VIII. THIBAUT, ROI DE NAVARRE

Une chançon encor voil Faire, pour moi conforter.

Pour celi dont je me doil Voeil mon chant renoveler;

Por ce ai talant de chanter :

Car quant je ne chant, mi oil Tornent sovent en plorer.

Simple et france sans orgoil Quidai ma dame trover :

Molt me fut de bel accoil, Mès ce fut pour moi grever ; Si sont à li mi penser,

Ke la nuit, quant je somoil.

Va mes cuer merci crier.