RÉCIT

AUCASSl>i ET MCOLETTE

mont bleciez en m'espaule, et or ne sent ne mal ne dolor, puis que je vos ai. »

Ele le portasta, et trova qu'il avoit l'espaule hors del iieu. Ele la mania tant a ses blanches mains et porsacha, si con Dieus le vout, qui les amanz aime, qu'ele revint al lieu. Et puis si prist des flors et de l'erbe fresche et des fueilles vertes, si la loia sus al pan de sa chemise, et il fu toz gariz.

(( Aucassins, » fait ele, (( beaus douz amis, prenez conseil que vos ferez. Se voz pere fait demain cerchier cestc forest, et on me trueve, que que de vos aviegne, on m'ocira. — Certes, bele douce amie, j'en esteroie mout dolenz. Mais se je puis, il ne vos tendront ja. »

Il monta sour son cheval et prent s'amie devant lui, baisant et acolant, si se metent as pleins chans.