XX. AMYOT (XYIe SIÈCLE
a II estoit ia sur le soir quand il (Coriolan)' \ arriva (à Anfium), et y eut plusieurs gens qui le rencontrèrent par les rues, mais personne ne le recogneut. Ainsi s’en alla il droit à la maison de Tullus, là où de primsault il entra iusques au fouyer, et illec s’assiet sans dire mol à personne, aiantle uisage couuertet la teste affublée: de quoy ceulx de la maison furent bien esbahis, et neantmoins ne l’ozerent faire leuer : car encore qu’il se cachast, se recognoissoit on ne sçais quoy de dignité en sa contenance et en son silence, et s’en allèrent dire à Tullus, qui souppoit, ceste estrange façon de faire. Tullus se leua incontinent de table, et s’en allant deuers luy, luy demanda qui il estoit, et quelle chose il demandoit. Alors Martius se debouscha, et apres auoir demeuré un peu de temps sans respondre, luy dit : «Si tu ne me cognois point encore, Tullus, et ne crois point à me venir, que ie sois celuy que ie suis, il est force que ie me decelle, et me descouure moy mesme. Je suis Caius Martius, qui ay fait et à toy en particulier, et à tous les Volsques en general, beaucoup de maulx, lesquelz ie ne puis nier pour le surnom de Coriolanus que i’en porte : car ie n’ay recueilly autre fruict, ny autre recompense de tant de trauaux que i’ay endurez, ny de tant de dangers ausquelz ie me suis exposé, que ce surnom, lequel tesmoigne la malueillance que nous deuez auoir encontre moy : il ne m’est demeuré que cela seulement; tout le reste m’a esté osté par Tenuie et l’oultrage du peuple romain, et par la lasclieté de la noblesse et des magistrats, qui m’ont abandonné, et m’ont' souffert de chasser en exil, de maniéré que i’ay esté contraint de recourir comme humble suppliant à ton fouyer, non ia pour sauver et asseurer ma uie, mais pour le désir que i’ay de me venger de ceulx qui m’ont ainsi chassé, ce que ie commence deia à faire, en mettant ma personne entre tes mains. Parquoy si tu as cueur de te ressentir iamais des dommages que t’ont fait tes ennemis, sers toi maintenant, ie te prie, de mes calamitez, et fais en sorte que mon adversité soit la commune prospérité de tous les Volsques, en t’as-
seurant que ie feray la guerre encore mieulx pour uous, que ie ne l’ay iusques ici faille contre uous, d’aultant que mieulx la peuuent faire ceulx qui cognoissent les affaires des ennemis que ceulx qui n’y cognoissent rien. Mais si d’auenture tu te rends et es las de plus tenter la fortune, aussi suis-je quant à moy las de plus uiure, et ne seroit point sagement fait à toy, de sauner la uie à un qui iadis t’estoit mortel ennemy, et qui maintenant ne te sçaurait plus de rien profiter ne servir. » Tullus ayant ouy ces propos, en fut merveilleusement aise, et luy touchant en la main, luy dit : « Lieue toy, Martius, et aies bon courage : car tu nous apportes un grand bien en te donnant à nous : au moien de quoy tu dois esperer de plus grandes choses de la communauté des Volsques. » Si le festoya pour lors, et luy feit bonne chere ; sans autrement parler d’affaires : mais aux jours ensuyvans puis apres, ilz commencèrent à consulter entre eulx des moiens de faire la guerre.
{Vie de Coriolan.)
