IX. JOINVILLE (XlIIe SIÈCLE

Maintes foiz avint que en esté, il aloit seoir au boiz de Vinciennes après sa messe, et se acostoioit à un chesne et nous fesoit seoir entour li ; et tous ceulz qui avoient à faire venaient parler à li ; sans destourbier de huissier ne d’autre. Et lors il leur demandait de sa bouche : A yl ci nullui qui ait partie? Et cil se levaient qui partie avoient ; et lors il disait : Taisiez vous tous, et en {on) vous deliverra l’un après l’autre. Et lors il appelait monseigneur Pierre de Fontainnes et monseigneur Geffroy de Villette, et disoit à l’un d’eulz : Délivrez moi ceste partie. Et quant il véoit aucune chose à amender en la parole de ceulz qui parloient pour autrui, il meisme l’amendoit de sa bouche. Je le vi aucune fois en esté, que pour délivrer sa gent, il venait ou jardin de Paris, une cote de chamelot vestue, un seurcot de tyreteinne sanz manches, un mentel de cendal noir entour son col, moult bien pigné et sanz coife, et un chapel de paon blanc sur sa teste, et fesoit estendre tapis pour nous seoir entour li. Et tout le peuple qui avoit à faire par devant li, estait entour li en estant [debout), et lors il les fesoit délivrer, en la manière que je vous ai dit devant du bois de Vinciennes.