyr le Procureur General, lequel se comporla en cecy si vertueusement, qu’il ne se voulut du. tout trouuer à cette publication et commanda le Chancelier mettre sur le reply des lettres l’ancien, Lecta publicata : mais il ne fut si tost party que la plus part des Conseillers vindrent au Greffier remonstrer, que puis que ce qui auoit esté fait, c’estoit contre la deliberation de la Cour, il ne deuoit mettre le Lecta, ou pour le moins deuoit inserer clause, par laquelle il apparust que la Cour p’auoit approuué cette publication : mais il respondit qu’il n’estoit que simple ministre, et qu’il se garderoiïit de mesprendre. Au moyen de quoy, le premier iour d’Auril, toutes les Chambres assemblees, fut dit que par cette publication, la Cour n’entendoit approuuer ces lettres comme estant passees par force. Recherchez telle constance qu'il vous plaira en toute l’ancienneté, vous n’en trouuerez point de plus grande. Les dons et Indults du Pape pe l’auoient autresfois peu fleschir, et lors les intimidations, et les armes n’eurent non plus de puissance enuers cette compagnie. Ne pensez point que cet Arrest ne fust depuis de grande force et effect contre les furieux assauts des plus grands.