ALAIN CHARTIER

Clerc, notaire et secrétaire des rois Charles VI et VIF, de vingt ans plus jeune que Christine de Pizan, Alaiu Chartier, comme elle, poëte, historien, auteur d’allégories, aima, comme elle, le style périodique, il le perfectionna et lui apprit des allures plus aisées ; chez lui l’art présage Fléchier. L'élégance et l’harmonie distinguent moins l'Histoire du Roy Charles VII que L'Espérance ou Consolation des Trois vertus, Le Curial et Le Quadrilogue invectif. La beauté de son style et de sa parole lui valut le surnom de Père de l’éloquence française.

Piteux regrets sur l’affliction du pouure peuple Françots.

Se les pensees des hommes estoient tournees en haultes voix, et les couuerts gemissemens en lamentations publicques, nos oreilles seroient estonnees, et nos cueurs espouentez d’ouyr la douloreuse affliction, et les piteuses plaintes des bons François. Car en villes, et en carrefours n’orroit on que cris et pleurs, et parfont souspirs, qui à present murtrissent, et tuent en recelée les cou-

rages où ilz sont tapis. Tous appercoiuent, et preuoient leur commune desertion et ruine, et chacun attent le chef enclin la colee, et la persecution, comme ceulx qui habitent en vne maison qui chiet, et se n’en peuent saillir pour la ruine escheuer, ne querir le remede de la soustenir pour y demourer. Dy moy homme despourueu de reffuge, et deffié de secours, en quoy pues tu avoir ta fiance ? Se tu veux pour la chose publique faire loyal deuoir, ton pouoir est petit, et ton trauail sera en vain, quant presque tous comme chose iuree, tirent de toutes pars à la descirer et destruire : et que chascun en arrache et emporte sa piece sans contredit, et faict son fardel pour s’en aller. Hée dieux! qui eust cuidé veoir Justice si esbranlee, qui est le principal pillier, et soustenement du commun bien ? Or est elle minee par le fondement, et ne tient plus que à petites estayes toutes pourries de corruption, pour faire de la publicque pouureté priuee richesse. Peut-estre que entre tés grandes confusions de pensees tu choisiras vie solitaire, et vouldras recueillir à coup tes esperits occupez és choses publiques, comme homme reduit à soy mesmes. Tu n’as rien pensé fors que vn songe, dont le fait se passe en le songeant. Guides tu ainsi eschapper à fortune ? Saiches qu’elle a tant plus de droit sur les hommes curiaulx, à leur faire sentir meschief et misere, comme il onf plus exploictié aux pourchaz des fortunees prosperitez. Et tu as veu que le plus bas, et penible degré de peruerse fortune est, auoir esté eureux. Où yras tu doncques, ne quel seur et agreable retrait as tu aduisé? Es citez publiques ne pues tu demourer, sans auoir quelque regrait au rabais de ton estat, et amere poincture de souffrir entre les riches citoiens dangereuse indigence. Et qui plus est, n’y pourras viure sans doubte; ainçois à chascun bruit cuideras estre surpris ou par armes d’enpemis, ou par inconstance de priuez courage, dont les despourueuz euenemens sont auiourd’huy moult doubteux. Des champs ne puet on en ces iours sans effroy de cuer oyr parler, puis que le fer, et la force y regnent par auctorité de violence, et que homme n’y a la maistrise sur sa cheuance, ne seurté de sa vie. Les pays champestres sont tournez à l’estat de la mer, où chascun a tant de seigneurie comme il a de force. Et moins y ont de pouvoir les naturels Seigneurs, que les estrangers rauisseurs, dont la terre est semee comme de langoustes, qui par leurs tourbes gas-

tent les regions : et les laissent en desert, et en frische. Dont ie conclus par necessaire consequence, que les champs inhabitez feront les citez fameilleuses. Car l’aguillion de faim, et contraincte pecessité de querir à viure, faict saillir le loup du bois : pource que necessité surmonte nature, et la pourforce de yssir de ses reigles, et de ses loix. Et se tu notes bien cest antecedent, il porte sequelle, et inconueniens infinis, et irreparables, que desia tu : pues par pensee preueoir en ses premisses. Fouir ce brouillas de temps, et ceste police epidimee, et habiter en estrange nation, te pourroit sembler vn conseil receuable ; à l’exemple de Anthenor, et de Enee, qui eschapperent la flame de Troye, et les glaiues des Grecz. Recorde toy de Virigile, qui en sa tres delicieuse poesie racompte des destourbiers, et desesperez meschiefs, où ledit Enee fut par sept ans deietté en sa fuite ennuyeuse, et la lecture de la diuine eloquence dudict Virgille te vaudra experiment. East! d’autre part a tant d’angoisses qui te estoupent le pas, que ce chemin est triste à entreprendre, et grief à maintenir. Or viuras tu en estrange nation comme né de nouuel à recommencer en apprentissage de mœurs, et de vie, regrettant la doulceur nayve du naturel pays, qui tousiours demeure emprainte ou ‘ courage* : et plaindras a tousiours la ruine de ta nation, quant les estrangers feront de toy spectacle de mocquerie, suspect et mesprisé comme homme deschassé, vil, relenqui, et honteux demourant de la destruction de ta terre ; portant le blasme dont tu ne peux mais. Ainsi seras en servitute comme esclaue, et ta renommee en dangier d’estranges gens. Que vaut taire aux perilsans leur meschance ? Quelque part que tu ailles l’infortune du pays te poursuiura, et rabaissera ton loz, et empeschera ta seurté.

Indiscipline et manque d'honneur de la présente chevalerie.

Oncques ne fu veue à l’ueil, ne leuë par escript maindre discipline, ne plus fraile justice d’armes, que celle que nous disons tenir sur nostre cheualerie. Qui sera celuy qui me puist mettre *

1 Gr. S 9.

2 Lex.

5 Dominer, peser.

4 Lex.

auant vng hault honneur rendu pour vertueux seruice, ne vne seule correction pour delicts infiniz commis en chief contre toute ordonnance d’armes, et au reuers des loix et coustumes des preux et des vaillans! Et se aucun en acquiert pour sçauoir ce que nulz ne puet ignorer : quantz en auons nous veu desobeir aux mandemens, enfraindre les deffences, venir quant il leur plaist, et s’en aller à qui qu’en deplaise? habandonner les gardes pour garder chose habandonnee sans cause, liurer les forteresses pour soy deliurer de force, au besoing faillir et soy rendre sans besoing, faire departir les compaignies et tenir compaignie à part! Et se aucun sçauoit de toutes ces choses moy monstrer vne pugnition, dont l’exemple peust estre doctrine d’aucun amendement, aucunement seroit ramollie la rigueur de mes parolles. Mais à Dieu me rapporte de ce qu’il en est, et à chascun de ce qu’il en congnoist. Pis me fait‘, que les nobles hommes y prennent si peu garde et aduis, que à peine se laissent ia les plusieurs * bouter en l'ordonnance des autres, sans difference de meurs ne de voulentez. Et ne craignent aucuns encourre male renommee, contre qui noble cueur doit auoir plus mortelle guerre, que contre autres ennemis. Et doiuent entre les autres telle marque porter, que leurs euures les facent congnoistre des autres, et que nul de eulx en son semblable ne laisse tache de reprouche, sans y donner le remede. Comme firent les Scipions à Romme quant ilz osterent à lvog des hoirs de Scipion l’African l’anel qu’il portoit, où estoit empraint l’image du vaillant Scipion: pource qu’il ne faisoit pas les euures de celuy, dont il portoit si noble enseigne. De Marcus Scaurus est il aussi escript vne responce de vertueux pere, et vergongneuse aux gens de failli couraige. Car comme il luy fu noncié, que son filz s’en retournoit vilainement d’vne bataille, et vepoit deuers luy: il respondit, que plus ioyeusement il allast 5 à l'encontre de ses os, se il luy fut rapporté mort par vaillance, que il ne le recepuroit en sa maison apres vne faulte si deshonnorable. Ce fut dict de pere constant, et entierement ferme de garder Phonneur de sa maison et de sa noblesse: et fut sentence de homme de grant crainte. Mais par la bouche de femme et de fraisle

{ Gr. 68.

2 Gr. ( 49.

3 Gr. ( 88.

sexe fut en semblable cas surmontée ceste parolle : quant vne Dame de treshaulte renommee vint à l’encontre de ses enfans, qui d’vne bataille s’enfuyoient. Et pour confondre leur vituperable honte et lascheté, laissa la commune vergongne femenine. Car elle se descouurit par deuant en leur disant, Puisque fuyr vouloient, que ilz rentrassent au ventre qui les avoit portez, et que autre lieu n’auoit pour eulx sauver. Comme s’elle voulsist dire, que mieulx leur vaulsist n’auoir oncques esté nez, que estre yssuz de son ventre au reprouche de eulx et de leur lignee.

Si doibt estre discipline de cheualerie et crainte d’onneur gardee és maisons des nobles, comme en l’ost du Prince. Car la reuerence et saluable doctrine des vaillans peres et anciens d'vng lignage puet plus aux ieunes prouffitter à vertu, que la paour de la iustice de leur chief. En somme se la sapience du saige Salomon, la proesse du preux et vaillant Hector, la constance des Macabees, la force de Sanson, les cautelles de Vlixes, la multitude des legions de Daire, et de Xerces, et l’auoir de Octouien, estoit en vng ost desordonné, sans iustice, et sans discipline de cheualerie; la sapience seroit au paraler irritee, la proesse ramollie, la constance froissee, la force debilitee, les cautelles aneanties, la multitude dissipee, et l’auoir degasté. Et se bien y auenoit, plus deuroit estre imputé à fortune que à raison. Ces choses et noz autres deffaultes ne sont pas à racompter pour entrer en contention de vngs aux autres ; ains seroient du tout à traire, à quin'en vouldroit plus vser pour correction que pour reprouche. Si ne les recite pas pour donner charge, mais pour y prendre aduis. Et à tant souffise à chacun ce peu que Îen scay dire. Car quoy qu’il soit de petit effect il procede de grant abondance de bon vouloir.

Dangers de lu vie des cours.

Ta desires, comme tu dis, estre en la Cour auecques moy: et ie desire encores plus estre priueement et singulierement auecques toy. Et se pour moy tu laissoyes voulentiers ta franchise et priuee vie, ie deueroye plus voulentiers pour l’amour de toy laissier ceste

seruitude mortelle: pource qu’amour s’acquitte mieux ensemble auec tranquillité, que en orgueilleuse misere. Souffise à toy et à moy, que l’vn de nous deux soit infortuné, et que de ma meschance tu ayes compassion, et ton repos me soit soulas, à fin que nostre amitié voye et congnoisse plus certainement l’vne et l’autre fortune. Mais que demandes-tu? tu quiers chemin à toy perdre, à l’exemple de moy, et veulx saillir du haure‘ de seureté pour toy noyer dedans la mer. Te repens-tu d’auoir liberté ? es tu ennuyé de viure en paix? Telle maleurté seuffre nature humaine, qu’elle appete ce qu’elle n’a pas, et se fuyt du bien qu’elle a sans aultruy dangier. Ainsi mesprises tu la paix de ton courage, et le seur estat de ta pensee : et par l’erreur du mesprisement que tu en as acquis, les choses qui de leur mesme* condition sont plus à mespriser, que par vices d’autruy à priser, tu loues et exauces. Je me merueille moult comme toy qui es prudent et sage, deuiens si forcené de toy oser exposer à tant de perils. Et se tu veux vser de mon conseil, ne prens de riens exemple à moy à poursuiuir les Cours et publicques murmures de hauts Palais : ainçois te soit mon peril exemple de les fouyr et escheuer. Car ie n’oserois affermer que entre le bruit de ceulx qui y tournoyent, y ait chose seure ne salutaire. Tu cuideras espouoir * trouuer exercice de vertu en misere ainsi publique : et aussi certes les y trouveras-tu, se tu fais veu de batailler constamment contre tous vices. Mais donne toy garde que tu ne soyes des premiers vaincus. Car ie te dis que les Cours des haux Princes ne sont iamais desgarnies de gens desloyaux par beau langage deceuans, ou par menaces espouuentans, ou par enuie contendans, ou par force de dons corrompans, ou par flaterie blandissans, ou par deliz aleichans, ou en quelque autre maniere le bon vouloir des preud’hommes empeschans. Car nostre poure humanité est de legier enclinee à ensuir les meurs des autres, et à faire ainsi comme ils font. Et à peine peut eschapper celuy, qui est assiegé et assailly de tant d’aduersaires. Or prenons que tu perseueres en ta vertu, et que tu eschappes la corruption de tels vices ; encores en ce cas n’as tu pas rien vaincu

{ Havre; port.

2 Gr. ( 53.

3 Exhausser, élever, exalter; de plus Gr. ( 23. 4 Espoir, peut-être.

sinon toy mesmes: mais c’est à plus grant ahan que tu ne l’eusses faict en ton secret et priué'. Et soves certain, ou que ta vertu te y fera mocquer, ou ta verité te y fera hayr, ou que ta discretion te y rendra plus suspect à mauvaises gens, qui mesdisent de ceux que ilz cognoissent estre sages et loyaulx.

Reste doncques que tu y auras labeur sans fruict, et vseras ta vie en peril: et si y acquerras plusieurs enuieux. Et se tu estriues à leur enuie, ou que tu en preignes vengeance, je te dis que ton vengement t’'engendrera plus aigres aduersaires que parauant. Et par le contraire, ceulx qui scauent dissimuler, sont prisez, et temporisent és Cours plus que autres gens. Les abus de la Cour, et la maniere des gens curiaulx sont tels, que iamais homme n’y est souffert soy esleuer se il n’est corrompable. Car vertu, qui est en tant de manieres enuironnee, se elle ne se orgueillist, elle est mesprisee, se elle ne se flechist elle est par force rauallee, ou dehors chassee. Où est doncques celuy qui se pourra garder d’estre

‘corrompu, ou qui en eschappera sans mal auoir ? Tels sont les ou-

urages et les manieres de la Cour, que les simples y sont mesprisez, les vertueux enuiez, et les arrogans orgueilleux en perils mortels. Et se tu y es raualé au dessous des autres Palatins, tu seras enuieux de leur pouoir. Se tu y es en moyen estat, dont tu n’ayes souffisance, tu estriueras de plus auant monter. Et se tu peulx paruenir iusque aux haulx secrets, qui sont fort à redouter et à craindre; adonc y seras-tu plus meschant de tant que tu ouideras estre plus eureux. Et de tant seras-tu en plus grant peril de tresbuchier, comme tu seras monté en plus hault lieu. Car à ceulx que fortune la variable a plus hautement* esleuez, ne reste plus sinon cheoir de si hault si bas: pource qu’elle ne leur doit plus rieus sinon ruine. Se tu as pris d’elle ce qu’elle t'a peu et voulu donner, alors tu es debteur de toy mesmes, à fin qu’elle rende celuy meschant qu’elle auoit deuant esleué, et qu’elle se mocque du meschief de celuy qu’elle auoit en le montant aueuglé de gloire vaine. Car les grans vents, qui soufflent és haultes Cours, sont de telle condition, que ceux qui se y sont seulement couchez, demourent apres leur desappointement comme vn spectacle d’enuie, detraction, ou de hayne à tous gens® : et se trouuent subiects iusques 1 En ton particulier, dans ta vie domestique.

3 Lex.

3 Gr. ( 53 fin.

à estre vituperez et rauallez entre les populaires, et que ceulx qui parauant les poursuyuoient et flattoyent, r’apportent d’eux plus grans blasmes et derisions que les autres. Car multitude de gens mesprise tousiours ceulx que fortune a plus raualez, et si est enuieuse de ceulx qu’elle voit esleuez. Fortune fait voulentiers ses ieux és hauts degrez, et és souuerains encores plus. Et quant elle s’esbat és petits, ce n’est pas si acertes. Car du meschief des poures gens ne fait elle compte, ne que souz-rire. Mais elle rit à plaine gueulle, et bat ses paulmes, quant il meschiet à grans Seigneurs. Il ne luy chault gueres d’essayer la fortune és petits lieux, mais à faire les gras tresbuscher elle tend voulentiers ses lacs : et les poures et dejettez fait-elle souvent hault monter en certaineté incertaine, et.en regle de irregularité. Ceulx decoit elle voulentiers, qu’elle trouue aisez à deceuoir, et variables, comme elle est. Mais les constans et vertueux, qui d’elle ne font compte, et desquels se voit mesprisee, elle les laisse en paix. Car elle rit et flate pour neant à ceulx, qui ont haut et entier courage. Maintenant elle s’essaye à iouster contre les plus forts, et maintenant eslieue les plus foibles. Maintenant rit aux vns, et maintenant rechigne aux autres. Mais l’omme qui est vertueux et acouragé, mesprise son riz, et son amour, et ne doute riens ses menaces.

Et se tu me demandes que c’est que vie curialle, ie te respons, frere, que c’est vne pouure richesse, vne habondance miserable, vae haultesse qui chiet, vn estat non estable, ainsi comme vn pillier tremblant, et vne moureuse vie. Et ainsi peut estre appellee de ceulx qui sont amoureux de sainte liberté. Fuyez hommes vertueux, fuyez, et vous tenez loin d’icelle assemblee, se vous voulez bien et seurement viure. Car comme gens bien asseurez sur le riuage de la mer, nous nous voulons noyer de nostre gré mesmes; et nostre aueuglement mesprisons, qui ne peut ne veult veoir ne cognoistre nostre pouure meschief. Car comme les fols maripiers se font aucunesfois noyer par leur despourueu gouuernement, ainsi attrait la Cour à soy, et deçoit les simples gens, et se fait conuoiter. La Cour alleche friandement ceux qui y viennent en leur vsant de fauces promesses. La Court rit au commencement à ceux qui entrent, et puis leur rechine apres, et aucunes fois les mort‘ tres-asprement. La Cour retient les chetifs, qui ne se

t Mord.

sçauent eslongner, et tousiours aduoue auctorité et seigneurie sur ceux qu’elle a surmontez. La Cour souuent aussi par erreur oblie ceux qui mieux seruent, et y despendent follement le leur, pour enrichir ceux qui n’en sont pas dignes, et qui l’ont tres mal desserui. Et l’homme malostru‘, qui se y est alleché, y ayme mieux perir que s’en issir, et y veult auancer son cours de nature, sans iamais auoir franchise iusques à sa mort. Croy seurement, frere, et n’en doubte point, que tu exerces tres-bon et tres-notable office, se tu scez bien vser de ta maistrise que tu as en ton petit hostel. Et si es et seras puissant tant comme tu auras souffisance de toy mesmes. Car qui a petite famille, et la gouuerne sagement, en paix, il est Seigneur {et si est plus bieneureux de tant qu'il*se maintient franchement ; comme il ne soit chose tant precieuse dessouz le ciel, qui puisse estre de souffisante commutation contre franchise]. O fortunez hommes qui viuez en paix! O bien euree famille, où il y a honneste pouureté, qui se contente de raison, sans manger les fruicts d’autruy labeur! O bieneuree maisonnette, en laquelle regne vertu sans fraude ne barat, et qui est honnestement gouuernee en crainte de Dieu et honne moderation de vie! Illecques n’entrent nulz pechiez, illec est vie droicturiere, où il y a remors de chacun peché, et où il n’a noise, murmure, ne enuie. De telle vie se esiouyst nature, et en telles aises vit elle longuement, et petit à petit s’en va iusques à plaisante vieillesse et honneste fin. Car comme dit Senecque en ses tragedies : Vieillesse vient à tard aux gens de pelites maisons qui viuent en souffisance. Mais entre nous curiaux, qui sommes serfs à fortune, viuons desordonnéement, et si viellissons plus par force de cures que par nombre d’ans, et par faute de bien viure sommes frustrez de la soueueté de nostre vie que tant desirons, et nous ‘ bastons d’aller à la mort que tant redoubtons. Souffise toy doncques, frere, souffise toy de viure en paix à tout par 1oy, et apprens à t’en contenter par noz meschiefz. Ne te mesprise pas tant, que tu preignes la mort pour la vie. Ne delaisse pas à faire le bien, que tu serois contraint de reparer par apres à grans regrets, pour querir ce que te seroit horrible à trouuer.

Finablement ie te prie, conseille, et admoneste, se tu prises

t Lex.

2 D'autant qu'il

aucunement saincte vie et honneste, etse tu ne te veulx aller perdre, que tu ostes ta pensee, et dissipes toute ta voulenté de non venir à Cour, et soyes content de toy retraire sauuément dedans l’enclos de ta maison priuée. Et se tu n’as ou temps passé congneu que tu ayes esté bien euré, si apprens à le cognoistre desormais. Et à Dieu te command par cest escript, qui te doint sa grace.