En révolte. ililférent

134 CHRESTOMATHIE Dl MOYEN AGE

eux sa force et sa vertu et justice; car nul autre n'en a le pouvoir en ce inonde que lnv.

Sur les Derniers moments de Louis XI.

Le dict Seigneur, vers la (in de ses jours, feit clorre tout a l'entour sa maison du Plessis lez Tours de gros barreaulx de fer, en forme de grosses grilles, et aux quatre coins de sa maison, quatre moyneaulx de fer, bons, grans et espois. Les dictes grilles esloient contre le mur, du costé de la place, de l'aultre part du fossé, car il estoit a fons de cuve, et y fist mettre plusieurs broches de fer, massonnées dedans le mur, qui avoient chascune trois ou quatre poinctes et les fist mettre fort près l'une de l'autre. Et d'avantaige ordonna ' dis arbalestriers dedans les dits fossez, pour tirer a ceulx qui en approcheroient avant que la porte fust ouverte; et entendoit qu'ilz couchassent aus ditz fossez et se retirassent aus ditz moyneaulx de fer. Et il entendoit bien que ceste fortiffication ne suffisoit point contre grant nombre de gens ne contre une armée; mais de cela il n'avoit point peur, mais craignoit que quelque seigneur, ou pluiseurs, ne feissent une emprise de prendre la place, demy par amour et demy par force, avec quelque peu d'intelligence, et que ceulx la prinssent l'auctorité et le feissent vivre comme homme sans sens et indigne de gouverner.

La porte du Plessis ne s'ouvroit qu'il ne fust huyt heures du matin, et ne baissoit le pont jusques a la dite heure, et lors y entroient les officiers; et les cappitaines des gardes mettoient les portiers ordinaires, et puis ordonnoient leur guet d'archiers tant a la porte que parmy la court, comme en une place de frontière estroictement gardée. Et nul n'y entroit que par le guichet et