OLIVIER DE LA MARCHE

Orphelin de père, à l'âge de treize ans. Olivier de la Marche entra comme page au service du duc de Bourgogne Philippe le Bon, père du comte de Charolois, depuis, Charles le Téméraire. Il découvrit le plan de Louis XI d'enlever le prince et le dénonça. Son maitre reconnaissant refusa de le livrer au roi de France, qui l'accusa de calomnie. Olivier demeura toute sa vie attaché à la maison de Bourgogne et en fut récompensé par des honneurs. Il a écrit un grand nombre d’ouvrages, entre autres des Mémoires qui vont de 1435 à 1492. On lui a reproché, comme historien, sa partialité pour la Bourgogne. Chevalier et l’ame remplie de sentiments chevaleresques, il se plait singulièrement à peindre les faits d'armes, les combats singuliers et tout ce qui portait encore les dernières empreïntes de la chevalerie. Ses descriptions ont de l'agrément, mais sont prolixes, ainsi que le style. Son langage n'a ni le nerf ni la pureté de Comines, son contemporain ; il est quelquefois entaché de provincialismes du Haïnault.

Comment messire Jaques de Bourbon, comte de la Marche, mary de la derniere royne Jehanne de Naples, se rendit cordelier à Besancon. — 1435.

Pour ce que Dieu et ses glorieux faicts doyvent estre commen-

cement de toutes bonnes œuvres, de tant je le loue et gracie, qu’au commencement de mon aage, et du premier temps que je puis entrer en matiere, et bailler ramentevance digne d’escrire, la premiere chose, dont je puis parler, est devote et de saincte memoire : et, combien que je ne veisse reellement que l’effect de cest aventure, toutesfois il m'est force de deviser dont proceda le par avant : et n’est pas à entendre, pourtant, que je corrompe ce

que j’ay dit, de non parler que de ce que j'ay veu : car (comme dict est) par les commencemens, s’eclaircira et sera donnee à cognoistre chacune matiere : où je n’enten de declairer, et descrire, que toute verité. En ce temps, où je commence par l’an 35‘, estoit duc de Bourgongne le bon duc Philippe, fils et successeur du duc Jehan, occis à Montereau, et pere du duc Charles, mon souverain signeur et maistre : du temps duquel Charles j’ay commencé à escrire ces presens Memoires. Pour lors de l’an dessusdict vivoit en Bourgongne un noble et puissant signeur, le signeur de Sainct-George, le Sage : et vrayement bien se devoit sage nommer : Car il augmenta sa maison, d’avoir et d’aliances : et fut chevalier de la Toison d'or : et se maria en grande et signeurieuse maison : et se mainteint si hautement, tant à la court du duc Jehan de Bourgongne, comme à celle du bon duc Philippe, mesme au païs de Bourgongne, et en toutes pars, qu’il estoit tenu et appelé du nombre des sages et des grands; et apres luy vint messire Guillaume de Vienne, son fils: qui vendit et engagea toutes ses belles signeuries, par faute de sens et de conduitte : et mourut à Tours en Touraine : et laissa son fils heritier, Jehan de Vienne : qui encore valut moins de vertu. et de personnage. Ainsi par ces deux a esté la noble maison de Sainct-George destruitte et mancipee, mais non pas celle de Vienne : car encores, Dieu merci, en y a, qui honnorablement se conduisent.

Deux choses me font toucher de celle maison de Sainct-George. L'une est regret en amour : et l’autre est pour donner à entendre comment, ne* par quelle maniere, je vein premierement au lieu, où je vei ma premiere ramentevance : et est vray qu’en l’an de nostre Signeur, courant 1434, se meut une guerre, et une question, entre aucuns signeurs d’Alemaigne et ledict signeur de Sainct-George, le Sage, dessus dict, pour la terre et signeurie de Jou*, en Bourgongne, que tenoit et possessoit ledict signeur : et pour ceste cause fut envoyé, mon pere (qui se nommoit Philippe de la Marche), à tout certain nombre de gens de guerre, audict chastel de Jou, de par ledict signeur de Sainct-George : pour ce que ladicte place est sus la fin de la comté de Bourgongne, et

2 Gr. ( 105.

3 Jonx.

marchit‘ aux Alemaignes, et principalement à la comté de Neufchastel : dont le comte estoit un des principaux demandeurs.

Or, pource que mon pere pensoit que la guerre, et sa commission, fust chose de longue duree, il mena tout son menage celle part: et, quant à moy, je fu mis à l’escole, en une petite bonne vile, à une lieue dudict Jou (laquelle vile se nomme Pontarli) et fu mis en la maison d’un gentilhomme, nommé Pierre de Sainct- Moris : qui avoit plusieurs enfans et neveux : qui pareillement aloyent à l’escole, et dont depuis nous sommes retrouvés* de celle nourriture à l’hostel du prince, et ses serviteurs domestiques, et principalement Jaques de Fallerans, et Estienne de Sainct-Moris: qui ont esté tenus et reputés deux tresvaillans escuyers, de leurs personnes.

Si pouvoye pour lors avoir l’aage de huict à neuf ans : et en celuy temps vint, au dict lieu de Pontarli®, le comte de la Marche, Jaques de Bourbon : qui avoit esté roy de Naples, et avoit renoncé au royaume, à la couronne et au monde, pour prendre l’habit de Sainct-François, et devenir cordelier de l’observance : et tiroit à Besançon : auquel lieu il vescut, depuis, longuement cordelier : et de son cas, et de son estat, je deviseray cy-apres : qui‘ fut tel qu’il s’ensuit. Peu de temps avant trepassa de ce siecle le roy Lancelot de Naples, et ne laissa nuls enfans de son corps : mais demoura royne et heritiere du royaume de Naples, et de Sicile, une sienne sœur, nommee madame Jouvenelle. Celle royne se maria à. un moult bel et vertueux chevalier, du sang royal de France, et de la maison de Bourbon, de nom et d’armes: et se nommoit messire Jaques de Bourbon, comte de la Marche: et par iceluy mariage fut celuy de Bourbon roy de Sicile et de Naples.

Cesite royne Jouvenelle fut de tresgrant esprit, et dame qui sçavoit et valoit beaucoup, et dont le royaume, en generalité, se tenoit fort content : et par aucun temps ”® le roy Jaques et elle regnerent à Naples, en grande prosperilé, amour, et union : mais, par succession de temps, celle union se changea, et mua entre

1 Gr. 6 25.

2 Gr, 67.

3 Pontarlier.

4 Gr. 61.

5 Gr. (19 et 39.

eux deux, en soupson et defidence : dont j’ay ouy recorder diversement. Les uns disoyent que le roy Jaques vouloit trop maistrisamment vivre avec elle, tant sur le gouvernement du royaume, comme sur ses plaisances et passe-temps. Autres disoyent que la Royne ne prit pas bien en gré aucunes assemblees de dames, par maniere de festimens, que journelement faisoit le Roy : dont elle conceut aucune jalousie : qui moult empira le repos des courages de chacune partie.

Fust par l’une ou par l’autre voye, il advint que, par succession de temps, elle, se voyant Royne et dame de la terre, aimee et obeïe de tous, et congnoissant que son mari estoit estranger, non Roy, ne Signeur en celle signeurie, que par elle, soubtivement, et par grande malice, se feit forte de ses gens et sugets, et prit et emprisonna le roy Jaques son mari, et le mit en l’une des plus fortes tours du chastel de Constans, en Naples : auquel chastel il demoura longtemps prisonnier et enfermé : et toutesfois luy monstra ladicte Royne telle amour et affection par longue espace, qu’elle mesme lui portoit et bailloit les mets de son boire et de son manger, doutant qu'autre, non sachant l'amour qu’elle luy portoit, et cuidant complaire à elle, ne l’empoisonnast. Tant dura celle estrange amour, et ceste seureté, sous main fermee et close, qu’elle eslongna privauté : et par fois se tenoit la Royne en autres de ses palais, et de ses chasteaux : et le roy Jaques (qui moult bel chevalier estoit, et en fleur d’aage), s’ennuyoit de celle prison, et avoit regret d’user sa vie en telle captivité.

Si s’appensa que la mer flotoit assez pres d’iceluy chastel : et tant soubtiva aveques aucuus de sa fiance, qu’un petit battel luy fut amené : où il entra secretement : et se tira jusques hors du royaume : où il demoura certain temps: et disent les aucuns, qu’il eschapa par soubtiveté, et par aide de serviteurs et d’amis : et autres disent, et me semble assez vraysemblable, que la Royne, (qui ne vouloit ne sa mort, ne sa compaignie) avoit fait jouer et consentir le personnage * de son eschapement et de sa delivrance.

Longuement demoura le roy Jaques en Italie en grand regret, et à peu de plaisance : toutesfois menant moult belle et honneste vie de sa personne: et en lieu des pompes, et grandes cheres passees, il prit le ply et la devotion de mener vie contemplative et

i Lex.

ne P. 5

tresdevote. En celuy temps regnoit une moult saincte et devote femme, religieuse de Saincte Claire, au païs de Bourgongne, nommee sœur Colette. Celle femme aloit par toute la chrestienté, menant moult saincte vie, et edifiant maisons et eglises de la religion Sainct François et de Saincte Claire : et ay esté acertené que par son pourchas, et par sa peine, elle avoit edifié, de son temps, trois cens quatre vingt eglises de femmes, encloses et enfermees : dont il advint que celle sœur Colette fut advertie du cas du roy, Jaques, ou par la voulonté de Dieu, ou par raport, ou autrement : et pourtant se trouva devers luy, et tant luy monstra des variances du monde, et des tours et retours de fortune, ensemble de la brieveté de ceste mortelle vie, qu'il prit confort en son adversité, advis sur les dangers à venir, et resolution d’attendre la mort asseuree, au chemin, et en la voye de religieuse penitence : et se delibera de prendre l’habit de Sainct François, et de se rendre en l’observance, en la tierce ordre (car encores vivoit la Royne sa femme) et choisit le lieu de sa demoure à Besanson en la comté de Bourgongne. Ce qu’il fit et executa : et de present je me tay de parler et d’escrire de tels commencemens, par moyens non veus, pour deviser ce que j’ay veu de ceste matiere et comment, ne par quelle maniere, il entra au lieu de Pontarli: où je fu present.

D'un combat à outrance, faict entre deux bourgeois de Valenciennes, en la presence du duc Philippe de Bourgongne, comte de Hainaut.

En continuant ma matiere, le bon duc se partit de ses païs de Bourgongne : et vint tout droit à Valenciennes : auquel lieu il trouva la bataille preste entre deux hommes, pour franchise de vile : et devez savoir que la vile de Valenciennes est fondee sur privileges, donnés par les empereurs, et par les comtes de Haipaut : et, entre autres, ils ont un privilege, que quant un homme a occis un autre de beau faict (c’est-à-dire en son corps deffendant), il peut venir demander la franchise de Valenciennes, et qu'il veut maintenir, à l’escu et au batton, qu’il a faict le faict de beau faict : et sur ce luy est accordee la franchise : et ne luy peut nul rien demander pour ceste querelle : sinon qu’on le prenne et

maintienne‘ à l’escu et au batton (comme dict est), et devant la loy de la vile. |

Or, pource que telles choses n’aviennent pas souvent, le bon duc s’arresta à Valenciennes, pour veoir celle bataille : et fut vray qu’un nommé Mahuot avoit tué un parent de Jacotin Plouvier : et à ceste cause ledict Jacotin poursuyvit ledict Mahuot devant la loy de Valenciennes : et disoit qu’il avoit meurdry son parent, par aguet, non pas de beau faict, et que ce que luy vouloit ledict Jacotin prouver, et monstrer, à l’escu et au batton, selon la franchise de la ville : et de ce fut grand proces tenu devant la loy: et, fin de compte, fut jugé et dit, que le gage de bataille * y estoit manifeste : et furent pris tous deux par la justice, et mis chacun en prison fermee à part : et attendirent si longuement, que le duc revint des Alemaignes : et se trouverent le pere et le fils à Valenciennes, pour veoir l’execution des deux champions: combien que le duc n’estoit point juge en ceste partie : mais l’estoyent, et sont, ceux de la vile: et à la verité, ils tindrent moult belle ceremonie à la bataille des dessusdicts : et, combien que j’aye parlé de ceste matiere au voulume que j’ay fait du gage de bataille, toutesfois ne me puis je tenir, ne passer, que je ne die aucune chose de ce que je vey en ceste bataille.

Les principaux assistans furent le prevost du comte, et le prevost de la vile : et fut, pour ce jour, prevost du comte, messire Gilles de Harchies, signeur de Belligniers, et, prevost de la vile, un notable bourgeois, nommé Merciot du Gardin : et tenoyent ces deux la gravité et ceremonie du camp: et de l’ordre de la vile, deux gentils-hommes avoyent le regard‘ aux portes. Le peuple estoit grand sur le marché : et estoit conduit par un, nommé Nicolas du Gardin, qui se tenoit en une garne, à l’hostel de la vile, à tout un grand batton: et, s'il voyoit que le peuple se derivast, ou muast en rien, il feroit de son batton : et crioyt, guare le ban, et sur ce mot chacun se tenoit quoy® et doutoit * Ja punition

{ Qu'on l’oblige à se battre.

? La condition légale pour autoriser le combat.

3 L'exécution du combat par les deux champions. 4 Lex.

5 De ferir.

de justice : et à la verité tout le peuple et ceux de la vile estoient pour Mahuot, en courage: pource qu'il combatoit pour la querelle de la vile. Or avons devisé de l’ordre de ladicte vile : et faut escrire du faict de la lice, et du champ clos, et comme les champions se maintindrent en ceste bataille.

Ce champ clos estoit rond, et n’y avoit qu’une entree : et tantost ceux de la vile firent apporter deux chaïzes, couvertes de noir, mises et apposees à l’opposite l’une de l’autre : et tantost apres entra Mahuot en ladicte lice, et s’alla seoir en sa chaize : et n’arresta gueres que Jacotin Plouvier vint de l’autre part, qui semblablement s’asseit en la chaize pour luy preparee. Les champions estoyent semblables d’habillemens. Ils avoyent les testes rases, les piés nus, et les ongles coupés, des mains et des piés : et, au regard du corps, des jambes, et des bras, ils estoyent vestus de cuir bouilli, cousu estroittement sur leurs personnes: et avoyent chacun une bannerolle de sa devotion en sa main : et tantost entrerent ceux de la loy commis à ce: qui portoyent un grant messel : et feirent le serment l’un contre l’autre: c’est assavoir que Mahuot jura qu’il avoit tué son homme de beau faict : et Jacotin Plouvier jura le contraire: et tantost leur furent apporté à chascun un escu, peint de vermeil, à une croix de sainct George : et leur furent baïllés les escus la pointe dessus : et me fut dict, que, quand le plus-noble homme du monde combatroit à Valenciennes, il n’auroit autre avantage, sinon que la pointe de son escu seroiten bas, et pourroit porter son escu, comme un noble homme le doit porter. Zfem leur furent baïllés deux battons de mesplier, d’un poix et d’une grandeur : et puis furent les chaizes ostees, et mises hors de la lice : et s’en retournerent ceux de la loy, et laisserent les champions l’un devant l’autre : et le prevost de la ville rua le gand, qui avoit esté getté pour faire ladicte bataille : et cria, chacun face son devoir.

Et prestement se leverent les champions, et coururent sus l’un à l’autre, moult-vigoureusement: et devez entendre que les champions demanderent à ceux de la loy trois choses : à sçavoir sucre, cendres, et oincture : et premierement leur furent apportés deux bacins, plains de graisse : dont les habillements, que chacun d’eux avoit vestus, furent oingts et engraissés : afin que l’un d’eux ne peust prendre prise sur l’autre. Secondement leur furent apportés

deux bacins de cendres, pour oster la graisse de leurs mains : afin qu'ils peussent mieux tenir leurs escus et leurs battons : et tiercement fut mise, en la bouche de chacun d’eux, une portion de sucre, autant à l’un comme à l’autre, pour recouvrer salive et aleine : et de chacun des trois leur fut faict essay devant eux, comme devant deux princes.

Or, combien que le dict Mahuot ne fust si grant ne si puissant de sa partie‘, toutesfois vigoureusement il puisa du sablon, et le getta aux yeulx et au visage de Jacotin Plouvier : et de ce coup luy donna de son bation sur le front : dont il luy fit playe et sang. Mais ledict Jacotin (qui estoit homme fort et puissant) poursuivit tellement et si aigrement sa bataille, que le dict Mahuot fut abatu à bouchon ?: et Jacotin Plouvier luy saillit dessus: et fut la bataille à ce menee, que ledict Jacotin creva les deux yeux à son adversaire : et puis luy donna un grand coup de son batton : dont il Passomma : et le mit hors de la lice: et en ce faisant mourut le dict Mahuot : et fut condamné à estre mené au gibet et pendu : et ainsi finit la bataille entre Jacotin Plouvier et Mahuot. Si soit pris en gré ce que j’ai sceu ramentevoir de ceste matiere.

Combat entre Jacques de Lalain et un écuyer anglais.

Un escuyer anglois, nommé Thomas, passa la mer en ce temps et vint à Bruges pour combatre messire Jacques de Lalain, comme il luy avoit promis au lieu de Sandwic, ainsi qu’il est cydessus escrit et declairé. Ledict messire Jacques fut moult joyeux de sa venue, et furent les lices preparées sur le vieil marché de Bruges, et au jour qui fut baïillé par le duc de Bourgongne, juge en cette partie, le Duc et sa seigneurie vindrent sur la lice, qui mout noblement estoit parée, et n’est pas à oublier que sur le pavillon qui fut tendu pour ledict messire Jacques de Lalain avoit ua cerf couché, de brodure. Celuy cerf portoit seize cors, et à

{ Gr. ( 55.

3 Lex.

chacun cor avoit une banniere dont estoit issu le dict Lalain, et dont les deux premieres furent du pere qui estoitchef, et seigneur de Lalain, et l’autre de Crequy du costé de la mere. Ainsi monstra messire Jacques trente-deux bannieres, dont il estoit yssu directement du pere et de la mere, sans entremesler entre les deux mariages aucune alliance d’autre nature ou condition, fors tousjours de banniere en banniere, comme dictest. À la requeste de l’escuyer anglois, la comtesse d’Estampes, ettoutes les dames dela court furent presentes à veoir icelles armes : mais la duchesse n°y voulut point estre : n’aussi je ne l’avoye jamais veu avenir, et mesmement à faire armes de pied. Toutesfois les dames y furent à ceste fois. L’Anglois estoit accompaigné de tous les chevaliers et escuyers de lPhostel de la duchesse , et se presenta tout desarmé, et puis tira en son pavillon. D’autre part vint messire Jacques de Lalain, accompaigné du baron de Beaujeu, neveu du duc, et d’autre moult grande signeurie, ses parens et amis : et me souvient que, pour faire honneur au noble chevalier, ledict signeur de Beaujeu, le signeur de Ravastain, le bastard de Bourg, et moult d’autres signeurs et nobles hommes, s’estoyent parez de robes de satin gris et pourpoints de cramoisi, et venoyent deux à deux devant le chevalier, qui estoit adextré des deux princes dessus dicts, cousins germains. Îl estoit vestu d’une longue robe de cele pareure, et estoit armé de son harnois de jambe seulement: et à l’entree de la lice, se signa à pié, et en tel ordonnance marcha jusques devant le duc, son souverain seigneur et juge, qui le receut : et s’en retourna en son pavillon, Devoirs, criz et ceremonies furent faictes : et tandis chacun champion envoya presenter son batton au juge : car chacun pouvoit porter tele hache, et de tele façon que bon lui sembloit : mais le bon duc avoit accoustumé, luy mesme, de visiter les battons dont l’on devoit devant lui combattre ou faire armes: pour ce que pour rien n’eust voulu soufrir que soulz son jugement nulle chose mal enseigneuse, ou de fraude, eust esté faicte. Messire Jacques fit presenter une longue hache, à poincte dessus, et d’un costé un bec, qu’on dict de faucon, et de l’autre un mail rond, à trois poinctes de diamans : et au dessous de la hache, une bonne forte dague : et la hache de l’Anglois fut une forte hache, pointue dessous, et un grant taillant d’un costé, et de l’autre un long mail: et plus bas avoit rondelle, pour la garde de

la main : et dessous fut pointue d’une courte dague. Les battons furent rapportez et les gardes ordonnez. L’Anglois saillit hors de son pavillon, armé de toutes armes, sa cotte d’armes vestue, le bacinet en teste, la visiere bien close et fermée : et portoit sa hache, sa main dextre armee, couverte de la rondelle de la hache: et pouvoit-on legerement juger qu’il estoit deliberé de faire sa bataille de la teste de la hache. D’autre part saillit messire Jacques de Lalain, armé, sa cotte d’armes vestue : et en sa teste avoit une petite sallade de guerre, toute ronde, et avoit le visage et le col tout decouvert; et portoit sa hache pres de lui et à contrepoix ‘, pour assaillir et pour deffendre, duquel des deux bouts dont il verroit son advantage : et en marchant froidement, s’agenouilla devant le duc : et l’Anglois marchoit fierement et de grand courage : et à l’aborder, messire Jacques lui getta un estoc à la visiere de la queue de sa hache : mais il ne l’enferra point: et lAnglois feroit de toute sa force apres ledict messire Jacques, et feroit de mail, de taille, et d’estoc apres le visage, qu’il voyoit nu et decouvert: mais le chevallier scavoit marcher et demarcher, et estoit si adroit et si chevaleureux, que l’Anglois ne profitoit rien en son assaut ; et quand il voyoit son avantage, il donnoit à tour de bras de la teste de la hache sur le bacinet de l’Anglois : et par plusieurs fois l’atteindit de coups si poisans, qu’un moins puissant l’eust à grand meschef soustenu sans cheoir à terre : mais l’Anglois avoit assez* puissance, et beaucoup hardement et courage: et quand il veit que le chevalier l’assailloit si fierement; il amodera sa bataille ; et se gardoit et contregardoit froidement, plus quil n’avoit commencé : et messire Jacques poursuivoit moult fierement : et avint que ledict messire Jacques getta du bout d’embas de sa hache, pour cuider enferrer l’Anglois en la visiere : et l’Anglois jetta l’estoc de la teste de sa hache au devant du coup : et trouva par meschef, le gantelet du dict messire Jacques ouvert: et la dague trenchante et ague lui percea le bras senestre rez à rez de la main tout outre. Messire Jacques retira son bras (qui saignoit à moult grant randon) et cuida rempoigner sa hache, d’une grande demarche : mais il ne se peut de la main ayder, car il avoit les nerfs coupez ou grevez. Quand le bon chevalier se veit

t Eu la tenant en équilibre par le milieu.

"4 Gr. 108.

en tel parti, il mit sa hache sous son bras senestre , la queue devant, à la maniere qu’une femme tient le baton de quoi elle file, et de la main dextre à l’aide de la hache rabatoit tous les coups que lAnglois gettoit sur luy, fors d’estoc et de mail. Lequel Anglois avoit recommencé son assaut moult fier et moult aspre, et le chevalier levoit à la fois le bras blessé et secouoit le gantelet : et sembloit à d’aucuns qu'il le faisoit pour remettre son sang au corps, dont il perdoit largement : et sembloït à d’autres qu'il vouloit monstrer au duc son signeur et juge, qu'il ne luy aloit que bien, et qu’il leur laissast achever : et est bien besoing que je touche de la constance du bon juge, le noble duc dessusdict : car il ne faut pas ignorer qu’il n’aimast ‘ cordialement ledict messire Jacques, son suget et son serviteur, et telle aparence de chevalier, de beauté et d’epreuve, que l’on ne nommera nulle part de meilleur chevalier de * luy, et il le voyoit en tel danger, qu’il ne se pouvoit ayder que d’une main; et n’estoit pas à douter, si l’Anglois eust esté en tel danger ou pareil, que le duc n’eust incontinent rompu la bataille: mais il ne vouloit pas estre noté, en son jugement, d’avoir departi les champions, à l’avantage de l’estranger, et en contregardant son serviteur.

Si remit le tout en la fiance qu’il avoit en Dieu, et en la chevalerie de son chevalier : et laissa les armes parachever, selon le contenu des chapitres, et de l’emprise accordee et conclue par les parties : dont il advint que messire Jacques de Lalaïin (qui froidement et par grande assurance soustint l’assaut de l’Anglois) getta la queue de sa hache entre le corps et la hache de son compaignon, et entra pres de luy, et de l’entree, il rua le bras navré au col de son homme, et de la main dextre le prit par le gros du bacinet. L’Anglois estoit poisantement armé, et messire Jacques l’estoit legerement, et ainsi tira son compaignon de toute sa force, et d’une grande demarche, et de ce coup rua l’Anglois la visiere dedans le sablon et tout plat estendu, et prestement, sa hache au poing, se tira devant le juge. L’Anglois fut relevé par les gardes, et fut amené devant le duc : et disoit qu’il n’avoit pas esté abbatu de tout le corps à terre, et qu’il n’estoit cheu qu’à genoux et à coudes. Si

1 Gr. ( 78 et 104.

2 Gr. ( 54.

3 En faisant une grande enjamhée.

fut devant le mareschal la matiere mise en preuve : et fut prouvé par nobles hommes, qu’il estoit cheu de tout le corps à terre, et que les armes, par celle cheute, estoyent deuement accomplies. Si toucherent ensemble, et avant que l’on partist de la lice, en la presence du duc, des dames, et des seigneurs, fut crié un noble pas d’armes, dont ledict messire Jacques estoit l’entrepreneur, et le- . quel pas fut depuis gardé et soustenu par ledict messire Jacques, au lieu de Châlon sur la Sosne, un an entier.