MYSTERE DU VIEL TESTAMENT

XVe SIK CLE

Adieux d'Eve mourant.

Je requier Dieu qu'il me pardoint Mes faultes, et grâces me doint, Que je puisse avoir saulvement.

Je sens bien la mort qui me poinct, Qui veult que mon corps soit desjoinct 5

De mon esperit, à lui conjoinct; Je sens bien mon definement.

ADAM

Quoy? Sentez vous quelque forment, Eve?

EVE

Las ! ouy, largement, Adam ; je scay certainement 10

Que je suis de ma mort prochaine.

J'ay vescu assez longuement; Je sens mon afoyblisseraent.

Vray Dieu, a ce département, Donne moy ta grâce haultaine! 15

ADAM

Las! qu'esse que nature humaine,

Povre, doulente, lasche, vaine?

Vivre si longtemps en grant peine

Et puis (inablement mourir.

Eve, ma femme et seur germaine, 20

Puis qu'il fault que mort t'en ameine,

Prie la bonté souveraine

Qu'elle te vueille secourir.

EVE

Las ! je la doy bien requérir

A ce pas que je doy périr. 25

Quant a l'arae qui tousjours dure,

Que mon Dieu la vucille garir

Du péché, que fis encourir

A l'homme, par une morsure.

Las ! ame, ou iras-tu courir 30

Pour place de repos quérir?

Plore, ame, plore, créature;

Quant du corps ', mis soit a pourrir

Et les vers de terre nourrir;

Ce n'est que sa droite nature. 35

ADAM

Bon couraige, femme; souvienne toy De Dieu, ton roy; Tu es sa créature, Voy le péché que fismes, toy et moy,

Contre sa loy 40

Et contre nostre loy;

Congnois et voy Ta faulte et ton injure.

Tu es seiire Que une foys la mort seùre, 45

Aspre et dure, Tous endurer convient, Et fault en gré prendre quant elle vient.

EVE

Je prens en gré, puis qu'il fault que je passe.

A vray parler, je suis de vivre lasse, 50

Car je n'eu onc en ce monde liesse.

Dieu de lassus 2, tourne ta digne face

Hors de rigueur; donne pardon et grâce

Par ton plaisir a ceste pécheresse.

1. Pour ce <[iii est du corps, qu'il 2. Lassas, de là— haut. soit, eto.

MYSTERE Dl vin TESTAMENT 73

llelas! je voy mes enfans, c|ue je laisse 55

Tous obligés ' a mon maternel vice.

Adam pescha; j'en fuz médiatrice,

Pour le tenter de menger de la pomme;

Du faulx serpent fuz compaigne et complice.

Dont guerre fut meue entre Dieu et homme. 60

SF.TH.

Prenez en Dieu bonne espérance, Mère, et il vous aidera.

EVE

Seth, mon fil/, qui es remembrance

Et me donne la souvenance

De Abel, sache Dieu qu'il fera 2. 65

Las! ou yra

Quant partira

Ma povre ame?

Qui me sçayra

S'elle sera 70

Point infâme?

Hellas! dame,

Se aucun blasme Avez, Dieu vous pardonnera.

Mes enfans, vivez sans diffame3 75

Et priez pour la povre femme,

Qui tantost ses jours finera.

Mes chiers enfans, a Dieu prier

Pour moy humblement entendez *j

Ne me vueillez pas oublier; 80

A Dieu sovez vous commandés5!