Adorer, se prosterner devant lui

de Yiane, montés sus une petite haghenée, car a grant malaise pooit il aler a piet, se mist devant et prist le chemin de le porte. Qui donc veist hommes, les femmes et enfans de chiaus ' plorer et tordre leurs mains et criier a haulte vois très amèrement , il n'est si durs coers ou monde qui n'en euist pité. Ensi vinrent il jusques a le porte, convoiiet en plains2, en cris et en plours. Messires Jehans de Yiane fist ouvrir le porte toute arrière, et se iist enclore dehors avoecques les six hourgois, entre le porte et les barrières; et vint a monsigneur Gautier3 qui là l'attendoit, et li dist : « Messire Gautier, je vous délivre 4, comme chapitains ' de Calais, par le consentement dou povre peuple de celi ville, ces six bourgois. Et vous jur que ce sont au jour d'ui et estoient li plus honnourable et notable de corps, de chevance 6 et d'ancisserie 7 de le ville de Calais; et portent avoech yaus toutes les clés de le ditte ville et dou chastiel. Si vous pri, gentilz sires, que vous voeilliés priier pour yaus au gentil roy d'Engleterre pour ces bonnes gens qu'il ne soient mies 8 mort 9. — Je ne sçai, respondi li sires de Mauni, que messires li rois en vorra faire, mais je vous ay en couvent ,0 que j'en ferai mon devoir. »

Adonc fu la barrière ouverte. Si s'en alerent li six bourgois, en cel estât que je vous di, avoech monsigneur Gautier de Mauni qui les amena tout bellement devers le palais dou roy, et messires Jehans de Yiane rentra en le ville de Calais.

Li rois estoit a celle heure en sa cambre, a grant com-